აჭარის მთავრობის თავმჯდომარე არჩილ ხაბაძე 13 იანვრის ღამეს ფერიაში მატათას სახელობის ბავშვთა სკოლა-პანსიონის აღსაზრდელებთან და ბათუმისა და ლაზეთის, ჩრდილოეთ ამერიკისა და კანადის მიტროპოლიტ დიმიტრისთან ერთად შეხვდა.
ამის შესახებ ინფორმაცია აჭარის მთავრობის ოფიციალურ გვერდზეა განთავსებული. ხაბაძემ ბავშვებს საჩუქრად ტორტი და ტკბილეული გადასცა.
წელს წმინდა მატათას სახელობის ფერიის ბავშვთა სკოლა–პანსიონი 10 წლის გახდა. ფერიის ბავშვთა სახლში ამჟამად 200-მდე აღსაზრდელი ცხოვრობს.
