ჯაბა ანანიძე, Author at Batumelebi

„ხელისუფლებას უნდა სულ არ ამოვიღოთ ხმა“ – მუსლიმი ლიდერი სუს-ში გამოკითხეს

„ეს არის გამოხატვის თავისუფლების შეზღუდვის მცდელობა… ხელისუფლებას უნდა, რომ გავჩუმდეთ, სულ არ ამოვიღოთ ხმა, “ – ამბობს „ბათუმელებთან“ სრულიად საქართველოს მუსლიმთა უმაღლესი სასულიერო სამმართველოს თავმჯდომარე, შეიხი მირტაგ ასადოვი. დღეს, 17 აპრილს, ის სუს-ის თანამშრომლებმა მარნეულში გამოკითხეს. შეიხი და კიდევ რამდენიმე მუსლიმი ლიდერი სუს-ში საბოტაჟის მუხლით დაწყებული გამოძიების ფარგლებში გამოკითხეს. საქმე მარნეულში 13 აპრილს გამართულ საპროტესტო …

Continue reading “„ხელისუფლებას უნდა სულ არ ამოვიღოთ ხმა“ – მუსლიმი ლიდერი სუს-ში გამოკითხეს”

რესპუბლიკურის ექთანი: ექიმები ვირუსით დაავადებულების შემდეგ რიგით პაციენტებს იღებენ

„…ექიმები, რომლებიც კორონავირუსით დაინფიცირებულ პაციენტებთან მუშაობენ, მუშაობენ სხვა პაციენტებთანაც. ეს გვაშინებს და ამას არავინ ითვალისწინებს,“ – ეს ინფორმაცია ბათუმის რესპუბლიკური საავადმყოფოს ერთ-ერთმა ექთანმა მოგვაწოდა. ის ამ კლინიკის ერთ-ერთ განყოფილებაში მუშაობს ექთნად და ამბობს, რომ მისი განყოფილების ექიმები სასწრაფო-სამედიცინო დახმარების ექიმებიც არიან. „არიან სასწრაფოს ექიმები, რომლებსაც გადაჰყავთ ცხელების ცენტრში ის ადამიანები, რომლებსაც შესაძლოა კორონავირუსი ჰქონდეთ. სასწრაფოს …

Continue reading “რესპუბლიკურის ექთანი: ექიმები ვირუსით დაავადებულების შემდეგ რიგით პაციენტებს იღებენ”

იურისტი ამბობს, რომ უჩივლებს სახელმწიფოს, რადგან ის კოვიდ 19-ისგან სათანადოდ არ გვიცავს

„ვიღაცამ უნდა უთხრას სახელმწიფოს სამართლებრივ სივრცეში, ამ შემთხვევაში კი, სასამართლომ, რომ, აი, ასე უნდა მოქცეულიყავი,“ – მიიჩნევს ორგანიზაცია „დემოკრატიული ინიციატივას“ იურისტი, ედუარდ მარიკაშვილი, იგი პოზიტიური ვალდებულებების შეუსრულებლობის გამო ხელისუფლებისთვის სასამართლოში ჩივილს აპირებს. „გაგვწირა ერმაც და ბერმაც!… პირობას ვდებ, როდესაც გადაივლის ეს ყველაფერი, ერთ ძალიან დიდ სამართალწარმოებას დავიწყებ, რომელიც ბევრ რამეს შეცვლის. ძირითადი მოთხოვნა იქნება მთავრობის …

Continue reading “იურისტი ამბობს, რომ უჩივლებს სახელმწიფოს, რადგან ის კოვიდ 19-ისგან სათანადოდ არ გვიცავს”

დასრულდა აჭარა ტვ-ის საინფორმაციოს უფროსის კონკურსი 1 კანდიდატით – აირჩიეს ხუზმიაშვილი

აჭარის ტელევიზიის საინფორმაციო სამსახურის უფროსი აირჩიეს, თუმცა საკონკურსო კომისიას არჩევანი არ ჰქონდა – კონკურსში მხოლოდ ტელევიზიის დირექტორის მოადგილე ვახო ხუზმიაშვილი მონაწილეობდა – საინფორმაციო სამსახურის უფროსი ვახო ხუზმიაშვილი გახდა. აჭარის ტელევიზიის დირექტორის მოადგილედ ვახო ხუზმიაშვილი 21 თებერვალს აირჩიეს. მანამდე იგი „იბერიის“, „იმედის“, „მეცხრე არხის“ პროდიუსერად მუშაობდა, შემდეგ კი, “Prime Time”-ის დირექტორი იყო. ვახო ხუზმიაშვილი დღეიდან დირექტორის მოადგილე …

Continue reading “დასრულდა აჭარა ტვ-ის საინფორმაციოს უფროსის კონკურსი 1 კანდიდატით – აირჩიეს ხუზმიაშვილი “

