Tag Archives: საზოგადოება

„საქართველოს მოქალაქე თენგიზ ლატარია საქართველოს პარლამენტისა და იუსტიციის მინისტრის წინააღმდეგ“ – ამ სახელწოდების სარჩელის დასაშვებობის განხილვას დღეს, ბათუმში საქართველოს საკონსტიტუციო სასამართლო იწყებს.

დღეს, 10 თებერვალს, შუახევის მუნიციპალიტეტის სოფელ ახალდაბის მოსახლეობა საპროტესტო აქციას მართვას.  

შინაგან საქმეთა სამინისტროს საინფორმაციო-ანალიტიკური დეპარტამენტის კვლევების მიხედვით, საქართველოს სახელმწიფო საზღვარზე გადაადგილებულ ვიზიტორთა სტატისტიკურ მონაცემები გასული თვის მდგომარეობით , 2015 წლის იანვრის თვე 309 467 ვიზიტით განისაზღვრა, რაც 2014 წლის იგივე პერიოდის მაჩვენებელზე 3 %-ით ნაკლებია.

ამ წუთებში ბათუმში საკრებულოს სხდომა მიმდინარეობს.  სხდომის დაწყებისთანავე, საკრებულოს თავმჯდომარე, ირაკლი ჩავლეიშვილმა გია ერმაკოვს ვიცე-მერის თანამდებობა მიულოცა. სხდომას ახალი ვიცე მერიც ესწრება.  ფრაქცია „ერთიანი ნაციონალური მოძრაობის“ წევრმა გიორგი კირთაძემ მომავალში ერმაკოვის მერად დანიშვნის ეჭვი გამოთქვა. 

სოფელი გოგინიძეები ქედის მუნიციპალიტეტში მდებარეობს. სოფელში 40 ოჯახია, სულ 120 ადამიანი ცხოვრობს. აქ მეწყრული პროცესი 2011 წლის 6 აპრილს,  საღამოს 5 საათზე განვითარდა.  თვითმხილველების თქმით, ზვავს საშინელი ხმაური ახლდა თან,  მთის მასა მოდიოდა და ხეებიც მოჰქონდა.  

საქართველოს კომუნიკაციების ეროვნულმა კომისიამ ქ. ბათუმში მოქმედი სამი საკაბელო ოპერატორი – შპს „TV ERA“, შპს „ტვ XXI+“ და შპს „BATUMI MEDIA GROUP“, გარკვეული უცხოური და ქართული სამაუწყებლო არხების არამართლზომიერი რეტრანსლირებისთვის დააჯარიმა.

მემბრანული გადახურვები, გარსული გადახურვები, ერთმაგი სიმრუდის გარსები, ორმაგი სიმრუდის გარსები, დიდი სივრცეების გადასახური გუმბათები და მათი სხვადასხვა სახეობები საინჟინრო მეცნიერებისა და სამშენებლო კულტურის განსაკუთრებულ ნაწილს წარმოადგენს. ასეთი კონსტრუქციების მშენებლობაში გამოყენება უკვე მეცხრამეტე და მეოცე საუკუნეების მიჯნაზე დაიწყო. ყველა იცნობს შუხოვის ლითონის ჰიპერბოლურ ანძას, 1958 წლის იანის ქსენაკისის და ლე კორბუზიეს პროექტით აშენებულ განთქმულ ფილიპსის პავილიონს, ფელიქს კანდელას ჰიპერბოლური პარაბოლოიდებისგან შემდგარ ულამაზეს შენობებს, ეერო საარნინენის ჯ.ფ.კენედის აეროპორტს, ბაკმინსტერ ფულერის გეოდეზიურ გუმბათებს, იორნ უცონის სიდნეის ოპერის თეატრს, ცნობილი შვეიცარელი ინჟინრის ჰაინც იზლერის კონსტრუქციებს, ელადიო დიესტეს ავტობუსის გაჩერებებს, აღმოსავლეთ გერმანელი ინჟინრის ულრიხ მიუთერის ზღვისპირა პავილიონებს და ბევრ სხვა სახელგანთქმულ შენობას. 

სრულიად საქართველოს კათოლიკოს-პატრიარქი ილია მეორე,  მესამე დღეა აჭარაში, კერძოდ, ქობულეთში იმყოფება. პატრიარქი დღეს ბათუმშიც ჩამოვიდა.

ორი დღეა სტამბოლი-ბათუმის მიმართულებით ფრენა შეჩერებულია. როგორც ბათუმის აეროპორტში განმარტავენ, ამის მიზეზი ძლიერი ქარია.

ბათუმში ხვალ, 2 თებერვალს, იმ მეზღვაურებს ელოდებიან, რომლებიც აფრიკაში ხელფასისა და საკვების გრეშე იყვნენ დარჩენილნი. სტამბოლი-ბათუმის  ავიარეისით დღეს 10 მეზღვაური ჩამოვა. აფრიკaში გემებზე  კიდევ 10 ქართველი  მეზღვაური რჩება. 

ეს ფაქტი ბათუმის რუსთაველის უნივერსიტეტში გასულ კვირას მოხდა, როგორც ამას თავად „დაბარებული“ ყვება: რექტორის მოვალეობის შემსრულებელმა ირაკლი ბარამიძემ კაბინეტში მიწვეულ თანამშრომელს უთხრა, რომ მისი შვილი, რომელიც ასევე უნივერსიტეტში მუშაობს, სამსახურიდან უნდა წასულიყო. მიზეზი – ეპილეფსიური შეტევები, რის გამოც სხვა თანამშრომლები პრეტენზიებს გამოთქვამენ.

