Batumelebi | ბათუმში უკრაინის რადას არჩევნები მშვიდ ვითარებაში მიმდინარეობს ბათუმში უკრაინის რადას არჩევნები მშვიდ ვითარებაში მიმდინარეობს – Batumelebi
RU | GE  

ბათუმში უკრაინის რადას არჩევნები მშვიდ ვითარებაში მიმდინარეობს

 

ბათუმში უკრაინის უმაღლესი რადას რიგგარეშე არჩევნები მშვიდ ვითარებაში მიმდინარეობს. საარჩევნო უბანი უკრაინის საკონსულო სააგენტოს ყოფილ შენობაშია მოწყობილი. უბანზე 151 ამომრჩეველია რეგისტრირებული.

 

„4 ამომრჩეველი კიევიდან დროებით ჩამოსულია, დანარჩენი კი საქართველოში მყოფი უკრაინის მოქალაქეებია,  რომლებიც ფოთში, გურიასა და აჭარაში ცხოვრობენ. 15 საათისთვის ამომრჩეველთა 35 % აქვს ხმა მიცემული,“- განუცხადა „ბათუმელებს“ საარჩევნო  კომისიის თავმჯდომარემ ვიქტორია ბუხმა.  

 

უკრაინის უმაღლესი რადას  ვადამდელ არჩევნებში 29 პარტია და 3,5 ათასი მაჟორიტარი კანდიდატი მონაწიელობს. 

 

ყირიმის ნახევარკუნძულზე და სევასტოპოლში არჩევნები არ ჩატარდება. ასევე ხმის მიცემის პროცესი არ შედება დონეცკის 9 და ლუგანსკის 6 ოლქში. უკრაინის რადაში 450–ის ნაცვლად 423 დეპუტატს აირჩევენ. 

 

უკრაინის რადაში მოხვდებიან ის პატიები, რომლებიც ხმების 5%–ს მოაგროვებენ და ის მაჟორიტარები, ვინც საკუთრ ოლქებში ხმების უმარვლესობას მიიღებენ. 

 

უკრაინის ცენტრალური საარჩევნო კომისია არჩევნების შედეგებს ორი კვირის ვადაში გაასაჯაროებს. სავარაუდოდ 10 ნოემბერს უმაღელსი რადას არჩევნების შედეგები ცნობილი იქნება.

 

საარჩევნო ყუთი

ნეტგაზეთის მასალების სხვა გამოცემებში გადაბეჭდვის წესი
თედო ჯორბენაძე