პოლიციელი, რომელმაც ირაკლი ანთიძე დააკავა
ირაკლი ანთიძემ გუშინ განაცხადა, რომ პოლიციელებმა ის დაკავებისას სცემეს. მოსამართლემ შეფასების გარეშე დატოვა ირაკლი ანთიძის განაცხადება ცემასთან დაკავშირებით.
აჭარის ტელევიზიის თანამშრომელი ირაკლი ანთიძე პოლიციის თანამშრომლებმა გუშინ დილით დააკავეს.
დღეს სასამართლომ პოლიციელები დაკითხა, რომლებმაც დაკავების ოქმისგან განსხვავებული ჩვენებები მისცეს. პოლიციელებმა თქვეს, რომ ირაკლი ანთიძის ვინაობის დასადგენად ისინი მანქანიდან გადმოვიდნენ და სწორედ ამის შემდეგ დაიწყო ანთიძემ საზოგადოებრივი წესრიგის დარღვევა.
დაკავების ოქმში კი, რომელიც დღეს სასამართლო პროცესზე მოსამართლემ წაიკითხა, წერია, რომ ირაკლი ანთიძე არღვევდა საზოგადოებრივ წესრიგს და პოლიცია მივიდა მისი ვინაობის დასადგენად. ის ხმაურისა და სამართლადამცავებისთვის გაწეული წინააღმდეგობის გამო დააკავეს.
ანთიძის ინტერესებს ახალგაზრდა იურისტთა ასოციაციის იურისტი გიორგი ხიმშიაშვილი იცავს, რომელიც ბათუმის საქალაქო სასამართლოს გადაწყვეტილების ზემდგომ ინსტანციაში გასაჩივრებას აპირებს.
ირაკლი ანთიძე და გიორგი ხიმშიაშვილი
პოლიციელებმა სასამართლო პროცესზე დღეს თქვეს, რომ ანთიძე ველოსისპედით ცდილობდა გაქცევას და სწორედ ამ დროს დააკავეს ის. მათი თქმით, იმის გამო, რომ ქალაქში ხშირად იპარავენ ველოსიპედებს, „იეჭვეს“, რომ ველოსიპედი ნაქურდალი იყო.
პოლიციელების განმარტებით, ანთიძეს ექსპერტიზის დასკვნა არ ჩატარებია, რადგან ეს დაკავებულმა არ მოისურვა. პირადი ჩხრეკისას ამოღებულია დანა, რომელიც გადაგზავნილი ექსპერტიზის ბიუროში.
პოლიციელი, რომელმაც ირაკლი ანთიძე დააკავა
ადვოკატის კითხვაზე, დაადგინეს თუ არა ველოსიპეტი ანთიძეს მოპარული ჰქონდა თუ არა, პოლიციელებმა განაცხადეს, – „არა, რადგან დაკავებული დუმილის უფლებით სარებლობდა“. კიდევ ერთ კითხვაზე, სად არის ამჟამად ველოსიპეტი? – პოლიციელმა უპასუხა: გუშინ ვისვენებდი და არ ვიცი.
