Batumelebi | „ჩვენი და უკრაინელი ხალხის ბედი დღეს წყდება“ – უკრაინის მხარდამჭერი აქცია ბათუმში „ჩვენი და უკრაინელი ხალხის ბედი დღეს წყდება“ – უკრაინის მხარდამჭერი აქცია ბათუმში – Batumelebi
RU | GE  

„ჩვენი და უკრაინელი ხალხის ბედი დღეს წყდება“ – უკრაინის მხარდამჭერი აქცია ბათუმში

 

ბათუმში, „ვარდების სკვერში“, უკრაინის მხარდამჭერი აქცია გაიმართა. აქცია ორგანიზაცია  „ახალგაზრდული ინიციატივა მომავალი საქართველოსთვის“ ორგანიზებით გაიმართა. აქციის  მონაწილეებმა კიევში, „ევრო მეიდანზე“, შეტაკებების დროს დაღუპულთა გამო მწუხარება გამოთქვეს და უკრაინელ ხალხს თავისუფლებისთვის ბრძოლაში თანადგომა გამოუცხადეს. 

 

 „ჩვენ დაგვიკავშირდა უკრაინელი სათვისტომოს წარმომადგენელი. მათ სურვილი გამოთქვეს, ერთობლივად გამოგვეხატა უკრაინელი ხალხისადმი მხარდაჭერა. სიმბოლურია,  როცა ბათუმიდან კეთდება ასეთი განცხადება, სადაც დიდი ხნის განმავლობაში იდგა რუსის ჯარი. დღეს უკრაინა და უკრაინელები ცდილობენ  შეცვალონ ორიენტირი ევროპისკენ. ჩვენც იმავე გზაზე ვდგავართ. ამიტომ ჩვენი და უკრაინელი ხალხის ბედი დღეს წყდება „ევრო მოედანზე“- განაცხადა „ახალგაზრდული ინიციატივა მომავალი საქართველოსთვის“ წევრმა ლაშა ადამიამ.

 

 

აქციაზე უკრაინელი სათვისტომოს წარმომადგენლებიც იმყოფებოდნენ.

 

„ჩვენთვის რთული პერიოდი დგას. ჩვენ გვინდა ვიყოთ თავისუფლები. წლების განმავლობაში ჩვენ გვყოფდა სხვადასხვა მთავრობა და სხვადასხვა სახელმწიფო. ახლა ჩვენ ვართ ერთიანი.“- აღნიშნა სათვისტომოს ერთ-ერთმა წარმომადგენელმა ალექსანდრე ვალონსკიმ.

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი