Batumelebi | ბათუმში უკრაინამ საკონსულო დახურა ბათუმში უკრაინამ საკონსულო დახურა – Batumelebi
RU | GE  

ბათუმში უკრაინამ საკონსულო დახურა

 

 უკრაინამ ბათუმში საკონსულო დახურა. როგორც უკრაინის საპატიო კონსულმა ალექსანდრე აკიმოვმა აღნიშნა, საკონსულოს დახურვა ფინანსურ პრობლემებს უკავშირდება. კონსული დღეს, აჭარის მთავრობის თავმჯდომარეს, არჩილ ხაბაძეს შეხვდა და მუშაობის შედეგები შეაჯამა. 

 

 

 

 

ალექსანდრე აკიმოვმა საკონსულოს დახურვის მიზეზად უკრაინაში შექმნილი სოციალურ-ეკონომიკური მდგომარეობა დაასახელა. 
კონსულმა აღნიშნა, რომ უკრაინის ოფიციალური წარმომადგენლობა ბათუმში სავარაუდოდ, რამდენიმე წელიწადში გაიხსნება. 

 

 

 

„მინდა მადლობა გადავუხადო კონსულს მუშაობისთვის. ძალიან რთული იქნება ალბათ მის გარეშე უკრაინასთან ურთიერთობა. მისი დახმარებით უკრაინის რეგიონებთან სხვადასხვა მიმართულებით ვმუშაობდით. გადაწყვეტილება მიიღო უკრაინის მთავრობამ, კიდევ 20-მდე საკონსულო გაუქმდა და ჩვენი ინფორმაციით ეს უკავშირდება ფინანსურ საკითხებს. შევაჯამეთ ჩვენი მუშაობა და სამომავლოდ როცა გამოსწორდება სიტუაცია უკრაინაში, იმედი გვაქვს განახლდება ურთიერთობა”, – განაცხადა  არჩილ ხაბაძემ.

 

 

არჩილ ხაბაძის განცხადებით, საკონსულოს გაუქმება სირთულეებს შექმნის როგორც ტურისტულ, ასევე ბიზნეს ურთიერთობებში ბათუმსა და უკრაინის ცალკეულ რეგიონებს შორის, რის გამოც სამომავლოდ აუცილებელი გახდება საკონსულოს გახსნა.

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"