ბათუმელები
„აჭარის ავტონომიურ რესპუბლიკაში სახნავი მიწების 60% სხვადასხვა ხარისხითაა ეროზირებული. სწორედ ამ რეგიონში შეინიშნება ე.წ. „ნიადაგური მიგრაცია”, რასაც თან სდევს მოსახლეობის მიერ ძირძველი საცხოვრებელი ადგილების მიტოვება“ – აღნიშნულია „ნიადაგების დაცვისა და ნაყოფიერების ამაღლების სახელმწიფო პროგრამის დამტკიცების შესახებ“ საქართველოს სოფლის მეურნეობის მინისტრის 2 მაისის ბრძანებაში.
საქართველოს მთვრობის მორიგი გადაწყვეტილებით „აჭარისწყალი ჯორჯიას“, რომელიც აჭარის მაღალმთიანეთში ჰიდროელექტროსადგურს აშენებს, სასყიდლიანი აღნაგობის უფლებით, წლიური ანაზღაურებით – 1 ლარად, 318 ათასი კვ/მ მიწის ფართობი გადაეცა.
აჭარის ტელევიზიის ორი წამყვანი ადგილობრივი თვითმმართველობის არჩევნებში მონაწილეობს. თენგიზ აფხაზავას აჭარის ტელევიზიაზე ყოველკვირეული გადაცემა „ეკონომიკური სტრატეგია“ მიჰყავდა, ხოლო ნათია თავდგირიძეს „ერთი დღე სოფელში“.
თენგიზ აფხაზავა ბათუმის საკრებულოში მოსახვედრად კოალიცია „ქართული ოცნებიდან“ იბრძოლებს, ნათია თავდგირიძე კი – პოლიტიკური გაერთიანება „ერთიანობის დარბაზიდან“.
საერთაშორისო კამპანია “ევრომელანომის” ფარგლებში, კანის კიბოს და მელანომის ადრეული დიაგნოსტიკის მიზნით 19-დან 25 მაისამდე, საზღვაო ჰოსპიტალში ჩატარდება დერმატოლოგების და ონკოლოგების უფასო კონსულტაციები.
საქართველოს მთავრობის განკარგულებით „სახელმწიფო სამშენებლო კომპანიას“ გადაშენების საფრთხის წინაშე მყოფი ველური მცენარეების ბუნებრივი გარემოდან ამოღებაზე თანხმობა მიეცა.
მოსამართლე თამარ ბურჯანაძემ, აჭარის ტელევიზიის თანამშრომელი ირაკლი ანთიძე ადმინისტრაციული კოდექსის 173-ე მუხლის დარღვევის გამო 100 ლარით დააჯარიმა.
მოსამართლემ დაადგინა, რომ ანთიძეს საზოგადოებრივი წესრიგი არ დაურღვევია და 166-ე მუხლით გათვალისიწინებული სამართალდარღვევას ადგილი არ ჰქონია, თუმცა ჯარიმა მას პოლიციელებისთვის წინააღმდეგობის გაწევისა და შეურაცხყოფის მიყენების გამო დააკისრა.
ამ კვირას ბათუმში ჩამოვა სამუშაო ჯგუფი, რომელიც აჭარაში წყალმომარაგების სისტემების მდგომარეობაზე საქართველოს რეგიონული განვითარებისა და ინფრასტრუქტურის სამინისტროში შექმნილ სპეციალურ კომისიას ანგარიშს წარუდგენს. კომისია პრემიერ-მინისტრ ირაკლი ღარიბაშვილის იმ განკარგულების სისრულეში მოყვანის მიზნით შეიქმნა, რომლითაც აჭარის მუნიციპალიტეტებსა და ბათუმში წყალმომარაგება ცენტრალური ხელისუფლების (შპს „საქართველოს გაერთიანებული წყალმომარაგების კომპანიის“) ხელში გადადის. კომისიამ პირველი შეხვედრა თბილისში გამართა. „ბათუმელები“ ამ კომისიისა და ბათუმის საკრებულოს წევრს, საკრებულოს ინფრასტრუქტურის განვითარების კომისიის თავმჯდომარეს, ზაურ ფატლაძეს დაუკავშირდა.
ბათუმში კინოთეატრ აპოლოში დღეს და ხვალ სამი ფილმის ნახვაა შესაძლებელი.
„თავისუფალ ჟურნალისტთა სახლის“ გადაცემას – „შეუზღუდავ სივრცე“, ბათუმის მერობის კიდევ ერთი კანდიდატი ნუგზარ ჩხაიძე სტუმრობდა. ის „ლეიბორისტულმა პარტიამ“ წარადგინა. ნუგზარ ჩხაიძემ გადაცემაში წინასაარჩევნო გზავნილები გაახმოვანა:
„ინფრასტრუქტურის მოწესრიგება, ხალხთან ურთიერთობის გაღრმავება, დასაქმება და ინდუსტრიის განვითარება“- ეს ნუგზარ ჩხაიძის წინასაარჩევნო დაპირებებია. გადაცემაში ასევე შეგიძლიათ მოისმინოთ, კანდიდატის შეხედულებები ბათუმში მეჩეთის მშენებლობის საკითხზე, ქალაქის ურბანულ განვითარებასა და ევროპასთან ინტეგრაციის საკითხებზე.
აჭარის ტელევიზიის თანამშრომელი ირაკლი ანთიძე ამბობს, რომ პოლიციის ფორმაში ჩაცმული ადამიანები დღეს დილით თავს დაესხნენ. ის ირწმუნება, რომ ბათუმში, პოლიციის მეორე განყოფილებაში ის სიტყვიერად და ფიზიკურად შეურაცხყვეს. შს სამინისტროში კი განმარტავენ, რომ ის წვრილმანი ხულოგნობისა და წინააღმდეგობის გაწევის გამო დააპატიმრეს
20 მაისს 13:00 საათზე, ბათუმში კულტურული მემკვიდრეობის დაცვის სააგენტო, ძმები ნობელების მუზეუმში უცნობი კოლექციის – „ბათუმის ისტორიის ახალი ჩარჩოები“, გამოფენას გეგმავს.
გამოფენაზე წარმოდგენილი იქნება 2007-2014 წლებში მუზეუმის მიერ შეძენილი თუ ნაჩუქარი ექსპონატები, რომლებიც მოგვითხრობენ ქალაქ ბათუმის, ეკონომიკური და კულტურული ცხოვრების შესახებ.
„ეს ის მასალებია, რომლებიც უცნობია ფართო საზოგადოებისათვის, ამ კუთხით არის საინტერესო გამოფენა ბათუმის და ზოგადად, საქართველოს ისტორიის არაერთი საკითხის დაზუსტებისა და კვლევის თვალსაზრისით. ცალკეა წარმოდგენილი კომპანიების ,,ბრანობელისა’’ და ,,ატლას დიზელის’’ მოღვაწეობის ამსახველი ახალი მასალები, საგაზეთო თუ სხვა სახის რეკლამები“- აცხადებენ კულტურული მემკვიდრეობის სააგენტოში.
დღეს 19 მაისს, „ნაციონალური მოძრაობის“ წევრმა ნოდარ დუმბაძემ, მედიასთან გამართულ ბრიფინგზე ხელისუფლების მხრიდან წინასაარჩევნოდ ადმინისტრაციული რესურსის გამოყენებაზე განცხადება გააკეთა
დელეგაციას დღეს ბათუმის მერის მოვალეობის შემსრულებელი, რუსლან ქორიძე უმასპინძლებს.
დელეგაციის შემადგენლობაში შედიან დნეპროპეტროვსკის რეგიონული საბჭოს თავმჯდომარე ევგენი უდოდი, თავმჯდომარის მოადგილე ვლადიმირ პერეგუდოვი და თავმჯდომარის მრჩეველი ვალერია ბონდრენკო.
ანგარიში 69:0 ქულით დასრულდა შეხვედრა რაგბში ბათუმის „ბათუმსა“ და ქუთაისის „ბაგრატს“ შორის. შეხვედრა 18 მაისს, ბათუმში ანგისის მოედანზე გაიმართა და მასპინძელმა გუნდმა 69 ქულით სტუმარს სძლია. თამაშის დროს „ბათუმის“ მოთამაშე დაზიანდა. სერგო მოქიამ მარჯვენა მუხლის ტრამვა მიიღო.
დღეს, 19 მაისს, აჭარის მთავრობის თავმჯდომარემ არჩილ ხაბაძემ კოალიციის მიერ დასახელებული მაჟორიტარობის და პროპორციული სიის კანდიდატები წარადგინა. არჩილ ხაბაძის განცხადებით, კანდიდატები დამსახურების ნიშნით შეირჩა.
მაჟორიტარობის კანდიდატები:
ძველი ბათუმის უბანში კენჭს იყრის საკრებულოს მოქმედი თავმჯდომარე, „რესპუბლიკელი“ ირაკლი ჩავლეიშვილი. რუსთაველის უბანზე „თავისუფალი დემოკრატების“ კანდიდატი კობა ჩხეიძე იბრძოლებს, რომელიც ბოლოს აჭარის მთავრობაში მუშაობდა. ჯავახიშვილის უბანშიც „რესპუბლიკელი“ თემურ ყურაშვილია წარდგენილი. ის წინა მოწვევის საკრებულოს წევრი იყო. აღმაშენებლის ოლქში „ქართული ოცნების“ ბათუმის ორგანიზაციის ხელმძღვანელი ლაშა სირაბიძეა წარდგენილი.
აეროპორტი-გონიო-კახაბერის ბათუმზე შემოერთებულ ტერიტორიაზე კი ირაკლი მიქელაძე იბრძოლებს. ხიმშიაშვილის ქუჩაზე მდებარე ოლქში ვაჟა რამიშვილია წარდგენილი, ბაგრატიონის ოლქში – ექიმი თეიმურაზ ორაგველიძე, ბონი-გარადოკი-ბარცხანის ოლქში – იურისტი ლევან კინწურაშვილი, თამარის დასახლებაში კი „თავისუფალი დემოკრატების “ წევრი, ჯაბა ბერიძე. ურეხი-ხელვაჩაურის ბათუმზე შემოერთებულ ოლქში თემურ ბასილაძეა წარდგენილი.
ეს დაკითხვა გასულ კვირას გაიმართა ბათუმის საქალაქო სასამართლოში. მას ისმენდა მოსამართლე დავით მამისეიშვილი, მონაწილეობდნენ: ადვოკატი – გიორგი ხიმშიაშვილი, პოლიციელი – თამაზ თეთრუაშვილი, განსასჯელი – ფირუზ წულუკიძე. სასამართლო სხდომას არ დასწრებია კიდევ ერთი განსასჯელი, რუსეთის მოქალაქე იუსუფ ლაკაევი. მას რუსი სამართალდამცავები აფხაზეთში დიპლომატის მკვლელობისთვის ეძებენ. ლაკაევი, რომელიც საქართველოში უკანონოდ შემოიპარა, ბათუმში პოლიციელის დაჭრას აღიარებს.
„ნებისმიერი შეზღუდვა ჩემთვის მიუღებელია, სადაც მზღუდავენ, მე იქ არ ვჩერდები, შესაბამისად, არ ვჩერდები ერთ ადგილზე, სულ ვმოგზაურობ. სინამდვილეში უფრო მეტი მინდა ვიმოგზაურო. ქვეყანას ოთხი მხარე აქვს, შანსი გაქვს წახვიდე იმ მხარეს, სადაც გინდა“, – ეს დათო ტრაპაიძეა, ადამიანი, რომელიც ყველგან პოზიტივს ეძებს, საუკეთესო ტრანსპორტად ველოსიპედს მიიჩნევს, მხარზე თუ ფოტოაპარატს შენიშნავთ, მისი მარშრუტის განსაზღვრა მარტივია – დათო რუტინულ დღეს გაურბის, დღის ბოლოს კი საკუთარი ხეტიალის ამბავს საკუთარ ბლოგზე, „მთვარის კლუბის“ მკითხველს უყვება.
კოლხეთის ეროვნულ პარკში 40 ჰექტარი ბზის კორომია დაზიანებული, მტირალას ეროვნულ პარკში – 22 ჰექტარი, კინტრიშის დაცულ ტერიტორიებზე – 4 ჰექტარი, ხოლო იმერეთის მღვიმეთა დაცულ ტერიტორიაზე – 60 ჰექტარი. აღნიშნული მონაცემები „ბათუმელებს“ გარემოს ეროვნული სააგენტოდან მოაწოდეს. კოლხური ბზა წითელ ნუსხაშია შეტანილი, როგორც საფრთხის ქვეშ მყოფი სახეობა, რომელიც ამ ეტაპზე ნადგურდება.
ოცი ლარის ღირებულების სიგარეტის მოპარვაში ბრალდებულს ხელვაჩაურის რაიონული სასამართლოს მოსამართლე ამირან ძაბუნიძემ აღკვეთი ღონისძიების სახით ორიათასლარიანი გირაო შეუფარდა. განსასჯელის ადვოკატი ამბობს, რომ პროკურორმა მისი უფლებამოსილება არასათანადოდ გამოიყენა, მოსამართლე კი, უსამართლოდ მოიქცა.
ამ წუთებში ხელვაჩაურში, 53 ბატალიონის ტერიტორიაზე ჩასახლებული ოჯახები საპროტესტო აქციას მართავენ, ისინი ბათუმი-ხულოს მიმართულებით გზის გადაკეტვასაც აპირებენ
აეროპორტის მიმდებარე ტერიტორიაზე რალი კროსში აჭარის ჩემპიონატი ჩატარდა. შეჯიბრებაში საქართველოს სხვადასხვა რეგიონიდან 13 პროფესიონალი და მოყვარული ავტომრბოლელები მონაწილეობდა.
დღეს 17 მაისს, ბათუმის მერობის კანდიდატი „ქართული ოცნებიდან“ გიორგი ერმაკოვი, ფერიის ეკლესიაში წავიდა წირვაზე დასაწრებად. ამის შესახებ ინფორმაცია ჟურნალსტებს მერობის კანდიდატის თანაშემწემ მიაწოდა. დღის პირველი საათისთვის გიროგი ერმაკოვი ბათუმის საკათედრო ტაძარში მისვლასაც გეგმავს. მერობის კანდიდატს „ბათუმელებმა“ რამდენიმე კითხვა დაუსვა:
თვითმართველობის არჩევნებში მონაწილობისთვის, საარჩევნო სუბიექტებსა და პოლიტიკურ გაერთიანებებს შესაბამის საარჩევნო ოლქებში განაცხადის შეტანის ვადა ამოეწურათ.
აჭარის მაღალმთიანეთის შესაბამის საოლქო საარჩევნო კომისიებში, გამგებლის კანდიდატები ამ დრომდე არ დარეგისტრირებულან.
18 მაისს, 13:00 საათზე, ბათუმის არქეოლოგიურ მუზეუმში, მუზეუმის საერთაშორისო დღესთან დაკავშირებით განახლებული ექსპოზიციის გახსნა მოეწყობა.
„ერთიანი ნაციონალური მოძრაობის“ ხელვაჩაურის ორგანიზაციამ პარტიული სიის ათეული წარადგინა.
17-18 მაისს, 14:00 საათზე ბათუმის დრამატული თეატრში ლიტერატურული კონკურსი – “ლექსების გამოფენა” გაიმართება.
ბათუმის შოთა რუსთაველის უნივერსიტეტში აჭარაში ქირურგიული სკოლის ერთ-ერთ ფუძემდებლის, ვალერიან მაქაცარიას დაბადებიდან 120 წლსთავისადმი მიძღვნილი საიუბილეო-სამეცნიერო სესია მიმდინარეობს.
ხვალ, ხულოს მუნიციპალიტეტის ღორჯომის თემში უფასო სამედიცინო კონსულტაციები და გამოკვლევები ჩატარდება.
“ჯანმრთელობის კვლევის კავშირის” მიერ ჩატარებული კვლევის თანახმად, მედპერსონალის 35 პროცენტი ერთჯერად ხელთათმანებს არ იცვლის სხვადასხვა პაციენტის მომსახურებისას. მათ 70 პროცენტს არასოდეს გამოუყენებია სამედიცინო სათვალე. სამედიცინო დაწესებულებებში კი როგორც პაციენტის, ასევე ექიმის აივ/შიდსით და ვირუსული ჰეპატიტით დაავადების მაღალი რისკი არსებობს.
ახალი რესპულიკური საავადმყოფოს მშენებლობა 2014 წლის მეორე ნახევარში დაიწყება. პროექტის პირველადი მონაცემებით ახალი საავადმყოფო 160 საწოლიანი იქნება, პოლიკლინიკური ბლოკი კი ყოველდღიურად 800 ამბულატორიულ პაციენტზე იქნება გათვლილი.
კოალიცია „ქართული ოცნების“ საარჩევნო სიის პირველი ნომერი აჭარის მთავრობის აპარატის უფროსი ირაკლი ჭეიშვილია, მეორე ნომრად კი ბათუმის საკრებულოს თავმჯდომარე ირაკლი ჩავლეიშვილი ჩაწერეს.
15 მაისს, ქედის კულტურის ცენტრის საკონცერტო დარბაზში ხულოს, შუახევისა და ქედის შემოქმედებითი ჯგუფებისთვის, აჭარის სიმღერისა და ცეკვის ბავშვთა ფოლკლორული ანსამბლების ოლიმპიადის მეორე ტურს გაიმართა.
განათლების, კულტურისა და სპორტის სამინისტრომ, აჭარაში არსებული შემოქმედებითი ჯგუფებისა და ინდივიდუალური შემსრულებლებისთვის, საქართველოსა და საერთაშორისო ფესტივალებში, კონკურსებსა და სხვა ღონისძიებებში მონაწილეობის ხელშეწყობის კონკურსი გამოაცხადა.
დღეს ბათუმის მერობის კანდიდატი ნაციონალური მოძრაობიდან გიორგი დიასამიძე თავისუფალ ჟურნალისტთა სახლის გადაცემას „შეუზღუდავ სივრცე“ სტუმრობდა. გადაცემაში ბათუმის მერობის კანდიდატმა თავის საარჩევნო პროგრამაზე, ქალაქში უნებართვოდ მშენებარე ეკლესიებზე, ანტიდისკრიმინაციულ კანონზე და საქართველოს ევროპასთან ინტეგრაციაზე ისაუბრა.
ზაფხულის მოახლოებასთან ერთად ბათუმის საერთაშორისო აეროპორტში ფრენების რაოდენობა იზრდება.
რეგულარულ ფრენებს ამ ეტაპზე ყოველდღიურად “Turkish Airlines” ახორციელებს, კვირაში 2-ჯერ დაფრინავს “Belavia” (მინსკი-ბათუმის ფრენები სეზონზე კვირაში 4-ჯერ იგეგმება).
