ბათუმელები
შუახევის „ნაციონალური მოძრაობის“ პარტიის თავმჯდომარემ სოსლან ზოიძემ განაცხადა, რომ სტიქიით დაზარალებული მოსახლეობისთვის ბინების გადაცემა კორუფციული სქემით ხდება. მისი განცხადებით, ამ სქემაში მუნიციპალიტეტის გამგებლის და საკრებულოს თავმჯდომარის დანაშაულებრივი საქმიანობა იკვეთება.
დღეს, 13 თებერვალს, გამართულ აჭარის მთავრობის სხდომაზე იმ საცხოვრებელი ფართობების გამოყენების წესი განიხილეს, რომლებიც წლების განმავლობაში თავდაცვის სამინისტროს დაქვემდებარებაში იყო და რომლითაც სამხედრო პირები და მათი ოჯახის წევრები სარგებლობდნენ. შემდეგ კი ქონება აჭარის მთავრობას გადმოეცა.
სამსახურიდან წასვლის წინადადებაზე საკრებულოს თანხმობის შემდეგ უკვე გათავისუფლებულ მერს, ჯემალ ანანიძეს, საკრებულოს თავმჯდომარემ „რომელიმე პარტიაში“ შესვლა და თვითმმართველობის არჩევნებში მონაწილეობა ურჩია.
ბათუმის საკრებულომ ქალაქის მერის, ჯემალ ანანიძის განცხადება თანამდებობიდან გათავისუფლების შესახებ, დააკმაყოფილა. 14 ხმით ერთის წინააღმდეგ ბათუმის მერმა თანამდებობა დატოვა.
კენჭისყრაში მონაწილეობა არ მიიღო „ნაციონალურმა მოძრაობამ“. მერის გათავისუფლების წინააღმდეგ ერთი ხმა საკრებულოს წევრს, გენო თებიძეს ეკუთვნოდა.
„ნაციონალური მოძრაობის“ წევრმა ქობულეთში ციტრუსის გადამამუშავებელ ორ ქარხანასთან დაკავშირებით ბრიფინგი გამართა.
რეზო ხარაზის თქმით, ქობულეთში რუსთაველის ქუჩაზე მდებარე საწარმოდან კომპიუტერული ტექნიკა მოიპარეს, სადაც სუბსიდირებისთვის განსაზღვრული თანხა, ჩაბარებული ციტრუსის რაოდენობა და სხვა სახის მონაცემები ინახებოდა. ამის გამო ჭიანურდება სუბსიდირებისთვის განკუთვნილი თანხის მოსახლეობაზე გაცემა.
ამ წუთებში აჭარის მთავრობის მორიგი სხდომა მიმდინარეობს. სხდომაზე 10 საკითხი განიხილება.
ხვალ 14 თებერვალს, ახალშენის თემში შემავალ სოფლებს, ასევე შარაბიძეების თემის სოფლებს, ერგეს, ზედა და ქვედა ჯოჭოს დილის 11 საათიდან 16 საათამდე სარემონტო სამუშაოების გამო ელექტრო ენერგია არ მიეწოდება.
მუნიციპალიტეტის გამგებლის მოადგილემ ირაკლი ცეცხლაძემ და ადმინისტრაციული სამსახურის უფროსმა მერაბ ჯინჭარაძემ თამარ მეფის სანაპიროზე შტორმის შემდეგ დაბინძურებული ზღვის სანაპირო ზოლის გაწმენდითი სამუშაოები დაათვალიერეს.
დღეს ბათუმის სამშობიარო სახლში 25 იანვარს დაღუპული 29 წლის მზევინარ შაინიძის მეუღლე და ნათესავები შეიკრიბნენ.
ისინი მზევინარ შაინიძის გარდაცვალებას მორიგე ექიმების უყურადღებობას აბრალებენ და ექიმების სამსახურიდან გათავისუფლებას მოითხოვენ.
აჭარის სოფლის მეურნეობის მინისტრის მოადგილემ იოსებ აბულაძემ და ქობულეთის გამგებელმა გიორგი რომანაძემ სამინისტროში ერთობლივი ბრიფინგი გამართეს და ციტრუსის მიმდინარე სეზონი წარმატებულად შეაფასეს.
დღეს ბათუმში საერთაშორისო კონფერენცია „ქალაქების დამეგობრება კლიმატის დაცვისათვის“ გაიხსნა. კონფერენციაში მონაწილეობენ: გარემოს დაცვისა და ბუნებრივი რესურსების მინისტრის პირველი მოადგილე, გერმანიის გარემოს დაცვის ფედერალურის სააგენტოს წარმომადგენელი, ბათუმის მერი, ბათუმის საკრებულოს თავმჯდომარე, აჭარის მთავრობის თავმჯდომარე და ასოციაცია ,,კლიმატის ალიანსის“ წარმოამდგენელი მიგელ მორსილო.
მიმდინარე წელს მუნიციპალიტეტის ინფრასტრუქტურის განვითარებისთვის ბიუჯეტით 16 მილიონზე მეტია გათვალისწინებული. ამ ეტაპისთვის ინფრასტრუქტურული პროექტების საწარმოებლად გამოცხადებული ტენდერების უმრავლესობა დასრულებულია და პროცედურული საკითხების მოგვარება მიმდინარეობს, რომლის დასრულების შემდეგაც ინფრასტრუქტურული სამუშაოების წარმოება დაიწყება – განაცხადეს ქობულეთის გამგეობაში.
სოფელ კვირიკეს დეპუტატმა დურმიშხან ინაიშვილმა ქობულეთის სოფელ კვირიკესთან დამაკავშირებელი ხიდის შესახებ ბრიფინგი გამართა.
13 თებერვალს, ორგანიზაცია „პირველი ნაბიჯი საქართველო“, აჭარის სამთავრობო უწყებების სამედიცინო სფეროს წარმომადგენლებს შეხვდა. შეხვედრას სპეციალური საჭიროების მქონე ბავშვების მშობლები და ბათუმში მოქმედი სამედიცინო დაწესებულებების წარმომადენლები ესწრებოდნენ.
ხელვაჩაურის მუნიციპალიტეტის გამგეობა აცხადებს კონკურსს “ხელვაჩაურის მუნიციპალიტეტის 2014 წლის საუკეთესო ახალგაზრდა მომღერალი”. კონკურსი ჩატარდება ორ ეტაპად და მასში მონაწილეობის უფლება აქვთ ხელვაჩაურის მუნიციპალიტეტში მცხოვრებ 14 დან 23 წლამდე ასაკის სოლო შემსრულებლებს.
2014 წლის 12 თებერვალს აჭარის მთავრობის თავმჯდომარე აჭარის ჯანდაცვის მინისტრთან ერთად შუახევის მუნიციპალიტეტის სოფელ ჩანჩხალოს ეწვია და აჭარაში მცხოვრები ყველაზე ასაკოვანი ქალბატონი 114 წლის სოფიო მიქელაძე მოინახულა.
ქედის მუნიციპალიტეტში დღეს მუნიციპალიტეტის სხვადასხვა საჯარო სკოლის 2012-2013 წლის კურსდამთავრებული მოსწავლეები დააჯილდოვეს.
დღეს ბათუმის სახელმწიფო მუსიკალურ ცენტრში გაიხსნა მუსიკალური ფესტივალი „ბათუმური საღამოები“, რომელიც რვა დღე გაგრძელდება.
„სოკარ ჯორჯია გაზი“ 2014 წლის 13 თებერვალს 12:00 საათზე (ქალაქ ბათუმში, ბარათაშვილის ქუჩა №20-ში), გამართავს ბრიფინგს მოსახლეობაში მიმდინარე ინდივიდუალური გაზიფიცირებისა და განვადებასთან დაკავშირებულ საკითხებზე.
აჭარის მთავრობის პრესსამსახურის ინფორმაციით, დღეს არჩილ ხაბაძემ მთავრობის აპარატსა და საქვეუწყებო დაწესებულებებში შესაძლო თანამდებობრივ ცვლილებებზე ისაუბრა.
დღეს, ბათუმის მერიის მხარდაჭერით, ორგანიზაცია „პირველი ნაბიჯი საქართველომ“ აჭარის სამთავრობო უწყებების სამედიცინო სფეროს წარმომადგენლებთან შეხვედრა გამართა.
ბათუმში საზოგადოებრივი ტრანსპორტის 140 მძღოლი ხელფასის გაზრდის მოთხოვნით გაიფიცა და მუშაობა შეწყვიტა. მძღოლების მოთხოვნაა, საათობრივი ანაზღაურება 4 ლარიდან 4,5 ლარამდე გაიზარდოს.
ბათუმის საკრებულოს სხდომამდე, სადაც მერის გადადგომას კენჭი უნდა უყარონ, ერთი დღით ადრე „ბათუმელებმა“ ჯერ კიდევ მოქმედ მერს ჯემალ ანანიძეს, საკრებულოს თანხმობის შემთხვევაში მის უახლოეს გეგმებზე ჰკითხა.
„მილევად რეჟიმში ვარ, კონკრეტული შემოთავაზება არ მაქვს, არც ბიზნესი. მე ვფიქრობ ახლა უნდა დავისვენო და რაღაცეები გადავაფასო. თავშესაქცევად კი მაქვს უნივერსიტეტი, კვირაში სამჯერ მაქვს ლექციები“
„გადაფასების პერიოდის“ შემდეგ ჯემალ ანანიძე ბათუმის მერის თანამდებობაზე თვითმმართველობის არჩევნებში მონაწილეობას ორი ფაქტორის გათვალისწინებით არ გეგმავს.
კოთოთეატრ „აპოლოში“ ევროკავშირის კინოფესტვალის ფარგლებში დღეს 18:00 საათზე რეჟისორი ლარს ფონ ტრიერის დანიური ფილმს, „მელანქოლიას“ უჩვენებენ.
ბათუმის #16 საჯარო სკოლის დირექტორმა, თამთა კვარაცხელიამ დირექტორების შესარჩევი კონკურსის მეორე ეტაპის, გასაუბრების შედეგების გასაჩივრების გადაწყვეტილება მიიღო.
იმ შემთხვევაში თუ საკრებულო ბათუმის მერის გადადგომის საკითხს მხარს დაუჭერს, მერის მოვალეობის შესრულება ახლად დანიშნულ ვიცემერს გიორგი ერმაკოვს დაეკისრება. ხვალ, 13 თებერვალს ბათუმის საკრებულოში მერის გადაყენებას უყრიან კენჭს. ჯემალ ანანიძემ განცხადება სამსახურიდან წასვლის თაობაზე დაახლეობით ორი კვირის წინ დაწერა.
დღეს, აჭარის სოფლის მეურნეობის მინისტრი ზაურ ფუტკარაძე ხელვაჩაურის მუნიციპალიტეტის სოფელ კირნათის მოსახლეობას შეხვდება. შეხვედრის მიზანს წარმოადგენს საქართველოს სოფლის მეურნეობის სამინისტროს მცირემიწიან ფერმერთა 2014 წლის საგაზაფხულო სამუშაოების სასოფლო-სამეურნეო ბარათების შესახებ დეტალური ინფორმაციის მიწოდება ფერმერებისათვის.
ძველი ბათუმის ფოტოკოლექციონერი, საზოგადოება „ბათომის“ დამფუძნებელი, რეჟისორი შოთა გუჯაბიძე შესაძლოა აჭარის კულტურული მემკვიდრეობის დაცვის სააგენტოსთან არსებული საბჭოს შემადგენლობიდან დაითხოვონ. ეს ინფორმაცია „ბათუმელებთან“ სააგენტოს ხელმძღვანელმა, ბიძინა აფხაზავამ დაადასტურა. შოთა გუჯაბიძის საბჭოდან დათხოვნის მიზეზად მან ის გარემოება დაასახელა, რომ საბჭოში საზოგადოება „ბათომის“ ორი წევრია, შოთა გუჯაბიძე და ნინო ინაიშვილი. თუმცა საბჭოში მყოფი ქალაქის მთავარი არქიტექტორი გია რამიშვილი ასევე საზოგადოება „ბათომის“ ერთ-ერთი დამფუძნებელია. რას შეიძლება უკავშირდებოდეს ძველი ბათუმის კულტურული მემკვიდრეობის ერთ-ერთი ყველაზე აქტიური დამცველის დათხოვნა საბჭოდან? „ბათუმელები“ შოთა გუჯაბიძეს ესაუბრა.
დღეს აჭარის მთავრობის თავმჯდომარე არჩილ ხაბაძე და საქართველოს ენერგეტიკის მინისტრის მოადგილე ილია ელოშვილი ენერგო-პროს ბათუმის ფილიალში ახალი პროექტის პრეზენტაციას დაესწრნენ. მთავრობის წევრებს დღეს არ უსაუბრიათ ამ პროექტის ფარგლებში რამდენ ოჯახს მოუწევს საკუთარი საცხოვრებელი ადგილის გამოცვლა.
აჭარის ჯანმრთელობისა და სოციალური დაცვის მინისტრი ნუგზარ სურმანიძე მოსკოვის ტრავმატოლოგიისა და ორთოპედიის ცენტრალური ინსტიტუტის პროფესორ სოვოლოდ გოროხოვთსა და სამედიცინო ცენტრ „მედინას“ დირექტორ ჯუმბერ უნგიაძეს შეხვდა.
მე-16 საჯარო სკოლის მოსწავლეები თამთა კვარაცხელიას დირექტორის თანამდებობაზე აღდგენას მოითხოვენ.
მე-9, მე-10 და მე-11 კლასიის მოსწავლეებს შესაძლებლობა აქვთ უფასოდ ისწავლონ სამართლის სკოლაში. ისინი სამი თვის განმავლობაში მიიღებენ ინფორმაციას ადამიანის უფლებებზე, სახელმწიფო სამართალსა და დემოკრატიის შესახებ.
ხვალ, 12 თებერვალს ბათუმში, იუსტიციის სახლის წინ ადვოკატების მდუმარე აქციაა დაგეგმილი.
„ქართული ოცნების“ ქედის რაიონულ შტაბში პარტიის აქტივისტებმა დღეს ბრიფინგი გამართეს. ბრიფინგზე კოალიციის მხარდამჭერებმა ერთიანი გუნდის შესაძლო გაყოფაზე ისაუბრეს და პარტიის მდივანს, კახი კალაძეს თხოვნით მიმართეს, პარტიის მოქმედი თავმჯდომარე, ასლან ლორთქიფანიძე, პარტიის რაიონული ორგანიზაციის მუშაობას სამომავლოდაც გაუძღვეს.
ბათუმში პუშკინის №147-ში სახანძრო სამსახურის თანამშრომლები ამ წუთებში ხანძრის ლიკვიდაციას ცდილობენ.
ხვალ, 12 თებერვალს, თვითმმართველობის გადაწყვეტილებით, საქალაქო-სამარშრუტო მიკროავტობუსები საგანგებო რეჟიმში – შემცირებული ინტერვალით იმუშავებენ. ასევე, დროებით გაიზრდება მიკროავტობუსების რაოდენობა.
