Batumelebi | რადიო „აჭარას“ ახალი მენეჯერი ჰყავს რადიო „აჭარას“ ახალი მენეჯერი ჰყავს – Batumelebi
RU | GE  

რადიო „აჭარას“ ახალი მენეჯერი ჰყავს

 

რადიო „აჭარას“ ბესო შერვაშიძე უხელმძღვანელებს. როგორც „ბათუმელებთან“ აჭარის ტელერადიომაუწყებლის დირექტორმა სოსო სტურუამ განაცხადა, 18 თებერვალს ბესო შერვაშიძე მენეჯერის მოვალეობის შემსრულებლად  დანიშნა.

 

„კონკურსამდე დირექტორის გადაწყვეტილებით ინიშნება მოვალეობის შემსრულებელი.   ვინც ასრულებდა მოვალეობას – ნოდარ ცეცხლაძე _ მან უარი განაცხადა მენეჯერობაზე და როგორც ვიცით, არც აპირებს კონკურსში მონაწილეობას. ამ შემთხვევაში მე ვნახე გამოსავალი – მოვიწვიე ბესო. მას რადიოში მოღვაწეობის 15-წლიანი გამოცდილება აქვს, თუმცა ამჟამად არ მუშაობდა. ის ამ თანამდებობაზე მანამდე იქნება, სანამ კონკურსს გამოვაცხადებთ. მიმაჩნია, რომ კარგი უნარები აქვს და ამ რამდენიმე თვის განმავლობაში შეძლებს კარგად შეასრულოს მაუწყებლის ამოცანები“.

 

„მე და სოსო ერთად მოვედით ჟურნალისტიკაში და ძალიან დიდი ხნის განმავლობაში ერთად ვმუშაობდით, ის ჩემს პოტენციალს იცნობს, ამიტომ მე თვითონ გავუწიე ჩემ თავს რეკომენდაცია.” – ამბობს ბესო შერვაშიძე. 

 

სოსო სტურუას თქმით, აჭარის რადიოს მენეჯერის თანამდებობის დასაკავებლად კონკურსი გამოცხადდება, თუმცა მოგვიანებით, რადგან ამ ეტაპზე ტელევიზიაში მიმდინარეობს რეორგანიზაცია  და „ყველაფრთან ერთად შეჭიდება რთულია”.

 

ბესო შერვაშიძე წლების განმავლობაში აჭარის რადიოს რედაქტორად მუშაობდა.  

 

რაც შეეხება ნოდარ ცეცხლაძეს, ის განმარტავს, რომ თავისი სურვილით დატოვა რადიოს მენეჯერის მოვალეობის შემსრულებლის თანამდებობა, რადგან წლების განმავლობაში ტელევიზიაში მუშაობდა და მისთვის იქ მუშაობა უფრო მისაღებია.  ნოდარ ცეცხლაძე ახლა აჭარის ტელევიზიაში საინფორმაციო სამსახურის და შემოქმედებითი ჯგუფის რედაქტორია.

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი