ნეტგაზეთი • RU

ბათუმში მშობიარე გარდაიცვალა

 

გარდაცვლილი 27 წლის ქალია. მან მეოთხე ბავშვზე ბათუმის სამშობიარო სახლში იმშობიარა. ექიმების თქმით, ახალშობილი თავს ნორმალურად გრძნობს. 

 

ბათუმის სამშობიარო სახლის დირექტორის, ნუკრი ბეჟანიძის თქმით, ქალმა 8 თებერვალს იმშობიარა: „გაურკვეველი სიტუაცია იყო. მერე დამძიმდა მისი მდგომარეობა, როცა შემოვიდა ანემია ჰქონდა მძიმე და გადავიყვანეთ „მედინაში“. „მედინაში“ კიდევ უფრო დამძიმდა მდგომარეობა… უშუალო მიზეზს ვერ გეტყვით. იყო ეგეც, რომ ნაღველა გაუსკდა „მედინაში“, მაგრამ როდის რა მოხდა გაურკვეველია“.

ბათუმის სამშობიარო სახლის დირექტორის თქმით, გარდაცვლილი მათთან იყო აღრიცხვაზე: „მაგრამ გვიან დადგა აღრიცხვაზე. ანემიის გამო არაერთხელ შესთავაზა უბნის ექიმმა დაწოლა და გამოკვლევა, რაზეც უარი განაცხადეს. უარზე ხელი აქვს მოწერილი როგორც მას, ისე მის მეუღლეს. სტაციონარში დაწოლაზეც უარს აცხადებდნენ. მე, პირადად, თბილისში გაშვებაც მინდოდა კონსულტაციაზე, მაგრამ ამაზეც უარი განაცხადეს თავის დროზე“.

 

ახალშობილი ახლაც ბათუმის სამშობიარო სახლშია მოთავსებული.

ნეტგაზეთის მასალების სხვა გამოცემებში გადაბეჭდვის წესი
ბათუმელები