საქართველოს მთავარი პროკურატურა ლევან ვარშალომიძის დაკითხვაზე დაბარების მიზეზს „ბათუმელებთან“ განმარტავს:
„აჭარის პროკურატურის საგამოძიებო ნაწილის წარმოებაში არსებულ სისხლის სამართლის საქმეზე, რომელიც შეეხება ბათუმში მდებარე მილიონ-ნახევარ ლარად შეფასებულ კულტურული მემკვიდრეობის ძეგლის გასხვისებისა და დაზიანების ფაქტს, მოწმის სახით დასაკითხად 2014 წლის 17 თებერვალს დაბარებულია აჭარის მთავრობის ყოფილი თავმჯდომარე ლევან ვარშალომიძე.
აღნიშნულ სისხლის სამართლის საქმეზე გამოძიება დაწყებულია 333 მუხლის პირველი ნაწილით, რომელიც გულისხმობს სამსახურებრივი უფლებამოსილების გადამეტებას“.