თბილისის ანძა თურქეთის დროშის ფერებით განათდა

თბილისის ანძა თურქეთის დროშის ფერებში განათდა. ეს გადაწყვეტილება კორონავირუსთან ბრძოლაში თურქეთის მხარდასაჭერად მიიღეს. „ამ ბრძოლაში ჩვენ თქვენ გვერდით ვართ. გვჯერა, ერთად დავამარცხებთ პანდემიას. ამ მესიჯს საქართველო თურქ ხალხს უგზავნის,“ – აღნიშნულია თბილისის მერიის მიერ გავრცელებულ ინფორმაციაში. დღევანდელი, 15 აპრილის მდგომარეობით, თურქეთში დაფიქსირებულია კორონავირუსის გავრცელების 69 392 შემთხვევა, მათგან გარდაიცვალა 1518 ადამიანი. თურქეთი ვირუსის გავრცელების მასშტაბით …

Continue reading “თბილისის ანძა თურქეთის დროშის ფერებით განათდა”

მეუფე საბა ტაძარში მისვლაზე: ღმერთი ყველგან მოვა, სადაც არ უნდა იყოთ

„…ერთი ადამიანი უფრო ძვირფასია, ვიდრე ასი აშენებული ტაძარი და ნებისმიერი სხვა მატერიალური რამ, რაც კი არსებობს. სახლში დარჩენით თქვენ უფრთხილდებით თქვენი ოჯახის წევრებს და საკუთარ სიცოცხლეს. სიყვარული გადაგვარჩენს. ნუ შევეჯიბრებით ერთმანეთს რწმენაში. მე, მაგალითად, ვერავის შევეჯიბრები…. ღმერთი ყველგან მოვა, სადაც არ უნდა იყოთ და გახარებთ ქრისტეს აღდგომას,“ – აღნიშნა მართლმადიდებელი ეკლესიის სინოდის წევრმა, ჩრდილოეთ ამერიკის …

Continue reading “მეუფე საბა ტაძარში მისვლაზე: ღმერთი ყველგან მოვა, სადაც არ უნდა იყოთ”

პაატა იმნაძე: ნუ წახვალთ ეკლესიაში… ჩვენთან განმეორდება იტალია

„…მესმის, რომ ეს არის უდიდესი დღესასწაული, მაგრამ მოერიდეთ ამას ყველაფერს. მესმის, რომ ტრადიცაა, მაგრამ ერთხელ უარი თქვით ამაზე, რომ ჩვენი ერი გადარჩეს, ეს გავიგოთ, იგივე ეკლესია, რომ გადარჩეს, ამისკენ მოგიწოდებთ, ნუ წახვალთ ეკლესიაში, გადავარჩინოთ ეკლესია,“ – განაცხადა დაავადებათა კონტროლის ცენტრის დირექტორის მოადგილემ, პაატა იმნაძემ „პირველი არხის“ ეთერში. პაატა იმნაძემ კიდევ ერთხელ მოუწოდა მოსახლეობას სახლში დარჩენისკენ. …

Continue reading “პაატა იმნაძე: ნუ წახვალთ ეკლესიაში… ჩვენთან განმეორდება იტალია”

ზაალ მიქელაძე: ქობულეთის კლასტერის კვლევა დასრულებულია

„ქობულეთის კლასტერის სრული კვლევა დასრულებულია… ამ კლასტერში გვყავს 410 ადამიანი, რომელზეც გრძელდება ეპიდემიოლოგიური ზედამხედველობა,“ – აცხადებს აჭარის ჯანდაცვის მინისტრი, ზაალ მიქელაძე. ზაალ მიქელაძის ინფორმაციით, ნებისმიერი კლინიკური ნიშნის გამოჩენის შემთხვევაში, განმეორებითი კვლევა ჩატარდება. მინისტრის თქმით, დღეს ცხელების ცენტრში გადაყვანილი 18 მოქალაქის და ასევე, ქობულეთის კონტაქტირებული 15 მოქალაქის ანალიზის კვლევის მიხედვით, ვირუსი არც ერთ მათგანს არ დაუდასტურდა. …

Continue reading “ზაალ მიქელაძე: ქობულეთის კლასტერის კვლევა დასრულებულია”

სასაფლაოების დახურვაზე გადაწყვეტილება ბათუმის მერიას ჯერ არ მიუღია

ბათუმის მერიას სასაფლაოების დახურვის შესახებ გადაწყვეტილება ჯერ არ მიუღია. ბათუმის მერიის პრესსამსახური გვითხრეს, რომ ამის შესახებ უახლოეს დღეებში მოგვაწვდიან ინფორმაციას. 14 აპრილს გამართულ ბრიფინგზე პრემიერ-მინისტრმა გიორგი გახარიამ ისაუბრა დიდ ქალაქებში სასაფლაოების შესაძლო დახურვის შესახებ. დღეს ქუთაისსა და ზესტაფონის სასაფლაოების დაკეტვის შესახებ სახელმწიფო რწმუნებულმა იმერეთში, ზვიად შალამბერიძემ განაცხადა. მთავარი ფოტო: ბათუმელების არქივიდან

ქობულეთში ქარსაფარ ზოლს ცეცხლი გაუჩნდა – ხანძარი ჯერ ჩამქრალი არ არის

ქობულეთში, ავტობანთან ახლოს, ქარსაფარ ზოლს ცეცხლი გაუჩნდა. ამ დრომდე ხანძრის ჩაქრობას 40-მდე მეხანძრე-მაშველი ცდილობს. საგანგებო სიტუაციების მართვის სამსახურში გვითხრეს, რომ ხეები აღარ იწვის და ხანძარი ლოკალიზებულია. ამ სამსახურის პრესცენტრის ინფორმაციით, მეხანძრეები ეკალ-ბარდზე გაჩენილი ცეცხლის ჩაქრობაზე ახლაც მუშაობენ, ხოლო ხანძრის შედეგად დაზიანებული ფართობი ხანძრის ლიკვიდაციის შემდეგ დადგინდება.

„ნებართვა ვითხოვეთ, პასუხს ვერ ვიღებთ“- შეჩერებული მშენებლობები ბათუმში

„განაცხადი შევიტანეთ 3 აპრილს, მე-11 დღეა ველოდებით პასუხს, მაგრამ არანაირი გამოხმაურება არ ყოფილა,“ – ამბობს მართვის კომპანია GGM-ის მმართველი, გენო გელაძე. სხვა მშენებლების მსგავსად, პირველ აპრილს მთავრობის მიერ მიღებული გადაწყვეტილების შემდეგ ამ კომპანიამაც მიმდინარე მშენებლობა ბათუმში შეაჩერა. მშენებლებს პირველ აპრილს უთხრეს, რომ მშენებლობის გასაგრძელებლად სპეციალური ნებართვის მიღება იყო საჭირო. ბიზნესმენებმა განაცხადები შეავსეს, თუმცა პასუხს ვერ …

Continue reading “„ნებართვა ვითხოვეთ, პასუხს ვერ ვიღებთ“- შეჩერებული მშენებლობები ბათუმში”

რატომ დაიხურა ბობოყვათის სამკერვალო ფაბრიკა

ბობოყვათის სამჯერვალო ფაბრიკა „აჭარა ტექსტილემ“ მუშაობა შეაჩერა. კომპანიის ფინანსური დირექტორი, გია ლომინაძე „ბათუმელებთან“ ამბობს, რომ ეს არ უკავშირდება გავრცელებულ ინფორმაციას მკერავებში კორონავირუსის დადასტურების შესახებ. „ეს არ არის სიმართლე… ორი თანამშრომელი ნამდვილად გადაიყვანეს შემოწმებაზე, მაგრამ მათ უარყოფითი პასუხი მიუვიდათ. ფაბრიკა შეჩერდა იმიტომ, რომ საგანგებო მდგომარეობის გამო იქ მკერავები თითქმის არ დადიოდნენ. მუშაობას აგრძელებს თამარის დასახლებაში მდებარე …

Continue reading “რატომ დაიხურა ბობოყვათის სამკერვალო ფაბრიკა”

რატომ ვერ იღებენ პაციენტებს „ახალ რესპუბლიკურში“

„…სავენტილაციო სისტემის მუშაობის რეჟიმის შეცვლა გახდა საჭირო. მესამე დღეა მიმდინარეობს ნაკადების მიმართულების შეცვლა, რომ არ იმოძრაოს ამ ჰაერმა სხვა პალატებში, აქაური ჰაერი სხვაგან არ მოხვდეს,“ – ასე განმარტავს ბათუმის რესპუბლიკური საავადმყოფოს დირექტორი, სოლომონ ფუტკარაძე მიზეზს, რის გამოც აქ პაციენტები არ მიუღიათ. რესპუბლიკური საავადმყოფოს ახალი შენობის ნაწილი covid 19-ით ინფიცირებული პაციენტების მისაღებად 9 აპრილს გახსნეს. მაშინ …

Continue reading “რატომ ვერ იღებენ პაციენტებს „ახალ რესპუბლიკურში“”

„საკვებს ვინ შემოგვიტანს? როგორ დავბრუდეთ?“ – კითხვები ქობულეთის ჩაკეტილი სოფლებიდან

„საკვებს ვინ შემოგვიტანს სოფლის მაღაზიაში?“ „ვინც ამ სოფლის მცხოვრებია, როგორ დაბრუნდება, როცა სხვა ბლოკ-პოსტებიც უნდა გამოიაროს?“ „ფული რომ განაღდებული არ გვაქვს და მაღაზიაში ბარათით ვერაფერს ვიყიდით, რა უნდა ვქნათ?“ – კითხულობენ სოფელ ლეღვას მცხოვრებლები. ლეღვა ქობულეთში ერთ-ერთი სოფელია, სადაც დღეს, 12 აპრილს, საკარანტინე ზონა გამოცხადდა. ლეღვაში დაახლოებით 1000 ოჯახი ცხოვრობს. „…ბლოკ-პოსტი უკვე მოაწყეს, იქ 20-30 …

Continue reading “„საკვებს ვინ შემოგვიტანს? როგორ დავბრუდეთ?“ – კითხვები ქობულეთის ჩაკეტილი სოფლებიდან”

covid 19-ით დაავადებულთა რაოდენობა ქობულეთში 20-მდე გაიზარდა – 2 ახალი შემთხვევა

ქობულეთში კიდევ ორ პირს დაუდასტურდა covid 19. აჭარის ჯანდაცვის სამინისტროს ინფორმაციით, ამ ეტაპზე ქობულეთში სულ 20 პირს აქვს დადასტურებული covid 19, რამდენიმე პირის ანალიზის პასუხს კი, დღის ბოლოსთვის ელოდებიან. ეს ადამიანები, რომლებსაც ანალიზი აუღეს, თვითიზოლაციაში რჩებიან. ბათუმში covid 19 დღეს, 12 აპრილს, კიდევ ერთ პირს დაუდასტურეს – ის აზერბაიჯანის მოქალაქეა, რომელიც ამ დრომდე კარანტინში იყო. …

Continue reading “covid 19-ით დაავადებულთა რაოდენობა ქობულეთში 20-მდე გაიზარდა – 2 ახალი შემთხვევა “

ქობულეთის შვიდ სოფელთან მისასვლელი გზები პოლიციამ უკვე ჩაკეტა

„ქობულეთის იმ სოფლებიდან, სადაც საკარანტინე ზონა გამოცხადდა, ადამიანები ვეღარ გამოვლენ, მათ შორის, ისინი, რომლებიც სტუმრად არიან… ამ სოფლებში შესვლას შეძლებენ მხოლოდ ის ადამიანები, რომლებიც ამ სოფლების რეგისტრირებული მცხოვრებლები არიან,“ – გვითხრეს მთავრობის საკოორდინაციო საბჭოს ცხელ ხაზზე. მთავრობის დადგენილება, რომლითაც სპეციალური რეჟიმის პირობები განისაზღვრება, ამ დროისთვის არ დევს საკანონმდებლო მაცნეზე. 144-ზე გვიპასუხეს, რომ დადგენილება დღის განმავლობაში …

Continue reading “ქობულეთის შვიდ სოფელთან მისასვლელი გზები პოლიციამ უკვე ჩაკეტა”

ქობულეთის კლასტერიდან კიდევ 6 პირს კორონავირუსი დაუდასტურდა

ქობულეთის კლასტერთან დაკავშირებულ კიდევ 6 პირს კორონავირუსი დაუდასტურდა, მათ შორის, ერთ-ერთი 10 წლამდე ბავშვია. ამის შესახებ აჭარის ჯანდაცვის მინისტრის მოადგილემ, ნინო ნიჟარაძემ ახლახან [20:30] განაცხადა. „დაგვემატა 6 ახალი დადასტურებული შემთხვევა, ექვსივე გახლავთ ქობულეთის კლასტერთან დაკავშირებული შემთხვევა, ესენი არიან ის კონტაქტირებული პირები, რომლებიც აქამდე იმყოფებოდნენ ჩვენი ზედამხედველობის და მეთვალყურეობის ქვეშ. 6 შემთხვევიდან ერთი გახლავთ არასრულწლოვანი. ექვსივეს …

Continue reading “ქობულეთის კლასტერიდან კიდევ 6 პირს კორონავირუსი დაუდასტურდა “

როგორ ჩამოაშორეს მორიგი „არასასურველი კადრი“ აჭარა ტვ-ის საინფორმაციოს

„ეს არის იმ პროცესის გაგრძელება, რაზეც ჩვენ ვამბობდით, რომ მიმდინარეობდა სარედაქციო პოლიტიკის შეცვლა და ეს სურვილი ჩანდა თავიდანვე. გვეუბნებოდნენ, რომ ვიგონებდით რაღაცებს, ფაქტები სახეზეა – ახლა უკვე ერთადერთი პლატფორმა, რომელიც დამოუკიდებლად ქმნიდა კონტენტს, გამოშიგნეს…“ – ამბობს აჭარის ტელევიზიის ონლაინსამსახურის უფროსი სოფო ჟღენტი. მას ტელევიზიის დირექტორმა ამ კონკრეტული სამსახურის შეცვლილი დებულება გაუგზავნა, რომლის მიხედვითაც, ონლაინსამსახური ახალ …

Continue reading “როგორ ჩამოაშორეს მორიგი „არასასურველი კადრი“ აჭარა ტვ-ის საინფორმაციოს”

ქართველი მეცნიერი კანადიდან: შესაძლოა, შემოდგომაზე გვქონდეს covid 19-ის ვაქცინა

„შექმნილი ვაქცინა უკვე გადის პრეკლინიკურ ფაზას, ეს არის ცხოველებზე დატესტვა… გააჩნია რა პასუხებს მივიღებთ და შემდეგ გადავალთ ადამიანების გამოცდაზე, რასაც ჰქვია კლინიკური ფაზა…. ამ პროცესს დაახლოებით წელიწადნახევარი სჭირდება,“ – განაცხადა ტელეკომპანია „პირველის“ ეთერში ბუნების შემსწავლელ მეცნიერებათა დოქტორმა, კანადის ლავალის უნივერსიტეტის მეცნიერმა გიორგი ბაბუაძემ. ის ერთ-ერთი მეცნიერია მათ შორის, რომლებიც covid -19 -ის წინააღმდეგ ვაქცინაზე მუშაობენ. …

Continue reading “ქართველი მეცნიერი კანადიდან: შესაძლოა, შემოდგომაზე გვქონდეს covid 19-ის ვაქცინა”

კომენდანტის საათის დარღვევისთვის კიდევ 59 მოქალაქე დააჯარიმეს

კომენდანტის საათის დარღვევის ფაქტზე 10 აპრილს საღამოს 9 საათიდან დღეს დილის 6-მდე კიდევ 59 მოქალაქე დააჯარიმეს. ბოლო 24 საათის განმავლობაში საგანგებო მდგომარეობის შზღუდვების დარღვევის 139 ფაქტი დაფიქსირდა. ინფორმაციას შინაგან საქმეთა სამინისტრო ავრცელებს. შინაგან საქმეთა სამინისტროს თანამშრომლებმა საჯარო სივრცეში 3-ზე მეტი პირის შეკრების შეზღუდვის და 2-მეტრიანი სოციალური დისტანციის დაუცველობის გამო 55 მოქალაქე დააჯარიმეს. ეკონომიკურ საქმიანობასთან დაკავშირებული …

Continue reading “კომენდანტის საათის დარღვევისთვის კიდევ 59 მოქალაქე დააჯარიმეს”

„მრევლი ეზოში დადგება, ზიარებაც იქნება“ – როგორ გაიმართება ბზობა ბათუმში

„წირვა-ლოცვა ჩვეულებრივად ჩატარდება, მრევლი ეზოში იქნება და დაიცავს ორმეტრიან დისტანციას, ზიარება ტაძრის შესასვლელთან შედგება,“ – გვითხრა ბათუმის და ლაზეთის ეპარქიის პრესსპიკერმა, დეკანოზმა იოანე გორელიშვილმა. იოანე გორელიშვილი მრევლს მოუწოდებს, ქოთანში ჩარგული ბზა მიიტანონ ტაძარში. ჩვენთან საუბრის დროს მან ასევე აღნიშნა, რომ ბზის ტოტების კურთხევაც მოხდება. „წლებია მოვუწოდებთ მრევლს, რომ სახლში გაეზარდათ ბზა ქოთნებში და მოხდება კურთხევის …

Continue reading “„მრევლი ეზოში დადგება, ზიარებაც იქნება“ – როგორ გაიმართება ბზობა ბათუმში”

„საკვების გარეშე დაგვტოვეს, ჩვენი ხელფასი 420 ლარია“ – სახელმწიფო დაცვის პოლიციელი

„ერთ კვირაზე მეტია, საჭმელს აღარ გვაჭმევენ… ჩემი ხელფასი 420 ლარია, ისევ დღეჩაგდებით გვიწევს მუშაობა 24 საათი,“ – ამბობს სახელმწიფო დაცვის პოლიციის ერთ-ერთი თანამშრომელი „ბათუმელებთან“. მას ვინაობის გამხელა არ სურს. დაცვის პოლიცია შინაგან საქმეთა სამინისტროს დაქვემდებარებული უწყებაა. თანამშრომელი, რომელიც ჩვენ დაგვიკავშირდა, ბათუმის ნავთობტერმინალის დაცვის ობიექტზე მუშაობს. დაცვის პოლიციელის კვებისთვის თანხას სახელმწიფო არ იხდის. ამ შემთხვევაში გამონაკლისი …

Continue reading “„საკვების გარეშე დაგვტოვეს, ჩვენი ხელფასი 420 ლარია“ – სახელმწიფო დაცვის პოლიციელი”

რა შემთხვევაში არ გადაიხდი შუქის ფულს, თუკი მთაში ცხოვრობ

მთაში მცხოვრებ მოქალაქეებს აინტერესებთ, იმ შემთხვევაში, თუკი მოიხმარეს, მაგალითად, 200 კვტ/საათზე მეტი ელექტროენერგია, გავრცელდება თუ არა პანდემიის პირობებში დაწესებული ახალი შეღავათები მათზე [მთაში აქამდე გარკვეული შეღავათით სარგებლობდნენ მთის კანონის საფუძველზე]. რა შემთხვევაში არ გადაიხდის შუქის ფულს პანდემიის პირობებში ის ოჯახი, რომელიც მაღალმთიან სოფელში ცხოვრობს? – კითხვაზე პასუხი „ენერგო-პრო ჯორჯიაში“ ამ ეტაპზე არ აქვთ. კომპანიას ვთხოვეთ …

