სიახლეები

12 ლაზური კერძის ახალი სიცოცხლე კულტურათა დიალოგის ფესტივალის ფარგლებში

21.10.2014 • 5535
12 ლაზური კერძის ახალი სიცოცხლე კულტურათა დიალოგის ფესტივალის ფარგლებში

პროექტზე მუშაობისას
პროექტზე მუშაობისას

პროექტს  – „კულტურათა დიალოგის ფესტივალი“ –  ხელვაჩაურის კულტურის ცენტრი ახორციელებს აჭარის განათლების სამინისტროს ფინანსური მხარდაჭერით. ფესტივალის წლევანდელი თემა ლაზური გასტრონომიაა.  როგორც ფესტივალის ორგანიზატორი რუსიკო კარანაძე ამბობს, პროექტის ფარგლებში 12 მივიწყებული ლაზური კერძის რეცეპტი მოიძიეს, გაკეთდა ვიდეორგოლებიც, თუ  როგორ მზადება  ეს კერძები და გამოიცემა 2015 წლის კალენდარი, სადაც თითო გვერდზე თითო კერძის ფოტო და რეცეპტი იქნება განთავსებული.

ლაზური სამზარეულო
ლაზური სამზარეულო

ქაფშიეტაღანე  ძველი ლაზური კერძია. რუსუდან კარანაძე განმატავს, რომ  ეს არის წვრილად დაჭრილია ქაფშია, რომელიც მწვანილებში მზადდება და კატლეტივით იწვება. პრეზენტაცია-დეგუსტაციაზე ქაფშიეტაღანეს  გარდა ბურეღის – ლაზური ტკბილ-მწარე ნამცხვრის და სხვა ტრადიციული ლაზური კერძების დაგემოვნება იქნება შესაძლებელი.  

ლაზური სამზარეულო
ლაზური სამზარეულო

„ძველ ტრადიციულ ოჯახებში ჯერ კიდევ ამზადებენ ამ კერძებს, მაგრამ იყო იმის საშიშროება, რომ მივიწყებას მიცემოდა მათი მომზადება, ამიტომ გადავწყვიტეთ მოგვეძებნა რეცეპტები, აღგვედგინა და წარმოგვეჩინა ლაზური სამზარეულო.  ერთი თვე დაგვჭირდა რეცეპტების მოსაძიებლად. შემდეგ მოვიწვიეთ ხელოვნების უნივერსიტეტის სტუდენტები, რომელთაც გააკეთეს ვიდეორგოლები“ – ამბობს რუსიკო კარანაძე.

პროექტში მონაწილეობენ ხელვაჩაურში მოქმედი კვების ობიექტებიც. ისინი პრეზენტაციაზე წარმოადგენენ თავიანთ პროდუქციას. მათი ფესტივალში ჩართვის მიზანია ახლოს გაეცნონ ლაზურ კულინარიას და სამომავლოდ თავიანთ წარმოებაში დანერგონ.  

გადაბეჭდვის წესი