Batumelebi

სამაშველო სამსახურის უფროსის მამუკა თურმანიძის ინფორმაციით, ამ წუთებში (10.55 საათი) ხანძარი ხელვაჩაურის მუნციპალიტეტში ლიკვიდირებულია.

სუპერმარკეტის პროდუქტების გარდა, წინასწარი ცნობით, ასევე ხანძრის დროს სამშენებლო მასალებიც განადგურებულია, რომელიც ასევე საწყობში ინახებოდა.

ციხის ყოფილი დირექტორისა და მისი მოადგილის სისხლის სამართლის საქმეში პროკურორი ვლადიმერ თურმანიძე პროკურორმა ირაკლი გაჩეჩილაძემ ჩაანაცვლა. გაჩეჩილაძემ მოსამართლე დავით მამისეიშვილს უთხრა, რომ საქმის მასალების გაცნობა ვერ მოასწრო და ამიტომაც სასამართლო პროცესის გადადება სთხოვა.

ბათუმის №3 საპყრობილის ციხის დირექტორისა და მისი მოადგილის სისხლის სამართლის საქმე ოთხტომიანია. “ბატონო პროკურორო, ეს თქვენი პირველი საქმეა, რომელსაც მე განვიხილავ, თქვენ ალბათ მოგეხსენებათ, რომ თითოეულ მოსამართლეს გვაქვს 100 საქმე განსახილველი. დღეს მე ამ სხდომისთვის 4 საათი მქონდა გამოყოფილი. გთხოვთ გაითვალისწინოთ ეს დეტალები… აქვე მინდა გაცნობოთ მხარეებს, რომ პატიმარმა ბათუმის მესამე საპყრობილიდან რამდენჯერმე გამოგვიგზავნა წერილი, ის ითხოვს დავკითხოთ ამ საქმეზე სასამართლოში. მოგეხსენებათ ეს ჩემს უფლებამოსილებაში არ შედის, ჩემი თანაშემწე მხარეებს გაგაცნობთ წერილის შინაარს“, – განაცხადა სასამართლო პროცესზე მოსამართლე დავით მამისეიშვილმა.

გიორგი ვეკუასა და მის მოადგილეს ზაზა ჯიქიას სისხლის სამართლის კოდექსის 144.3-ე მუხლის მე-2 ნაწილის ა, ბ, დ და ზ პუნქტებით გათვალისწინებული დანაშაულის ჩადენაში ედებათ ბრალი. ეს ნიშნავს დამამცირებელ და არაადამიანურ მოპყრობას. „პირის დამცირება ან იძულება, არაადამიანურ, ღირსებისა და პატივის შემლახავ მდგომარეობაში ჩაყენება, რაც მას ძლიერ ფიზიკურ, ფსიქიკურ ტკივილს ან მორალურ ტანჯვას აყენებს… სამსახურებრივი მდგომარეობის გამოყენებით; ორი ან მეტი პირის მიმართ დამნაშავისათვის წინასწარი შეცნობით ორსული ქალის, არასრულწლოვნის, დაკავებული ან სხვაგვარად თავისუფლებაშეზღუდული, უმწეო მდგომარეობაში მყოფი ანდა დამნაშავეზე მატერიალურად ან სხვაგვარად დამოკიდებული პირის მიმართ; ისჯება თავისუფლების აღკვეთით ვადით ოთხიდან ექვს წლამდე, ჯარიმით თანამდებობის დაკავების ან საქმიანობის უფლების ჩამორთმევით ვადით ხუთ წლამდე ან უამისოდ”.

ბათუმის საქალაქო სასამართლოში 116 ადამიანი უნდა დაიკითხოს. საქმის მასალების მიხედვით, ამ ეტაპზე 50 დაზარალებულია, მათ შორის უმრავლესობა პატიმარია. გიორგი ვეკუასა და ზაზა ჯიქიას პროკურატურა ათეულობით პატიმრის არაადამიანურ, დამამცირებელ და სასტიკად მოპყრობაში ადანაშაულებს.
მოსამართლეებმა ისინი წინასწარი პატიმრობიდან გირაოს საფუძველზე გაათავისუფლეს. ორივე ბრალდებული თავს უდანაშაულოდ მიიჩნევს. ბრალდებულის ინტერესებს ადვოკატები -პაატა ბოლქვაძე და სოსო ჯალაღონია იცავენ.

სამედიცინო საქმიანობის სახელმწიფო რეგულირების სააგენტოს ფარმაცევტული საქმიანობის ინსპექტირების სამმართველოს უფროსის ნანა შაშიაშვილის განცხადებით, პირველი იანვრიდან დღემდე ფარმაცევტული ბაზრის  კონტროლის შედეგად 183 სამართალდარღვევის ოქმი შედგა.

შემოწმების შედეგად  აღმოჩენილი დარღვევების გამო, აფთიაქებს ჯარიმის გადახდა მოუწევთ, რაც მთლიანობაში 950 ათას ლარზე მეტია.

„სახდელის ოდენობა კანონით არის გათვალისწინებული და განისაზღვრება, როგორც წამლისა და ფარმაცევტული საქმიანობის შესახებ კანონით, ასევე ადმინისტრაცილ სამართალდარღვევათა კოდექსით“ – აღნიშნა ნანა შაშიაშვილმა „ბათუმელებთან“. მისივე თქმით,  მონიტორინგის შედეგად დაფიქსირებული იქნა როგორც პირველი ჯგუფისთვის მიკუთვნებული ფარმაცევტული პროდუქტის ლეგალური ბრუნვის წესების დარღვევის ფაქტები, ასევე მეორე და მესამე ჯგუფს მიკუთვნებული ფარმაცევტული პროდუქტის მიმოქცევას წესების დარღვევა.

„წლის განმავლობაში გამოვლენილი იქნა ცხრა შემთხვევა, როცა დაწესებულება სპეციალურ კონტროლს დაცვემდებარებული სამკურნალო საშუალებების მიმოქცევას აწარმოებდა, მაშინ როცა ნებართვა საერთოდ არ გააჩნდათ. პირველი ჯგუფისთვის მიკუთვნებული ფარმაცევტული პროდუქტის ლეგალური ბრუნვის დადგენილი წესების დარღვევის სულ 111 ფაქტი გამოვლინდა, მათ შორის 95 თბილისში იყო, დანარჩენი  კი რეგიონებში.  მათ შორის აჭარაშიც.  

ასევე დაფიქსირდა, ფორმა სამის დარღვევით გაცემის ფაქტები,  როგორც თბილისში ასევე რეგიონებში. შვიდ დაწესებულებას  გაუუქმდა ავტორიზებული აფთიაქის ნებართვა.  საფუძველი იყო ის, რომ  აფთიაქში ერთი კალენდარული წლის განმავლობაში დარღვევა სამჯერ გამოვლინდა“.

მონიტორინგის მასალები სასამართლოშია გადაგზავნილი. სასამართლო დაადგენს რომელი აფთიაქი რამდენი ლარით დაჯარიმდება.

მოსახლეობის ინდივიდუალური სამედიცინო დახმარების პროგრამის ფარგლებში

განხორციელდება ონკოლოგიურ პაციენტთა ტარგენტული, იმუნოთერაპიული მკურნალობისათვის საჭირო მედიკამენტებისა და ბისფოსფონატების ჯგუფის მედიკამენტების დაფინანსება სამკურნალო დაწესებულებიდან წარმოდგენილი ანგარიშ–ფაქტურის მიხედვით ქვეპროგრამით გათვალისწინებული პროპორციების დაცვით არაუმეტეს 5000 ლარისა, წლიური ლიმიტი 10 000 ლარი.

სტიქიური მოვლენებისა და კატასტროფების შედეგად გამოწვეული   დაზიანებებით სამედიცინო დაწესებულებიდან წარმოდგენილი ანგარიშ–ფაქტურის საფუძველზე პაციენტი დაფინანსდება სრულად, არაუმეტეს 10 000 ლარისა.

პროგრამის ფარგლებში (შესაბამისი პროპორციების დაცვით) დაფინანსდება სამედიცინო რეაბილიტაციის (პაციენტის ფუნქციონალური, ფსიქოლოგიური შესაძლებლობებისა და კომპენსატორული მექანიზმების განვითარება) ხარჯები.

დაფინანსება გაიზრდება გულის ქირურგიის პროგრამის ფარგლებშიც

გაიზრდება პროგრამით დასაფინანსებელი ნოზოლოგიების რაოდენობა. დაემატება ძვირადღირებული კარდიოვერტებდეფიბრილატორის იმპლანტაციის ოპერაცია, კორონალური ანგიოპლასტიკა სამი სტენდით და ბალონური ანგიოპლასტიკა.

შეიცვალება დაფინანსების მეთოდოლოგია, კერძოდ: იმ შემთხვევაში, როცა მიმწოდებლის ტარიფი აღემატება ქვეპროგრამით გათვალსწინებულ ღირებულებას, მაგრამ პაციენტი მოითხოვს სამედიცინო მომსახურების ჩატარებას ამ მიმწოდებელთან, მაშინ მომსახურება დაფინანსდება ქვეპროგრამის ტარიფით დადგენილი დაფინანსების პროპორციებით. განსხვავებას ღირებულებასა და სამინისტროს მიერ დასაფინანსებელ თანხას შორის ფარავს პაციენტი. ხოლო იმ შემთხვევაში, როცა სამედიცინო მომსახურების ღირებულება ნაკლებია პროგრამით გათვალისწინებულ ტარიფზე ზემოაღნიშნული პროპორციებით განსაზღვრული მაჩვენებლები გაითვლება სამედიცინო დაწესებულებიდან წარმოდგენილი ღირებულებიდან.

გაიზრდება პროგრამით დასაფინანსებელი ნოზოლოგიების ტარიფი (სამკურნალო დაწესებულებებიდან მოწოდებული ტარიფების საფუძველზე განსაზღვრული საშუალო ფასი, მიახლოებული მოსახლეობის საყოველთაო ჯანმრთელობის დაცვის სახელმწიფო პროგრამის ლიმიტთან).

შეიცვლება (მოიმატებს) პროგრამით გათვალისწინებული დაფინანსების პროპორციები კერძოდ, 100 000-ის ჩათვლით სარეიტინგო ქულის მქონე მოქალაქეებს პროგრამით განსაზღვრული სამედიცინო მომსახურეობა დაუფინანსდებათ დამტკიცებული  ტარიფის – 90 %–ით.

ყველა სხვა კატეგორიის პაციენტს, პროგრამით განსაზღვრული სამედიცინო მომსახურეობა დაუფინანსდებათ დამტკიცებული  ტარიფის – 80 %–ით. (წინა  წლეების პროგრამით უფინანსდებოდათ –70%).

ვეტერანებს პროგრამით  გათვალისწინებული  მომსახურეობა დაუფინანსდებათ სრულად პროგრამით განსაზღვრული ტარიფის ფარგლებში. (წინა წლეების პროგრამით აღნიშნული გათვალისწინებული არ ყოფილა).

სახსრების ენდოპროთეზირების პროგრამის ფარგლებში

შეიცვალება დაფინანსების მეთოდოლოგია, კერძოდ: პროგრამის ფარგლებში  მკურნალობა დაფინანსდება: 100 000-მდე სარეიტინგო ქულის მქონე პაციენტებისათვის ფაქტიური ხარჯის 90 %-ით.

სხვა ბენეფიციარები, რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მინიჭებული აქვთ 100 000–დან  200 000-ის ჩათვლით სარეიტინგო ქულა; შეზღუდული შესაძლებლობის სტატუსის მქონე პირები; ომის ვეტერანები; ტერიტორიული მთლიანობისთვის ომში მონაწილეები; ომში დაღუპულთა ოჯახის წევრები (დედა, მამა, მეუღლე, შვილები); მრავალშვილიანი  ოჯახის წევრები) დაფინანსდებიან  ფაქტიური ხარჯის 80%-ით.

სხვა დანარჩენი მოქალაქე დაფინანსდება  70%–ით  (სხვა დანარჩენი მოქალაქის დაფინანსება 2014  წლის პროგრამით გათვალისწინებული არ ყოფილა).

პროგრამით დაფინანსების ზღვრული თანხა შეადგენს 4 000 ლარს. მკურნალობის ღირებულების დარჩენილი ნაწილი დაიფარება პაციენტის მიერ.

მაღალტექნოლოგიური დიაგნოსტიკური კვლევის პროგრამის ფარგლებში:           

მოიმატებს პროგრამით გათვალისწინებული მაღალტექნოლოგიური დიაგნოსტიკური კვლევების რაოდენობა (მცირე მენჯის ღრუს კომპიუტერული ტომოგრაფია კონტრასტით და კონტრასტის გარეშე, მაღალტექნოლოგიური დიაგნოსტიკური კვლევები ანესთეზიით).

შეიცვლება პროგრამით გათვალისწინებული მაღალტექნოლოგიური დიაგნოსტიკური კვლევების ტარიფები.

„სამოქმედო პროგრამა გვქონდა წარმოდგენილი ორივე კანდიდატს, იყო ამ პროგრამების განხილვა და ამის მიხედვით ავირჩიეთ დირექტორი. ჩემი მთავარი მიზანი თანამედროვე მეთოდების დანერგვა და სამშობიარო სახლისთვის ძველი ავტორიტეტის აღდგენაა“, – აცხადებს ახალი დირექტორი ნუკრი ბეჟანიძე.

ყოფილმა ხელისუფლებამ ბათუმის სამშობიარო სახლი გაასხვისა. მისი ნაწილი კომპანია „ნიუ ლაიფმა“ 2011 წელს შეიძინა. კომპანია ბათუმში „დედათა და ბავშვთა რესპუბლიკურ ცენტრსაც“ ფლობს. სახელმწიფოსთან დადებული შეთანხმების  მიხედვით, ბათუმის სამშობიარი სახლი სწორედ ანგისაში არსებულ დედათა და ბავშვთა ცენტს უნდა შეერთებოდა.

სამშობიაროს მედპერსონალმა სახელმწიფოს გადაწყვეტილება გააპროტესტა.  მედპერსონალი მიიჩნევდა, რომ მფლობელი ახალ საავადმყოფოში, სამშობიარო სახლის ყველა თანამშრომლის დასაქმებას ვერ უზრუნველყოფდა. 

მოგვიანებით, ბათუმის სამშობიარო სახლი სააქციო საზოგადოებად ჩამოყალიბდა და სამშობიარო სახლზე უფლებები დაიბრუნა. მათ აქვთ დამოუკიდებელი მენეჯმენტი, სამშობიარო სახლმა დაიბრუნა ის ტექნიკაც, რომელიც ხელისუფლებამ 600 ათას ლარად კომპანია „ნიუ ლაიფს“ მიყიდა.  

მაშინ აჭარის ჯანდაცვის მინისტრიმა ნუგზარ სურმანიძემ „ბათუმელებთან“ საუბარში განაცხადა, რომ სამშობიარო სახლის გასხვისება არსწორი გადაწყვეტილება იყო.  მინისტრის თქმით,   სამშობიარო სახლი  ბათუმის ისტორიული სახეა და მისი შენარჩუნება მნიშვნელოვანია. 

„16 წლის ვიყავი როცა გავთხოვდი, მას შემდეგ ჩემი ქმარი ხშირად მცემდა. ვცდილობდი ბავშვების გამო ოჯახი არ დამენგრია. წელს, 16 აგვისტოს, ჩემი ქმრის სახლიდან დედაჩემთან გადავედი საცხოვრებლად. 18 აგვისტოს ქმარმა მომაკითხა დავილაპარაკოთო. მანქანაში ჩავუჯექი… წამიყვანა ქობულეთში, ე.წ. გარადოკის დასახლებაში, როცა უარი ვუთხარი შერიგებაზე, მცემა, სისხლი მდიოდა პირიდან, ცხვირიდან, მანქანიდან გადმომაგდო და მიმატოვა… დახმარება გზატკეცილთან ახლოს მყოფებს ვთხოვე და მერე არაფერი მახსოვს… გონება დავკარგე. საავადმყოფოში გამეღვიძა… ტვინის შერყევა მქონდა, სისხლჩაქცევები ტანზე… ჩალურჯებები ახლაც მაქვს“, – გვიამბობს თეკლა (სახელი პირობითია).

მოსამართლის მიერ გამოტანილ განაჩენში წერია, რომ ქმარმა ცოლს ფიზიკური ძალადობით ჯანმრთელობის განზრახ მსუბუქი დაზიანება მიაყენა, „რამაც ცოლის ფიზიკური ტკივილი გამოიწვია“.

სასჯელის დასაბუთებაში მოსამართლეს ასეთი რამ უწერია: “ჩადენილი დანაშაულის მოტივისა და მიზნის ქმედებაში გამოვლენილი მართლსაწინააღმდეგო ნების, მოვალეობათა დარღვევის ხასიათისა და ზომის ქმედების განხორციელების სახისა და ხერხის გათვალისწინებით სასამართლო თვლის, რომ ბრალდებულს უნდა დაენიშნოს ისეთი სახის სასჯელი, რაც დაკავშირებული არ იქნება თავისუფლების აღკვეთასთან”.

მოსამართლეს განაჩენში უწერია, რომ გაითვალისწინა ბრალდებულის პიროვნება: „მან აღიარა და მოინანია დანაშაულის ჩადენა, ითანამშრომლა გამოძიებასთან”, ამიტომაც მოსამართლის აზრით, “პასუხისმგებლობის დამამძიმებელი გარემოება არ გამოვლენილა”.

მოსამართლეს განაჩენში უწერია, რომ ყველა მტკიცებულება მხარეებმა უდავო გახადეს, ბრალდებულმა დანაშაული აღიარა და ამიტომაც განაჩენი მან გამოკვლევის გარეშე გამოიტანა.

თეკლას ქმარი 24 წლისაა. ცოლის ცემაში ბრალდებულის მიმართ მამაკაცი მოსამართლის მსგავსად ლმობიერი იყო ქალი მოსამართლე – თამარ ბეჟანიშვილიც. ამ მოსამართლემ ოჯახში ძალადობაში ბრალდებულისთვის აღკვეთი ღონისძიების შეფარდების დროს ნაწილობრივ დააკმაყოფილა პროკურორ ადილარ წირღვავას შუამდგომლობა. ბრალდებულს აუკრძალა ქვეყნიდან გასვლა, თუმცა გირაოს სახით თანხის გადახდა არ დააკისრა. პროკურორი ბრალდებულისთვის ორი ათასი ლარის შეფარდებას ითხოვდა.

რატომ დაიწყო გამოძიება სისხლის სამართლის კოდექსის 126¹ მუხლით? – ამ კითხვაზე შინაგან საქმეთა სამინისტროში გან- მარტავენ, რომ თეკლას ჩვენებით ის მანქანაში ქმარს საკუთარი სურვილით ჩაუჯდა, ანუ ცოლისთვის ქმარს თავისუფლება იძულებით არ შეუზღუდავს. რაც შეეხება ცემას, სამართალდამცავებმა გამოძიება სისხლის სამართლის კოდექსის იმ მუხლით დაიწყეს, რომელიც ოჯახში ძალადობას ეხება. კოდექსში 126¹ მუხლი ასეა ჩამოყალიბებული: „ოჯახის ერთი წევრის მიერ მეორის მიმართ ძალადობას, სისტემატურ შეურაცხყოფას, შანტაჟს, დამცირებას, რამაც გამოიწვია ფიზიკური ტკივილი ან ტანჯვა… ისჯება საზოგადოებისათვის სასარგებლო შრომით ვადით ოთხმოციდან ას ორმოცდაათ საათამდე“.

რატომ დაიწყო გამოძიება მხოლოდ 126¹ მუხლით? პროკურატურა „ბათუმელების“ ამ კითხვის პასუხად განმარტავს: „შეტყობინების მიხედვით და თავად დაზარალებულის განმარტებით სახეზე იყო მეუღლის მხრიდან ფიზიკური დაზიანება, რის გამოც გამოძიება დაიწყო ოჯახური ძალადობის მუხლით. დაზარალებულმა განმარტა, რომ მის მიმართ თავისუფლების აღკვეთას ადგილი არ ჰქონია და მანქანაში მის მეუღლეს ჩაუჯდა თვითონ. დაზარალებულის მკაცრი პოზიციიდან გამომდინარე პროკურატურამ ბრალდებულზე არ გაავრცელა კანონით გათვალისწინებული შეღავათები (საპროცესო შეთანხმება, განრიდება და ა.შ.), იგი მისცა სისხლის სამართლის პასუხისგებაში და სასამართლოს მოსთხოვა მის მიმართ სასჯელის დაკისრება. წინასასამართლო სხდომამდე რამდენიმე დღით ადრე საქმის ზედამხედველმა პროკურორმა ადილარ წირღვავამ, მისი პოზიციის გარკვევის მიზნით, დაზარალებული დაიბარა შსს ქობულეთის რაიონულ სამმართველოში, მაგრამ იგი არ გამოცხადდა. მის ნაცვლად პროკურორთან შესახვედრად მივიდა დაზარალებულის დედა, რომელსაც პროკურორმა აცნობა წინასასამართლო სხდომის თარიღი (მიუხედავად იმისა, რომ მოქმედი საპროცესო კოდექსი ამას საერთოდ არ ავალდებულებდა) და ადგილი, ასევე მოიკითხა დაზარალებულის პოზიცია ბრალდებულის მიმართ, რაზეც ამ უკანასკნელმა დააფიქსირა, რომ მის შვილს ამ საქმეში თვითონ წარმოადგენდა და დააფიქსირა, რომ იყვნენ წინააღმდეგები ბრალდებულის მიმართ რაიმე შეღავათის გავრცელებისა”.

დაზარალებულის პრეტენზიის საპასუხოდ, იმის შესახებ, რომ სასამართლო პროცესი ისე ჩატარდა, რომ მან ამის შესახებ არაფერი იცოდა, პროკურატურა განმარტავს: „რაც შეეხება საქმის განხილვის თარიღისა და ადგილის შეტყობინებას დაზარალებულისთვის, საქართველოს სსსკ-ის 58-ე მუხლის შესაბამისად ასეთი ვალდებულება პროკურორს გააჩნია მხოლოდ დაზარალებულის მოთხოვნის შემთხვევაში, ამის თაობაზე ინფორმირება კი დაზარალებულს არ მოუთხოვია”.

„ბათუმელების“ კითხვაზე კონკრეტულად საზოგადოებისთვის რა სასარგებლო შრომა მიუსაჯა ბრალდებულს სასამართლომ, პრობაციის უფროსი აჭარაში როინ თურმანიძე განმარტავს, რომ ეს პირის პირადი ინფორმაციაა და შესაბამისად, საჯაროს ვერ გახდის. მისი განმარტებით კი, ზოგადად, საზოგადოებისთვის სასარგებლო შრომას მსჯავრდებულები ადგილობრივ მუნიციპალიტეტში გადიან, მაგალითად, ზოგიერთი მუნიციპალურ ავტობუსს რეცხავს, ზოგიერთი გამწვანების აქციაშია ჩართული, ასუფთავებს საჯარო სკოლის მიმდებარე ტერიტორიებს, ან მეველის ფუნქციას ითავსებს. კითხვაზე, როგორ აკონტროლებენ, მაგალითად, რამდენად კეთილსინდისიერი მეველეა მსჯავრდებული? როინ თურმანიძე ამბობს, რომ ამას პრობაციის ოფიცერი აკონტროლებს.

რამდენი ოფიცერია აჭარაში და რამდენი პირი, ვისაც საზოგადოებისთვის სასარგებლო შრომა აქვს მისჯილი? – ამ კითხვაზე თურმანიძე ამბობს, რომ პასუხის გაცემა მის კომპეტენციას სცილდება.

