ავტორი:ნათიაზოიძე
აშშ-ის “ეროვნულ-დემოკრატიული ინსტიტუტი” (NDI) პოლიტიკურ პარტიებს რეიტინგებს დღეიდან, ეტაპობრივად, გააცნობს. ამის შესახებ „ბათუმელებს ” NDI-ის საქართველოს ოფისის დირექტორმა ლუის ნავარომ განუცხადა. მიუხედავად იმისა, რომ NDI პოლიტიკური პარტიების რეიტინგს არ ასაჯაროებს იგინაციონალური არხების ეთერით ცნობილი მაინც ხდება .არის შემთხვევები როცა მედიით გავრცელებული პოლიტიკური პარტიების შესახებ რეიტინგები NDI –ის კვლევის ზუსტი ასლი არ არის. ამ უხერხულობის თავიდან აცილების მიზნით ნავარო არ გეგმავს, რომ თავად ოფისმა გასააჯაროს პოლიტიკური რეიტინგები”ასეთ შემთხვევაში ჩვენ ვიტოვებთ უფლებას,რომ ვთქვათ,გავრცელებული ინფორმაცია არ შეესააბამება რეალობას”–აცხადებს ნავარო გაზეთ “ბათუმელებთან” საუბარში. Continue reading “პოლიტიკაზე ვლაპარაკობთ, მაგრამ სახლში”
პოეტების მოგზაურობა ქალაქებში
პოეტები, როინ აბუსელიძე, გენრი დოლიძე, გიორგი გაბაიძე, აჩი ბერიძე და სულხან წულუკიძე საქართველოს სხვადასხვა ქალაქებში „პოეტური ტურნეს“ გამართვას აპირებენ. პირველი გაჩერება ქალაქი ფოთი იქნება, სადაც შაბათს, 3 დეკემბერს, 15 საათზე
მე-2 სკოლის ბიბლიოთეკაში გაიმართება პრეზენტაცია წიგნებისა „მეცხრე ტალღა” „აბგდ” და ლიტერატურული კლუბის პრეზენტაცია.
შეხვედრა ქუთაისში 54 დეკემბერს, საჯარო ბიბლიოთეკაში გაიმართება 14 საათზე, საჩხერეში 5 დეკემბერს, კულტურის სახლში, 13 საათზე, გორში – 6 დეკემბერს, 18:00 საათზე, READ CAFE -ში, რუსთავში 7 დეკემბერს, 16:00 საათზე ლიტერატურულ სალონში,
თბილისში 8 დეკემბერს, 18:30 საათზე, სამედიცინო უნივერსიტეტში.
კვირის დასარულს დასკვნითი ღონისძიება ბათუმში გაიუმართება. დასწრება ყველა შეხვედრაზე თავისუფალია, პროექტი ტარდება აჭარის განათლების, კულტურისა და სპორტის სამინისტროს მხარდაჭერით. პროექტის მენეჯერი და იდეის ავტორი ზაზა ფირცხალაიშვილია.
პოეტები, როინ აბუსელიძე, გენრი დოლიძე, გიორგი გაბაიძე, აჩი ბერიძე და სულხან წულუკიძე საქართველოს სხვადასხვა ქალაქებში „პოეტური ტურნეს“ გამართვას აპირებენ. პირველი გაჩერება ქალაქი ფოთი იქნება, სადაც შაბათს, 3 დეკემბერს, 15 საათზე
მე-2 სკოლის ბიბლიოთეკაში გაიმართება პრეზენტაცია წიგნებისა „მეცხრე ტალღა” „აბგდ” და ლიტერატურული კლუბის პრეზენტაცია.
შეხვედრა ქუთაისში 54 დეკემბერს, საჯარო ბიბლიოთეკაში გაიმართება 14 საათზე, საჩხერეში 5 დეკემბერს, კულტურის სახლში, 13 საათზე, გორში – 6 დეკემბერს, 18:00 საათზე, READ CAFE -ში, რუსთავში 7 დეკემბერს, 16:00 საათზე ლიტერატურულ სალონში,
თბილისში 8 დეკემბერს, 18:30 საათზე, სამედიცინო უნივერსიტეტში.
კვირის დასარულს დასკვნითი ღონისძიება ბათუმში გაიუმართება. დასწრება ყველა შეხვედრაზე თავისუფალია, პროექტი ტარდება აჭარის განათლების, კულტურისა და სპორტის სამინისტროს მხარდაჭერით. პროექტის მენეჯერი და იდეის ავტორი ზაზა ფირცხალაიშვილია.
პირველი ქართული უნივერსიტეტი
ირაკლი ირემაძე, ივანე ჯავახიშვილის სახელობის თბილისის სახელმწიფო უნივერსიტეტის სტუდენტი
1918 წლის 26 იანვარს (ახალი სტილით 8 თებერვალს) პირველ საათსა და 20 წუთზე. თბილისში გიმნაზიის ყოფილ შენობაში პირველი ქართული უნივერსიტეტი გაიხსნა. ეს ფაქტი ძალზე მნიშვნელოვანი იყო ქართული საზოგადოებისათვის. ამას მოწმობს იმდროინდელ პრესაში გამოქვეყნებული უამრავი სტატია, რომელიც გაჯერებულია ეროვნული სულისკვეთებით. Continue reading “პირველი ქართული უნივერსიტეტი”
პირველი პრეზიდენტის პირადი ფოტოგრაფი
ავტორი: მირანდა მიქაძე
მაღალი, ენერგიული, საინტერესო, ჭაღარაშერეული და აპარატით ხელში, 60 წლის “ახალგაზრდა” ფოტოხელოვანი – ასე ახასიათებს სტუდენტები გივი ნახუცრიშვილს. უნივერსიტეტში ყველა იცნობს, უყვართ, მაგრამ მის შესახებ ცოტამ იცის… გივი ნახუცრიშვილი პირველი პრეზიდენტის – ზვიად გამსახურდიას ფოტოგრაფი იყო. ის პრეზიდენტის ხასიათსა და იმდროინდელ მოვლენებზე “ბათუმელებთან”პირველად საუბრობს. Continue reading “პირველი პრეზიდენტის პირადი ფოტოგრაფი”
პირდაპირი ჩართვა ივანიშვილის ბიზნესცენტრიდან [netgazeti.ge]
[ustream cid=8985516 w=480 h=296]Live video from your iPhone using Ustream
[ustream cid=8985516 w=480 h=296]Live video from your iPhone using Ustream
პიაცას მეპატრონის შესახებ
პიაცას მილიონერი მეპატრონე იტალიურ ეზოში, მამიდასთან ცხოვრობს
„პიაცას“ მეპატრონე რუსეთის მოქალაქე ირაკლი სამხარაძეა. ძველ ბათუმში კი „ბათუმელებს“ ეუბნებიან, რომ სამხარაძე, რომელმაც პიაცა 11 მილიონ ლარად შეიძინა, მთელი ზაფხულის განმავლობაში მათ უბანში, იტალიურ ეზოში, თავისი ნათესავის ბინაში ცხოვრობდა.
პეტრას ციხე ერთ ლარად გასხვისდა
ავტორი: ლელა დუმბაძე
ინფორმაციას ამის შესახებ პეტრას მუზეუმ-ნაკრძალის მმართველი, ირაკლი ჩავლეიშვილი ავრცელებს. „ბათუმელებთან“ საუბარში იგი ამბობს, რომ ციხის გასხვისების შესახებ ინფორმაცია მისთვის მოულოდნელი იყო: „შემთხვევით, ბუღალტერისგან გავიგე ეს ინფორმაცია, რომ პეტრას ციხე ერთ ლარად საქართველოს ეკონომიკის სამინისტროს, უკრაინის მოქალაქისთვის 49 წლიანი იჯარით გადაუცია“.
ჩავლეიშვილის ინფორმაციის თანახმად ხელშეკრულების მიხედვით, ინვესტორს ციხე და მასზე მიმაგრებული 3 200 კვ/მ ფართობის მიწა გადაეცა, სადაც 500 000 ლარის ინვესტიცია უნდა დააბანდოს.
„ინვესტორმა ციხის ტერიტორიაზე გასართობი ცენტრი და საზოგადოებრივი კვების ობიექტი უნდა მოაწყოს. საუბარია ციხის ჩრდილოეთის კედლის და დასავლეთის კოშკის რესტავრაციაზეც. ხელშეკრულებაში არაფერია ნათქვამი სამნავიანი ბაზილიკის ნაშთების და აბანოს თაობაზე, სადაც არქეოლოგიური გათხრებია ჩასატერებელი და ჯერ კიდევ ბევრი რამ არის შესასწავლი~.
ირაკლი ჩავლეიშვილის განცხადებით, აჭარაში მხოლოდ ორი ძეგლი პეტრას ციხე და გონიოა მონუმენტარული, ამიტომ ასეთი ძეგლების ჩუმად გასხვისება მიუღებელია. „სხვას რომ თავი დავანებოთ, აქ არის მორალური მხარეც, რადგან ქართველებმა ბოლო გამარჯვება სწორედ პეტრას ციხესთან იზეიმეს, როცა აჭარა დანარჩენ საქართველოს შემოუერთდა. საერთოდ ეკლესიის ინფორმირების გარეშეც არ უნდა მომხდარიყო გასხვისება, რადგან კონკორდატის მიხედვით, საკულტო ნაგებობებზე ეკლესიას გააჩნია თავისი უფლებები.”
ისტორიული ციხე-ქალაქის, პეტრას ნანგრევები სოფელ ციხისძირის ტერიტორიაზე მდებარეობს. ციხე-მუზეუმი ნაკრძალად 1999 წელს ჩამოყალიბდა. ციხის შესახებ მოპოვებული ინფორმაციები პირველი ათასწლეულით თარიღდება, თუმცა როგორც ქალაქი, პეტრას ციხე მეექვსე საუკუნეში ჩამოყალიბდა.
ავტორი: ლელა დუმბაძე
ინფორმაციას ამის შესახებ პეტრას მუზეუმ-ნაკრძალის მმართველი, ირაკლი ჩავლეიშვილი ავრცელებს. „ბათუმელებთან“ საუბარში იგი ამბობს, რომ ციხის გასხვისების შესახებ ინფორმაცია მისთვის მოულოდნელი იყო: „შემთხვევით, ბუღალტერისგან გავიგე ეს ინფორმაცია, რომ პეტრას ციხე ერთ ლარად საქართველოს ეკონომიკის სამინისტროს, უკრაინის მოქალაქისთვის 49 წლიანი იჯარით გადაუცია“.
ჩავლეიშვილის ინფორმაციის თანახმად ხელშეკრულების მიხედვით, ინვესტორს ციხე და მასზე მიმაგრებული 3 200 კვ/მ ფართობის მიწა გადაეცა, სადაც 500 000 ლარის ინვესტიცია უნდა დააბანდოს.
„ინვესტორმა ციხის ტერიტორიაზე გასართობი ცენტრი და საზოგადოებრივი კვების ობიექტი უნდა მოაწყოს. საუბარია ციხის ჩრდილოეთის კედლის და დასავლეთის კოშკის რესტავრაციაზეც. ხელშეკრულებაში არაფერია ნათქვამი სამნავიანი ბაზილიკის ნაშთების და აბანოს თაობაზე, სადაც არქეოლოგიური გათხრებია ჩასატერებელი და ჯერ კიდევ ბევრი რამ არის შესასწავლი~.
ირაკლი ჩავლეიშვილის განცხადებით, აჭარაში მხოლოდ ორი ძეგლი პეტრას ციხე და გონიოა მონუმენტარული, ამიტომ ასეთი ძეგლების ჩუმად გასხვისება მიუღებელია. „სხვას რომ თავი დავანებოთ, აქ არის მორალური მხარეც, რადგან ქართველებმა ბოლო გამარჯვება სწორედ პეტრას ციხესთან იზეიმეს, როცა აჭარა დანარჩენ საქართველოს შემოუერთდა. საერთოდ ეკლესიის ინფორმირების გარეშეც არ უნდა მომხდარიყო გასხვისება, რადგან კონკორდატის მიხედვით, საკულტო ნაგებობებზე ეკლესიას გააჩნია თავისი უფლებები.”
ისტორიული ციხე-ქალაქის, პეტრას ნანგრევები სოფელ ციხისძირის ტერიტორიაზე მდებარეობს. ციხე-მუზეუმი ნაკრძალად 1999 წელს ჩამოყალიბდა. ციხის შესახებ მოპოვებული ინფორმაციები პირველი ათასწლეულით თარიღდება, თუმცა როგორც ქალაქი, პეტრას ციხე მეექვსე საუკუნეში ჩამოყალიბდა.
პენსიონერთა რიგები „ლიბერთი ბანკთან“
ავტორი: ლელა დუმბაძე
პენსიები „ლიბერთი ბანკის“ ახალგარემონტებულ ფილიალებში აღარ გაიცემა. როგორც ბანკის წარმომადგენლები ამბობენ, გარემონტებულ ფილიალებში „სხვა კატეგორიის კლიენტებს“ მოემსახურებიან. პენსიონერების თქმით, მათ ბანკი არაკომფორტულ პირობებში ემსახურება. Continue reading “პენსიონერთა რიგები „ლიბერთი ბანკთან“”
პედაგოგთა გამოცდები – რთული თუ ადვილი?
ნატო ჯვარშეიშვილი, მე-10 საჯარო სკოლის გეოგრაფიის მასწავლებელი:
გასულ წელს სასერტიფიკატო გამოცდაზე არ გავსულვარ. წელს ბევრი არ მიფიქრია, პირველ წელს უფრო სკეპტიკურად იყვნენ განწყობილი, თუმცა გადამზადების შემდეგ აზრი შეიცვალა.
ჩვენი სკოლიდან ბევრი პედაგოგი გავიდა ამ გამოცდებზე, თითქმის ყველა სპეციალობის. ჩატარდა ტრენინგები, რომლებიც რიგი მიზეზების გამო მე ვერ გავიარე, მაგრამ ამას ჩემთვის ხელი არ შეუშლია, ამის გამო არ მიფიქრია, რომ გამოცდაზე არ გავსულიყავი.
პატიმრობაში მყოფი ბიზნესმენი ანზორ ქოქოლაძე განცხადებას ავრცელებს
ქართული მედიასაშუალებები პატიმრობაში მყოფი ბიზნესმენის, ანზორ ქოქოლაძის განცხადებას ავრცელებენ, რომლის ტექსტსაც უცვლელად გთავაზობთ:
„ჩემთვის “ელიტ ელექტრონიქსის” წართმევა საბოლოო ფაზას უახლოვდება, მას შემდეგ რაც პროკურატურასთან გარიგებაში მყოფ “თიბისი” ბანკმა “ელიტ ელექტრონიქსის” მართვის უფლება უკანონოდ მოიპოვა და “თიბისი” ბანკთან შეგნებულად დაარღვია კრედიტის გადახდის გრაფიკი, რომლის საფუძველზეც “ელიტ ელექტრონიქსის” აქციების 55% უკანონოდ, 116 ათას ლარად გადაიფორმა, ხოლო ერთი წლის შემდეგ სიმბოლურ ფასად ასევე ხელისუფლების წარმომადგენლის მიერ დაფუძნებულ “ელიტ ეფლაიენსს” გადასცა, ამჟამად უკვე პატიმრობაში მყოფს, ჩემს საკუთრებაში დარჩენილი “ელიტ ელექტრონიქსის” აქციების 15% -ც აუქციონის გზით აღსრულებას დაექვემდებარა, სადაც საწყისი ფასი 71 ათასი ლარია. ამით “ელიტ ელექტრონიქსის” დასაკუთრება თაღლითური გზით დასრულდება, მიუხედავად იმისა რომ პატიმრობაში ვარ ჩემი უფლებების და კერძო საკუთრების დასაცავად სტრასბურგის ადამიანის უფლებათა სასამართლოში ვაგრძელებ დავას.
