ბათუმელები
7 თებერვალს პარასკევს 15:00 საათზე ბათუმის დემოკრატიული ჩართულობის ცენტრის ინიციატივით საჯარო დისკუსია გაიმართება. დისკუსიის თემაა „ოთხი რელიგიური კონფესიის დაფინანსება და არსებული გამოწვევები“.
დისკუსიაში მონაწილეობას მიიღებენ სახალხო დამცველის აპარატთან არსებული ტოლერანტობის ცენტრის ხელმძღვანელი, თეოლოგი ბექა მინდიაშვილი.
აჭარის უმაღლესი საბჭოს დეპუტატი, ირაკლი ბარამიძემ დღეს ბრიფინგი გამართა და განაცხადა, რომ აჭარის სოფლის მეურნეობის სამინისტრომ ექსპორტზე გატანილი მანდარინის არასწორი ციფრები გაავრცელა.
დღეს 15:00 საათზე ქობულეთში, შპს ,,უნიმედი აჭარა ,,ქობულეთის რეგიონულ საავადმყოფოში“ გაიხსნება დიალიზის ახალი განყოფილება. განყოფილების გახსნას დაესწრებიან აჭარის ავტონომიური რესპუბლიკის მთავრობის თავმჯდომარე არჩილ ხაბაძე, აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე, ქობულეთის მუნიციპალიტეტის გამგებელი გიორგი რომანაძე და ჩემი ოჯახის კლინიკის ქსელის საავადმყოფოების ხელმძღვანელები.
8-9 თებერვალს ჩაქვში, სასტუმრო OASIS -ში გაიმართება ფორუმი თემაზე: რეგიონის განვითარება და ახალგაზრდების როლი.
ბათუმის სახელმწიფო მუსიკალრ ცენტრში, 12 თებერვლიდან 1 მარტამდე მუსიკალური ფესტივალი “ბათუმური საღამოები” გაიმართება.
საქართველოს სოფლის მეურნეობის სამინისტრო „მცირემიწიან ფერმერთა 2014 წლის საგაზაფხულო სამუშაოების ხელშეწყობის პროექტს“ იწყებს.
ევროპის მოედანზე უკვე მესამე კვირაა უფუნქციოდ დგას ხის ჯიხურები, სადაც ახალი წლის დღეებში საშობაო ბაზრობა იმართებოდა.
ბათუმის საკრებულოს თავმჯდომარის პირველი მოადგილე ჯუმბერ კახიძე საქართველოს ენერგეტიკის მინისტრისა და ვიცე- მერის კახი კალაძის მიერ ბათუმის მერის თანამდებობიდან წასვლის შეფასებას გამოეხმაურა და მინისტრის ვარაუდს, რომ ბათუმის მერის გადადგომა მოსახლეობის უკმაყოფილებით იყო გამოწვეული, არ დაეთანხმა.
აჭარის სიმღერისა და ცეკვის სახელმწიფო ანსამბლის წევრები აქციას მართავენ, მოთხოვნით: ანსამბლის მხატვრულ ხელმძღვანელად დარჩეს ყოფილი ხელმძღვანელი თემურ ქორიძე. აქციის მონაწილეებმა 20-მდე მანქანისაგან შემდგარი კოლონით ჩამოიარეს ქალაქის ქუჩებში და აჭარის მთავრობასთან შეჩერდნენ, სადაც თავიანთი მოთხოვნების შესახებ ისაუბრეს.
ბათუმში მუსიკალურ კონკურს „X ფაქტორის“ შესარჩევი ტური დაიწყო. მაგთის ოფისთან ათობით კონკურსანტი დილიდანაა შეკრებილი.
საქართველოს ეროვნული ბანკის მონაცემებით, გასულ წელს ფულადი გზავნილების სტატისტიკის მიხედვით რუსეთის ფედერაცია ლიდერობს.
აჭარის განათლების, კულტურისა და სპორტის სამინისტრო „სასკოლო კლუბების ხელშეწყობის ქვეპროგრამის“ ფარგლებში კონკურსს აცხადებს. კონკურსის მიზანია ხელი შეუწყოს აჭარაში არსებულ სკოლებში, სასკოლო კლუბების განვითარებას. დაფინანსების მაქსიმალური თანხა 3000 ლარია.
არასამთავრობო ორგანიზაციის „შეზღუდული შესაძლებლობების მქონე პირთა უფლებებისათვის“ ინიციატივით განსაკუთრებული საჭიროების მქონე პირები დასაქმდებიან. ამის შესახებ ოფიციალური დოკუმენტი ორგანიზაციასა და ბათუმის ავტოტრანსპორტს შორის დემოკრატიული ჩართულობის ცენტრში დღეს გაფორმდა.
ბათუმის დრამატული თეატრი პრემიერისთვის ემზადება. სოფოკლეს „ელექტრა“ რეჟისორმა მიშა ჩარკვიანმა დადგა. დასი სპექტაკლზე ორთვენახევარი მუშაობდა.
დღეს კიბოსთან ბრძოლის მსოფლიო დღეა. აჭარის საზოგადოებრივი ჯანდაცვის ცენტრის მონაცემებით, აჭარაში კიბოთი ავადობის შემთხვევებმა იმატა. 2012 წლის მონაცემებით, პირველად დადგენილი დიაგნოზით 670 შემთხვევა დაფიქსირდა, რაც 2011 წელთან შედარებით 17,7 პროცენტით (ანუ 119 ადამიანით) მეტია. 2013 წლის მონაცემები კი ჯერ დამუშავებული არ არის.
ჯემალ ანანიძემ თანამდებობიდან გადადგომის მიზეზებზე ისაუბრა და განმარტა, რატომ შეცვალა თავისი ორი კვირისწინანდელი განცხადება, როცა ამბობდა, რომ გადადგომას არ აპირებდა: „დავწერე განცხადება გადადგომაზე იმიტომ, რომ ყოველთვის ვამბობდი, რომ არ ვარ პარტიული და ჩემს საქმიანობას მაინც პარტიას მიაწერდნენ. გამომდინარე აქედან, საზოგადოებაც დაიბნა და მეც მინდა ვიცოდე, რა მიმართულებით წავიდე. თუ საკრებულო არ დააკმაყოფილებს ამ გადაწყვეტილებას, მაშინ მოვძებნი იურიდიულ გზებს იმასთან დაკავშირებით, რა მიმართულებით წავიდეთ“.
<!** Image 1 align="left" width="300" height="512" >
გიორგი ერმაკოვი, რომელსაც პოლიციასა და ფინანსურ სტრუქტურებში მუშაობის გამოცდილება აქვს, ბათუმის მერის მოადგილედ დაინიშნა. ის მეორე კადრია ზურაბ პატარაიას შემდეგ, ვინც მერის, ჯემალ ანანიძის შემცვლელად დასახელდა, შემდეგ კი მის მოადგილედ დაინიშნა. ითქვა იმაზეც, რომ პირადად ირაკლი ღარიბაშვილისგან მიიღო აჭარის მთავრობამ გიორგი ერმაკოვის მერად დანიშვნაზე მოთხოვნა. თავის მხრივ აჭარის მთავრობამ ეს დავალება საკრებულოს თავმჯდომარეს, ირაკლი ჩავლეიშვილს გადასცა… ამ ამბავს ყველა უარყოფს. ფაქტი კი ის არის, რომ ამ ეტაპზე გია ერმაკოვის გამერებას დიდწილად ბათუმის საკრებულოს წევრებმა შეუშალეს ხელი.
4 თებერვალი კიბოსთან ბრძოლის საერთაშორისო დღეა.
ბათუმი ყოველდღიურად ხუთ ტონა თევზს მოიხმარს. მოსახლეობა, რესტორნები, კაფე-ბარები შავ ზღვაში დაჭერილი თევზით მარაგდება. შავი ზღვის სანაპიროზე 200-მდე თევზმჭერი ბრიგადაა, მათ თევზაობა ლიცენზიის გარეშე შეუძლიათ. თევზჭერის გრძელვადიანი ლიცენზია კი 5 კომპანიას აქვს. მეთევზეთა ორივე ჯგუფს, ლიცენზიანტებსაც და თევზმჭერ ბრიგადებსაც საერთო პრობლემა აქვთ – არ ჰყოფნით სივრცე, რომელიც მათ სათევზაოდ აქვთ გამოყოფილი.
სვირინგი საბჭოთა ადამიანის სხეულზე ხშირად სასჯელის მოხდასთანაა გაიგივებული. თუმცა, იმ დროს სვირინგებს მეზღვაურები, სამხედროები, მუსიკოსები ან უბრალოდ, რომანტიკული მოზარდებიც იხატავდნენ. შესაბამისად, საბჭოთა სვირინგი ჟანრობრივად მრავალფეროვანია, სტილისტურად კი _ ერთფეროვანი.
ყვითელი და ცისფერი სამაჯურები; უკრაინის დროშის ფერებში გადაწყვეტილი ლარნაკები და ყვავილები; ორი ფერის მენიუ, უკრაინული კერძები; უკრაინული მუსიკა და საინფორმაციო რგოლი უკრაინაზე – უკრაინელი ხალხის მხარდასაჭერი საღამო „პრესკაფეში“ ამ წუთებშიც გრძელდება.
აჭარის ფინანსთა და ეკონომიკის სამინისტროსთან ხელვაჩაურის ყოფილ ტერიტორიაზე თვითნებურად ჩასახლებულმა მოსახლეობამ აქცია გამართა. ისინი მინისტრისგან პასუხს მოითხოვდნენ, რადგან მათ დღემდე არ მიეწოდებათ ელექტროენერგია. ამ პრობლემის მოგვარება აჭარის მთავრობის თავმჯდომარემ ჯერ კიდევ 17 იანვარს დაავალა ფინანსთა და ეკონომიკის სამინისტროს, რადგან ტერიტორია, სადაც თვითნებურად ჩასახლებული მოსახლეობა ცხოვრობს, ეკონომიკის სამინისტროს ეკუთვნის.
აჭარის უმაღლეს საბჭოში ვაკანტური თანამდებობების დასაკავებლად გამოცხადებული კონკურსის შედეგები მხოლოდ ერთმა კონკურსანტმა გააპროტესტა. საჩივარი უკვე განიხილა საპრეტენზიო კომისიამ.
2014 წლის შესყიდვების დოკუმენტში მერიამ სასაჩუქრე პაკეტების შესაძენად 65 000 ლარი გაითვალისწინა. მერიის პრესსამსახურის ინფორმაციით, მერია ამ თანხით ბათუმში ოფიციალურ შეხვედრებზე ჩამოსული დელეგაციების წევრებისთვის სიმბოლურ საჩუქრებს შეიძენს.
ბათუმის ქუჩებში, პარკებსა და სკვერებში სასმელი წყლის შადრევნები გამოჩნდება. მერიის პრესსამსახურის ინფორმაციით გადაწყვეტილება მერიაში მოსახლეობის თხოვნით მიიღეს.
ბათუმის მერია ზედამხედველობის სამსახურის თანამშრომლებისთვის და ასევე მერიის იმ თანამშრომლებითვის, რომლებსაც ცუდ ამინდში მუშაობა ქუჩაში უწევთ, საწვიმარ ლაბადებს შეიძენს. მერიამ ლაბადების შესაძენად წელს ბიუჯეტში 800 ლარი გაითვალისწინა.
ბათუმი კლიმატის ცვლილებების შესახებ საერთაშორისო კონფერენციას უმასპინძლებს. ,,ქალაქების დამეგობრება კლიმატის დაცვისათვის“ – ბათუმის მერიისა და ასოციაცია ,,კლიმატის ალიანსის“ ორგანიზებით 13 – 14 თებერვალს გაიმართება.
10 თებერვალს 17:00 საათზე ჭაჭის შადრევანის მიმდებარე ტერიტორიაზე აქციაა დაგეგმილი. ჭაჭის შადრევანის მიმდებარე ტერიტორიაზე პარკის გაშენების იდეით საინიციატივო ჯგუფი ბათუმის მერიას მიმართავს.