“ბათუმელები” დაუკავშირდა თავად თეკლას ყოფილ ქმარსაც. ის ქობულეთში, ერთ-ერთ მიკროსაფინანსო ორგანიზაციაში მუშაობს. კითხვაზე, კონკრეტულად რას აკეთებს საზოგადოებისთვის სასარგებლო შრომის სახით, როგორ ასრულებს სასამართლოს განაჩენს, პასუხობს, რომ ეს მისი ოჯახის პირადი საქმეა და საჯაროდ საუბარი არ სურს.

„4 ამომრჩეველი კიევიდან დროებით ჩამოსულია, დანარჩენი კი საქართველოში მყოფი უკრაინის მოქალაქეებია,  რომლებიც ფოთში, გურიასა და აჭარაში ცხოვრობენ. 15 საათისთვის ამომრჩეველთა 35 % აქვს ხმა მიცემული,“- განუცხადა „ბათუმელებს“ საარჩევნო  კომისიის თავმჯდომარემ ვიქტორია ბუხმა.  

უკრაინის უმაღლესი რადას  ვადამდელ არჩევნებში 29 პარტია და 3,5 ათასი მაჟორიტარი კანდიდატი მონაწიელობს. 

ყირიმის ნახევარკუნძულზე და სევასტოპოლში არჩევნები არ ჩატარდება. ასევე ხმის მიცემის პროცესი არ შედება დონეცკის 9 და ლუგანსკის 6 ოლქში. უკრაინის რადაში 450–ის ნაცვლად 423 დეპუტატს აირჩევენ. 

უკრაინის რადაში მოხვდებიან ის პატიები, რომლებიც ხმების 5%–ს მოაგროვებენ და ის მაჟორიტარები, ვინც საკუთრ ოლქებში ხმების უმარვლესობას მიიღებენ. 

უკრაინის ცენტრალური საარჩევნო კომისია არჩევნების შედეგებს ორი კვირის ვადაში გაასაჯაროებს. სავარაუდოდ 10 ნოემბერს უმაღელსი რადას არჩევნების შედეგები ცნობილი იქნება.

ინფექციონისტ ლალი საღარაძის თქმით, უბრალო გაცივებისგან განსხვავებით გრიპი მაღალი ტემპერატურით ხასიათდება და საშუალოდ 3-5 დღე მიმდინარეობს. „გრიპს ახასიათებს: თავისა და სახსრების ტკივილი, გულის რევა, ცრემლდენა, ცემინება, ცხვირიდან გამონადენი და ხველა”, – ამბობს ის.

ლალი საღარაძე ამბობს, რომ გამომწვევი ვირუსის მიხედვით, გრიპის ბევრი სახეობა არსებობს და ისინი კლინიკურადაც განსხვავებულად მიმდინარეობს: „ეს შეიძლება იყოს პარაგრიპი, რომელიც, მართალია, მსუბუქი ფორმით მიმდინარეობს, მაგრამ საყურადღებოა იმით, რომ ბავშვებში შეიძლება ე.წ. ცუკრუპი განავითაროს. არის ასევე რინოვირუსული ინფექცია, რომელიც მაღალი ცხელებით არ მიმდინარეობს და ახასიათებს რინორეა, ანუ ცხვირიდან გამონადენი. ადენოვირუსულმა ინფექციამ, რომლის დროსაც გამოხატულია კატარალური მოვლენები (ხველა, ცხვირიდან გამონადენი და სხვა), შეიძლება გამოიწვიოს კონიუქტივიტი, ანუ თვალის ლორწოვანი გარსის დაზიანება, ასევე შესაძლოა რესპირატორულ გამოვლინებებს თან ახლდეს დიარეაც“.

„აჭარის საზოგადოებრივი ჯანდაცვის ცენტრის“ დირექტორის, მარო ჩხაიძის თქმით, გრიპის აქტიური სეზონი წლის მეორმოცე კვირიდან იწყება. „ეს პერიოდი 7 ოქტომბრიდან უკვე დადგა და იგი მომავალი წლის მეოცე კვირის ჩათვლით გაგრძელდება“. მისივე თქმით, აჭარის საზოგადოებრივი ჯანდაცვის ცენტრის პირველადი შედეგებით გრიპის შემთხვევების მნიშვნელოვანი მატება არ აღინიშნება, თუმცა დაავადების პიკს მომავალი წლის თებერვალ-მარტში ელოდებიან.

გრიპის პროფილაქტიკური ღონისძეებებიდან ყველაზე ეფექტური საშუალება გრიპის ვაქცინაა. გრიპის ვაქცინაციის დროს ორგანიზმში გრიპის ვირუსის ცილები ხვდება, რის შედეგადაც ორგანიზმში სპეციფიკური ანტისხეულები გამომუშავდება. ლალი საღარაძის თქმით, ვაქცინის გაკეთება სწორედ ახლა – სექტემბრის ბოლოსა და ოქტომრბის დასაწყისშია რეკომენდებული, რათა ორგანიზმმა მოასწროს იმუნიტეტის გამომუშავება. როცა ანტისხეულების ტიტრი სისხლში მაღალია, ეს იმის მანიშნებელია, რომ ადამიანს აქვს იმუნიტეტი ამ დაავადების მიმართ. „გრიპის ვაქცინის გაკეთება აუცილებელიც კია ერთ წლამდე ასაკის ბავშვებისთვის, ხანდაზმულებისა და ხშირად მოავადე ადამიანებისთვის. ვაქცინის გაკეთების შემდეგ, შეიძლება მაინც დაავადდეს ადამიანი გრიპით, მაგრამ მისი კლინიკური მიმდინარეობა გაცილებით უფრო მსუბუქი იქნება, ვიდრე აუცრელი ადამიანის“, – ამბობს ლალი საღარაძე.

ვაქცინის გასაკეთებლად უბნის ექიმს ან საზოგადოებრივი ჯანდაცვის ცენტრს უნდა მიმართოთ. გარდა ამისა, სეზონური გრიპის ვაქცინები აფთიაქებშიც იყიდება. ლალი საღარაძის თქმით, ეს ფრანგული წარმოების ვაქცინებია და მათ ალერგიული რეაქციები არ ახასიათებთ. გრიპის საწინააღმდეგო ვაქცინის საშუალო ფასი 90 ლარია.

იმ შემთხვევაში, თუ გრიპი მძიმედ მიმდინარეობს, ექიმი კონსულტაციის შემდეგ ნიშნავს ანტივირუსულ პრეპარატებსა და ანტიბიოტიკებს. ლალი საღარაძის თქმით, ხშირად იმის შიშით, რომ გრიპი არ გართულდეს, ადამიანები გრიპის პირველი დღეებიდანვე იწყებენ ანტიბიოტიკების მიღებას, რაც აქვეითებს იმუნიტეტს და უფრო ხშირად სწორედ ამ პაციენტებს ურთულდებათ დაავადება.

გრიპის პროფილაქტიკისა და მასთან ბრძოლისთვის ზოგიერთი ხალხური მეთოდიც ეფექტურია. ინფექციონისტის თქმით, ნიორი შეიცავს ნივთიერებებს, რომელთაც შეუძლიათ პროფილაქტიკა ჩაუტარონ გრიპის ვირუსებს. „ასევე ეფექტურია ხილისა და განსაკუთრებით კი ციტრუსის, დიდი რაოდენობით მიღება, რადგანაც იგი დიდი რაოდენობით შეიცავს C ვიტამინს, რომელიც კარგი საშუალებაა ამ დაავადების თავიდან ასაცილებლად. ასე რომ, ეს მეთოდები სრულიად გამართლებულია“,- ამბობს ლალი საღარაძე.

ექიმის რეკომენდაცია: „უმჯობესია გრიპის მკურნალობისას სახლში დარჩეთ. ოთახი, სადაც გრიპიანი პაციენტი წევს, ხშირად უნდა განიავდეს, მიიღეთ დიდი რაოდენობით სითხე, ხილი, ცილოვანი საკვები ვიტამინები და სიმპტომური საშუალებები, მაგალითად, სიცხის დამწევები – მაღალი ტემპერატურისას (მაღალ ტემპერატურად მიიჩნევა 38-ზე მაღლა, ზოგი 37.5-ს დროსაც იღებს სიცხის დამწევს. ასეთი გამონაკლისი შეიძლება მხოლოდ მაშინ დავუშვათ, თუ პაციენტი ბავშვია და მას ტემპერტაურაზე კრუნჩხვითი რეაქცია აქვს), ცხვირში ჩასაწვთებელი საშუალებები – ცხვირიდან გამონადენის დროს, ხველის საწინააღმდეგო საშუალებები იმის მიხედვით, თუ როგორ ახველებს პაციენტს“.

გრიპის კლინიკური ნიშნების არსებობის შემთხვევაში ადამიანი უნდა მოერიდოს როგორც სამსახურში სიარულს, ისე ოჯახის წევრებთან ახლო კონტაქტს, რათა თავად არ გახდეს ინფექციის წყარო და სახლში თუ ქუჩაში აუცილებლად ატაროს ნიღაბი. გარდა ამისა, „აჭარის საზოგადოებრივი ჯანდაცვის ცენტრის“ რეკომენდაციით, გრიპის ვაქცინის გარდა პრევენციისთვის აუცილებელია ისეთი მარტივი ღონისძიებების ჩატარება, როგორიცაა ხელების ხშირად დაბანა და საცხოვრებელი ადგილებისა თუ სათავსოების ხშირი განიავება.

საშუალო სკოლებში საბაზო საფეხურიდან მოსწავლეებს საშუალება აქვთ სპორტის იმ სახეობაში იასპარეზონ, რომელიც სკოლას აქვს არჩეული. არჩეულ სახეობებს მატერიალურ-ტექნიკური ბაზა და სპორტის მასწავლებლის კვალიფიკაცია განსაზღვრავს. ბათუმის #2 საჯარო სკოლის დირექტორი მარიზა აბაშიძე ამბობს, რომ სპორტის გაკვეთილები ყველა კლასს კვირაში ორჯერ უტარდება, სპორტის მასწავლებლების ანაზღაურება კი სხვა საგნების პედაგოგების ანაზღაურების ანალოგიურია.

„ჩვენს სკოლაში სპორტის ოთხი მასწავლებელი ასწავლის, ყველა მათგანს სპორტის მიმართულებით აქვს განათლება მიღებული, ყოფილი სპორტსმენები არიან და ძალიან კარგად ამეცადინებენ ბავშვებს. ჩვენ მიერ არჩეული სახეობები ისეთია, რომ სპორტის მასწავლებელს საგაკვეთილო პროცესშივე უწევს აქტიური მუშაობა“, – ამბობს მარიზა აბაშიძე.

ქედის რესურსცენტრის მთავარი სპეციალისტი ნადიმ ზანაქიძე ამბობს, რომ მათ მუნიციპალიტეტში არჩეულ სპორტის სახეობას შუახევში სპორტისადმი ტრადიციული დამოკიდებულებაც განსაზღვრავს. „ისტორიულად სახეობები ზონებად იყო დაყოფილი, ქედის ზემოთ პოპულარული იყო ფრენბურთი, ცენტრალურ ნაწილში, სადაც ვაკეა _ ფეხბურთი და კალათბურთი, ქვემოთ – ხელბურთი. ახლა ამ სფეროში სპეციალისტები არ ჰყავთ და აქაც ფეხბურთსა და კალათბურთს ასწავლიან. ვაიოს სკოლის მოსწავლეები მაგიდის ჩოგბურთში არიან საქართველოს ნაკრების წევრები, პირველი მაისის სკოლას ჭადრაკში ჰყავს საქართველოს ნაკრების წევრები“, – ამბობს ნადიმ ზანაქიძე.

მოსწავლეებს სპორტის გაკვეთილები მაღალ კლასებში ნაკლებად მოსწონთ. ისინი ამბობენ, რომ უფრო მეტ დროს სწავლასა და გამოცდებისთვის მზადებას უთმობენ. შესაბამისად მიაჩნიათ, რომ სპორტის გაკვეთილი „დროს აკარგვინებს“. ამ ტენდენციაზე სპორტის მასწავლეებლებიც საუბრობენ. მათი თქმით, დამამთავრებელ კლასებში მოსწავლეების მხოლოდ 30 პროცენტი ერთვება საგაკვეთილო პროცესში აქტიურად. „მაღალ კლასებში კარგავენ ინტერესს, თუმცა ყოველთვის არიან ისეთი მოსწავლეები, რომლებსაც სპორტის გაკვეთილი ახარებთ და პირიქით. როცა შეფასება იყო, მეტი მოტივაცია ჰქონდათ, ნიშნის გამო მონაწილეობდნენ პროცესში,“ – ამბობს ირინე მამულაძე, ბათუმის #2 საჯარო სკოლის სპორტის მასწავლებელი. ირინა სკოლებში სპორტული ინვენტარის სიმცირის შესახებაც საუბრობს.

„მწირი ინვენტარი გვაქვს. სკოლისთვის რთულია ამ ინვენტარის შეძენა, მარტო ტანვარჯიშის ლეიბი 800 ლარად შეგვიფასეს. ინვენტარის არარსებობის გამო ავირჩიეთ კალათბურთი, ფეხბურთი და ფრენბურთი. შემიძლია ვთქვა, რომ წამყვანი ჯგუფები გვყავს ქალაქში – ჩვენი მოსწავლეები ხშირად იმარჯვებენ, მაგრამ ზოგიერთს არ მოსწონს სპორტის ის სახეობა, რომელსაც უმრავლესობა ირჩევს, ზოგს ბურთზე მეტად კოტრიალი უნდა, ამიტომ იყო კარგი, როცა პერიოდულად გავდიოდით ყველა სახეობას. მრავალფეროვნება საჭიროა, ბავშვებს ერთი და იგივე ბეზრდებათ“, – ამბობს ირინე, რომელსაც #1 სკოლის მასწავლებელი ზვიად აბაშიძეც ეთანხმება.

„ადრე ისეთი მატერიალური ბაზა გვქონდა, მოსწავლეებს ყველა სახეობაზე ვავარჯიშებდით, ახლა აღარაა ეს მოწყობილობები სკოლებში და ბავშვების უმეტესობას ურჩევნია მარტივი თამაშები ითამაშოს. ეს პირველი სკოლის მეორე კორპუსია, პირველში უკეთესი პირობები გვაქვს, ამ შენობაში დროებით ვართ. დაძალება არ შეიძლება ბავშვზე, რაც შეუძლია და რაც სურს, ის უნდა გააკეთოს, გაკვეთილი უნდა იყოს ხალისიანი, ყველა კლასში არიან აქტიური და პასიური ბავშვები. აქტიურ ბავშვებზე არაფერი მოქმედებს, აბიტურიენტობის პერიოდშიც კი ცდილობენ ჩაერთონ საგაკვეთილო პროცესში, ფორმას ატარებენ, არ აცდენენ გაკვეთილს. სამწუხაროდ, მშობლებსაც ასე მიაჩნიათ – მთავარი არის სწავლა და სპორტი მეორე ხარისხოვანი“, – ამბობს ზვიად აბაშიძე.

შუახევის რესურსცენტრის ინფორმაციით, მუნიციპალიტეტში  სპორტის 48 მასწავლებელი ასწავლის და ყველა მათგანს სპეციალობაში აქვს მიღებული უმაღლესი განათლება.

მსგავსი შედეგი არ აქვთ სხვა მუნიციპალიტეტებს. ემზარ ქოქოლაძე – ხელვაჩაურის რესურსცენტრის მთავარი სპეციალისტი საკადრო დეფიციტზეც საუბრობს: „პედაგოგების უმრავლესობა პედაგოგიური განათლებითაა, თუმცა დიდი რაოდენობით არიან სპორტის სპეციალისტებიც. უმეტესად ძველი კადრები ასწავლიან სკოლებში. არის სკოლები, სადაც შეთავსებით სხვა საგნის მასწავლებელი ასწავლის სპორტს – ის, ვისაც ცოტა საათი აქვს, მაგალითად, ხელოვნების მასწავლებელი. სადაც არის სპორტის პედაგოგი, იქ ხარისხი კარგია, მაგრამ სადაც არ ჰყავთ – დაბალია. ზოგ სკოლაში არც დარბაზია და არც მოედანი. სკოლა ყველა შემთხვევაში უნდა ატარებდეს სპორტის საათს, თუ დარბაზი არ აქვთ, ჭადრაკს ირჩევენ და იმას ასწავლიან“.

ხულოს რესურსცენტრის მთავარი სპეციალისტი ასლან შავაძე ამბობს, რომ სპორტის გაკვეთილების მონიტორინგის სპეციალური პროგრამა არ აქვთ: „ეს მიმართულება დახვეწის პროცესშია, სასერტიფიკაციო გამოცდების მსვლელობისას სპორტის მასწავლებლის საკვალიფიკაციო მოთხოვნებიც კი არ იყო განსაზღვრული. პროგრამა ახლა შემუშავდა, ყველაფერს უნდა ახლებური მიდგომა. ხულოში სპორტის პედაგოგების დეფიციტია, არასპეციალისტს კი სტანდარტს ვერ მოთხოვ“.

ბათუმის რესურსცენტრის უფროსი გოჩა დავითაძე დაწყებით კლასებში სპორტის გაკვეთილების აუცილებლობას უსვამს ხაზს: „ამ საგნის სწავლების მიზანია ჩააბას მოსწავლე ფიზიკურ აქტივობებში. ამ კლასებში მოსწავლეებმა უნდა გააცნობიერონ, თუ რამდენად მნიშვნელოვანია ჯანსაღი ცხოვრების წესის დაცვა ადამიანის სიცოცხლისთვის. საერთო სტანდარტი არსებობს, რომელსაც უნდა მიჰყვეს სკოლა. დაწყებით კლასებში განსაკუთრებული მნიშვნელობა ენიჭება ბავშვის ფიზიკურ მომზადებასა და საბაზისო მოძრაობითი უნარ-ჩვევების შეძენას. ამ საფეხურზე, ძირითადად, დაწყებითის მასწავლებლები ასწავლიან, მეხუთე კლასიდან კი – ფიზიკური აღზრდის განათლების მქონე პირები“.

ბათუმის თიბისი გალერეაში ახალგაზრდა მხატვრის აკაკი ჯაშის პერსონალური გამოფენა გრძელდება. გამოფენა 22 ოქტომბერს გაიხსნა და მისი ხილვა დამთვალიერებელს 7 ნოემბრის ჩათვლით შეეძლება.

გამოფენაზე ხელოვანის მიერ ბოლო ერთი წლის მანძილზე შესრულებული 30 ნამუშევარია წარმოდგენილი.

 
აკაკი ჯაში ახალგაზრდა მხატვარი, ფერმწერი და გრაფიკოსია. არის რამდენიმე პერსონალური გამოფენის ავტორი, მონაწილეობდა არაერთ ჯგუფურ გამოფენაში.  ნამუშევარი აქვს  სრულმეტრაჟიანი მხატვრული ფილმების: “ომი და ქორწილი” (რეჟისორი ზ.კოლელიშვილი)  და“ჩაიკა” (რეჟისორი მიგელ ანხელ ხიმენესი) მხატვრობაზე.

„ეს არ არის მწვანე შენობა, სამწუხაროდ,“ – უთხრა „ბათუმელებს“ სამშენებლო კომპანია  „თუზჯუოღლუ &ქესქინ“ -ის მენეჯერმა ჰალით თუზჯუოღლუმ. მისი კომპანია ბათუმში, კობალაძის, ტბელ აბუსერიძისა და აღმაშენებლის ქუჩის კვეთაში მრავალსართულიან საცხოვრებელ სახლს აშენებს. ჰალით თუზჯუოღლუს ვკითხეთ რამდენი პროცენტს შეადგენდა მშენებარე ბინის  გამწვანება საერთო ფართობში.

„ჩვენ საკმარისი ადგილი არ გვაქვს რომ გამწვანება გავაკეთოთ. თუმცა შევეცდებით და მაინც მოვახერხებთ მცირე გამწვანების გაკეთებას. ყველა მხრიდან შენობა აკრავს. ჩვენი ფართობი  4000 კვადრატული მეტრია და ჩვენ ვაშენებთ ზუსტად 4000 კვადრატულ მეტრს.  მთლიანად ვითვისებთ ამ ფართობს.

მთავარი პრობლემა ბათუმსა და თბილისში არის  ის, რომ როდესაც პიროვნება მოდის, ყიდულობს მიწას და უნდა იქ რამე გააკეთოს, თითქმის 50 % უნდა რომ იყოს შენობა. არ არის გამოყოფილი ადგილი, ნახევარი მაინც გამწვანებისთვის.  დიახ, გამწვანებას უნდა დაეთმოს ადგილი, მაგრამ თვითონ მერიამ, ბათუმის მთავრობამ უნდა გაითვალისწინოს ეს.

მაგალითისთვის თურქეთში ასე არ არის. იქ რომ გქონდეს 4000 კვმ ფართობი, მხოლოდ 1000 კვმ-ს თუ გამოიყენებ მშენებლობისთვის. დანარჩენი უნდა დაუთმო  გამწვანებას.

აქ რა ხდება? თქვენ არ უფრთხილდებით თქვენს ქალაქს, აშენებთ ძალიან მაღალ შენობებს, 22 სართულიან შენობებს. არ გაქვთ გამოყოფილი ადგილი პარკინგისთვის.  კანალიზაციის სისტემა არ არის გამართული ასეთი დიდი შენობებისთვის და მომავალში თქვენ გექნებათ ძალიან დიდი პრობლემა,“ – ამბობს  „ბათუმელებთან“ საუბარში „თუზჯუოღლუ &ქესქინ“ -ის მენეჯერი ჰალით თუზჯუოღლუ.

იანსარიძის ქუჩაზე აშენებს 18-სართულიან საცხოვრებელ სახლს სამშენებლო კომპანია „ახალი ბათუმი ჯგუფი“. როგორც კომპანიის დირექტორი რეზო ჭაღალიძე „ბათუმელებთან“ საუბარში ამბობს, იმ სახლებს შორის, რომელიც კომპანიას აუშენებია, ინასარიძის ქუჩაზე მშენებარე სახლი ყველაზე „მწვანეა“.

„მიწა ჯამში არის 2100 კვადრატი, შენობას ვაშენებთ 850 მეტრზე. დანარჩენი იქნება ეზო. ამის გარდა ქვემოთ იქნება ავტოსადგომები 26 ავტომანქანისთვის. შენობა არის 18-სართულიანი – 200 ბინაა. ბათუმში ჩვენს მიერ აშენებულ სახლებში, ეგ კორპუსია რომელსაც ყველაზე დიდი ფართობის ეზო აქვს დატოვებული,“ – ამბობს რეზო ჭაღალიძე.

მისივე თქმით არ არის დადგენილი სტანდარტი თუ რა შეფარდებით უნდა იყოს გამწვანება.

„რეგულაციები მაგის შესახებ არ არსებობს, 30 % უნდა დაეტოვებინათ ადრე ეზო. ახლა მშენებელს არ ავალდებულებს კანონი რა ფართობი დატოვოს. მერიამ უნდა გადაწყვიტოს რა ფართობზე იქნება მშენებლობა და რა დაეთმობა გამწვანებას,“ – ამბობს „ახალი ბათუმი ჯგუფის“ ხელმძღვანელი რეზო ჭაღალიძე.

ბათუმის მერიის არქიტექტურისა და ურბანული დაგეგმარების სამსახურის ხელმძღვანელი თქმით, მოქმედი კანონმდებლობით მშენებელი ვალდებულია საერთო ფართობის 10 % დაუთმოს გამწვანებას. გამწვანებაში ითვლება მცირე კორდიც.

„ბათუმი დაყოფილია კონკრეტულ უფლებრივ ზონებად, რომელსაც თავისი განაშენიანობის ინტენსივობის და გამწვანების კოეფიციენტები არეგულირებს. თუ გამწვანების კოეფიციენტი არის საცხოვრებელ, საზოგადოებრივ ზონებში ამ შემთხვევაში გამწვანების  კოეფიციენტი არის 10 %. მარტივად რომ ვთქვათ თუ მიწა არის 100 კვადრატი, ასეთ ტერიტორიაზე მინიმუმ 10 % უნდა იყოს გამწვანების კოეფიციენტი. გამწვანებაში იგულისხმება არა ამარტო ხის ნარგავები, ეს ვალდებულება არ არის დამკვეთის,   აუცილებელია იყოს 10 % წყალგამტარი შრე,“ – ამბობს ბათუმის მერიის არქიტექტურისა და ურბანული დაგეგმარების სამსახურის ხელმძღვანელი ირაკლი ახალაძე.

ახლადაშენებულ კორპუსებში გამწვანების ოდენობა არ მოსწონს ბათუმის გამწვანებისა და ლანდშაფტური დაგეგმარების სამსახურის ხელმძღვანელს ეთერ მაჭუტაძეს.

„ხიმშიაშვილზე ამდენი სახლებია აშენებული და ჯერჯერობით ვერაფერს ვხედავ გამწვანების ზოლი რომ იყოს დარჩენილი. საერთოდ კომპანია რომ იღებს ტერიტორიას, იმან უნდა ჩადოს გამწვანებაც. მე მაქსიმალურად სადაც დამთავრებულია ვცდილობ უკვე შევიდე და მწვანე ნარგავები დავრგო. სადაც მშენებლობა მიდის იქ ვერაფერს ვერ დარგავ. მე როგორც მოქალაქე  ისეთ სახლში არ შევალ და არ ვიცხოვრებ სადაც გამწვანება არ იქნება. ბოლოსდაბოლოს ჟანგბადი ხომ უნდა ისუნთქო,“ – ამბობს ეთერ მაჭუტაძე.

გარდა იმისა რომ ახლადაშენებული კორპუსები პრაქტიკულად გამწვანების გარეშეა, კიდევ ერთი პრობლემა იჩენს თავს. თუ თქვენ იყიდით ბინას „ზღვის ხედით“, შესაძლოა რამდენიმე თვეში საცხოვრებლის წინ კორპუსი ამოაშენონ და თქვენ ბინა ზღვის ხედით, აღარ გექნებათ.

ირაკლი ახალაძე: „ახალი რეგულაციით განსაზღვრულია  საზოგადოებრივ სივრცესთან მიმართებაში შენობის განთავსება, ასევე  ეზოს და გვერდით მდგომ შენობებთან დამოკიდებულება. თავის საკადასტრო ტერიტორიაზე შეუძლია ადამიანს ააშენოს ისე რომ გვერდით, სხვა საკადასტრო ტერიტორიაზე მეზობელს არ ჰკითხოს. მიუხედავად იმისა რომ იმას შეიძლება ფანჯარა ჰქონდეს შენს მხარეს და შეიძლება რაღაც ისეთი განათება შედიოდეს. ეს არის მისი უფლება. კანონი ასე ანიჭებს უფლებას. როგორც იმას შეუძლია ამის დაუკითხავად აკეთოს რაღაცა მშენებლობა, აწარმოოს. ასევე ამას შეუძლია იმის გარეშე.  კედელი შეუძლია პირდაპირ საზღვარზე დასვას. მთავარია ზიანი არ მიაყენოს მეზობელი ნაკვეთის არსებულ ინფრასტრუქტურას. პასუხისმგებლობა ზიანის შემთხვევაში ეკისრება მთლიანად ახალი მშენებლობის დამკვეთს“.

არღვევენ თუ არა სამშენებლო კომპანიები კანონს, როდესაც მშენებლობისათვის გამოყოფილ ფართობს სრულად ითვისებენ, შედეგად კი ეზოსთვის და გამწვანებისთვის ადგილი არ რჩება. ბათუმის მერიის არქიტექტურისა და ურბანული დაგეგმარების სამსახურის ხელმძღვანელი ამბობს რომ თუკი მშენებელ კომპანიას მშენებლობის ნებართვა 2009 წლამდე აქვს მიღებული, მაშინ კანონი არ ირღვევა. რადგან 2009 წლამდე არ არსებობდა რეგულაციები.

„იყო შემთხვევები როცა ეზოები თითქმის შევსებული იყო. ახლა თუ არის 50- 70 % ზონების მიხედვით ცარიელი ტერიტორიის დატოვების ვარიანტი, მაშინ იყო თითქმის 100 %-იანი ათვისება ტერიტორიის. არ იყო შეზღუდვა. ზოგი მაინც ტოვებდა, თავის სურვილით. ასეთ მშენებლობებს ვერ შევეხებით,“ – ამბობს ირაკლი ახალაძე.

მისივე თქმით ამჟამად ისეთ სახლზე, რომელსაც ეზო არ ექნება ნებართვა არ გაიცემა.

ირაკლი ახალაძე: „განაშენიანების კოეფიციენტი შენობა-ნაგებობების რაოდენობას განსაზღვრავს კონკრეტულ მიწის ნაკვეთზე. მაგალითად თუ მშენებლობა არის ჭავჭავაძის ქუჩაზე, იქ შესაძლებელია მაქსიმუმ 60 % -ის ათვისება. დანარჩენი 40 % უნდა დარჩეს თავისუფალი. ამ 40 დან 10 % გამწვანებული უნდა იყოს“.

„28 ოქტომბერს არის დანიშნული ეროვნული უშიშროების საბჭოს სხდომა, რომელიც დანიშნა საქართველოს პრეზიდენტმა რამდენიმე კვირით ადრე. მაგრამ სქართველოს მთავრობის ის წევრები, რომელიც უშიშროების საბჭოს წევრები არიან, ან ის წევრები, რომლებიც მიწვეული არიან ამ სხდომაზე, აკეთებენ სრულიად ანტისახელმწიფოებრივ განცხადებებს. მაგალითად, მაია ფანჯიკიძემ გააკეთა განცხადება, რომ ის შესაძლებელია 28 ოქტომბერს არ იყოს საქართველოში იმის გამო, რომ შეიძლება მიიპატიჟოს ერთ-ერთმა მეგობარმა სახელმწიფომ სადღაც მივლინებაში. ეს არის დესტრუქციული განცხადება, არამარტო ანტისახელმწიფოებრივი, არამედ ანტიკონსტიტუციური.

საქართველოს პარლამენტს მივმართე, რომ გამოიყენოს მისი კონსტიტუციური უფლება მოვალეობა და მიმართოს საქართველოს პრემიერ-მინისტრს, მაია ფანჯიკიძის, როგორც საქართველოს მთავრობის წევრის, თანამდებობრივი პასუხისმგებლობის დაყენების შესახებ. ეს დესტრუქციული განცხადება არ შეიძლება უპასუხოდ დატოვოს საქართველოს პარლამენტმა,“ – აცხადებს პარლამენტის ვიცე-სპიკერი მურმან დუმბაძე.

დუმბაძის განცხადებით, საქართველოს კონსტიტუციაში ჩაწერილია, რომ საქართველოს პარლამენტი უფლებამოსილია საქართველოს პრემიერ-მინისტრს მიმართოს საქართველოს მთავრობის რომელიმე წევრის, ან წევრების თანამდებობრივი პასუხისმგებლობის საკითხის დაყენების შესახებ. პრემიერ-მინისტრმა კი პარლამენტს გარკვეულ ვადაში უნდა აცნობოს წერილობით გადაწყვეტილების შესახებ.

მურმან დუმბაძე: „მე ვფიქრობ, საქართველოს პარლამენტი ამ ჩემს მოთხოვნას ყურად არ იღებს, მაგრამ მე ამით ვაფიქსირებ იმას, რომ თუკი პარლამენტი საქართველოს კონსტიტუციის ამ მუხლს იგნორირებას გაუკეთებს, ეს ნიშნავს, რომ საქართველოს პარლამენტი ისევე მორჩილი პარლამენტია, როგორიც გვქონდა ჩვენ უახლოესი წლების განმავლობაში“.  

ლექცია ეძღვნება ფემინიზმის მიმართ წინააღმდეგობის თეორიულად გააზრების ცდას. შემოთავაზებული თეორიული ჩარჩოს საილუსტრაციოდ და გასამყარებლად ლექციაზე წარმოდგენილია ანტიფემინისტური არგუმენტების, რამდენიმე ისტორიული, და თანამედროვე ნიმუშის ანალიზი – “რას ნიშნავს, იყო ფემინისტი? და რას ნიშნავს დღევანდელ სამყაროში მტკიცება, რომ არ ხარ ფემინისტი? არის დღეს შესაძლებელი, ისე გავემიჯნოთ ფემინისტურ იდეალებს და ფემინისტურ ბრძოლას, რომ ამით უპასუხისმგებლობა არ დავადასტუროთ?”.

ლექციის აუდიო ვერსიის მოსასმენად, გადადით ბმულზე – [Audio]

საჯარო ლექციები 17 ოქტომბრიდან12 დეკემბრის ჩათვლით, ყოველ პარასკევს, 5 საათზე, ბათუმის სახელმწიფო უნივერსიტეტში გაიმართება.

საჯარო ლექციების შესახებ დამატებითი ინფორმაციისთვის, გადადით ბმულზე.

გამწვანების აქცია „ეკო-პროექტის“ ფარგლებში გაიმართა, რომელიც ბავშვთა და ახალგაზრდობის ეროვნული ცენტრის ორგანიზებით, 2014 წლის მარტიდან საქართველოს 5 ქალაქში ხორციელდება. პროექტის ფარგლებში გამწვანების გარდა დაგეგმილია დასუფთავების აქციებიც. 

ღონიძიების მიზანია ახალგაზრდებში გარემოსდაცვითი ცნობიერების ამაღლება. აქცია ხორციელდება ბათუმის მუნიციპალიტეტის, სსიპ გარეოსდაცვითი ინფორმაციისა და განათლების ცენტრის და საქართველოს რკინიგზის მხარდაჭერით.

გამწვანების აქციაში მონაწილეობა ბათუმის ვიცე მერმა ბაგრატ მანველიძემაც მიიღო, აქციის დასასრულს მან ჟურნალისტებს განუცხადა, რომ მსგავსი აქციები ბათუმში ეტაპობრივად გაიმართება. 

მთავარ პარტიებს ასრულებენ – ინგა ჯახუტაშვილი, ირაკლი კახიძე, ბაჩო ნაკაშიძე, სულხან ჯაიანი, მამუკა ლომიძე, ზაზა ხამათაშვილი, არმაზ დარაშვილი, ნანა ძიძიგური, ნონა კორიფაძე, ლევან მაკარიძე და ირმა ჟღენტი.

ამიტომ ახალგაზრდა სოლისტებისა და მთლიანად დასის მხარდასაჭერად ბათუმში ქართველი საოპერო მომღერლები-ცისანა ტატიშვილი, მედეა ამირანაშვილი, თამარ გურგენიძე და თენგიზ მუშკუდიანი ჩამოვლენს.

“მარინა ჯახუტაშვილის დიდი სურვილი ბათუმისთვის შეენარჩუნებინა საოპერო დასი, საზოგადოდ მამულიშვილური საქმეა. ფაქტობრივად, მან თავიდან აღადგინა დასი, გაზარდა სრულიად ახალი თაობა. ამ დასში ბრწყინვალე ახალგაზრდები არიან, შესანიშნავი ხმებით, მდიდარი და მახვილი შემოქმედებითი ინტუიციით. ვოკალური და სამსახიობო პრინციპები, ისე ორგანულადაა შერწყმული მათ შემოქმედებაში, რომ როცა ვუსმენ და ვუცქერ, მავიწყდება, რომ საოპერო სპექტაკლზე ვარ. ვუსურვებ წარმატებას, რადგან დღეს ქართულ საოპერო სცენებს სწორედ ასეთი ხმების, ნიჭიერი ახალგაზრდები სჭირდება. ბათუმში შესანიშნავი მსმენელია და ეს ქალაქი ნამდვილად იმსახურებს ჰქონდეს ძალიან კარგი საოპერო თეატრი,” – ამბობს ცისანა ტატიშვილი.

პროექტში მონაწილეობას ღებულობენ ხელვაჩაურში მოქმედი კვების ობიექტები. ისინი პრეზენტაციაზე წარმოადგენენ თავიანთ პროდუქციას. მათი ფესტივალში ჩართვის მიზანია ახლოს გაეცნონ ლაზურ კულინარიას და სამომავლოდ თავიანთ წარმოებაში დანერგონ.

პროექტის ფარგლებში ასევე გამოიცემა 2015 წლის კალენდარი თანდართული ლაზური კერძების რეცეპტებით.

აჭარის განათლების, კულტურისა და სპორტის სამინისტროს ქვეპროგრამის ფარგლებში “კულტურული ცხოვრების გააქტიურება სოფლად” დაფინანსდა

პროექტს “კულტურათა დიალოგის ფესტივალი” აჭარის განათლების, კულტურისა და სპორტის სამინისტრო ააფინანსებს და მას ხელვაჩაურის კულტურის ცენტრი განახორციელებს.

გამარჯვებულად ჩაითვლება კონკურსანტი, თუ მას საკონკურსო კომისიის წევრთა მიერ ყველაზე მაღალი ჯამური ქულა მიენიჭება.

კონკურსის მიზანია შეიქმნას ლოგო, რომელიც გამოყენებული იქნება სამინისტროს საქმიანობის პროცესში (სამინისტროს ვებ-გვერდზე, სოციალური მედიის პლატფორმებზე, სავიზიტო ბარათებზე, ბლანკებზე, პოსტერებზე და სხვა საინფორმაციო მასალებზე).

„შინაარსობრივად ლოგო (ან ლოგოს ესკიზი) სამინისტროს საქმიანობის სპეციფიკას უნდა ასახავდეს, უნდა იყოს ადვილად აღქმადი, დასამახსოვრებელი და პოზიტიური. თავდაპირველად მასალა JPEGდა PNG ფაილის სახით უნდა იყოს წარმოდგენილი, დამტკიცების შემთხვევაში კი ვექტორულ-გრაფიკულ (EPS) და PDF ფორმატში. ფერი უნდა იყოს CMYK (ლოგო გამოყენება უნდა შეიძლებოდეს თეთრი და ფერადი ფონებისთვის).

ტექნიკური თვალსაზრისით ლოგო უნდა იყოს ადვილად გამოსაყენებელი, დასამუშავებელი; მარტივად უნდა შეიძლებოდეს ზომის ცვლილება, მანიპულირება ნებისმიერი რეპროდუქციის მიზნით“ – ნათქვამია სამინისტროს ვებ გვერდზე გამოქვეყნებულ განცხადებაში.

დაინტერესებულმა პირებმა საკონკურსო წინადადება (ერთ დალუქულ კონვერტში), საფასურის (კანონის 19¹ მუხლის პირველი პუნქტით 50 ლარი) გადახდის დამადასტურებელი დოკუმენტთან ერთად უნდა წარადგინონ აჭარის ა.რ ფინანსთა და ეკონომიკის სამინისტროში. 

წინადადებები მიიღება 14  ნოემბრის 10 საათიდან, 14 ნოემბრის 16 საათამდე, შემდეგ მისამართზე: მ. კომახიძის ქუჩა №119. 

კონკურსი  2014 წლის 14 ნოემბრის 17 საათზე აჭარის ა.რ ფინანსთა და ეკონომიკის სამინისტროში ჩატარდება.