გაცნობებთ, რომ აღნიშნული წილის გასხვისება ხორციელდება სრულიად უკანონო განაჩენის საფუძველზე, რომელიც მე პატიმრობასთან ერთად დამეკისრა ბიუჯეტის მიმართ 10 000 ლარის ჯარიმის და ელიტ ელექტრონიქსის მიმართ 6 მილიონი ლარის სახით. Continue reading “პატიმრობაში მყოფი ბიზნესმენი ანზორ ქოქოლაძე განცხადებას ავრცელებს”
პასუხგაუცემელი უმარტივესი კითხვები
ნუგზარ ჩხაიძე, სოციოლოგი
საქართველოს ისტორიას არა ერთი ღირსსახსოვარი დღე ახსოვს. დღე, რომელიც რადიკალურად ცვლიდა ქვეყნის ბედ-იღბალს. ზოგს ახალ სიმაღლეზე ავყავდით, ზოგიც პირიქით, უკუღმა ატრიალებდა ისტორიის ჩარხს.
31 მარტი უმნიშვნელოვანესი თარიღია უახლეს ისტორიაში, მისმა არსებობამ მნიშვნელოვანწილად განსაზღვრა საქართველოს დამოუკიდებლობის აღდგენის რეალურობა. Continue reading “პასუხგაუცემელი უმარტივესი კითხვები”
პარტიები, რომლებიც ივანიშვილის ჩამონათვალში ვერ მოხვდნენ
დღეს გავრცელებულ განცხადებაში ივანიშვილმა პოლიტიკური პარტიები ორ ნაწილად გაყო. პარტიები, რომლებთანაც ივანიშვილი ითანამშრომლებს და რომლებთანაც არ ითანმშრომლებს.
მაგრამ არიან პოლიტიკური პარტიები, რომლებიც ივანიშვილის ვერც ერთ ჩამონათვალში ვერ მოხვდნენ: ნინო ბურჯანაძის „სახალხო კრება“, „კონსერვატორული პარტია“, -კობა დავითაშვილის „ხალხის პარტია“, კახა კუკავას „თავისუფალი საქართველო“ და „ეროვნული ფორუმი“. Continue reading “პარტიები, რომლებიც ივანიშვილის ჩამონათვალში ვერ მოხვდნენ”
პაატა ზაქარეიშვილი – ხელისუფლების მითს ივანიშვილის პრორუსულობის შესახებ, სულ ცოტა, ეროზია უჩნდება
ბიძინა ივანიშვილის დღეს გავრცელებულ განცხადებასთან დაკავშირებით შეფასებას რესპუბლიკური პარტიის წევრი პაატა ზაქარეიშვილი აკეთებს. იგი ივანიშვილის მიერ გამოთქმულ თანამშრომლობის სურვილს რესპუბლიკურ და ალასანიას „თავისუფალ დემოკრატებთან“ ასე ხსნის: „ე.ი. ივანიშვილისთვის მნიშვნელობა აქვს ღირებულებებს და ტრადიციულ ფორმატს, რაც უკვე აქვს რესპუბლიკურ პარტიას. იგი გამოხატავს ასევე სიმპათიას ალასანიას მიმართ, რითაც იმას მიუთითებს, რომ მითი, რომელსაც ხელისუფლება ავრცელებს მისი პრორუსული პოლიტიკის შესახებ, ნაკლებად დამაჯერებელია. ეს არგუმენტი თუ ამ „ბრალდებას “ არ აბათილებს, ეროზიას მაინც აჩენს“.
ოჯახი ბავშვთა საავადმყოფოს წინააღმდეგ
ავტორი:ცაგო კახაბერიძე
ქუთაისის სააპელაციო სასამართლომ ბათუმის დედათა და ბავშვთა ცენტრის წინააღმდეგ რუსუდან ფუტკარაძის სარჩელი დააკმაყოფილა. სასამართლოს გადაწყვეტილებით ბავშვთა საავადმყოფომ დაზარალებულს 27 000 ლარი უნდა გადაუხადოს. სისხლის სამართლის საქმე კი, რომელიც ფაქტზე 130-ე მუხლით იყო აღძრული და რაც ავადმყოფის განსაცდელში მიტოვებას გულისხმობს, გრძელდება. საქმეს პოლიციის მეშვიდე განყოფილება იძიებს. Continue reading “ოჯახი ბავშვთა საავადმყოფოს წინააღმდეგ”
ოშკი, იშხანი და ქართველები ქალაქ იუსუფელიდან
[youtube https://www.youtube.com/watch?v=GZQHANhwUNM]
„ოშკი და იშხანი რესტავრაციის მოლოდინში“ – რეპორტაჟი ისტორიული ტაო-კლარჯეთიდან ნახეთ გაზეთ „ბათუმელების” ნაციონალურ ვებგამოცემაზე www.netgazeti.ge
[youtube https://www.youtube.com/watch?v=GZQHANhwUNM]
„ოშკი და იშხანი რესტავრაციის მოლოდინში“ – რეპორტაჟი ისტორიული ტაო-კლარჯეთიდან ნახეთ გაზეთ „ბათუმელების” ნაციონალურ ვებგამოცემაზე www.netgazeti.ge
ოშკი და იშხანი რესტავრაციის მოლოდინში – რეპორტაჟი ისტორიული ტაო-კლარჯეთიდან
ოშკი, იშხანი – თურქეთში, აზიზიეს მეჩეთი და ახმედიეს უბანი – საქართველოში. ამ ისტორიული ტაძრების ნაცვალგებაზე დიდი აჟიოტაჟია ატეხილი ბათუმში. ისტორიულ ტაო-კლარჯეთში, ანუ ამჟამინდელ ართვინის გუბერნიაში მცხოვრებთ კი, ბათუმში მეჩეთის აშენების თემა არათუ აღელვებთ, თითქმის არ აინტერესებთ. მათ ერთი რამ იციან ზუსტად – ქართული ეკლესიების რესტავრაციით ყველაზე დიდ სარგებელს, ტურისტების სახით, თვითონვე მიიღებენ.
- ოშკი
ოშკის ირგვლივ არც ერთი ცოცხალი არსება არ ჩანს, გარდა ვირისა, რომელიც ტაძრის დანგრეულ ნაწილში აშენებული სახლის ეზოში ზანტად იცოხნის. სადღაც ზევიდან მტრედების ღუღუნი ისმის მთელ ტაძარში. ოშკი ულამაზესი და შელახულია. მის ყოველ სვეტში იგრძნობა, რომ დიდი იმპერიის ნაწილი იყო, მაგრამ ახლა სრულიად მიტოვებულია.
სამსაათიანი მგზავრობის შემდეგ, როდესაც მხოლოდ ვიწრო გზას ხედავ ლამის ცამდე ასულ კლდებს შორის მოქცეულს, სადაც ადამიანები კანტიკუნტად გხვდებიან, ისინიც ძირითადად კაშხლების მშენებელი მუშები, სოფელ ოშკში ასული ფიქრობ, რომ აქ ცხოვრება იმ ეპოქაშია გაჩერებულა, როდესაც ოშკი აშენდა. ნანახით გამოწვეული ემოცია კი ცოტა ხნით ლაპარაკის უნარს გართმევს.
ყველაფრის ვიდეოფირზე აღბეჭდვას იწყებ. ტაძრის უკანა მხარეს საცხოვრებელი სახლებია აშენებული, მკაცრი კლიმატური პირობების შესაბამისი. არც აქ ჩანს ადამიანის ნასახი, სახლებიდან კვამლიც კი არ ამოდის. სამაგიეროდ, ტაძრის გარე ფასადზე სულ ცოტა სამი მონაკვეთი ისეა გაჭვარტლული, რომ ჩუქურთმების ნაკვალევს ძლივს ამჩნევ. ძნელი სათქმელია, ვინმეს შესცივდა და ცეცხლი გათბობის მიზნით გააჩაღა, თუ სოფლის ბავშვებმა გასართობად დაანთეს ღამით კოცონი.
ტაძრის შიგნით მართლა საოცრება გხვდება – გუმბათი, რომელიც ძალიან მაღლიდან დაგცქერის, ხელოვნების ნიმუშია. პირველი შოკის გასვლის შემდეგ ხვდები, რომ ის დიდ ხანს ვეღარ გაუძლებს – სულ სველია და დაობებული, გარშემო კი უზარმაზარი ბზარები აქვს. ძნელი სათქმელია კიდევ რამდენ ხანს შეძლებს თავის შეკავებას.