ქობულეთის დაცული ტერიტორიაზე, ისპანის ჭაობში გუშინ გაჩენილი ხანძრის მიზეზები ამ დრომდე უცნობია. როგორც დაცული ტერიტორიის ადმინისტრაციაში აცხადებენ, ხანძარი გუშინ დაახლოებით რვა საათისთვის გაჩნდა. მიზეზები ამ დრომდე უცნობია.
სოფელ ბუკნარის მაცხოვრებლები აცხადებენ, რომ ერთი კვირაა წყალი არ მიეწოდებათ. სოფლის მაცხოვრებლებმა რედაქციას წერილობით მიმართეს, სადაც ვკითხულობთ:
ტურისტულ სოფელ გომარდულში მცხოვრებლები, ისე როგორც კოტეჯების მფლობელები, ტურისტების ნაკლებობას და მოუწესრიგებელ ინფრასტრუქტურას უჩივიან; ცოტა ხნის წინ გომარდულში არსებული კოტეჯების მფლობელების საბანკო ანგარიშებს სახელმწიფომ ინკასო დაადო. ბიზნესმენები სახელმწიფოს აღებული ვალდებულებების გადავადებასა და მიწის გადასახადისგან გათავისუფლებას ითხოვენ.
ბათუმის ქუჩებში ბევრი ადგილია სადაც ელექტროსადენები (შესაბამისად ადამიანების უსაფრთხოება) არ არის დაცული. ელექტრობოძებს მომძვრალი აქვთ შესაბამისი დამცავი ხუფები. საიზოლაციო ლენტებით შეხვეული კაბელები კი პოლიეთილენის ბოთლებითაა „დაცული“ (ალბათ, უფრო წვიმისგან).
<!** Image 1 align="left" alt="მარიამ კოჩალიძე" sub="მარიამ კოჩალიძე" width="300" height="1365" >
ბათუმში, ზღვის სანაპიროზე მოკლული მარიამ კოჩალიძის ოჯახი გარდაცვლილის ნივთების დაბრუნებას ითხოვს. უზენაესი სასამართლოს განმარტებით კი, ვიდრე მკვლელობაში ბრალდებულს არ დააპატიმრებენ და გამოძიება საქმეზე სასამართლოს ყველა ინსტანციაში არ დასრულდება, პროკურატურა მარიამის ნივთებს, ტანსაცმელს, ჩანაწერების რვეულს და კომპიუტერს ოჯახს ვერ დაუბრუნებს.
<!** Image 1 align="left" width="300" height="600" >
რა ხდება კიევში, ევრომაიდანზე, კამერებს მიღმა და როგორია ამ დროისათვის უკრაინელების განწყობა – ამ თემებზე „ბათუმელები“ ფოტოგრაფს, ირაკლი ძნელაძეს ესაუბრა, რომელიც უკვე ორი თვეა ევრომაიდანზე მიმდინარე მოვლენებს ფოტოზე აღბეჭდავს.
აჭარის მთავრობასა და სამინისტროებში ორმოც ვაკანტურ თანამდებობაზე გამოცხადებულ კონკურსში, მხოლოდ ცხრა ახალმა კონკურსანტმა შეძლო თანამდებობის დაკავება. 31 ვაკანსიაზე კი თანამდებობა იმ პირებმა შეინარჩუნეს, რომლებიც ვაკანტურ ადგილებზე მოვალეობის შემსრულებლად იყვნენ დანიშნულნი. სამთავრობო უწყებების მიერ გამოცხადებულ კონკურსში 1300 აპლიკანტი დარეგისტრირდა.
განათლების, კულტურისა და სპორტის სამინისტრო, 2014 წლისთვის სპორტულ ფორმებს შეიძენს აჭარის ნაკრები გუნდების წევრების, პირველობების გამარჯვებულების, პრიზიორების და მათი მთავარი მწვრთნელებისთვის.
