Batumelebi | აფთიაქებს ჯარიმის სახით 950 ათასი ლარის გადახდა მოუწევთ აფთიაქებს ჯარიმის სახით 950 ათასი ლარის გადახდა მოუწევთ – Batumelebi
RU | GE  

აფთიაქებს ჯარიმის სახით 950 ათასი ლარის გადახდა მოუწევთ

 

სამედიცინო საქმიანობის სახელმწიფო რეგულირების სააგენტომ საქართველოს მასშტაბით არსებული აფთიაქები შეამოწმა. შემოწმების შედეგად 183 სამართალდარღვევათა ოქმი შედგა,  შვიდ დაწესებულებას კი საერთოდ გაუუქმდა ავტორიზებული აფთიაქის სტატუსი.  აღმოჩენილი დარღვევების შედეგად გამოვლენილი სახდელების რაოდენობა 950 ათას ლარზე მეტია.  

 

 

მედიკამენტები
მედიკამენტები

 

 

სამედიცინო საქმიანობის სახელმწიფო რეგულირების სააგენტოს ფარმაცევტული საქმიანობის ინსპექტირების სამმართველოს უფროსის ნანა შაშიაშვილის განცხადებით, პირველი იანვრიდან დღემდე ფარმაცევტული ბაზრის  კონტროლის შედეგად 183 სამართალდარღვევის ოქმი შედგა.

 

 

შემოწმების შედეგად  აღმოჩენილი დარღვევების გამო, აფთიაქებს ჯარიმის გადახდა მოუწევთ, რაც მთლიანობაში 950 ათას ლარზე მეტია.

 

 

„სახდელის ოდენობა კანონით არის გათვალისწინებული და განისაზღვრება, როგორც წამლისა და ფარმაცევტული საქმიანობის შესახებ კანონით, ასევე ადმინისტრაცილ სამართალდარღვევათა კოდექსით“ – აღნიშნა ნანა შაშიაშვილმა „ბათუმელებთან“. მისივე თქმით,  მონიტორინგის შედეგად დაფიქსირებული იქნა როგორც პირველი ჯგუფისთვის მიკუთვნებული ფარმაცევტული პროდუქტის ლეგალური ბრუნვის წესების დარღვევის ფაქტები, ასევე მეორე და მესამე ჯგუფს მიკუთვნებული ფარმაცევტული პროდუქტის მიმოქცევას წესების დარღვევა.

 

 

„წლის განმავლობაში გამოვლენილი იქნა ცხრა შემთხვევა, როცა დაწესებულება სპეციალურ კონტროლს დაცვემდებარებული სამკურნალო საშუალებების მიმოქცევას აწარმოებდა, მაშინ როცა ნებართვა საერთოდ არ გააჩნდათ. პირველი ჯგუფისთვის მიკუთვნებული ფარმაცევტული პროდუქტის ლეგალური ბრუნვის დადგენილი წესების დარღვევის სულ 111 ფაქტი გამოვლინდა, მათ შორის 95 თბილისში იყო, დანარჩენი  კი რეგიონებში.  მათ შორის აჭარაშიც.  

 

 

ასევე დაფიქსირდა, ფორმა სამის დარღვევით გაცემის ფაქტები,  როგორც თბილისში ასევე რეგიონებში. შვიდ დაწესებულებას  გაუუქმდა ავტორიზებული აფთიაქის ნებართვა.  საფუძველი იყო ის, რომ  აფთიაქში ერთი კალენდარული წლის განმავლობაში დარღვევა სამჯერ გამოვლინდა“.

 

მონიტორინგის მასალები სასამართლოშია გადაგზავნილი. სასამართლო დაადგენს რომელი აფთიაქი რამდენი ლარით დაჯარიმდება.

  

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე