ბათუმელები
ბათუმის რუსთაველის სახელმწიფო უნივერსიტეტში პრორექტორის თანამდებობა აპრილიდან ვაკანტურია. პრორექტორს უნივერსიტეტის რექტორი ნიშნავს, თუმცა „ბათუმელების“ ინფორმაციით, სავარაუდო კანდიდატების სია აჭარის მთავრობის თავმჯდომარეს, არჩილ ხაბაძეს არაოფიციალურად მაინც გააცნეს
შვიდი ბათუმელი ახალგაზრდა სან დიეგოს უნივერსიტეტში სასწავლებლად ემზადება. დათო ბაკურიძე, გივი კალანდია, ვახო დონაძე, სანდრო ჯიჯავაძე, ზურა ბაკურიძე, დიმიტრი ბედინაძე, მარიამ ბასილაია – ეს ის მომავალი სტუდენტები არიან, რომლებმაც სან დიეგოს უნივერსიტეტის 75-100-პროცენტიანი გრანტი მოიპოვეს. ამერიკული უნივერსიტეტი საქართველოში წელს გაიხსნა.
აჭარის განათლების, კულტურისა და სპორტის სამინისტრო აჭარის მუნიციპალიტეტების 5 სკოლას სასკოლო ლაბორატორიის აღჭურვილობას გადასცემს. ქიმიის, ფიზიკისა და ბიოლოგია-ანატომიისა და საერთო დანიშნულების ლაბორატორიების აღჭურვილობის შეძენაზე სამინისტრომ გამარტივებული ელექტრონული ტენდერი გამოაცხადა.
15 ივლისს, 16:00 საათზე, ბათუმის ხელოვნების უნივერსიტეტში არქიტექტურის სპეციალობის პირველი გამოშვების სტუდენტები სადიპლომო ნაშრომებს დაიცავენ.
თბილისში მომხდარი ტრაგედიის შემდეგ დაზარალებული მოსახლეობის დასახმარებლად ასობით მოხალისეს გამოჩენამ სოლიდარობის მნიშვნელობა აქტუალური გახადა. სოციალურ ქსელებში ერთმანეთის მიყოლებით ჩნდებოდა ინფორმაცია, თუ როგორ რიცხავდნენ სკოლის მოსწავლეები ექსკურსიებისთვის, გამოსაშვები საღამოებისთვის გადადებულ თანხას დაზარალებული მოსახლეობის დასახმარებლად. როდის ხდება სოლიდარობა შესამჩნევი და რატომ იყო საზოგადოების ნაწილისთვის მოულოდნელი ახალი თაობის რეაქცია? ამ თემაზე „ბათუმელები“ ბათუმის საჯარო სკოლების კურსდამთავრებულებს ესაუბრა.
ბათუმის საგამოცდო ცენტრში რეგისტრირებული 935 აბიტურიენტიდან დღეს გამოცდაზე 28 აბიტურიენტი გამოცდას არ ესწრება.
გასულ კვირას ბათუმის რუსთაველის უნივერსიტეტის კანცლერად ჯემალ ანანიძე აირჩიეს. ახალი კანცლერი ინტერვიუში თავის გეგმებზე ჰყვება.
დღეს, 23 ივნისს, ბათუმის შოთა რუსთაველის სახელმწიფო უნივერსიტეტის კანცლერად ჯემალ ანანიძე წარმომადგენლობითი საბჭოს ხმათა უმრავლესობით დაამტკიცეს.
დღეს ბათუმის რუსთაველის სახელმწიფო უნივერსიტეტში იმართება წიგნის წარდგინება „ლაზურ-მეგრული გრამატიკა I. მორფოლოგია“. ქართველოლოგიის განვითარების ისტორიაში პირველად დაიწერა ლაზურისა და მეგრულის ახალი ტიპის – შეპირისპირებითი გრამატიკა, რომელიც თანამედროვე მოთხოვნების შესაბამისია. მონოგრაფიაში ერთდროულად არის განხილული როგორც ლაზურის, ისე მეგრულის მონაცემები.
ბათუმის რუსთაველის სახელმწიფო უნივერსიტეტის იურიდიული ფაკულტეტის მე-3 და მე-4 კურსის სტუდენტები უფასო იურიდიულ კონსულტაციებს უწევენ მოქალაქეებს, უმზადებენ სარჩელებს სამოქალაქო და ადმინისტრაციული საქმეებზე, საჭიროებს შემთხევაში, კი პირველი ინსტანციის სასამართლო პროცესებზეც მიყვებიან.
დღეს, 22 ივნისს, ბათუმის შოთა რუსთაველის სახელმწიფო უნივერსიტეტში ინგლისურ ენაში საზაფხულო სკოლა გაიხსნა. ღონისძიება აშშ-ს ელჩმა საქართველოში რიჩარდ ნორლანდმა გახსნა.
სასკოლო ოლიმპიადა „შერლოკის~ გამარჯვებულები მეოთხე და მეხუთე კლასებს შორის მათემატიკაში ბათუმელი ძმები, ათი წლის გიორგი და ცხრა წლის თორნიკე ვარშალომიძეები გახდნენ. ორივე მათგანი ბათუმის მეორე საჯარო სკოლის მოსწავლეა. ეს მათი პირველი გამარჯვება არ არის, გიორგი ვარშალომიძემ სასკოლო ოლიმპიადა „ევერესტშიც“ პირველი ადგილი დაიკავა.
მე-12 კლასელების გამოსაშვები გამოცდები ბათუმში სულ 41 მოსწავლისთვის დასრულდა დრამატულად – ზოგიერთმა გამოცდა ვერც ერთ საგანში ვერ ჩააბარა, ზოგიერთმაც მხოლოდ ერთში ან ორში. თუმცა ამ ახალგაზრდებისთვის განათლების შესაძლებლობა აქ არ სრულდება – მათ შეუძლიათ მომავალ წელსაც ჩააბარონ გამოსაშვები გამოცდები. მეტიც, შეუძლიათ გაისად ისწავლონ მე-12 კლასშიც, მაგრამ მათ ოჯახებს ამ შემთხვევაში ცუდი „სიურპრიზი“ ელით – შვილების სასკოლო განათლება თავადვე უნდა დააფინანსონ, განთალების სამინისტრო მათზე ვაუჩერს აღარ გასცემს.
ბათუმის მასწავლებელთა სახლში კონკურსის წესით შერჩეული 58 ტრენერი ხუთი თვეა ტრენინგებს აღარ ატარებს. იმის გამო, რომ თბილისის მასწავლებელთა სახლმა 2015 წლიდან ტრენინგები შეაჩერა, მასწავლებლების გრძელვადიან გადამზადებაზე უარის თქმა ბათუმის მასწავლებელთა სახლსაც მოუწია. დიდი მოდულების ალტერნატივად აჭარის განათლების ფონდი პედაგოგებს სამუშაო შეხვედრებს სთავაზობს.
23 მაისს ბათუმში საზაფხულო სკოლა გაიხსნა პიარის ტექნოლოგიებში. პირველ დღეს კომუნიკაციის დარგის სპეციალისტი კახა მაღრაძე ჩაატარებს მასტერკლასს პიარის არსსა და რეპუტაციულ მენეჯმენტში. მასტერკლასები ბათუმის რუსთაველის სახელმწიფო უნივერსიტეტში ჩატარდება.
არაფორმალური განათლება – ასე ჰქვია სხვადასხვა საგანმანათლებლო აქტივობებს, რომლებსაც ბათუმის რუსთაველის სახელობის უნივერსიტეტის რამდენიმე პროფესორ-მასწავლებელი სტუდენტებისთვის, სკოლის მოსწავლეებისა და სხვა დაინტერესებული პირებისთვის ახორციელებს. რატომ არის საჭირო არაფორმალური განათლება? „ბათუმელები“ არაფორმალური განათლების ცენტრის ერთ-ერთ ინიციატორსა და კოორდინატორს, ფილოსოფოს ლალი ანთიძეს ესაუბრა.
ინტერნეტში ზღვა მასალაა, რომელთა გამოყენებითაც შეიძლება სასკოლო თუ საუნივერსიტეტო განათლება მრავალფეროვანი გახდეს. დაინტერესებულ ადამიანს შეუძლია სახლიდან გაუსვლელად გაიაროს სხვადასხვა თემატიკის კურსი და მსოფლიოს წამყვანი უნივერსიტეტებიდან განათლების დამადასტურებელი სერტიფიკატიც მიიღოს. ამ ყველაფრის გასაკეთებლად საჭიროა უცხო ენის, უმეტეს შემთხვევაში ინგლისურის ცოდნა. იმ ადამიანებისთვის, ვინც უცხო ენას სრულყოფილად არ ფლობს, საგანმანათლებლო რესურსთა მცირე ნაწილი ქართულადაც არის ხელმისაწვდომი. ვინ და როგორ თარგმნის საგანმანათლებლო რესურსებს საქართველოში – „ბათუმელები“ ამ თემით დაინტერესდა.
საქართველოში დღეს 2331 საჯარო და კერძო ზოგადსაგანმანათლებლო დაწესებულებაა, აქედან აჭარაში 256, მათ შორის ქალაქ ბათუმში – 46, ქედის მუნიციპალიტეტში 29, ქობულეთის – 50, შუახევის – 44, ხელვაჩაურის – 37 და ხულოს მუნიციპალიტეტში – 50 სკოლა.
ერთიანი ეროვნული გამოცდების ცენტრის ხელმძღვანელის მოადგილე, ივა მინდაძე თანხმლებ პირებთან ერთად, დღეს, 3 საათზე, ბათუმში, მასწავლებელთა სახლში გამართავს პრეზენტაციას თემაზე – როგორ მოხდება სქემაში ჩართული პედაგოგების გაკვეთილებზე დაკვირვება, ვიდეო-გადაღება და შეფასება. დაგეგმილი ვორქშოფების ერთ-ერთი აქტივობაა სამოდელო გაკვეთილები, სადაც ტრენერები თავიანთ გამოცდილებას უზიარებენ აჭარის პედაგოგებს, თუ როგორ დაგეგმონ და საინტერესოდ ჩაატარონ ინტერაქტიული გაკვეთილი თანამედროვე ტექნოლოგიების გამოყენებით. მასწავლებელთა სახლს აჭარაში 44 მოქმედი ტრენერი ჰყავს, ძირითადად, პედაგოგები. „ბათუმელებმა“ ივა მინდაძესთან გაარკვია, ვისთვის არის განკუთვნილი დღევანდელი პრეზენტაცია.
არასამთავრობო ორგანიზაცია „საერთაშორისო გამჭვირვალობა- საქართველო“-მ აჭარის განათლებისა და კულტურის სამინისტროს და ბათუმის რესურსცენტრს, მიმდინარე წლის 25 აპრილს, მე-14 საჯარო სკოლაში სპეციალური მასწავლებლის თანამდებობაზე გამოცხადებული კონკურსის შედეგებთან დაკავშირებით მიმართა. ორგანიზაციის შეფასებით, კონკურსის ჩატარების დროს კონკურსის ჩატარების წესები და პირობები დაიღვა.
საქართველოს მთავრობამ 2015-2016 სასწავლო წლისათვის სახელმწიფო სასწავლო გრანტის წლიური მოცულობები და ოდენობები განსაზღვრა. მათ შორის პროგრამული დაფინანსების მოცულობაც. ერთიანი ეროვნული გამოცდების საფუძველზე გასაცემი სახელმწიფო სასწავლო გრანტის მოცულობა მომავალ სასწავლო წელს 12 მილიონ 600 ათასი ლარი იქნება.
საქართველოს საჯარო სკოლების მასწავლებლებს შანსი აქვთ საზღვარგარეთ სტაჟირების პროგრამის მონაწილეები გახდნენ. პროგრამები, ჯერჯერობით, მხოლოდ ფრანგული, გერმანული, ინგლისური ენებისა და ფიზიკის მასწავლებლებისთვის არის ხელმისაწვდომი. ახლახან დასრულდა კონკურსი ფრანგული ენის პედაგოგებისთვის, რომელიც საფრანგეთში აკრედიტებულ სასწავლო ცენტრში მოკლევადიან პედაგოგიურ სტაჟირებას ითვალისწინებდა. მომავალში მსგავსი კონკურსები სხვა საგნების პედაგოგებისთვისაც არის დაგეგმილი. „ბათუმელები“ დაინტერესდა, რა კრიტერიუმებს უნდა აკმაყოფილებდნენ მასწავლებლები იმისათვის, რომ ამა თუ იმ სტაჟირების პროგრამაში მოხვდნენ.
მოსწავლეთა შეფასების საერთაშორისო პროგრამა PISA-ს კვლევის ფარგლებში, საქართველოში 6 158 მოსწავლის ცოდნის დონეს შეაფასებენ. კვლევაში მონაწილე მოსწავლეების ასაკი 15 წელია. კვლევის მიზანია დადგინდეს, რამდენად კარგად ამზადებს სახელმწიფო ამ ასაკის მოსწავლეებს დამოუკიდებელი ცხოვრებისთვის.
ხულოში, სოფელ თხილვანას საჯარო სკოლაში სწავლისთვის შეუფერებელი გარემოა. ბავშვებს სწავლა ფანჯრებჩამსხვრეულ, კედლებდაბზარულ და იატაკმორყეულ შენობაში უწევთ. სკოლა, სადაც 75 მოსწავლე სწავლობს, წლებია არ გარემონტებულა. მისი რეაბილიტაცია არც 2015 წელს იგეგმება. შესაბამისად, მოსწავლეებს სწავლა ისევ არაკომფორტულ გარემოში მოუწევთ. რომელი სკოლები გარემონტდება წელს და რა კრიტერიუმებით არჩევს სამინისტრო სარეაბილიტაციო სკოლებს, „ბათუმელები“ ამ საკითხით დაინტერესდა.
დღეს, 14 აპრილს, დედაენის დღესთან დაკავშირებით, აჭარის განათლებისა და კულტურის სამინისტროს წარმომადგენლებმა, სკოლის დირექტორებმა და ბათუმის რუსთაველის სახელობის უნივერსიტეტის სტუდენტებმა, ილია ჭავჭაძის ძეგლთან ყვავილები მიიტანეს.
საქართველოს უმაღლეს სასწავლებლებში 2014-2015 სასწავლო წლისთვის 124 223 სტუდენტი სწავლობს. აქედან 4 780 უცხო ქვეყნის მოქალაქეა. ქვეყანაში არსებულ 73 სახელმწიფო და კერძო უმაღლეს საგანმანათლებლო დაწესებულებებში კი 8 389 პროფესორ-მასწავლებელი ასწავლის.
საქართველოს 12 რეგიონს შორის [დედაქალაქის ჩათვლით] გურია ერთადერთი რეგიონია, სადაც არ არის არც ერთი უმაღლესი საგანმანათლებლო დაწესებულება. გურიაში ერთადერთი, ისიც კერძო უმაღლესი სასწავლებელი, ბოლოს 2009-2010 წლებში ფუნქციონირებდა.
3 აპრილს ბათუმის სახელმწიფო უნივერსიტეტის რექტორის მოვალეობის შემსრულებლად, 299-დან 107 ხმით, ერთი წლის ვადით, ასოცირებული პროფესორი მერაბ ხალვაში აირჩიეს. რექტორის მოვალეობის შემსრულებელი უნივერსიტეტის აკადემიურმა და პროფესიულმა პერსონალმა _ 299 ადამიანმა შეარჩია (სულ რეგისტირებული იყო 312 ამომრჩეველი).
შეფასებისა და გამოცდების ეროვნული ცენტრის წარმომადგენლები ორ კვირაზე მეტია მასწავლებელთა პროფესიული განვითარების სქემის ფარგლებში, საკლასო დაკვირვების ნაწილთან დაკავშირებით საქართველოს რეგიონებში შეხვედრებს მართავენ. განათლების სამინისტრო გარე დაკვირვების მექანიზმს ნერგავს. ეს მხოლოდ უფროსი მასწავლებლის სტატუსის მქონე მასწავლებლებს ანუ ყველა იმ მასწავლებელს ეხება, რომელმაც სასერტიფიკაციო გამოცდები წარმატებით ჩააბარა. მასწავლებლის მიერ სქემით განსაზღვრული სტატუსის მოპოვება, შენარჩუნება ან შეწყვეტა დამოკიდებულია მისი პროფესიული საქმიანობის შეფასების შედეგებზე. იმისთვის, რომ უფროსმა მასწავლებლებმა სტატუსი შეინარჩუნონ ან უფრო მაღალ საფეხურზე გადავიდნენ, საჭიროა კრედიტქულების დაგროვება. გარე დაკვირვება ამ პროცესის შემადგენელი ნაწილია. გარე დაკვირვების ინსტრუმენტის შემუშავებასა და შემდგომ უზრუნველყოფაზე პასუხისმგებელი შეფასებისა და გამოცდების ეროვნული ცენტრია. გარე დაკვირვება აუცილებელია და ის უნდა გაიაროს ყველა პედაგოგმა ერთხელ. ამ საკითხზე „ბათუმელების“ კითხვებს შეფასებისა და გამოცდების ეროვნული ცენტრის პროფესიული უნარების ჯგუფის სპეციალისტმა ირინა ჟვანიამ უპასუხა.
საჯარო სკოლების მართვის ელექტრონულ სისტემაზე გადასვლაზე საუბარი ჯერ კიდევ 2011-2012 წლებში დაიწყო, რაც ასევე გულისხმობდა სკოლებში ელექტრონული ჟურნალების დანერგვასაც. სკოლების მართვის საინფორმაციო სისტემისა და ელექტრონული ჟურნალების დანერგვის შესახებ ინფორმაცია საქართველოს განათლების სამინისტრომ 2013 წელსაც გაავრცელა, თუმცა ბათუმის საჯარო სკოლები ისევ ელექტრონული ჟურნალების გარეშე მუშაობენ. ცალკეულ სკოლებში კი აცხადებენ, რომ ელექტრონული ჟურნალის ამოქმედებისთვის მზად არიან. არის ისეთი სკოლებიც, სადაც, პედაგოგების აზრით, ახალ სისტემაზე გადასვლა მასწავლებელთა შრომას გააორმაგებს და დამატებით პრობლემებს შექმნის. პედაგოგები არასაკმარის ტექნიკურ აღჭურვილობაზეც საუბრობენ, რის გამოც საგნობრივი პრეზენტაციების ელექტრონულად ჩატარება გაკვეთილზე ვერ ხერხდება და მოსწავლეებს საპრეზენტაციო მასალების ფურცლებზე ამობეჭდვა უწევთ.
კერძო სკოლებს მოსწავლეთა გაკვეთილზე დასწრების აღრიცხვის ჟურნალების ბეჭდვისა და აკინძვის ღირებულებას ამიერიდან ყოველწლიურად გადაახდევინებენ. შესაბამის თანხას განათლებისა და მეცნიერების სამინისტრო სკოლებს მათზე გადასაცემი ვაუჩერის ოდენობიდან დააკლებს. ჟურნალები უფასოა საჯარო სკოლებისთვის.
12 500 ლარი – ეს მაქსიმალური თანხაა, რითაც აჭარის განათლების სამინისტრო უცხოეთში სამაგისტრო, სადოქტორო და საბაკალავრო პროგრამებზე სწავლის მსურველებს დააფინანსებს კონკურსის წარმატებით გავლის შემთხვევაში. თანხის გამოყენება სტუდენტებს არა მარტო სწავლის საფასურის გადასახდელად, არამედ სწავლისთვის საჭირო სხვა ხარჯების დასაფარადაც შეუძლიათ. სწავლა საზღვარგარეთ -უმაღლესი განათლების ხელშეწყობის პროგრამის ერთ-ერთი კომპონენტია, ამ კომპონენტის ბიუჯეტი წელს 100 ათასი ლარია. საბუთების მიღება სამინისტროში 2015 წლის პირველ ივლისამდე გაგრძელდება.
აშშ- ს სან დიეგოს უნივერსიტეტის პროფესორმა კენ უოლშმა, ბათუმის რუსთაველის სახელმწიფო უნივერსიტეტის სტუდენტებს, ამერიკული უნივერსიტეტის საბაკალავრო პროგრამები წარუდგინა. აშშ – ეს ათასწლეულის გამოწვევის კორპორაციასა და საქართველოს მთავრობას შორის გაფორმებული ხელშეკრულების საფუძველზე, ქართველ სტუდენტებს შესაძლებლობა აქვთ სან დიეგოს უნივერსიტეტის საბაკალავრო პროგრამები გაიარონ საინჟინრო და ტექნიკურ მიმართულებებში და ამ უნივერსიტეტის დიპლომი აიღონ.
ხულოს მუნიციპალიტეტის სოფელ ძირკვაძეების საჯარო სკოლის რეაბილიტაციის სამუშაოებისთვის აჭარის განათლების, კულტურისა და სპორტის სამინისტრომ ტენდერი გამოაცხადა. შესყიდვის სავარაუდო ღირებულებაა 323 412 ლარი. წინადადებების მიღება 20 აპრილს დასრულდება.
13-15 მარტს სამეგრელოს რეგიონში „ნაციონალური მოძრაობის“ საქმიანობის შესახებ სკოლის მოსწავლეებისთვის ფილმის ჩვენებამ დიდი ვნებათაღელვა გამოიწვია. ჩვენების ორგანიზატორთა განცხადებით, „სააკაშვილის რეჟიმის სისხლიანი ქრონიკა“ ბავშვებმა იმიტომ უნდა ნახონ, რომ ეს ჩვენი ისტორიაა. რატომ არ უნდა ვაჩვენოთ მოზარდებს ძალადობის ამსახველი კადრები ამ ფორმით და რა შედეგები შეიძლება მოჰყვეს ამას? „ბათუმელებთან“ თემაზე ფსიქოლოგმა, ორგანიზაცია „პარტნიორობა ადამიანის უფლებებისთვის“ წარმომადგენელმა ანა არგანაშვილმა ისაუბრა.
საჯარო სკოლების ყველა მოქმედ მასწავლებელს 2015 წელს საგნობრივი გამოცდის ჩაბარება მოუწევს. გამოცდისთვის რეგისტრაცია შეფასებისა და გამოცდების ეროვნული ცენტრის ვებგვერდზე 10 მარტს დაიწყო და 25 მარტამდე გაგრძელდება. მასწავლებლის საქმიანობის დაწყების, პროფესიული განვითარებისა და კარიერული წინსვლის ახალი სქემის მიხედვით, მოქმედი პედაგოგისათვის საგნობრივი გამოცდის ჩაბარება სავალდებულო ხდება. საგნობრივი გამოცდის ჩაბარება არ მოუწევთ სერტიფიცირებულ მასწავლებლებს. მასწავლებლები საგნობრივ გამოცდას შეფასებისა და გამოცდების ეროვნულ ცენტრში, ტესტირების მეთოდით ჩააბარებენ.
