პირველად ბათუმში ევროპის მოედანზე გაიმართება საშობაო ბაზრობა. სხვადასხვა ჯიხურებში წარმოდგენილი იქნება საახალწლო ნობათი. ბავშვებს თოვლის ბაბუები და ფიფქიები უმასპინძლებენ, სცენაზე კი ყოველდღიურად ფოლკლორული ანსამბლები და ცნობილი მუსიკალური ჯგუფები ჩაატარებენ საახალწლო კონცერტებს.
საახალწლოდ დაგეგმილი კონცერტების განრიგი ასეთია:
31 დეკემბერი – ანსამბლი “შინი” და მაია ბარათაშვილი
27 დეკემბერი – “ჯაზბენდი”, “სითი ბენდი”
28 დეკემბერი – “The Pickupers”, ვაჟა ტუღუში და ბენდი “ფრანი”
29 დეკემბერი – “Memo”, “Goofy land”
2 იანვარი – “Goofy land”, “მგზავრები”
3 იანვარი – “Old Muse”, “Antibiotic”, “Surprise”
4 იანვარი – აჭარის მ. კუხიანიძის სახელობის სიმგერისა და ცეკვის სახელმწიფო ანსამბლი, ანსამბლი “ხორუმი”, “ბანი”
5 იანვარი – “Gravity”, “SvanSikh”
7 იანვარი – “New Band”, “Goofy land”, ჯგუფი “რეგიონი”
11 იანვარი – “ვია გრა”
ახალი წლის ღამის კონცერტი დაიწყება 22:00-დან და გაგრძელდება ღამის 1 საათამდე. სხვა კონცერტები კი საღამოს 20:00 საათიდან გაიმართება.
ახალი წლისა და ზამთრის პერიოდში შიდა ტურისტების მოსაზიდად, აჭარის ტურიზმისა და კურორტების დეპარტამენტი ბათუმის ტურისტულ სააგენტოსთან ერთად სპეციალურ მარკეტინგულ ღონისძიებას ახორციელებს. აჭარის მთავრობის მიერ მხარდაჭერილი პროექტი „უპრეცედენტო ფასდაკლებების სეზონი აჭარაში“ კერძო სექტორის სტიმულირებასა და არასეზონურ პერიოდში შიდა ტურისტების მოზიდვას შეუწყობს ხელს.
27 დეკემბრიდან თებერვლის ბოლომდე აჭარაში ჩამოსულ სტუმრებს შეუძლიათ ისარგებლონ 30%–დან 50%- მდე ფასდაკლებებით რეგიონის სასტუმროებში. პროექტი „უპრეცედენტო ფასდაკლებების სეზონი აჭარაში“ მოიცავს როგორც სასტუმროებს, მათ სერვისსა და პროდუქტს, ასევე სხვადასხვა ტურისტულ ობიექტში ფასდაკლებებს, უფასო კონცერტებსა და კულტურულ ღონისძიებებს.
პროექტში მონაწილეობის მსურველებს შეუძლიათ იხილონ სპეციალურად შექმნილი ვებ-გვერდი: https://batumievents.com და ინფორმაციის მიღებასთან ერთად ისარგებლონ არსებული შემოთავაზებებით.