Continue reading “რა შემთხვევაში არ გადაიხდი შუქის ფულს, თუკი მთაში ცხოვრობ”

„თუ იქნება მითითება, ჩავერთვებით“ – ბათუმის მერი პროგრამაზე, რომელიც მოზარდებს სჭირდებათ

„ამ კატეგორიის ბავშვებთან მუშაობა ყველაზე ნაკლები კომპეტენციაა თვითმმართველობის“, – გვიპასუხა ბათუმის მერმა ლაშა კომახიძემ. მას კანონთან კონფლიქტში მყოფი, ასევე რთული ქცევის მქონე ბავშვების შესახებ ვკითხეთ – ხედავს თუ არა ადგილობრივი მთავრობა საკუთარ როლს, შეისწავლოს და შესთავაზოს მოზარდებს სპეციალურ პროგრამებში ჩართვა? ბოლოს, ერთ-ერთი ასეთი მოზარდის შესახებ „ბათუმელები“ რამდენიმე დღის წინ წერდა – 13 წლის გოგოზე, რომელიც …

Continue reading “„თუ იქნება მითითება, ჩავერთვებით“ – ბათუმის მერი პროგრამაზე, რომელიც მოზარდებს სჭირდებათ”

მოსამართლეებმა პანდემიის პირობებში ხელფასი, დანამატი და ასევე, ხელფასის 60% მიიღეს

პანდემიის პირობებში, გასულ თვეში, მოსამართლეებმა ხელფასი, ყოველთვიური დანამატი და ასევე, ხელფასის 60 პროცენტი მიიღეს. განკარგულებაში, რომლის მიხედვითაც მოსამართლეებისთვის ორმაგი დანამატის მიცემა განისაზღვრა, არაფერი წერია, რის გამო დააჯილდოვეს მოსამართლეები. სასამართლოები დისტანციურ რეჟიმში გადავიდნენ საგანგებო მდგომარეობის გამოცხადების შემდეგ. სასამართლო პროცესების ნაწილი პანდემიის გამო გადაიდო. „…საერთო სასამართლოების მოსამართლეებს ყოველთვიურ დანამატთან ერთად 2020 წლის მარტში თანამდებობრივ სარგოზე დანამატი განესაზღვროთ …

Continue reading “მოსამართლეებმა პანდემიის პირობებში ხელფასი, დანამატი და ასევე, ხელფასის 60% მიიღეს”

„წარმოიდგინეთ, პირველკურსელი უცებ გაამწესეს მეცნიერებათა აკადემიაში“ – დოლიძე კიკილაშვილის საკონსტიტუციოში დანიშვნაზე

„ეს უკვე სასამართლო კლანის კვოტაა,“ – ასე აფასებს ანა დოლიძე, იუსტიციის უმაღლესი საბჭოს წევრი საკონსტიტუციო სასამართლოში ხვიჩა კიკილაშვილის დანიშვნას. მისი აზრით, თუკი აქამდე ხელისუფლება სანდოობის მიხედვით არჩევდა კადრებს, ამჯერად გადაწყვეტილება „სასამართლოს კლანმა“ მიიღო. საკონსტიტუციო სასამართლოს წევრები პერიოდულად იცვლებიან. სამ-სამ მოსამართლეს 10 წლის ვადით ნიშნავს უზენაესი სასამართლო, პრეზიდენტი და პარლამენტი. ხვიჩა კიკალაშვილმდე საკონსტიტუციო სასამართლოში 2017 წელს …

Continue reading “„წარმოიდგინეთ, პირველკურსელი უცებ გაამწესეს მეცნიერებათა აკადემიაში“ – დოლიძე კიკილაშვილის საკონსტიტუციოში დანიშვნაზე”

სიღარიბეში მცხოვრები და-ძმა წიგნებს ითხოვს – სად შეგიძლიათ დატოვოთ ლიტერატურა

„როცა პროდუქტებს ვურიგებდი უკიდურეს სიღარიბეში მცხოვრებ ოჯახებს, რამდენიმე ბავშვმა მთხოვა წიგნი, წავიკითხავდითო,“ – ამბობს საქველმოქმედო ფონდ „იალქნის“ ხელმძღვანელი, თიკო აბაშიძე. ეს ორგანიზაცია სოციალურად დაუცველ და ძალადობის მსხვერპლ ბავშვებთან მუშაობს ბათუმში. თიკო აბაშიძის თქმით, მაგალითად, 13 წლის ანამ, რომლის შესახებ „ბათუმელები“ 4 აპრილს წერდა, „ჰარი პოტერი“ ითხოვა, მის ძმას კი, „ბეჭდების მბრძანებელი“ სურს. ანას პანდემიამდე ძირითადად …

Continue reading “სიღარიბეში მცხოვრები და-ძმა წიგნებს ითხოვს – სად შეგიძლიათ დატოვოთ ლიტერატურა”

საკონსტიტუციოს ახალი მოსამართლის ფიცი ცარიელ დარბაზში

საკონსტიტუციო სასამართლოს ახალმა მოსამართლემ ხვიჩა კიკილაშვილმა დღეს, 8 აპრილს, ფიცი დადო. ფიცის დადების ცერემონიალს პანდემიის გამო მხოლოდ საკონსტიტუციო სასამართლოს თავმჯდომარე ესწრებოდა. სხვა პირებს, მათ შორის, პრეზიდენტს, რომელიც საკონსტიტუციო სასამართლოს მოსამართლის ფიცის დადებას უნდა დასწრებოდა, პრესცენტრი მიაწვდის წერილობით ინფორმაციას. ხვიჩა კიკილაშვილი 3 აპრილს დანიშნა უზენაესმა სასამართლომ საკონსტიტუციო სასამართლოს მოსამართლედ. იუსტიციის უმაღლესი საბჭოს არამოსამართლე წევრმა, ნაზი ჯანეზაშვილმა …

Continue reading “საკონსტიტუციოს ახალი მოსამართლის ფიცი ცარიელ დარბაზში”

5 და 7 წლის ბავშვებთან გარყვნილი ქმედებისთვის კაცს 9 წელი მიუსაჯეს

თბილისში 5 და 7 წლის გოგონებთან გარყვნილი ქმედების ჩადენისთვის დ.ძ.-ს 9 წლით თავისუფლების აღკვეთა მიუსაჯეს. გადაწყვეტილება თბილისის საქალაქო სასამართლომ მიიღო. საქართველოს პროკურატურის ინფორმაციით, ბრალდებული დანაშაულის ჩადენის მომენტისთვის პირობითი მსჯავრის ქვეშ იყო. იგი წარსულშიც არასრულწლოვნებთან გარყვნილი ქმედებისთვის გაასამართლეს. შემთხვევა 2019 წლის ივლისში მოხდა. დ.ძ. სისხლის სამართლის კოდექსის 141-ე მუხლის მეორე ნაწილით გაასამართლეს, რაც გულისხმობს გარყვნილ ქმედებას …

Continue reading “5 და 7 წლის ბავშვებთან გარყვნილი ქმედებისთვის კაცს 9 წელი მიუსაჯეს”

„ვირუსის დაცვისგან ფიქრი ჩვენთვის ფუფუნებაა“ – ტრანსგენდერი ქალები პანდემიის დროს

„სამუშაო აღარ არის. რომ იყოს კლიენტი, მივიღებდი, მშიერი ვერ ვიქნები… ნაქირავებში ვცხოვრობ, საჭმელს „ხაზეიკა“ მაჭმევს,“ – ამბობს „ბათუმელებთან“ 22 წლის ანა [სტატიაში სახელები შეცვლილია]. ის ტრანსგენდერი ქალია, სექსმუშაკად მუშაობს და ბათუმში ცხოვრობს. ტრანსგენდერი ქალები ლგბტქ თემიდან ყველაზე დიდი რისკის წინაშე აღმოჩნდნენ, რადგან მათი დიდი ნაწილი სექსმუშაკობით ირჩენს თავს. პანდემიამდე და ახლაც ტრანსგენდერი ქალების უმრავლესობას ოჯახთან …

Continue reading “„ვირუსის დაცვისგან ფიქრი ჩვენთვის ფუფუნებაა“ – ტრანსგენდერი ქალები პანდემიის დროს”

ხულოს მერი: დანამატები დააბრუნეს, მეტ კომენტარს ვეღარ გავაკეთებ

„დანამატები დააბრუნეს, ჩვენ უკვე განმარტება გავავრცელეთ, მეტ კომენტარს ვეღარ გავაკეთებ…“ – გვიპასუხა ხულოს მერმა, ვახტანგ ბერიძემ. მან პანდემიის პირობებში თანამშრომლებს დანამატები ჩაურიცხა. რატომ გაიცა დანამატები ახლა, როცა პანდემიის გამო ხელისუფლებამ ხელფასის ერთი მესამედის ფონდში ჩარიცხვა დაანონსა? – ეს ხულოს მერს, ვახტანგ ბერიძეს ვკითხეთ. მას ჩვენ ტელეფონით დავუკავშირდით. „არ მესმის თქვენი ხმა, ცუდად ისმის… დაუკავშირდით პრესსამსახურს,“ …

Continue reading “ხულოს მერი: დანამატები დააბრუნეს, მეტ კომენტარს ვეღარ გავაკეთებ”

სახლიდან წასული 13 წლის გოგოს დედა: არ ვიცი, ვისთან ერთადაა, რას აკეთებენ

„ჩემი შვილი მხოლოდ დღისით მოდის სახლში, როცა შივდება, ჭამს და მაშინვე გარბის… ხშირად ნასვამია, თვალები დაწითლებული აქვს… ამბობს, რომ თანატოლებთან ერთადაა, მაგრამ ვისთან ერთადაა, სად იკრიბებიან, რას აკეთებენ, არაფერი ვიცი… პანდემიის დროსაც ბავშვები ღამით გარეთ არიან. სოციალურ სამსახურშიც ვრეკავ, პოლიციაში, მაგრამ ვერავინ მეხმარება. მაინც და მაინც დანაშაული უნდა ჩაიდინონ, ან ვირუსი შეეყაროთ, რომ ვინმემ ყურადღება …

Continue reading “სახლიდან წასული 13 წლის გოგოს დედა: არ ვიცი, ვისთან ერთადაა, რას აკეთებენ “

მოზარდებს იზოლაცია განსაკუთრებით უჭირთ, როგორ მოვიქცეთ? – ინტერვიუ ფსიქოლოგთან

„სტრესის ჰიგიენაც მნიშვნელოვანია,“ – ამბობს ფსიქოლოგი მაია ცირამუა მოზარდებზე საუბრისას. მოზარდები ახლა ყველა დანარჩენის მსგავსად, იზოლაციაში არიან და შინ, ერთფეროვან გარემოში ყოფნა განსაკუთრებით უჭირთ. „ბათუმელები“ მსხვერპლთა ფსიქოსოციალური და სამედიცინო რეაბილიტაციის ცენტრის [ GCRT ] ბავშვთა და მოზარდთა ფსიქოთერაპევტს, მაია ცირამუას ესაუბრა იმაზე, თუ რა უნდა გაითვალისწინონ მოზარდებმა იზოლაციის პირობებში დეპრესიისგან და ასევე, ძალადობისგან თავის დასაღწევად. …

Continue reading “მოზარდებს იზოლაცია განსაკუთრებით უჭირთ, როგორ მოვიქცეთ? – ინტერვიუ ფსიქოლოგთან”

ვიდეოკამერის ჩანაწერი არსებობს – პოლიციელების მიერ მოქალაქის სავარაუდო ცემის საქმე

„ეს შემთხვევა სადაც მოხდა, იქ არის განთავსებული სასტუმროს ვიდეოსათვალთვალო კამერები. ამ ჩანაწერებს გამოძიება სასამართლოს განჩინებით ამოიღებს,“ – ამბობს პაატა დიასამიძე, საია-ს აჭარის ფილიალის ხელმძღვანელი ბათუმში 2 აპრილს მომხდარ შემთხვევაზე – მოქალაქის თქმით, კომენდანტის საათის დროს მას პოლიციელებმა სცემეს და იარაღით დაემუქრნენ. მოქალაქემ პოლიციელებთან მომხდარი ფიზიკური დაპირისპირების შესახებ 3 აპრილს „ბათუმელებთან“ ისაუბრა. 4 აპრილს სახელმწიფო ინსპექტორის …

Continue reading “ვიდეოკამერის ჩანაწერი არსებობს – პოლიციელების მიერ მოქალაქის სავარაუდო ცემის საქმე”

„ახლა მძინავს „კარდონებში“ და ოცნებაც აღარ მაქვს“ – სად წავიდნენ ქუჩაში მცხოვრები ბავშვები

სად წავიდნენ პანდემიის პირობებში ბავშვები, რომლებიც აქამდე ქუჩაში ცხოვრობდნენ? – თუკი ამას შესაბამის სახელმწიფო უწყებას ჰკითხავ, მარტივად გიპასუხებენ, რომ „ყველაფერი რიგზეა“ და ბავშვები ქუჩაში აღარ არიან, ისინი საკარანტინო ზონაში გადაჰყავთ, ზონიდან – თავშესაფარში, თუმცა რა ხდება ახლა იმ ბავშვების ცხოვრებაში, რომლებსაც სახლ-კარი შესაძლოა აქვთ, ან ნაქირავებში ცხოვრობენ, მაგრამ აქამდე ლუკმა-პურის საშოვნელად გამოდიოდნენ ქუჩაში? ან ის …

Continue reading “„ახლა მძინავს „კარდონებში“ და ოცნებაც აღარ მაქვს“ – სად წავიდნენ ქუჩაში მცხოვრები ბავშვები”

კომენდანტის საათის დროს დაკავებული: პოლიციელებმა მცემეს და იარაღით დამემუქრნენ

„პოლიციელებმა მანქანაში შემტენეს და მცემეს, როგორც ეს შეიძლებოდა მანქანაში, ვიდრე პოლიციის განყოფილებაში მიმიყვანდნენ,“ – ამბობს „ბათუმელებთან“ ბათუმში მცხოვრები ვ.მ. მას ვინაობის გამხელა არ სურს, რადგან ფიქრობს, რომ მისი უსაფრთხოება არც ახლაა დაცული. ვ.მ. ადმინისტრაციული წესით გუშინ, 2 აპრილს, დაახლოებით ღამის 11 საათზე დააკავეს. ადმინისტრაციული სამართალდარღვევის საქმე დღეს, 3 აპრილს განიხილა მოსამართლე ჯუმბერ ბეჟანიძემ. მოქალაქის თქმით, …

Continue reading “კომენდანტის საათის დროს დაკავებული: პოლიციელებმა მცემეს და იარაღით დამემუქრნენ”