Batumelebi | მოსწავლეებმა სკვერში 40 ფიჭვის ხე დარგეს მოსწავლეებმა სკვერში 40 ფიჭვის ხე დარგეს – Batumelebi
RU | GE  

მოსწავლეებმა სკვერში 40 ფიჭვის ხე დარგეს

 

24 ოქტომბერს, ბათუმში, ლერმონტოვის ქუჩაზე არსებულ სკვერში გამწვანების აქცია გაიმართა – ბათუმის საჯარო სკოლების მოსწავლეებმა სკვერში 40 ძირი ფიჭვის ხე დარგეს.

 

გამწვანების აქცია „ეკო-პროექტის“ ფარგლებში გაიმართა, რომელიც ბავშვთა და ახალგაზრდობის ეროვნული ცენტრის ორგანიზებით, 2014 წლის მარტიდან საქართველოს 5 ქალაქში ხორციელდება. პროექტის ფარგლებში გამწვანების გარდა დაგეგმილია დასუფთავების აქციებიც. 


ღონიძიების მიზანია ახალგაზრდებში გარემოსდაცვითი ცნობიერების ამაღლება. აქცია ხორციელდება ბათუმის მუნიციპალიტეტის, სსიპ გარეოსდაცვითი ინფორმაციისა და განათლების ცენტრის და საქართველოს რკინიგზის მხარდაჭერით.



გამწვანების აქციაში მონაწილეობა ბათუმის ვიცე მერმა ბაგრატ მანველიძემაც მიიღო, აქციის დასასრულს მან ჟურნალისტებს განუცხადა, რომ მსგავსი აქციები ბათუმში ეტაპობრივად გაიმართება. 

ნეტგაზეთის მასალების სხვა გამოცემებში გადაბეჭდვის წესი
მოხალისე , თაკო ათაბაგი