Batumelebi | გურია – ერთადერთი რეგიონი უმაღლესი სასწავლებლის გარეშე გურია – ერთადერთი რეგიონი უმაღლესი სასწავლებლის გარეშე – Batumelebi
RU | GE  

გურია – ერთადერთი რეგიონი უმაღლესი სასწავლებლის გარეშე

 

საქართველოს 12 რეგიონს შორის [დედაქალაქის ჩათვლით] გურია ერთადერთი რეგიონია, სადაც არ არის არც ერთი უმაღლესი საგანმანათლებლო დაწესებულება. გურიაში ერთადერთი, ისიც კერძო უმაღლესი სასწავლებელი, ბოლოს 2009-2010 წლებში ფუნქციონირებდა.

 

საქართველოში დღეს მოქმედი 73 უმაღლესი საგანმანათლებლო დაწესებულებიდან 20 სახელმწიფოა, ხოლო დანარჩენი 53 – კერძო. საქართველოს სტატისტიკის ეროვნული სამსახურის მონაცემებით, რეგიონების მიხედვით ქვეყანაში ყველაზე მეტი უმაღლესი სასწავლებელი დედაქალაქშია განთავსებული.

 

თბილისში 46 უმაღლესი სასწავლებელია [აქედან 9-სახელმწიფო და 37-კერძო];  შვიდი უმაღლესი სასწავლებელია აჭარის ავტონომიურ რესპუბლიკაში [3 სახელმწიფო და 4 კერძო]; ოთხ-ოთხი უმაღლესია იმერეთსა და ქვემო ქართლში; სამ-სამი – კახეთსა და შიდა ქართლში; ორი უმაღლესი სასწავლებელია სამეგრელო-ზემო სვანეთში და თითო სასწავლებელი სამცხე-ჯავახეთში, რაჭა-ლეჩხუმსა და ქვემო სვანეთში, მცხეთა-მთიანეთში და აფხაზეთის არ-ში [უნივერსიტეტი ფუნქციონირებს თბილისის ტერიტორიაზე].

 

ბათუმის რუსთაველის სახელმწიფო უნივერსიტეტი /ფოტო: თედო ჯორბენაძე/

ნეტგაზეთის მასალების სხვა გამოცემებში გადაბეჭდვის წესი
" ბათუმელები"