Author Archives: ბათუმელები

აჭარის ტურიზმისა და კურორტების დეპარტამენტმა „იდუმალი სტუმრის“  საშუალებით კვების ობიექტებში სერვისის ხარისხი შეამოწმა. კვლევის პრეზენტაცია აჭარის ტურიზმის დეპარტამენტში დღეს გაიმართება. 

ბათუმის რეფერალური საავადმყოფოს სამედიცინო პერსონალისთვის აჭარის საზოგადოებრივი ჯანდაცვის ცენტრის, ასევე დაავადებათა კონტროლისა და საზოგადოებრივი ჯანმრთელობის ეროვნული ცენტრის ბათუმის სამმართველოს წარმომადგენლებმა ჩაატარეს ლექცია ექიმებისათვის თემაზე: ჰემორაგიული ცხელებით მიმდინარე დაავადებები, აქცენტებით: ებოლა და ყირიმ-კონგოს ჰემორაგიული ცხელება.

21 ოქტომბერს  ბათუმის საკრებულოში მიწის აღაირების კომისიის პირველი სამუშაო შეხვედრა გაიმართა. 

„იჩქარე ნელა“ – აჭარის უმაღლესი საბჭოს დეპუტატი, ფრაქცია „ქართული ოცნების“ თავმჯდომარე აკაკი ძნელაძე, საკანონმდებლო ორგანოში ამ პრინციპით მუშაობს.  მან ორწლიანი მუშაობის პერიოდში ხელფასის სახით ხელზე 89 760 ლარი მიიღო. რა გააკეთა და რა ვერ შეძლო მმართველი პარტიის წარმომადგენელმა ორი წლის განმავლობაში? -დეპუტატის პასუხები „ბათუმელების“ კითხვებზე.   

დღეს ბათუმის არქეოლოგიურ მუზეუმში ფერწერული ტილოების გამოფენა გაიმართა, რომლებსაც აჭარის კულტურული მემკვიდრეობის დაცვის ორგანიზებით რესტავრაცია ჩაუტარდა.  

ქედის მუნიციპალიტეტის კულტურის ცენტრის შენობაზე პანდუსი ორი თვეა გაკეთდა. ქედის გამგეობის სივრცითი მოწყობისა და ინფრასტრუქურის განყოფლების უფროსის, თამაზ აბულაძის განმარტებით, ადაპტირებული გარემოს შესაქმნელად პანდუსის დახრილობა 6 გრადუსზე მეტი არ უნდა იყოს, კულტურის ცენტრის შენობაზე კი პანდუსის დახრილობა დასაშვებ ნორმას ბევრად აჭარბებს.  

24 ოქტომბერს, 16 საათზე, სარფში, ღია ცისქვეშ, 12 ლაზური კერძის დეგუსტაცია-პრეზენტაცია გაიმართება „კულტურათა დიალოგის ფესტივალის“ ფარგლებში.  

სოციალურ ქსელში გავრცელდა მინებჩანტვრეული სასწრაფო დახმარების მანქანის ფოტო.

მინია კახიძემ,სასწრაფო სამედიცინო დახმარების აჭარის რეგიონული ცენტრის დირექტორმა “ბათუმელებთან” განაცხადა, რომ   ავტომანქანის უკანა საქარე მინა გაბზარული და  “დასკოჩილია”, ავადმყოფს გადაყვანისას ქარი არ უქროდა და მინა ჩამტვრეული  არ არის.  

დღეს 20 ოქტომბერს, ბათუმის მერმა გიორგი ერმაკოვმა ფეხბურთში საერთაშორისო ტურნირის მონაწილეებს უმასპინძლა.
ბათუმის თასის მოსაპოვებლად გამართულ ტურნირში გერმანიის, აზერბაიჯანისა და საქართველოს 1999-2000 წლებში დაბადებული სპორტსმენები მონაწილეობენ. ტურნირი ბათუმის მერიის ორგანიზებით ტარდება და სამომავლოდ  ტურნირში მონაწილე ქვეყნების რიცხვის გაზრდაც იგეგმება.

ძველი, სუფთა მაგიდის დასაფარებლებისგან შექმნილი ოთახების ლაბირინთი ცარიელია. ყველაფერი, რაც უნდა ნახოთ და წაიკითხოთ, სუფრებზეა დატანილი. „იმ კაცის ხელში ცხოვრებას ვერაფერს ვეღარ უხერხებ“… „მეცოდებოდა, ვთვლიდი, რომ ავად არის, მერე მივხვდი, რომ ყველაფერს შეგნებულად აკეთებდა“… „მეშინოდა, რომ დედა მიმატოვებდა ამას თუ გავუმხელდი“… „მე მისი მონა გავხდი“… „დღეს მაღაზიიდან გამომაგდეს, სანამ შენი ქმარი ვალს არ დაფარავს, აქედან ვერაფერს მიიღებო“, –  წარწერები ნაწყვეტ-ნაწყვეტ, ჩურჩულივით ისმის სუფრების გახამებული ზედაპირებიდან.  „საკუთარი სუფრა“ – ასე ეწოდება ქართველი მხატვარ თამარ ჭაბაშვილისა და პოლონელი ანთროპოლიგის, აგნეშკა დუდრაკის გამოფენას, რომელიც ბათუმის თანამედროვე ხელოვნების სივრცეში18-დან 30 ოქტომბრამდე გასტანს. გამოფენის თემა საქართველოში ქალთა მიმართ ძალადობის პრობლემაა.   

ბათუმის საკრებულოში სამოქალაქო მრჩეველთა საბჭოს წევრების შერჩევის პროცესი დაიწყო. იმ პირებმა, ვისაც სურვილი აქვთ გახდნენ მრჩეველთა საბჭოს წევრები, უნდა შეავსონ სპეციალური ფორმა და დარეგისტრირდნენ დარბაზის წევრად. მრჩეველთა საბჭოს წევრებმა მონაწილეობა უნდა მიიღონ თვითმმართველობის კომპეტენციის ფარგლებში გადაწყვეტილებების მიღების პროცესში. მათ შორის, ბიუჯეტის პრიორიტეტების შემუშავებაში. 

ორდღიანი გადაუღებელი წვიმების შედეგად, ქედის მუნიციპალიტეტის რამოდენიმე სოფელში საავტომობილო გზაზე მეწყერი განვითარდა. საფრთხე შეექმნა საცხოვრებელ სახლს.

<!** Image 1 align="left" width="400" height="720" >

ბათუმის ბულვარის ადმინისტრაციის უფროსის გიორგი ზირაქაშვილის ინფორმაციით ამჯერად შტორმს ბათუმის ახალი ბულვარი მნიშვნელოვნად არ დაუზიანებია და სოციალურ  ქსელში გავრცელებულ ფოტოებზე, რომლებიც შტორმის დროსაა გადაღებული „ძველი  დაზიანებებია ასახული.“