ფრესკების ნაკვალევი, ისევ ფრესკების ნაკვალევი, მერე ძველი ქართული წარწერები, ზოგი იკითხება, ზოგი – უკვე აღარ. ქვაზე გამოკვეთილ ჩუქურთმებს შორის ვაზი დომინირებს.
ტაძრის საყრდენი სვეტებისთვის თვალის შესავლებად გამოდიხარ გარეთ – ოთხი მთავარი სვეტიდან ერთ-ერთს ხის ბოძი აქვს შეყენებული. სამ სვეტზე ულამაზესი ჩუქურთმებია ამოკვეთილი…
ამ დროს ვიღაცის მზერას გრძნობ. ადამიანს ხედავ, ოშკელ კაცს. მას აშკარად სიამოვნებს უცხოებთან საუბარი, ის ოშკით იწყებს – ქართველებს აუშენებიათ მეათე საუკუნეშიო. ხუთი საუკუნეა პატრონი აღარ ჰყავდა, მაგრამ მაინც იდგა. მე-19 საუკუნის ბოლოდან 1980 წლამდე მეჩეთი გვქონდა, მაგრამ მერე ახალი მეჩეთი ავაშენეთ და ქართველების ტაძარი გავათავისუფლეთო.
ლაპარაკში გართული ვერც კი ამჩნევ, კიდევ ერთი კაცი როგორ შემოგემატა. დამტვრეული თურქულით აგრძელებ კითხვების დასმას. ერთ-ერთი დამხვდური ცდილობს, როგორმე გაამარტივოს ურთიერთობა და კითხულობს – Sprechen sie Deutsch? უარის მიღების შემდეგ დისკუსია ისევ ქართულ-თურქულად გრძელდება.
ოშკელი კაცები, რომლებიც ყოველი კუთხიდან მოეშურებიან ჩვენკენ და უკვე 15-მდე არიან, ყვებიან იმაზე, თუ რა რთულ პირობებში უწევთ ცხოვრება:
– აქ მხოლოდ მეცხოველეობას მივსდევთ. სამუშაო არ გვაქვს, არც შემოსავალი, ამიტომ ქალაქებში გავდივართ ან სულაც – ევროპაში.
ფაზილ ჩახმახჯი კი ამბობს, რომ ოშკში არც ერთი ქართველი აღარ ცხოვრობს. ქილისეს (ეკლესია) რესტავრაციის შესახებ მასაც გაუგია.
– გურჯები იყვნენ შარშან და თქვეს, რომ ოშკს რესტავრაცია უნდა ჩაუტარონ, მაგრამ აღარ გამოჩენილან. ახლა მთავრობამ თქვა, რომ ოშკი უნდა გააკეთონ. ამბობენ, ამ საქმეს 6 მილიონი ლირა სჭირდებაო. ტურისტები მოდიანი გერმანიიდან, საფრანგეთიდან, ებრაელები ყველაზე ხშირად, მაგრამ თუ ეს ეკლესია აღდგება, უფრო მეტი ტურისტი მოვა, რაც ჩვენთვის ძალიან კარგია.
– რამ დაანგრია ტაძარი, სახურავი სად წავიდა? ამ კითხვაზე ოშკელი კაცები ერთმანეთს უყურებენ. პასუხის გაცემას ახალმოსული ესერ ყალდი იღებს საკუთარ თავზე.
– რამ დაანგრია? – დრომ, ამინდმა, მეხმა, წვიმამ, ქვაა და დაინგრა. მოვლა სჭირდება. ჩვენ არაფერი შეგვიძლია, სულ 500-მდე ადამიანი ვცხოვრობდით 130 ოჯახში. ახალგაზრდები აქ აღარ ჩერდებიან. მეც სტამბულში ვიყავი და ახლახან ჩამოვედი. ქართველებს უნდა გაეკეთებინათ, მაგრამ ვერ გააკეთეს.
ოშკის ტაძრის გვერდით აშენებული მეჩეთისთვის საპირფარეშო მოუწყიათ, რაზეც ქართველი ტურისტები ძალიან შფოთავდნენ, ამიტომ ოშკელებმა საპირფარეშო მოშორებით გადაიტანეს. ოშკელებს იმაზეც გაუგიათ, რომ ტაძრის რესტავრაციის სანაცვლოდ ბათუმში მეჩეთი უნდა აშენდეს. თუმცა, ამის შესახებ ბევრი არაფერი იციან. ხუსეინ მედდინი ბათუმშიც კი არასოდეს ყოფილა.
– ძალიან მინდა ჩამოსვლა, მაგრამ პასპორტი არ მაქვს. ჩემი ბიჭი ართვინში პოლიციელია, იმან მომატარა საზღვრისპირა ადგილები. მომეწონა იქაურობა.
ტაძარს თუ გავაკეთებთ, რა ჯობია, ალბათ მუზეუმი იქნება, აქ ქრისტიანები არ ცხოვრობენ. ყველაზე მთავარი კი ის არის, რომ თუ ძეგლს გააკეთებენ, შემოსავალი გაგვიჩნდება, ბევრი ხალხი მოვა.
ამასობაში ნამაზის დროც მოდის, მოლა კაცებს მეჩეთში უხმობს სალოცავად, ისინი ბოდიშს იხდიან და მეჩეთისკენ მიდიან. ვეღარ ვასწრებ ვიკითხო, რატომ ვერ გამონახეს ოშკელებმა ნაგვის ურნების დასადგმელად სხვა ადგილი. ნაგვით სავსე ურნები პირდაპირ ტაძრის შესასვლელთან დგას. მის გვერდით კი ბანერია განთავსებული ქართულ, თურქულ და ინგლისურ ენებზე.
ბანერზე წერია: „ოშკის ეკლესიას აქვს სამი სამლოცველო, სატრაპეზო, სემინარია, სკრიპტორიუმი, ეპისკოპოსის რეზიდენცია. აშენდა 963-973 წლებში ადარნასეს შვილის დავით III კურაპალატისა და ბაგრატ ერისთავის მიერ. მე-19 საუკუნის ბოლოდან 1980 წლამდე შიგ განთავსებული იყო მეჩეთი. ძეგლი შეყვანილია კულტურული მემკვიდრეობის ძეგლთა სიაში“.
- იშხანი
ოშკიდან იშხანამდე მისასვლელად 40-მდე წუთია საჭირო. პირველად იშხანის გუმბათის სახურავს ხედავ – ფერადი სახურავი მზეზე საოცარ ფერებს ირეკლავს. იშხანში მისული ხვდები, რომ ის ბევრად უკეთეს მდგომარეობაშია, ვიდრე – ოშკი. მომვლელის ხელი აშკარად ემჩნევა სახურავის გარეშე დარჩენილ ტაძარს, ირგვლივ სისუფთავეა. 10 წლამდე ბავშვების თავშეუკავებელ სიცილს ტაძარი ექოს აძლევს. სასკოლო ფორმაში ჩაცმული 4 გოგო და 4 ბიჭი თამაშს წყვეტს და მოურიდებლად გათვალიერებს.
– იცით, ამ ტაძარს რა ჰქვია?
– იშხან… იშხანნნნნ
– ვინ ააშენა ეს, თუ იცით?
– გურჯი ქილისე, გურჯი ქილისეეეეე… თითქმის რვავე ერთხმად იძახის და სიცილით გარბიან.
ჩვენი ტურის ყოვლისმცოდნე წევრი, გელა ამბავს ყვება.
– იშხანი ორ ეპოქას აერთიანებს. ადრე აქ პატარა ბაზილიკი ყოფილა, მე-10 საუკუნეში კი გაუფართოვებიათ და აი, ეს ტაძარი აუშენებიათ. სამლოცველოს პატარა გუმბათზე ღვთისმშობლის ხატია გამოსახული, მის ქვემოთ ზამთარ-ზაფხულ სისველეა. ამბობენ, რომ ხატი ტირის. ტურისტი ქართველები ამ სველი ადგილიდან მიწას იღებდნენ და მიჰქონდათ, მალე აქ ორმო გაჩნდა. მერე გავიგე, რომ მღვდლებს გაუფრთხილებიათ, ამ ქმედებისგან თავი შეიკავონ. ხმამაღალმა სიცილმაც კი შეიძლება დაიშალოს კედელი, არათუ მიწის აღებამ.
ამ ლეგენდის დასტური – ხატი მაღლიდან დაგვცქერის. თვალები, წარბები და ცხვირი შემორჩენია, სხვა დანარჩენი ალბათ დრომ და წვიმამ წაშალა…
მახსენდება, რომ „ბათუმელების“ მკითხველს უნდა გავუზიარო ნანახი, მაგრამ ვხვდები, რომ ამ ქვების, ჩუქურთმების სინატიფის სიტყვებით გადმოცემაზე ფიქრი სისულელეა – ეს საკუთარი თვალით უნდა ნახო.
ტაძრიდან გამოსულებს იშხნელი კაცი შორიდან გვაკვირდება. მასთან მივდივართ. ჰამზა გუნი – გვეცნობა და ამბის მოყოლას იწყებს:
– მარჯვენა ფასადზე გამოსახული ლომი და გველვეშაპი ნახეთ? – ჩვენთან ასეთი თქმულებაა, რომ გველვეშაპი სომეხია, ლომი – რუსი. გვლევეშაპი და ლომი ქართველების გაკეთებული ეკლესიისთვის ერთმანეთს ეჩხუბებიან. ვინ მოიგო ამ ჩხუბში, არ ვიცი. მე ვიცი, რომ აქ დიდი ხნის წინ ქართველები ყოფილან, მერე რუსები.
აი, იმ კლდეს ხედავთ, ტაძრისთვის ქვებს თურმე იქედან ეზიდებოდნენ – ხელს მოშორებული კლდისკენ იშვერს გუნი. – ჩუქურთმებს დააკვირდით? 21-ე საუკუნეში ხეზეც კი ვერ ამოკვეთ ასეთ ჩუქურთმებს, რაც ქართველებს 10 საუკუნის წინ ქვაზე გამოუკვეთიათ…
მე 72 წლის ვარ, მახსოვს, როცა აქ სახურავი გავაკეთეთ და ნამაზს ვლოცულობდით. აქედან ჯამე 1978 წელში გავიდა, ტურიზმის მოხელეებმა გვითხრეს, რომ ჯამე სხვაგან უნდა გადაგვეტანა, აქაურობა კი სახურავის გარეშე დარჩა. თუ არ მიხედეს, დიდ ხანს ალბათ ვეღარ გაუძლებს.
გუნი ყვება, რომ იშხანში ქართველები აღარ ცხოვრობენ, სიმართლე გითხართ, არ ვიცი, აქ ქართველები როდის იყვნენ და სად წავიდნენ, ეტყობა, დიდ ქალაქებში გადასახლდნენო. სოფელი ახალგაზრდებისგან ახლაც იცლება, 20 კაცი მარტო გერმანიაშია წასული, სხვები – სტამბულში, ანკარაში… ისე, 300 ოჯახი ვცხოვრობდით, ახლა აქ არავის უნდა დარჩენა. სამი შვილი მყავს, მაგრამ აქ არც ერთი არ გაჩერდაო.
არ არის კარგი, როცა ტაძარი ასეთ დღეშია. გავიგეთ,რომ უნდა გააკეთონ და გვიხარია. ტურისტები თუ მოვლენ, ჩვენს ჩაიხანაში ჩაის დალევენ და შეიძლება სოფელიც გადაურჩეს დაცლასო.
- ქალაქი იუსუფელი და ქართველები
ღამდება. იშხანიდან პირდაპირ იუსუფელისკენ მივეშურებით. პატარა მაღაზიაში ვეუბნებით, რომ მეჩეთებისა და ეკლესიების რესტავრაციის შესახებ იუსუფელელების აზრი გვაინტერესებს. გვირჩევენ, რომ ამ საკითხზე ქართველები ჩავწეროთ. „აი, აქ მუშაობს ქართველი, იმას ჰკითხეთ“, – გვირჩევს ქერა კაცი.
აფთიაქში ახალგაზრდა კაცი, რომელიც კომპიუტერთან ზის, ჩვენკენ თვალს აპარებს. იცინის და ქართულად გვეუბნება, რომ ერთ-ორ წუთში მოგვაქცევს ყურადღებას. მას ჯემალი ჰქვია.
ჯემალ სარიქაია: ერთწელიწად ადრე თქვენიდან მოსული იყვნენ აქ პროფესორები უნივერსიტეტიდან – თბილისიდან, ბათუმიდან. ისინი მითხრეს, რომ ოშკი და იშხანი უნდა გააკეთოთო და ჩვენთან მეჩეთები გააკეთონო. გაკეთება იმიტომ იქნება კარგი, რომ მოშლილი ეკლესია კარგი არ არის, ისტორია არი. თქვენშიც მეჩეთები გააკეთებენ, ესეც კარგი იქნება. თქვენც მოხვალთ ნახავთ, ბევრი მოდიხართ, ძაან მიხარდება. თქვენში მოსულები ნახავენ მეჩეთები, იქ ალოცებენ ღმერთს, ზაან კაი იქნება ყველასთვინ.
მე ვნახე ეკლესიები, ბევრი ვნახე, მარტო იშხანი არა. თქვენიდან ჩამოსული მეგობრებთან ერთად მიველ ვნახე, პარხალიც მაგარია, ოთხთაც კაია.
ეიუფ ქანთაროღლუ: ძველი ეკლესიებინა უნდა მოვაკეთოთო. კარგია მოკეთება ძველები, ჩვესთვისაც კარგი იქნება. ჩვენებურნი ჩამოვლენ ერთმანეთს გევცნობთ, ჩვენი კულტურება არ იკარგვის, ენასაც არ დეიკარგვის იქეური ქართველები ჩამოვლენ და ლაპარაკობთ. ორ წელწად უწინ ვნახე ეკლესიები. ზოგი ეკლესიები, სადაც მეჩეთი იყო, ისინი კარგია, არ დანგრეულა. იშხანი არ დანგრეულა, ოთხეკლესიას ბევრი დანგრეულა. პარხალი კარგია.
იქეური ქართველები წასულა თუ ენა დაივიწყეს, ისიც არ ვიცი. ქართველებმა მათი ისტორია არ იციან, როგორ დამჩალან, რატომ ქართულად ლაპარაკობენ, ისინი კარგად არ იციან. ისტორია დაკარგულია ჩვენთან, არ იციან კარგად. ზოგან იქაური ქართველები მოდიან და ისინი რაცხა ამბობენ, ჩვენც ისე ვიცით. თურქეთის ისტორიაში დაწერილ არაი ეკლესიები ვისია. თურქეთის ისტორიაში ვერ ვსწავლობთ იმასა.
ჩემი ძმა გასულ წელში წევდა ბათუმში იარა. ჩვენც ვაპირებთნა წევდეთ ერთ დღეს. ისე გაგონილი მაქ და კარგად არ ვიცი, ააშენონ თუ არა მეჩეთი. იქეურ ხალხს როგორც უნდა ისე იქნება კარგი. თუ უნდა აშენება, კაი იქნება, თუ ხალხ არ უნდა, არ იქნება კარგი.
აბდულაჰ ქანთაროღლუ: უწინ ყოფილა საქართველო აქაურობაი, მას უკან შექმნილა თურქისტან, ოსმალები ყოფილან მაშინ. მე თუ მკითხო, ეკლესიის გაკეთება კარგი იქნება. ხალხი წავლენ-მოვლენ დარჩება თარიღი. მოსული ხალხი კიდევ დეინახვენ ჩვენი ყოფილა უწინ, ძველათ გუკეთებიანო. ხალხს ეკლესია მოსწონ, რომ უნდა გაკეთდეს, არვინ არ იტყვის არ მოსწონან. ტურიზმი წავლენ-მოვლენო იტყვიან.
