თამაშები სასტუმრო შერატონსა და ინტურისტში 19 ოქტომბერს დაიწყო. 8-დან 18 წლამდე გოგონები და ვაჟები 6 ასაკობრივ კატეგორიაში 10 დღის განმავლობაში იასპარეზებენ.
ჩემპიონატის ჩატარების ხარისხს ფიდეს სტანდარტების მიხედვით, ევროპის საჭადრაკო კავშირის სახელით ზურაბ აზმაიფარაშვილი დააკვირდება.
საქართველოს ჭადრაკის ფედერაციის მიერ ორგანიზებულ ჩემპიონატს საქართველოს სპორტისა და ახალგაზრდობის საქმეთა სამინისტრო, აჭარის სპორტისა და ახალგაზრდობის საქმეთა დეპარტამენტი და ქალაქ ბათუმის მერია უჭერს მხარს.
