Batumelebi | კანონპროექტი ეკომიგრანტების შესახებ კანონპროექტი ეკომიგრანტების შესახებ – Batumelebi
RU | GE  

კანონპროექტი ეკომიგრანტების შესახებ

 

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ინიციატივით  შექმნილი კომისია უკვე მუშაობს  ეკომიგრანტების სტატუსის შესახებ კანონპროექტის მომზადებაზე. კომისია დღესაც შეიკრიბა.

 

კომისიამ ერთ-ერთი მორიგი სამუშაო შეხვედრა უკვე დაასრულა და როგორც კანონპროექტის  ინიციატორები  ამბობენ, სავარაუდოდ  კანონპროექტს  პარლამენტს  გაზაფხულზე წარუდგენენ.

 

 ეკომიგრანტთა შესახებ კანონპროექტის კონცეფციის განხილვაში მონაწილეობა მიიღეს:  სახალხო დამცველის აპარატის მართლმსაჯულების დეპარტამენტის უფროსმა, საერთაშორისო და ადგილობრივმა არასამთავრობო ორგანიზაციებმა.

 

სამუშაო შეხვედრაზე კანონპროექტში ეკომიგრანტის ცნების განსაზღვრვა, ეკომიგრანტთა გრძელვადიანი განსახლების კრიტერიუმები, განსახლებულ ეკომიგრანტთა ინტეგრაცია და ქონების საკუთრებაში გადაცემის ვადები განიხილეს.  

აჭარიდან კომისიის წევრები არიან  აჭარის ჯანდაცვის სამინისტროს თანამშრომლები – რამაზ ჯინჭარაძე და დალი ქიქავა, ასევე არასამთავრობო ორგანიზაცია „ბორჯღალის“ წარმომადგენლები.

 

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"