ნეტგაზეთი • RU

300 ათასი ლარი ძირკვაძეების სკოლის რეაბილიტაციისთვის

 

ხულოს მუნიციპალიტეტის სოფელ ძირკვაძეების საჯარო სკოლის რეაბილიტაციის სამუშაოებისთვის აჭარის განათლების, კულტურისა და სპორტის სამინისტრომ ტენდერი გამოაცხადა. შესყიდვის სავარაუდო ღირებულებაა 323 412 ლარი. წინადადებების მიღება 20 აპრილს დასრულდება.

 

ტენდერში მონაწილე პრეტენდენტის მიერ ხელშეკრულების შესრულების და საავანსო გარანტიის (მისი წარმოდგენის შემთხვევაში) მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას. გამარჯვებულთან დადებული ხელშეკრულების მოქმედების ვადა კი განისაზღვრება 2015 წლის 31 დეკემბრის ჩათვლით.

 

სატენდერო დოკუმენტების მიხედვით სკოლის რეაბილიტაცია უნდა დასრულდეს ხელშეკრულების გაფორმებიდან 120 დღის ვადაში. სამუშაოების შესრულების დროდ ითვლება ტექნიკური ზედამხდეველის მიერ დადასტურებული ინფორმაციიის სამინისტროში წარდგენის დღე.

 

შესყიდვის ობიექტის საერთო და ერთეულის ფასი უნდა მოიცავდეს სამუშაოს შესრულებასთან დაკავშირებულ პრეტენდენტის ყველა სავარაუდო ხარჯს და საქართველოს კანონმდებლობით გათვალისწინებულ ყველა გადასახადს. 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"