დღეს 31 იანვარს, ბათუმის ბულვარში „რვაფეხა“-ს წინ, სტუდენტებმა და არასამთავრობო სექტორის წარმომადგენლებმა „არა პანორამას“ მხარდამჭერი აქცია გამართეს.

სოფელ ჩანჩხალოს მცხოვრებლებმა დღეს, 31 იანვარს, აჭარის მთავრობის სახლის წინ საპროტესტო აქცია გამართეს. სოფლის მცხოვრებლები სოფელში  ჰესთან დამაკავშირებელი გვირაბის გაყვანას აპროტესტებენ. აქციის მონაწილეთა განცხადებით, სოფელი, რომელიც მეწყრული პროცესების გამო წითელ ზოლში იყო, გვირაბის მშენებლობის შემდეგ კიდევ უფრო დაზიანდა. ჩანჩხალოს მცხოვრებელთა განცხადებით, გვირაბის მშენებელ კომპანიას გეოფიზიკური დასკვნა ამ დრომდე არ წარმოუდგენია.

რატომ თქვა ევროპამ „მე ვარ შარლი“ და რამდენად სწორად აღიქვა საქართველოს საზოგადოებამ დასავლური სამყაროს პროტესტი? რას ვეუბნებით „არა“-ს და რა საფრთხეების წინაშე დგას სიტყვისა და გამოხატვის თავისუფლება? ამ თემაზე „ბათუმელებთან“ ორგანიზაცია „სამოქალაქო განვითარების ინსტიტუტის“ გამგეობის თავმჯდომარემ, რადიო „თავისუფლების“ ჟურნალისტმა ია ანთაძემ ისაუბრა.

ბათუმში მცხოვრები, იპოთეკით დაზარალებული 100-მდე ოჯახი აჭარის მთავრობის სახლთან იმყოფება. იპოთეკარების ინფორმაციით მათი ორი წარმომადგენელი, მათავრობის თავმჯდომარეს არჩილ ხაბაძეს ხვდება. 

ბათუმში, ბარათაშვილის #24-ში არსებული შენობისათვის კულტურული მემკვიდრეობის ძეგლის სტატუსის მინიჭების საკითხი მესაკუთრის მიერ მოწვეული სპეციალისტის დასკვნის საფუძველზე ჩავარდა. კულტურული მემკვიდრეობის სააგენტოსთან არსებულმა კომისიამ სწორედ ამ კვლევის საფუძველზე შეცვალა თავისი პირველი გადაწყვეტილება და შენობას ძეგლის სტატუსი აღარ მიენიჭება. „ბათუმელები“ დაინტერესდა, რა სამართლებრივი ნორმებით ისარგებლა კომისიამ, როცა თავისივე პირვანდელი გადაწყვეტილება შეცვალა.  გთავაზობთ კულტურული მემკვიდრეობის დაცვის ეროვნული სააგენტოს პოზიციას, რომელსაც ორგანიზაციის იურისტი, თეა ონიანი განმარტავს. 

ბათუმში, ბარათაშვილის ქუჩის #24-ში არსებული შენობის შესახებ საქართველოს კულტურული მემკვიდრეობის დაცვის ეროვნული სააგენტოსთან არსებულმა საბჭომ რამდენიმე თვის წინ დაადგინა, რომ შეიძლება ამ შენობას ძეგლის სტატუსი მიენიჭოს, თუმცა ახლახან გაირკვა, რომ საბჭომ თავისი გადაწყვეტილება რადიკალურად შეცვალა – შენობას ძეგლის სტატუსი აღარ მიენიჭება.  მიზეზების გარკვევა „ბათუმელებმა“ სააგენტოს ხელმძღვანელთან, ნიკოლოძე ანთიძესთან სცადა.

„ჩვენ მხარს ვუჭერთ მშვიდობას“, „ჩვენ არ გვინდა ომი“- ამბობდნენ ბათუმელი ახალგაზრდები, რომლებმაც მშვიდობის მხარდასაჭერი აქცია დღეს, 27 იანვარს,  ექვსი მაისის პარკში და ერას მოედანზე გამართეს.

ხვალ, 28 იანვარს, „დემოკრატიული ჩართულობის ცენტრში“, აღმოსავლეთ-დასავლეთის მართვის ინსტიტუტი არასამთავრობო ორგანიზაციების, მედიის, ადგილობრივი მთავრობის, სამოქალაქო განათლების კლუბების წარმომადგენლებს, ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული „სამოქალაქო საზოგადოების განვითარებისა და მოქალაქეების ჩართულობის“ (ACCESS) პროექტის გახსნის ღონისძიებაზე იწვევს. პროექტის მიზანია საქართველოში არასამთავრობო ორგანიზაციებისა და ზოგადად სამოქალაქო აქტივიზმის გაძლიერება. 

დემოკრატიული ჩართულობის ცენტრში არასამთავრობო ორგანიზაციის „სამოქალაქო მონიტორინგის“ ბრიფინგი გაიმართა. ორგანიზაციის თავმჯდომარემ დავით ბერიძემ განაცხადა, რომ ეგრეთ წოდებულ „ოცნების ქალაქში“ თვითნებურად შესახლებული მოსახლეობა უკმაყოფილოა სამთავრობო კომისიის მუშაობით.