Batumelebi | შშმ პირთა მონაცემთა ბაზის შექმნის ინიციატივა შშმ პირთა მონაცემთა ბაზის შექმნის ინიციატივა – Batumelebi
RU | GE  

შშმ პირთა მონაცემთა ბაზის შექმნის ინიციატივა

 

არასამთავრობო ორგანიზაცია „შეზღუდული შესაძლებლობების მქონე პირთა უფლებებისათვის“ ინიციატივით გამოდის, რომ საქართველოს მასშტაბით შეიქმნას შშმ პირთა რეესტრი, სადაც მოცემული იქნება შშმ ადამიანების რაოდენობის შესახებ ზუსტი ინფორმაცია. ამ ინიციატივის შესახებ ორგანიზაციის თავმჯდომარემ თამაზ მჟავანაძემ დემოკრატიული ჩართულობის ცენტრში გამართულ ბრიფინგზე ისაუბრა.

„მონაცემთა ბაზა უნდა იყოს კონფიდენციალური. რეესტრის შექმნა გააადვილებს შშმ პირების არჩევნებში ხმის მიცემის უფლებას“, – განაცხადა თამაზ მჟავანაძემ.

 

ორგანიზაციამ ინიციატივის შესახებ წერილობით აცნობა აჭარის უმაღლეს საბჭოსა და საქართველოს იუსტიციის სამინისტროს. ორივე უწყებისგან იდეის განხორციელებაში დახმარებას და თანადგომას მოითხოვენ, ორგანიზაცია კი მზადაა დამატებითი მასალების მიწოდებასა და  და იურიდიული კონსულტაციებისთვის.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი