კომისიის თავმჯდომარედ „ქართული ოცნების“ წარმომადგენელი საკრებულოში, ლევან კინწურაშვილი აირჩიეს. მასთან ერთად კომისიაში საკრებულოს კიდევ ორი დეპუტატი, ირაკლი მიქელაძე და ნოდარ დუმბაძე იმუშავებენ. მიწის აღიარების კომისიაში მერიას სამი წარმომადგენელი მამუკა რამიშვილი, რეზო ხახვა და გიორგი რუხაძე ეყოლებათ.
კომისიის წევრები აცხადებენ, რომ შემოსული განცხადებებეიდან ამ ეტაპზე, მხოლოდ 83 განცხადების განხილვას აპირებენ. „განცხადების შესწავლა მოხდება ინდივიდუალურად, ადგილზე გასვლით. ჩვენ ინტენსიურად ვიმუშავებთ და ურაუგვიანეს სამ თვეში, განვიხილავთ ამ საკითხებს”-განაცხადა კომისიის თავმჯდომარემ, ლევან კინწურაშვილმა.
მიწის აღიარების კომისიაში წელს პირველად შეიყვანეს ოპოზიციის წარმომადგენელი. კომისიის მდივნის ადგილი „ნაციონალური მოძრაობის“ წევრმა, ნოდარ დუმბაძემ დაიკავა.
„ჩემთვის მოულოდნელი იყო, მაგრამ ვაპირებ პირნათლად შევასრულო დაკისრებული მოვალეობა,”- განაცხადა ნოდარ დუმბაძემ.
