ბათუმელები
ფრინველებზე დაკვირვების მიზნით აჭარის რეგიონს გასულ წელს 113 უცხოელი სტუმარი ეწვია. სათვალთვალო პუნქტებთან განლაგებულ სოფლის სასტუმრო სახლებში „ბერდვოტჩინგის“ მოყვარულებმა ჯამში 1010 ღამე გაათიეს. 2012 წელს იმავე მიზნით აჭარას მხოლოდ 36 ტურისტი სტუმრობდა. სასტუმრო სახლების შესაბამისად მხოლოდ 493 ღამეს იყო დატვირთული.
ქობულეთის მუნციპალიტეტის, სოფელ კვირიკეში, მცხოვრებლები მდინარე ლაფჩასთან დაზიანებული ხიდის აღდგენას ითხოვენ.
საქართველოს ფინანსთა სამინისტრომ ცვლილებები შეიტანა დაბალხელფასიანი მოქალაქეებისთვის დაუბეგრავ მინიმუმზე დარიცხული გადასახდების უკან დაბრუნების წესში. მოქალაქეები, რომლებსაც 2013 წელს დაერიცხათ ხელფასი 6000 ლარი ან ნაკლები, შესაბამისი თანხის დაბრუნებას საგადასახდო სერვისცენტრში მიუსვლელად, ინტერნეტის საშუალებითაც შეძლებენ.
ყოფილი თანამშრომელი, სალომე ჟღენტი აჭარის მთავრობას სამსახურიდან დათხოვნის გამო ედავება. სარჩელს ამ წუთებში ბათუმის საქალაქო სასამართლო განიხილავს. სალომე ჟღენტი მთავრობის საივესტიციო პოლიტიკის დეპარტამენტის მთავარ სპეციალისტისტად 2012 წელს აჭარის ყოფილმა მთავრობის თავმჯდომარემ ლევან ვარშალომიძემ დანიშნა. მოსარჩელე მიიჩნევს რომ ის სამსახურიდან უკანონოდ, პოლიტიკური ნიშნით დაითხოვეს.
სურსათის ეროვნული სააგენტოს განცხადებით, მათი უშუალო მონაწილეობით, 6-წლიანი ემბარგოს შემდეგ გასულ წელს მცენარეული წარმოშობის ქართული პროდუქცია დაუბრუნდა რუსეთის ბაზარს;
სურსათის ეროვნული სააგენტოს მონაცემებით იმპორტირებული სურსათის მიხედვით ძირითადი იმპორტიორი ქვეყნებია: კამეჩის/საქონლის ხორცი – ინდოეთი, ბრაზილია, გერმანია; ღორის ხორცი – ბრაზლია, კანადა, ჰოლანდია; ღორის ქონი – ესპანეთი, იტალია, ჰოლანდია; ცოცხალი საკლავი ღორი – უნგრეთი, დანია, გერმანია; ქათამი/ქათმის ნაწილები – აშშ, ბრაზილია, თურქეთი, უკრაინა; გაყინული თევზი – ნორვეგია, ახალიზელანდია, ესპანეთი, კანადა, აშშ; რძის პროდუქტები – უკრაინა, რუსეთი, საფრანგეთი; ბოსტნეული – თურქეთი, ყირგიზეთი, უკრაინა; სასურსათო კვერცხი – თურქეთი, უკრაინა, ბელორუსი, მოლდოვა, ირანი.
ხულოს მუნიციპალიტეტში, გოდერძის უღელტეხილზე სამთო-სათხილამურო კურორტის ტერიტორიაზე ექვსი სასტუმროს ტიპის კოტეჯი აშენდება.
საზოგადოებრივი ჯანდაცვის ცენტრის პროფილაქტიკური კვლევების მიხედვით, აჭარის მასშტაბით 3000-მდე ბავშვს ხერხემლის პრობლემა აწუხებს. სქოლიოზით დაავადებულ ბავშვებისთვის აჭარის ჯანდაცვის პროგრამა ამოქმედდა. „სქოლიოზით დაავადებულ ბავშვთა რეაბილიტაციის პროგრამა“ 2014 წლის განმავლობაში გაგრძელდება და რეაბილიტაციის კურსით 2 500 ბენეფიციარი ისარგებლებს.
სახალხო დამცველის აპარატმა „ბათუმელების“ სტატიაზე მოკვლევა დაიწყო. სტატიაში საუბარი შუახევის მუნიციპალიტეტში, სოფელ ბარათაულის საჯარო სკოლაში დაწესებულ სასკოლო ფორმაზე იყო. დირექტორის გადაწყვეტილებით, მოსწავლე გოგონებს სკოლაში შარვლით მისვლა ეკრძალებათ.
დღეს ბათუმში, კონსტანტინე გამსახურდიას ქუჩაზე სანაგვე ურნა იწვოდა, მოქალაქეები გულგრილად უვლიდნენ გვერდს ცეცხლმოდებულ ურნას.
<!** Image 1 align="" sub="დამწვარი ნაგვის ურნა" width="500" height="2048" >
ამოვარდნილი ქვის ფილა, კოშკურის დანაგვიანებული ნაწილები და სხვა მცირე დაზიანებები, რომლებიც ამ ეტაპზე “ჭაჭა თაუერზეა”, ბათუმის გამწვანებისა და ლანდშაფტური დაგეგმარების სამსახურის დირექტორის, ეთერ მაჭუტაძის თქმით, ტურისტული სეზონის დაწყებამდე კეთილმოეწყობა.
<!** Image 2 align="" width="500" height="1200" >
არასამთავრობო ორგანიზაცია „დემოკრატიის ინსტიტუტი“ ყოფილი პატიმრების, მათი ოჯახის წევრებისა და პრობაციონერებისთვის გადამზადების პროგრამას აგრძელებს. პროექტს ახალი -ბიზნეს იდეების კომპონენტი დაემატა, რომლის ფარგლებში მცირე გრანტები გაიცემა.
აჭარის ჩემპიონი მკლავჭიდში ბათუმელი ნინო მახარაძე გახდა. გამარჯვებულს გადაეცა თასი, სიგელი და მედალი. ნინო მახარაძე საქართველოს ჩემპიონატზე მიიღებს მონაწილეობას, რომელიც თბილისში 10 მარტს ჩატარდება
საქართველოს კონსტიტუციის შექმნიდან 93 წელი გავიდა. ამ თარიღთან დაკავშირებით საქართველოს საკონსტიტუციო სასამართლოს თავმჯდომარე გიორგი პაპუაშვილი ბათუმის შოთა რუსთაველის სტუდენტებს შეხვდა. მან 1921 წლის 21 თებერვალს მიღებულ პირველ საქართველოს კონსტიტუციის მნიშვნელობაზე ისაუბრა.
იუსტიციის სამინისტროს ოფიციალური მონაცემებით, ამ დროისთვის უფასო პირადობის მოწმობა 17 000-მა მოქალაქემ აიღო.
თოჯინებისა და მოზარდ მაყურებელთა სახელმწიფო თეატრის დირექტორს, მედეა ჩარკვიანს, აღმკვეთი ღონისძიების სახით გირაო შეუფარდეს. 12 ათასი ლარი მედეა ჩარკვიანმა 25 დღის განმავლობაში უნდა გადაიხადოს.
ყინულის მოედანი აღდგენილია, ფუნქციონირებს სპორტული სექცია, ყინულის მოედანს დაუბრუნდნენ მოყვარული ჯგუფებიც. თუმცა დირექცია ჯერჯერობით მომსახურებას ვერ სთავაზობს იმ პირებს, რომლებსაც მოედნით სარგებლობა პერიოდულად გასართობად უნდათ.
„51 ჰაიკუ“ – ანუ ამდენივე მოკლე სტრუქტურის ლექსი აერთიანებს წიგნს, რომლის პრეზენტაციაც დღეს ბათუმის „პრესკაფეში“ შედგა. თაი ჰოკიარა ავტორის ფსევდონიმია. მას სახელის გამხელა არ სურს, ამბობს, რომ „ფსევდომანია“.
საკურორტო სეზონის დაწყებამდე ორი თვე რჩება, ბათუმის ახალი ბულვარის ტერიტორია აკვაპარკიდან ამფითეატრამდე კი შტორმის შემდეგ ისევ მოუწესრიგებელია. ჯერ არც სარემონტო სამუშაოებია დაწყებული.
კინოთეატრი ,,აპოლო’’
12:00 ,,ტარზანი’’ 3D 7 ( 7 ლარი)
14:00 ,,პომპეი’’ 3D 7 ( 7 ლარი)
16:30 ,,ზამთრის სიყვარულის ამბავი ‘’(8 ლარი)
19:00 ,,პომპეი’’ 3D 9 (8 ლარი)
22:00 ,,პომპეი’’ 3D 9 (9ლარი)
არასამთავრობო ორგანიზაციამ „შეზღუდული შესაძლებლობების მქონე პირთა უფლებებისათვის“ ბათუმის სახელმწიფო უნივერსიტეტის განათლების ფაკულტეტთან თანამშრომლობის ხელშეკრულება დადო. ორგანიზაციის ინფორმაციით, მემორანდუმი სამ წლიანია და განსაკუთრებული საჭიროების მქონე პირებისთვის განკუთვნილ სხვადასხვა პროექტებში ლექტორებისა და პედაგოგების ჩართვას ითვალისწინებს.
საკვალიფიკაციო გამოცდა კიოკუშინკაი კარატეში დასრულდა. გამოცდა 30 წლის სპორტსმენმა მაქსიმე გაფრინდაშვილმა წარმატებით გადალახა და შავი ქამარი მოიპოვა.
ბათუმის „საზღვაო ჰოსპიტალი“ მოსწავლეებისთვის მცირე გრანტების პროგრამას აცხადებს. საგრანტო პროგრამაში მონაწილეობის მიღება „ბათუმის სამოქალაქო კლუბის“ წევრებს შეეძლებათ. პროგრამის მიხედვით საპროექტო განაცხადი მომზადებული უნდა იყოს თემაზე: ცხოვრების ჯანსაღი წესის ხელშეწყობა.
ხელვაჩაურის მუნიციპალიტეტის სოფელ ერგეს მოსახლებამ საპროტესტო აქცია გამართა. მოსახლეობა ჩაბარებული მანდარინისა და ,,პავილიონში” მუშაობისთვის კუთვნილ ანაზღაურებას ითხოვს.
საკრებულო „ბათუმის ავტოტრანსპორტის“ დირექტორის თანამდებობაზე კონკურსს გამოაცხადებს, ეს თანამდებობა ვაკანტური მას შემდეგ გახდა რაც ,,ავტოტრანსპორტის’’ დირექტორმა გია ლორიამ თანამდებობა დატოვა.
„რისკის ქვეშ“ – ასე ჰქვია წიგნს, რომლის პრეზენტაციაც „საქართველოს ჟურნალისტთა დამოუკიდებელმა ასოციაციამ“ ბათუმის „პრესკაფეში“ მოაწყო. „ჟურნალისტთა უსაფრთხოების სახელმძღვანელო“ ავტორებმა დღეს ადგილობრივ ჟურნალისტებს წარუდგინეს.
გენეტიკურად მოდიფიცირებულ სურსათზე სპეციალური ნიშნის დატანა მიმდინარე წლიდან სავალდებულოა. ხოლო შესაბამისი კანონის მიღების შემთხვევაში აიკრძალება გენმოდიფიცირებული პროდუქტების მოყვანა საქართველოში. როგორ აისახება ეს ყველაფერი იმპორტსა და ბაზარზე? შეიქმნება თუ არა დეფიციტი და გაძვირდება თუ არა პროდუქტი?
საკრუიზო გემები ბათუმში უფრო ხშირად უნდა შემოვიდნენ – ეს აჭარის მთავრობის მთავარი გათვლაა მიმდინარე საკურორტო სეზონისთვის, რაც აჭარის ბიუჯეტში შემოსავლის გაზრდით უნდა აისახოს. მსხვილი ტურისტული კომპანიები კი საკრუიზო ტურიზმის განვითარების შესაძლებლობას ეჭვის თვალით უყურებენ. ეჭვის საფუძველი ნავმისადგომის დღეს არსებული ინფრასტრუქტურაა.
ბათუმში ორი დღის განმავლობაში მიმდინარე კამპანია „უთხარი მეგობარს“, რომელიც აივ/ შიდსის ტესტირების მნიშვნელობის შესახებ ინფორმაციის გავრცელებას ისახავდა მიზნად, საინფორმაციო ფლაერებისა და ბუკლეტების დარიგებით დასრულდა.
პატიმრებს, რომლებიც არასათანადო პირობებში იმყოფებიან, მაგალითად, არ აქვთ ჯანდაცვისა და განათლების უფლება, წვდომა ჰიგიენურ საშუალებებთან, ან ოჯახთან ხშირი კომუნიკაცია ეზღუდებათ, უფლება აქვთ ციხის ადმინისტრაციას პირობების გაუმჯობესება მოსთხოვონ. პრეცედენტი, როცა პატიმრები თავიანთი უფლებების დაცვას სასამართლოს გზით ცდილობენ, იშვიათია. ამის მიზეზად ადვოკატების ერთი ნაწილი კოლეგების არაპროფესიონალიზმს, ნაწილი კი პატიმრების შიშს ასახლებს.
ბათუმში, სასტუმრო „რედისონში“, პროექტის – ” შავი ზღვის აუზის ტურიზმის მდგრადი განვითარების ქსელი – რეგიონში ტურიზმის განვითარების და მარკეტინგის სტრატეგიების” პრეზენტაცია გაიმართა.
დღეს, აჭარის მთავრობის ადმინისტრაციულ ორგანოებთან ურთიერთობის დეპარტამენტის უფროსი სულხან ოქროპირიძე და საქართველოს მთავრობის რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული პოლიტიკის დეპარტამენტის უფროსი გიორგი წაქაძე ხელვაჩაურის მუნიციპალიტეტის გამგეობის ხელმძღვანელ პირებს და თემების რწმუნებულებს შეხვდნენ. სამუშაო შეხვედრაზე სოფლის მხარდაჭერის პროგრამის შესახებ ისაუბრეს.
სპორტული ინფრასტრუქტურის განვითარების მიზნით ქობულეთში სასპორტო კომპლექსის მშენებლობა მიმდინარეობს, რომელიც, გამგეობის განცხადებით, ხელს შეუწყობს სპორტის პოპულარიზაციასა და ახლაგაზრდებში ჯანსაღი ცხოვრების წესის დამკვიდრებას. ინფრასტრუქტურული ღონისძიებისთვის 2 647 922 ლარია გათვალისწინებული, ხოლო სამუშაობს კომპანია „გზა XXI“ აწარმოებს.
აჭარის ტელევიზია გეგმავს ოქტომბრიდან ახალი პროგრამებით გავიდეს ეთერში. ამისთვის აჭარის ტელერადიომაუწყებელმა სატელევიზიო პროგრამების შეძენაზე ტენდერი გამოაცხადა. ტენდერი გამოცხადდა დილის გადაცემაზე, სატელევიზიო ლექციებსა და დარგობრივ პროგრამებზე.
დღეს, 21 თებერვალს, ილიას სახელმწიფო უნივერსიტეტი კლუბ „ლიგამუსში“ მართავს პირველი რესპუბლიკის კონსტიტუციისადმი მიძღვნილ დისკუსიას საკონსტიტუციო სასამართლოს მოსამართლეებისა და ილიას სახელმწიფო უნივერსიტეტის პროფესორების მონაწილეობით.
ბათუმის საჯარო ბიბლიოთეკამ საჯარო ლექციების ციკლი დაიწყო. როგორც ბიბლიოთეკის დირექტორის მოადგილე ნატო ჭყონია ამბობს, საჯარო ლექციები ბიბლიოთეკის ღონისძიებების სიაში წელს პირველად შეიტანეს და 2014 წელს სამი საჯარო ლექციაა გათვალისწინებული. მას სხვადასხვა დარგის სპეციალისტები წაიკითხავენ.
