ამ დროისთვის ხულოში რამდენიმე სოფელს ელექტროენერგია არ მიეწოდება. მუნიციპალიტეტის გამგებლის ბესიკ ბაუჩაძის ინფორმაციით აღდგენითი სამუშაოები უკვე დაწყებულია და „ ხვალ უკვე ამ კუთხით პრობლემა აღარ იქნება.“
გამგებლის თქმით უამინდობამ ხულოში სხვა პრობლემებიც შექმნა:
დილით ძლიერმა ქარმა ხულოს მუნიციპალიტეტის სოფელ დანისპარაულში გელაძეეების ოჯახის სახლს სახურავი გადახადა. აღდგენითი სამუშაოები უკვე დაწყებულია.
ამ დროისათვის უკვე გაწმენდილია გზა სოფელ კვატიის მიმართულებით, გზა დღეს დილის საათებში მეწყერის შედეგად ჩაიკეტა.
დანისპარაულში ისევ თოვს, ამ დროისთვის თოვლი 3-4 სანტიმეტს აღწევს.
