Batumelebi | ბათუმში ყინულის სახლის აღდგენა დაიწყო ბათუმში ყინულის სახლის აღდგენა დაიწყო – Batumelebi
RU | GE  

ბათუმში ყინულის სახლის აღდგენა დაიწყო

 

ბათუმში, დიდთოვლობის დროს დაზიანებული ყინულის  სასახლის   სარეაბილიტაციო სამუშაოები თვის ბოლოს დასრულდება – ამის შესახებ ინფორმაცია „ბათუმელებს“ ყინულის  სასახლის  დირექტორმა ირაკლი ბერიძემ მოაწოდა. 

 

 

 

 

დირექტორის ინფორმაციით, სამუშაოების პირველი ეტაპი უკვე დარსულებულია, ყინულის მოედანი აღდგენილია. ბერიძის ინფორმაციით, გარდა ამის ბათუმის მერია, ყინულის სახლში მეორე დარბაზს აკეთებს: „სპორტული საერთაშორისო თუ ადგილობრივი ღონისძიებების ჩასატარებლად“.

 

სამომავლოდ, სააბონიმენტო სისტემის შემოღებასაც გეგმავენ ყინულის სახლის მოყვარული მომხმარებლებისთვის. აბონიმენტისა და მწვრთნელის ღირებულებას საკრებულოს დეპუტატები მომავალ სხდომაზე განსაზღვრავენ.

 

მედიის ინფორმაციით, დიდთოვლობის შედეგად დაშლილი ყინულის სასახლის აღსადგენად გაწეული ხარჯების ოდენობა თვის ბოლოს გახდება ცნობილი.

ნეტგაზეთის მასალების სხვა გამოცემებში გადაბეჭდვის წესი
ნათია როყვა