Batumelebi | „დოდოს მოლოდინში“ – პრემიერა ბათუმში „დოდოს მოლოდინში“ – პრემიერა ბათუმში – Batumelebi
RU | GE  

„დოდოს მოლოდინში“ – პრემიერა ბათუმში

 

20 დეკემბერს ბათუმის დრამატულ თეატრში რეჟისორ ვახტანგ ბერიძის სპექტაკლის, „დოდოს მოლოდინში“, პრემიერა გაიმართა. სპექტაკლში მესხეთის თეატრმა წარმოადინა. მასში მონაწილეობენ ახალციხისა და ხულოს თეატრიდან მიწვეული მსახიობები.  მთავარ როლს მესხეთის თეატრის მსახიობი ლია სულუაშვილი ასრულებს.

„დოდოს მოლოდინში“ მწერალ დათო ტურაშვილის ამავე სახელწოდების პიესის მიხედვითაა მომზადებული სპექტაკლია და მოგვითხრობს საბერძნეთში სამუშაოდ წასულ ქართველი ქალების ცხოვრების შესახებ.

მესხეთის თეატრში მიწვეული რეჟისორი სპექტაკლზე ერთი თვის განმავლობაში მუშაობდა. პრემიერა 2013 წლის 28-29 ნოემბერს შედგა  ახალციხის თეატრში და ხუთჯერ დაიდგა.

საგასტროლო დადგმა  „დოდოს მოლოდინში“ იგეგმება ფოთისა და თბილისის თეატრებშიც.

სპექტაკლის წარმოდგენა ბათუმში აჭარის განათლების, კულტურისა და სპორტის სამინისტროს ფინანსური მხარდაჭერით განხორციელდა.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი