Batumelebi | ბათუმში საერთაშორისო ტურნირი ბილიარდში მიმდინარეობს ბათუმში საერთაშორისო ტურნირი ბილიარდში მიმდინარეობს – Batumelebi
RU | GE  

ბათუმში საერთაშორისო ტურნირი ბილიარდში მიმდინარეობს

 

ბათუმში, 21-დან 27 ოქტომბრის ჩათვლით, საბილიარდო კლუბ “პირამიდა”-ში საერთაშორისო ტურნირი თავისუფალ პირამიდაში “AJARA POEN – 2014” მიმდინარეობს, რომელშიც საქართველოს სხვა და სხვა რეგიონებიდან, ასევე უკრაინიდან, ბელორუსიიდან, სომხეთიდან, აზერბაიჯანიდან და მოლდოვიდან მოწვეული სპორტსმენები ღებულობენ მონაწილეობას.

 

ტურნირი ორ ეტაპად ტარდება, პირველ ეტაპზე (4 მოგებამდე), რომელიც ნახევრად ოლიმპიური სისტემით ტარდება. 8 საუკეთესო მოთამაშე გამოვლინდება. მეორე ეტაპი ოლიმპიური სისტემით 5 მოგებამდე ტარდება, ფინალური მატჩი კი 6 მოგებამდე ჩატარდება. ტურნირს რესპუბლიკური კატეგორიის მსაჯი შალვა გელაშვილი მოემსახურება.

 

 

საერთაშორისო ტურნირი ბილიარდში აჭარის სპორტისა და ახალგაზრდობის საქმეთა დეპარტამენტის ორგანიზებითა და ფინანსური მხარდაჭერით ტარდება, ტურნირს ასევე ორგანიზებას უწევს ქალაქ ბათუმის მერია და აჭარის ა.რ. ბილიარდის ფედერაცია.

 

გამარჯვებული და საპრიზო ადგილზე გასული სპორტსმენები დაჯილდოვდებიან ადგილის შესაბამისი თასებით, მედლებით, დიპლომებითა და ფულადი პრიზებით. საპრიზო ფონდი 11 400 აშშ დოლარს შეადგენს და შემდეგნაირად ნაწილდება:

 

I ადგილი 3500 $;

II ადგილი 2500 $;

III ადგილი 1500 $;

IV ადგილი 900 $

V-VIII ადგილები 300 $.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"