საავტომობილო გზებისა და სამელიორაციო სისტემების მართვის დეპარტამენტის უფროსის კახა შაშიკაძის თქმით, ბოლო დროინდელი სტიქიის შედეგად ყველაზე მეტად დაზარალდა ქობულეთის მუნიციპალიტეტი, სადაც პრობლემები შეექმნა საცხოვრებელ სახლებს და ადგილობრივი მნიშვნელობის გზებს.
კახა შაშიკაძემ მუნიციპალიტეტებში არსებულ მდგომარებაზე ისაუბრა: „ქედაში ადიდებულმა მდინარე ზანამ დატბორა მოსახლეობის, სასოფლო სამეურნეო სავარგულები, დაზიანდა ორი ოჯახის საცხოვრებელი სახლების სახურავი. შუახევის მუნიციპალიტეტში ორი მიმართულებით შეიქმნა პრობლემა. ამ ეტაპისთვის ხდება სტიქიის შედეგად მიყენებული ზარალის იდენტიფიკაცია, რის შემდეგ კომისია გავა ყველა პრობლემურ ობიექტზე და შეაფასებს ზარალს“.
აჭარის საგზაო დეპარტამენტის გიორგი რომანაძის თქმით ხელვაჩაურში, ყველა მიმართულებით მოძრაობა აღდგენილია, ორი დღის განმავლობაში კი ქობულეთშიც გაიხსნება გზა ყველა მიმართულებით.
გიორგი რომანაძე: „ყველაზე მეტად დაზარალდა ქობულეთის რაიონი, მიმდინარეობს გაწმენდითი სამუშაოები, დახლოებით 15-20 მიმართულებით გზა გახსნილია. ჩვენი ტექნიკა საკმარისი არ არის და დახმარება აღგვითქვა როგორც ქობულეთის გამგეობამ, ასევე კერძო კომპანიებმა. როცა ტექნიკა ბრუნდებოდა უკან, მეწყერი ხელმეორედ ჩამოვიდა. ამიტომ თუ მეწყერი არ დაემატა, სავარაუდოდ დღეს გაიწმინდება გზა აჭყვის თავის მიმართულებით“.
რაც შეეხება ბათუმს, კახა შაშიკაძე განამრტავს, რომ შესაბამისი სამსახურები სტიქიას მომზადებული შეხვდნენ და არსებითი ზიანი ამ დღეებში სტიქიას ქალაქისთვის არ მიუყენებია.