მღვდელი რომ იყოს, პრობლემა არ იქნება. აქაური ხალხი რას ამბობენ იცი? – თურქეთის ჯუმურიეთის (სახელმწიფოს) ქიმლიგი ზიდე და შენ რაცხა გინდა იყავ. მათებურა ომი, წაკიდება არ უნდანან.
მე ფოთში ჩასვლამდე ჩაველ და მევწონე, დიდი მიწა, კაი მიწა. მე ისე დევნახე ჩემი თვალით. მე ბათუმში ვიყავი, დევნახე ჯამე, ჰამა ჯამიკარსა არ მივსულვარ. ახალი ჯამე არ ვიცი, ჰამა ჰაბერში (ახალი ამბები) ყური ვკარი, გევგონე გაკეთდესო. კარგი იქნება, თუ გაკეთდება. ყოვლი ხალხი ღმერთი ერთი. ვინცხამ რა იცის, ისე წავა მის გზაზე. ისე არ არი მერე?
____
ამ მოგზაურობაში მხარდაჭრისთვის „ბათუმელები“ განსაკუთრებულ მადლობას უხდის „ტაქსი +“. ასევე ტურისტულ სააგენტო „ბათოტურის“ ხელმძღავანელს გელა სურმანიძესა და ფოტოგრაფ შოთა გუჯაბიძეს.
ორმაგი განაჩენი
ხშირად ამბობენ, რომ შესაძლოა ერთ წამში შეიცვალოს ადამიანის ცხოვრება, რაც თავისთავად აისახება მის ოჯახზეც. ამ შემთხვევაში მინდა მოგიყვეთ ბათუმში მცხოვრები ოჯახის შესახებ, რომლის ერთი წევრიც პატიმარია, შვილებმა დაკარგეს მამა, რომელიც მართალია დაპატიმრებამდე არ მუშაობდა, მაგრამ იგი ერთადერთი ადამიანი იყო, ვისაც შეეძლო ემუშავა და ასერომ ყოფილიყო, დღეს ის პატიმრობაში არ იქნებოდა. Continue reading “ორმაგი განაჩენი”
ორი მილიარდი და დაუცველი დევნილები
ავტორი: ლელა დუმბაძე ბათუმში, საქართველოს სახალხო დამცველის ოფისმა, კერძო სექტორში მცხოვრები დევნილების საცხოვრებელი პირობების შესახებ 2011 წლის მონიტორინგის შედეგები წარმოადგინა. მონიტორინგზე მომუშავე პირების განცხადებით, კვლევის პროცესში 279 ოჯახი გადამოწმდა. კვლევა განხორციელდა ხუთ ქალაქში, მათ შორის ბათუმშიც. „მონიტორინგის მიზანი იყო გაგვერკვია კერძო სექტორში მცხოვრები დევნილების ყოფითი პირობები და ისიც, თუ რამდენად ინფორმირებულნი არიან სახელმწიფოს სტრატეგიული გეგმის შესახებ. ასევე, გვინდოდა დაგვედგინა რამდენად ზუსტი იყო კერძო სექტორში მცხოვრებ დევნილების მონაცემთა ბაზა რომელიც სამინისტროს გააჩნია“-აცხადებს, სახალხო დამცველის ოფისის წარმომადგენელი, სოფიო ბენაშვილი.
„მონიტორინგის პროცესში პრობლემა წარმოქმნა იმან, რომ არ არსებობდა დევნილების საცხოვრებელი მისამართების ზუსტი ბაზა. ძალიან ბევრ ოჯახზე კი ეწერა, „უმისამართო“.
ორი კვირით ლონდონში
ირინა ხაჟალიას „ფეისბუქის“ გვერდიდან: 30 ნოემბრამდე გრძელდება 8-17 წლის ასაკის ბავშვთა რეგისტრაცია ინგლისური ენის აჭარის I რესპუბლიკურ ოლიმპიადაში. გამარჯვებული უფასოდ გაემგზავრება დიდი ბრიტანეთის დედაქალაქ ლონდონში 2 კვირით, 2012 წლის ზაფხულში. დაარეგისტრირეთ შვილები, ჩვენი მისამართია: ბათუმი, მემედ აბაშიძის 9, ტელ: 27-39-44! გისურვებთ წარმატებას!
Continue reading “ორი კვირით ლონდონში”
ორი განცხადება ივანიშვილის მოქალაქეობასთან დაკავშირებით
დაახლოებით 40 წუთის წინ, ბიძინა ივნიშვილის ოფიციალურ გვერდზე ფეისბუქში ეკა ბესელიას განცხადება განთვსდა, რომლითაც საჯაროო რესტრის ხელმძღვანელის განცხადებას ეხმაურება: „ივანიშვილი საქართველოს მოქალაქე არ არის“. ბესელია ამ ფაქტს აფასებს როგორც ხელისუფლების მხრიდან პოლიტიკურ ანგარიშსწორებად. ივანიშვილის ადვოკატი ბესელია ითხოვს იმ სამართლებრივი აქტის ჩაბარებას, რომლის საფუძველზეც ხელისუფლებამ გადაწყვიტა, ივანიშვილისთვის საქართველოს მოქალაქის სტატუსი შეეწყვიტა. უცვლელად გთავაზობთ დღეს გავრცელებულ ორივე განცხადების სრულ ტექსტს.
Continue reading “ორი განცხადება ივანიშვილის მოქალაქეობასთან დაკავშირებით”
ორი ახალი მუზეუმი ბათუმში
ავტორი: ნათია ზოიძე
ჩაქვში ბოტანიკური ბაღთან ახალი ეთნოგრაფიული მუზეუმის მოწყობა იგეგმება. „მუზეუმი იქნება ღია ცის ქვეშ, დაახლოებით ისეთი, როგორიც თბილისშია, კუს ტბაზე“ – აცხადებს აჭარის განათლების მინისტრი გია აბულაძე. მისი ინფორმაციით, აქ იქნება წარმოდგენილი აჭარისთვის დამახასიათებელი ეთნოგრაფიული ექსპონანტები, როგორიც არის მაგალითად ლაზური სახლი. „ბათუმელების“ შეკითხვაზე იქნება თუ არა აქ წარმოდგენილი ბათუმელი ხეზე კვეთის ოსტატისა და ხელოვანის, ქემალ თურმანიძის ეთნოგრაფიული ნამუშევრები, მინისტრი ჯერ თავს იკავებს პასუხისგან, რადგან წინ საპროექტო სამუშაოებია და კონკრეტულად ვისთან ექნებათ მოლაპარაკებები, ჯერ არ იციან. Continue reading “ორი ახალი მუზეუმი ბათუმში”
ორად გაყოფილი აჭარის ტურიზმისა და კურორტების დეპარტამენტი
ავტორი: ნათია ზოიძე
მალე აჭარის ტურიზმის და კურორტების დეპარტამენტი სტატუსს შეიცვლის. დღეს გახდა ცნობილი, რომ ეს დეპარტამენტი ორ დამოუკიდებელ სტრუქტურად იმუშავებს: ტურიზმის და კურორტების. როგორც მთავრობის პრესსამსახურში „ბათუმელებს“ განუცხადეს, ინიციატივა აჭარის მთავრობის თავჯდომარეს ლევან ვარშალომიძეს ეკუთვნის. ამის შესახებ ლევან ვარშალომიძემ დღეს პირველად აჭარის მთავრობის სხდომაზე განაცხადა.
აჭარის ტურიზმის დეპარტამენტის თავმჯდომარე დავით ქიქავა აცხადებს, რომ გაყოფის მიზეზი აჭარის კურორტების უკეთესად მართვაა. დავით ქიქავა: „ტურიზმის დეპარტამენტის ფუნქცია იქნება ტურისტების მოზიდვა და ქვეყნის გარეთ ტურისტული ინფრასტრუქტურის პოპულარიზაცია, ხოლო კურორტების დეპარტამენტის ფუნქცია იქნება ადგილობრივი ტურისტული ინფრასტრუქტურის გამართვა“. Continue reading “ორად გაყოფილი აჭარის ტურიზმისა და კურორტების დეპარტამენტი”
ონკანიდან წყლის ნაცვლად ნავთობი მოდის
ავტორი: ხატია ღოღობერიძე, გაზეთი „ბათუმელები”
ბარცხანის დასახლებაში მოსახლეობის ნაწილი სასმელი წყლის გარეშე დარჩა. მას შემდეგ, რაც ონკანიდან ნავთობი წამოვიდა, მოსახლეობა წყალს სასმელად არ იყენებს.
წყლის ნაცვლად ნავთობი ბარცხანის დასახლებაში, ქათამაძის ქუჩაზე, 40 ნომერში მდებარე კორპუსში გასულ კვირას წამოვიდა. გარდა იმისა, რომ მოსახლეობა სასმელი წყლის გარეშე დარჩა, ნავთობმა მათ საყოფაცხოვრებო ტექნიკაც დაუზიანა. „ჩართული მქონდა სარეცხი მანქანა და დაზიანდა, მთელი სარეცხი ნავთობში იყო. აბაზანაში წამოვიდა სქელი, ბლანტი, შავი სითხე“, – ამბობს დიასახლისი გვრიტუნა აფაქიძე.
ობელისკი და საბაგირო გზა
ლადო მგალობლიშვილი
პირდაპირ ვიტყვი ჩემს პოზიციას, ბათუმში ობელისკის გადატანის და საბაგირო გზის მშენებლობასთან დაკავშირებით. საქართველოში ზოგადად არის დაბალი სამოქალაქო და პოლიტიკური კულტურა. რა ინიციატივაც მოდის ხელისუფლების მხრიდან, აუცილებლად უნდა გააკრიტიკო თან ძალიან მწვავედ, წინააღმდეგ შემთხვევაში საზოგადოებაში აღიქმები ხელისუფლების მხარდაჭერად. არადა ხომ შეიძლება რაღაც ინიციატივა იყოს მისაღები ჩემთვის, მაგრამ არ ვიყო და არც თავს ვთვლი ხელისუფლებისადმი ლოიალურად განწყობილ ადამიანად. ვფიქრობ ეს სტერეოტიპი აუცილებლად უნდა დაინგრეს და ადამიანებს თავისუფლად უნდა შეეძლოს თავისი აზრის გამოხატვა, ყოველგვარი შიშისა და მორიდების გარეშე.
ნუ გაიჩერებთ ბალზამს თმაზე
ავტორი:ქეთი ლაბაძე
ვისაც მშრალი ან ცხიმიანი თმა აქვს, მას თმის მოსავლელად განსაკუთრებული ძალისხმევა სჭირდება. როგორ მოვუაროთ მშრალ და ცხიმიან თმას? სტილისტი მადლენა ბერიძე სალონ სცჰწარზკოპფ-იდან თავადაც არაერთხელ დამდგარა ამ პრობლემის წინაშე. Continue reading “ნუ გაიჩერებთ ბალზამს თმაზე”
ნოდარ იმნაძის შვილი თეატრის წინ შიმშილობს
ავტორი: ცაგო კახაბერიძე
[youtube https://www.youtube.com/watch?v=byibFj8_-fo&w=560&h=349] ზურა იმნაძე პროკურატურას მამის ნოდარ იმნაძის საქმის გამოძიების დაწყებას სთხოვს; ამ მოთხოვნით ის ბათუმის თეატრთან შიმშილობას მანამ აპირებს, ვიდრე გამოძიება არ დაიწყება. ნოდარ იმნაძე ასლან აბაშიძის მმართველობის წლებში „მრგვალი მაგიდა-თავისუფალი საქართველოს“ პოლიტიკური ბლოკის აჭარის ორგანიზაციის სპიკერი იყო, ამავე დროს ის იყო საქართველოს უმაღლესი საბჭოს წევრი, 1991 წლის აპრილში ის უმაღლესი საბჭოს შენობაში მოკლეს.
ავტორი: ცაგო კახაბერიძე
[youtube https://www.youtube.com/watch?v=byibFj8_-fo&w=560&h=349] ზურა იმნაძე პროკურატურას მამის ნოდარ იმნაძის საქმის გამოძიების დაწყებას სთხოვს; ამ მოთხოვნით ის ბათუმის თეატრთან შიმშილობას მანამ აპირებს, ვიდრე გამოძიება არ დაიწყება. ნოდარ იმნაძე ასლან აბაშიძის მმართველობის წლებში „მრგვალი მაგიდა-თავისუფალი საქართველოს“ პოლიტიკური ბლოკის აჭარის ორგანიზაციის სპიკერი იყო, ამავე დროს ის იყო საქართველოს უმაღლესი საბჭოს წევრი, 1991 წლის აპრილში ის უმაღლესი საბჭოს შენობაში მოკლეს.
ნინო ჟიჟილაშვილის ინტერვიუ ბიძინა ივანიშვილთან
[youtube https://www.youtube.com/watch?v=a3sqJs8x7n4&version=3&hl=en_US]
[youtube https://www.youtube.com/watch?v=a3sqJs8x7n4&version=3&hl=en_US]
ნინო ბურჯანაძე საპარლამენტო არჩევნებში მონაწილეობას გეგმავს
ავტორი: ნათია ზოიძე
“ჩვენ დავიწყეთ არჩევნებისთვის კონსულტაციების გამართვა, მაგრამ ჩვენ ვიხრებით იქითკენ, რომ მინიმალური აზრი მაინც ქონდეს არჩევნებში მონაწილეობას,” – განაცხადა 23 მაისს ბათუმში სახალხო კრების ლიდერმა ნინო ბურჯანაძემ. იგი, რამდენიმე პოლიტიკურ სუბიექტთან ერთად, საარჩევნო ერთობის ჩამოყალიბებას გეგმავს, თუმცა, კონკრეტულად ვისთან ერთად, ნინო ბურჯანაძეს დღეს არ დაუკონკრეტებია:
„ნუ გაუსწრებთ მოვლენებს წინ, მოლაპარაკებები დაწყებულია და საბოლოო გადაწყვეტილებაზე მოგვიანებით ვისაუბრებთ. ბევრი რამ არის ასაწონი და გასათვალისწინებელი, ამ ეტაპზე არ ვაკონკრეტებ, ვისთან მაქვს კონსულტაციები.“ Continue reading “ნინო ბურჯანაძე საპარლამენტო არჩევნებში მონაწილეობას გეგმავს”
ნიკო ბერიძის ორი არჩევანი
ავტორი: ცაგო კახაბერიძე
„არ ვარ ისეთი მოწყენილი, როგორიც გგონივართ“ – ეუბნება ნიკო ყველას, ვისაც ჰგონია, რომ იგი მოწყენილია. უბრალოდ ასეთი ხასიათი აქვს, ემოციების გამოხატვა არ უყვარს, ცდილობს ყველაფერს „დალაგებულად“ შეხედოს, ვიდრე ისეთ ემოციებში ჩავარდეს, რომ ეს შემდეგ „ზედმეტად“ მოეჩვენოს საზოგადოებას.
„ორივეს ვირჩევ და შენ ვინ გკითხავს?“ – ასეთი რეაქცია ჰქონდა ნიკო ბერიძეს ლონდონის სამეფო თეატრის პოპულარული მომღერლისგან რჩევის მიღების შემდეგ, რომელმაც მისი ჩანაწერები მოისმინა და თქვა – „ან თეატრი უნდა აირჩიოს, ან როკი“. ნიკოს არც ერთი არ ეთმობა, მიუზიკლსა და კონცერტზეც თავს ერთნაირად კარგად გრძნობს და ფიქრობს, რომ ისინი ერთმანეთს ხელს არ უშლიან. ბავშვობაში მომღერლობაზე არასოდეს უოცნებია, მთავარი სიყვარული გიტარა იყო, რამაც მომავალში მისი ადგილი განსაზღვრა. მუსიკის მიღმა არიან მეგობრები, ბილიარდი და პოეზია, თუმცა ძირითადი მაინც მუსიკაა. ყველზე მეტად რაც არ უყვარს, ეს სიტყვები – „პოპულარობა და ვარსკვლავობაა“. Continue reading “ნიკო ბერიძის ორი არჩევანი”
ნაციონალები სისხლს აბარებენ
[youtube https://www.youtube.com/watch?v=UqpTOrlINm8&w=560&h=349]
„ერთიანი ნაციონალური მოძრაობის“ ქედის ახალგაზრდული ორგანიზაციის თხუთმეტამდე წევრი დღეს ბათუმის სისხლის გადასხმის რესპუბლიკურ ცენტრში მივიდა და სისხლი ჩააბარა, ადგილზე მათ პარტიის აჭარის ორგანიზაციის თავმჯდომარე გელა დეკანაძე ელოდებოდა, მისი თქმით „მსგავსი აქციის ჩატერებას ხულოს, შუახევიდა და ხელვაჩაურის რაიონებში ადგილებზე გეგმავენ”.
[youtube https://www.youtube.com/watch?v=UqpTOrlINm8&w=560&h=349]
„ერთიანი ნაციონალური მოძრაობის“ ქედის ახალგაზრდული ორგანიზაციის თხუთმეტამდე წევრი დღეს ბათუმის სისხლის გადასხმის რესპუბლიკურ ცენტრში მივიდა და სისხლი ჩააბარა, ადგილზე მათ პარტიის აჭარის ორგანიზაციის თავმჯდომარე გელა დეკანაძე ელოდებოდა, მისი თქმით „მსგავსი აქციის ჩატერებას ხულოს, შუახევიდა და ხელვაჩაურის რაიონებში ადგილებზე გეგმავენ”.
ნაცარქექია თანამედროვე ეპოქაში
ავტორი: (მოქალაქე ჟურნალისტი) შორენა ივანიაძე
ფსიქოლოგებისგან ვიცით, რომ ადამიანებს 5 წლამდე უყალიბდება ხასიათი, ჩვევები, ტემპერამენტი, და უნდა ვიცოდეთ, რა ვასწავლოთ ბავშვებს. ამ ნაწარმოებში მკვეთრად ჩანს თავარი მირის სიზარმაცე, უქნარობა და ამასთან, მოხერხებულობა. ეს ყოველივე გავლენას ახდენს ჩვენს ხასიათზე და ვბაძავთ მას, როგორც ’’დადებით’’ პერსონაჟს.
ყველა ზღაპარი, თუ ნაწარმოები თავისებურად ატარებს თავის ქვეტექსტს. ადამიანები ამას შეუცნობლად იტაცებენ და იქცევიან სწორედ ისე, როგორც ’’ასწავლეს.’’
საქართველოში დღესაც არის ’’ნაცარქექიიზმის’’ პრობლემა, უქნარობა, სიზარმაცე, ’’დევების’’ ხარჯზე ცხოვრება. ბუნებრივია, რაც მეტად გაუმართლებს ადამიანს ამა-თუ იმ ’’მოქნილობაში.’’ მით მეტი სტიმული აქვს, – ასე გააგრძელოს!
ნანატრი ოცნება სრულდება
ავტორი: (მოქალაქე ჟურნალისტი) თამარ ლომიძე
დაახლოებით 60 წლის მანძილზე გორგასლის ჩიხში მცხოვრებ მოსახლეობას ჰქონდა საერთო გასაჭირი,რომლის მოსაგვარებლადაც არაერთხელ გამოუთქვამთ პრეტენზია. ეს იქნებოდა სიტყვიერად თუ წერილობითი ფორმით.
ამდენი ხნის მოლოდინის შემდეგ“ნანატრი ოცნება სრულდება“. ბათუმის მერიამ გადაწყვიტა იქ მცხოვრები მოსახლეობისათვის საჩუქარი გაეკეთებინა და გზა დაეგო.ისინი ვერც კი წარმოიდგენდნენ, რომ ოდესმე ყურადღებას მიაქცევდნენ და გზას დაუგებდნენ. ამ ფაქტმა დიდი სიხარული გამოიწვია თითოეული მობინადრის გულში. დიდი თუ პატარა, ქალი თუ კაცი ქუჩაში გამოდიოდნენ რათა საკუთარი თვალით ენახათ თუ როგორ მიმდინარეობდა სამუშაო პროცესი. Continue reading “ნანატრი ოცნება სრულდება”
ნავსადგურთან დელფინი გამოირიყა
ავტორი: ქეთი ლაბაძე
ბათუმის ნავსადგურთან მეთევზეებმა დღეს დილით მკვდარი დელფინი იპოვეს. მეთევზეთა თქმით, დელფინი ბადეში გაება და გაიგუდა. თვითმხილველები იმასაც ამბობენ, რომ მსგავსი შემთხვევა ადრეც მომხდარა, ამის მიზეზად კი ზღვაში ჩაშვებულ ბადეებს მიიჩნევენ: „ეს ბრაკონიერობაა, მთლიან ზოლზე ჩაშვებული აქვთ ბადეები, ადგილობრივ მოსახლეობას თევზაობა აღარ შეგვიძლია – ბადეები გვიშლის ხელს. სამწუხაროდ, ბადეებს ღამითაც ტოვებენ, დელფინები კი ვერ ამჩნევენ ბადეს და იღუპებიან” -გვითხრა პირად საუბარში ერთ-ერთმა მეთევზემ.
ნავსადგურთან ამ დრომდე არ მისულან გარემოს დაცვის ინსპექციიდან.
ავტორი: ქეთი ლაბაძე
ბათუმის ნავსადგურთან მეთევზეებმა დღეს დილით მკვდარი დელფინი იპოვეს. მეთევზეთა თქმით, დელფინი ბადეში გაება და გაიგუდა. თვითმხილველები იმასაც ამბობენ, რომ მსგავსი შემთხვევა ადრეც მომხდარა, ამის მიზეზად კი ზღვაში ჩაშვებულ ბადეებს მიიჩნევენ: „ეს ბრაკონიერობაა, მთლიან ზოლზე ჩაშვებული აქვთ ბადეები, ადგილობრივ მოსახლეობას თევზაობა აღარ შეგვიძლია – ბადეები გვიშლის ხელს. სამწუხაროდ, ბადეებს ღამითაც ტოვებენ, დელფინები კი ვერ ამჩნევენ ბადეს და იღუპებიან” -გვითხრა პირად საუბარში ერთ-ერთმა მეთევზემ.
ნავსადგურთან ამ დრომდე არ მისულან გარემოს დაცვის ინსპექციიდან.
მძღოლების საპროტესტო აქციები განახლდა
ავტორი: ლელა დუმბაძე
მიკროავტობუსის მძღოლები მერიის წინ, დღეს დილიდან შეიკრიბნენ, ისინი მერიის გადაწყვეტილებას აპროტესტებენ. მერია სამგზავრო ნებართვების გაცემის კონკურსის ჩატარებას გეგმავს, რის გამოც რეგულაციის წესები მკაცრდება. მერიის მოთხოვნების მიხედვით, ქალაქში მოძველებული მიკროავტობუსები ვეღარ იმუშავებენ. ახალი გადაწყვეტილების შედეგად, მიკროავტობუსების რაოდენობა 663-420 მდე უნდა შემცირდეს.
მძიმე ავადმყოფობით დაავადებული პატიმრები დიეტური საკვებით დაკმაყოფილებას ვერ ახერხებენ
უფლებადაცვითი, საზოგადოებრივი ორგანიზაცია `ახალგაზრდები სამართლიანობისათვის – საქართველო” საქართველოს სასჯელაღსრულების დაწესებულებებში მყოფი, ავადმყოფი პატიმრების დიეტური საკვებით უზრუნველყოფას მოითხოვს. Continue reading “მძიმე ავადმყოფობით დაავადებული პატიმრები დიეტური საკვებით დაკმაყოფილებას ვერ ახერხებენ”
მშვილდოსნები ოლიმპიადას უმიზნებენ
[slideshow]
ავტორი: მირანდა მიქაძე
88 ქვეყნის მსოფლიოს საუკეთესო მშვილდოსნებმა იტალიის ქალაქ ტორინოში, მოიყარა თავი. მშვილდოსნები მსოფლიო ჩემპიონატის ტიტულთან ერთად ლონდონის ოლიმპიადის ლიცენზიებსაც უმიზნებენ. Continue reading “მშვილდოსნები ოლიმპიადას უმიზნებენ”