Batumelebi | მოსწავლეები მშვიდობის მხარდასაჭერად მოსწავლეები მშვიდობის მხარდასაჭერად – Batumelebi
RU | GE  

მოსწავლეები მშვიდობის მხარდასაჭერად

 

„ჩვენ მხარს ვუჭერთ მშვიდობას“, „ჩვენ არ გვინდა ომი“- ამბობდნენ ბათუმელი ახალგაზრდები, რომლებმაც მშვიდობის მხარდასაჭერი აქცია დღეს, 27 იანვარს,  ექვსი მაისის პარკში და ერას მოედანზე გამართეს.

GE DIGITAL CAMERA

ფოტო: ლელა დუმბაძე

„ამ აქციით ჩვენ ვაპროტესტებთ ძალადობას, ომს, ტერორიზმს და ზოგადად, ნებისმიერ ძალადობას. ვფიქრობ, მშვიდობის მხარდაჭერა მნიშვნელოვანია, რადგან ომი ყველას აზარალებს. სპობს უამრავი ადამიანის სიცოცხლეს, რომელიც  ყველაზე მნიშვნელოვანი უფლებაა. ამიტომ გვინდა რომ იყოს მშვიდობა“ – ამბობს, მე-12 კლასელი თორნიკე ტაკიძე.

GE DIGITAL CAMERA

აღნიშნული აქცია იმართება პროგრამა „მომავლის თაობა“-ს ფარგლებში. პროგრამის დონორი არის USAID-ი და მას აჭარაში  ახორციელებს ბათუმის განათლების, განვითარებისა და დასაქმების ცენტრი. პროგრამაში მონაწილეობას იღებენ ამ პროგრამის პარტნიორი სკოლების მოსწვალეები.

„დღევანდელ აქციაზე 36-მდე სკოლაა წარმოდგენილი. ეს აქცია არის მშვიდობის მატარებელი და გვინდა რომ ჩვენი ხმა მივაწვდინოთ საზოგადოებას“- ამბობს,  გიორგი ქებულაძე, პროგრამის კოორდინატორი.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე