Batumelebi

 

ქობულეთის გამგებლის, სულხან ევგენიძის ინფორმაციით, მანქანაში მსხდომი სამი მგზავრიდან ერთ-ერთი მსუბუქად დაშავდა. მგზავრი საავადმყოფოში გადაიყვანეს. 

 

 

გიორგი ქათამაძის ფოტო 

 

გურული დღიურების პრეზენტაცია ბათუმში

„მოგეხსენებათ, კაცობრიობის ისტორია არის მოგზაურობის ისტორია. არის ორი ძირითადი ამბავი მოგზაურობისა, რომელიც ადამიანებს გადახდენია თავს. პირველი მოგზაურობა გულისხმობს წასვლას და უკან დაბრუნების სურვილს, მეორე მოგზაურობა გულისხობს, წასვლას და ერთგვარად არ დაბრუნებას.

პირველი მოგზაურობის თემა იწყება ბიბლიიდან, როდესაც ადამიანი გამოაძევეს სამოთხიდან. მაგრამ ადამიანის გამოძევება ნიშნავდა იმას, რომ მას დარჩა დაბრუნების სურვილი.

ეს ხაზი გრძელდება მთელს მსოფლიო ლიტერატურაში და მანამდე ანტიკურ ლიტერატურაში. ოდისევსის მოგზაურობა გულისხმობს სწორედ ამგვარ სვლას. წასვლას და უკან აუცილებლად დაბრუნებას. და ეს არის პირველი დღიურები, რომელიც ანტიკურ ეპოქაში შეიქმნა.  გზაზე ძალიან ბევრი ტექსტი დაიწერა, დონ კიხოტი, მაგალითად, ასევე გულისხმობს იმას, რომ ადამიანი მიდის და აუცილებლად უბრუნდება თავის საწყისს.

ჩემი წიგნი – გურული დღიურები არის მცდელობა ერთგვარი სინთეზისა, რომ  გავიდე საკუთარი თავიდან და შორიდან დავაკვირდე ჩემს თავს და ვიმოგზაურო შემდეგ ჩემს თავში. ეს, ბუნებრივია, არის რთული პროცესი. ეს, ბუნებრივია, არის პროცესი, რომელიც არც ერთ შემთხვევაში გარანტირებულად არ გულისხმობს გამარჯვებას.

ტექსტი შეიქმნა სიყვარულით, და ეს სიყვარული გულისხმობდა იმ მხარის სიყვარულს, სადაც მე, როგორც ადამიანი ჩამოვყალიბდი.

სიყვარული ცოტა რთული ცნებაა და მაინცდამაინც არ გულისხმობს უპირობო პოზიტიურ მოცემულობას. ეს გულისმხობს მათ შორის ტკივილსაც და მათ შორის ძალიან რთულ და მწარე გამოცდილებებსაც, რომელიც, ბუნებრივია, ბათუმმაც გაიარა. ეს წიგნი არის 90-იანი წლების საქართველოზე და 90-იანი წლების გურიაზე, მაგრამ, ბუნებრივია, ზოგადდება როგორც ფაქტი, ამ შემთხვევაში. ის, რომ  გარეკანზე არის შევარდნაძე დატანილი, სწორედ ამის ერთგვარი სიმბოლური ნიშანია, რაც გულისხმობს იმას, რომ წიგნში მიმდინარე მოვლენები, გულისხმობს 90-იან წლებში მომხდარ ამბებს. ამბებს, რომელსაც მე, პირადად, ვაკვირდებოდი ბავშვობიდან. ჩემი დაკვირვებები იყო ცოტა უფრო სხვა, ვიდრე ამას უფროსი ასაკის ადამიანები აწარმოებდნენ.

ბავშვობა არის ინფანტილური პერიოდი, ტყვიები, რომელსაც მაშინ ისროდნენ ჩემს ქალაქში, ის ტყვიები კი არ იყო, რომელიც ვიღაცას ხვდებოდა, ან ვიღაცის სახლს, არამედ ის ტყვიები, რომლის ცარიელ ვაზნებსაც ბავშვები ვაგროვებდით და ვთამაშობდით. ჩვენი აღქმა და აღქმის რაკურსი იყო განხვავებული. თუმცა წლების შემდეგ ადამიანში ილექება ეს ყველაფერი, რაღაც თვალსაზრისით დრამატული ხდება. სწორედ ეს დრამატიზმი იყო ერთ-ერთი პირველი იმპულსი იმისა, რომ მე დამეწერა წიგნი, რომელიც იქნებოდა ჩემს ბავშვობაზე, ანუ 90-იანი წლების გურიაზე,“ – თქვა გიორგი კეკელიძემ „გურული დდღიურების“ პრეზენტაციისას.

„გურული დღიურები“ გამომცემლობა „სიესტამ“ გამოსცა და 6 ლარი ღირს. მისი შეძენა მსურველს  წიგნის მაღაზიებში შეუძლია.

 

 

 

 

 

 

კანდიდატს მოეთხოვება: იყოს დეტალებზე ორიენტირებული, ორგანიზებული და კომუნიკაბელური, იყოს მოტივირებული, ინიციატივის მქონე და შეეძლოს, როგორც ინდივიდუალურად, ისე ჯგუფურად მუშაობა, კარგად ფლობდეს საბაზისო კომპიუტერულ პროგრამებს ((Microsoft Word, Excel) და ბეჭდვით უნარებს, შეეძლოს ქართულ ენაზე სტილისტური, გრამატიკული და სხვა სახის შეცდომების გარეშე წერა, კარგად ესმოდეს „საერთაშორისო გამჭვირვალობა – საქართველოს“ მისია და მანდატი.

 

ინგლისური ენის ცოდნა სასურველია, ხოლო სამუშაო გამოცდილება აუცილებელი არ არის.

 

უპირატესობა მიენიჭება სამართლმცოდნეობის ფაკულტეტის ბოლო კურსის სტუდენტებს და ახლად კურსდამთავრებულებს.

 

„აღნიშნული სტაჟირება აქტიური და საქმის ერთგული ახალგაზრდებისთვისაა, რომელთაც არ გააჩნიათ რაიმე მნიშვნელოვანი სამუშაო გამოცდილება. წარმატებულ აპლიკანტებს შესაძლებლობა მიეცემათ, უშუალოდ გაეცნონ საქართველოში ერთ-ერთი მოწინავე არასამთავრობო ორგანიზაციის მუშაობას და მენეჯმენტს, მიიღონ გამოცდილება და გაზარდონ მომავალში მათი დასაქმების შანსები,“ – ნათქვამია „საერთაშორისო გამჭვირვალობა – საქართველოს“ მიერ გამოქვეყნებულ განაცხადში.

 

სტაჟირება დაიწყება 2015 წლის იანვრის თვეში და გაგრძელდება 3 თვე. სტაჟირების ბოლოს გაიცემა შესაბამისი სერთიფიკატი. სტაჟირება არ არის ანაზღაურებადი. განაცხადის შეტანის ბოლო ვადა  19 დეკემბერია. დეტალურ ინფორმაციას შეგიძლიათ გაეცნოთ აქ.

 

„2 145 000 ლარში არაფინანსური აქტივი იყო ტრანსპორტის შესაძენად. შარშან შევიძინე. წელს არ მჭირდება და თავისთავად გამოაკლდა ტექნიკის ფული,“ – განმარტავს ეთერ მაჭუტაძე, ბათუმის გამწვანებისა და ლანდშაფტური დაგეგმარების სამსახურის ხელმძღვანელი.

ბათუმის მწვანე საფარი 6 მილიონი კვადრატული მეტრისგან შედგება. მისი გაზრდა სამომავლოდ კიდევ 2 მილიონი კვადრატული მეტრით იგეგმება. მწვანე საფარში იგულისხმება როგორც ერთწლიანი, ისე მრავალწლიანი ნარგავები. 2014 წელს  ერთწლიანი მცენარეებისთვის დარგვა-მოვლისათვის 400 ათასი ლარი იყო გამოყოფილი, ხოლო მრავალწლიანებისათვის – 200 ათასი ლარი. მომდევნო წლის ბიუჯეტში ეს თანხა ასე გადანაწილდება. ერთწლიანი მცენარეებისთვის დარგვა-მოვლისათვის 400 ათასი ლარი, ხოლო მრავალწლიანებისათვის – 100 ათასი ლარი.

 

მიუხედავად ამისა, ეთერ მაჭუტაძე ამტკიცებს, რომ მისი სამსახურის ბიუჯეტი არ შემცირებულა.

 

„არც ერთი თეთრით ბიუჯეტი 2014 წელთან შედარებით არ არის შემცირებული. პირიქით, 10 ერთეული მუშა არის დამატებული და 25 ათასი ლარი დაემატა ამისთვის. მრავალწლიანი ნარგავებისთვის ნამდვილად 100 ათასი ლარია. სკვერების მოსაწყობად წინასწარ ესკიზები დგება. ჩვენმა სამსახურმა ამ თანხაზე წარადგინა ესკიზები და ზუსტად 100 ათასი მომცეს. მე რომ ახლა 200 ათასი ჩავდო, ადგილიც არ მაქვს დასარგველი. ეტაპობრივად გაკეთდება ყველაფერი,“ – ამბობს ეთერ მაჭუტაძე.

 

სამოქალაქო საზოგადოების წარმომადგენლები კი ამბობენ, რომ ქალაქის გარეუბნებში და განსაკუთრებით შემოერთებულ ტერიტორიებზე გამწვანების ნაკლებობაა. გარდა ამისა, არ არსებობს გამწვანების ერთიანი გეგმა.

 

„სამოქალაქო საზოგადოების ინსტიტუტის, ასევე სამოქალაქო მრჩეველთა საბჭოს წევრების მოთხოვნა იყო, რომ პირველ რიგში ჩაიდოს თანხა და შემუშავდეს გამწვანების სტრატეგია. გამწვანების პოლიტიკა არ არსებობს, თუ რა უნდა ჰქონდეს თვითმმართველ ქალაქს. უცნობია რა პრობლემებია გარეუბნებში, ახალშემოერთებულ ტერიტორიებზე. რამდენად არის მწვანე საფარი და მწვანე ზოლი. ხუთ კვადრატს ვერ ვცილდებით. სანამ გამწვანების სამსახურს არ ექნება სტრატეგია, არ ეყოლება მებაღეების ინსტიტუტი, ანუ სტრუქტურა არ იქნება აწყობილი გამწვანების პოლიტიკის გაძლიერების კუთხით, მანამდე ის მილიონ რვაასი ათასიც არამიზნობრივ ხარჯვად შეიძლება იქნას შეფასებული“, – ამბობს სამოქალაქო საზოგადოების ინსტიტუტის წარმომადგენელი ნათია აფხაზავა.

 

ნათია აფხაზავას თქმით, თითოეულ პარკს, სკვერს, ქუჩას, განვითარების გეგმა სჭირდება, რაც ამ ეტაზე ქალაქს არ აქვს.

 

„გამწვანების სამსახურს აქვს სტრატეგია, მაგრამ ეს არის კონკრეტული სამსახურის ხედვა, როგორი უნდა იყოს ქალაქი. კვლევაზე არ არის დაფუძნებული, ვთქვათ რა მდგომარეობა გვაქვს. რამდენი პარკი გვაქვს, რამდენი სკვერი, ინვენტარიზაცია უნდა მომხდარიყო და ამის საფუძველზე დადებულიყო სტრატეგია, განვითარების მინიმუმ სამწლიანი გეგმა. თუ არ გვეცოდინება რომელ უბანში რას ვაკეთებთ, თუ ეს არ იქნება სტრატეგიაში გაწერილი, მანამდე ეს მაინც არაგეგმიური ხარჯვაა“, – ამბობს ნათია აფხაზავა.

 

ბათუმის გამწვანებისა და ლანდშაფტური დაგეგმარების სამსახურის ხელმძღვანელი კი ირწმუნება, რომ გარეუბნებსაც და შემოერთებულ ტერიტორიებსაც თანმიმდევრულად ამწვანებს.

 

ეთერ მაჭუტაძე: „მე ჩამოგიწერთ რამდენი უბანია გარეუბანში გამწვანებული _ ბაგრატიონი, ჯავახიშვილი, ტაბიძე. ჭაობში არ შევსულვარ მხოლოდ. წელს უკვე დამთავრდება მიწისქვეშა საკომუნიკაციო სამუშაოები. ქალაქის მერს აქვს მონახაზი, რამდენი სკვერი უნდა გაკეთდეს და იმის მიხედვით გაკეთდება. სანამ არ დამთავრდება მიწისქვეშა კომუნიკაციების გაკეთება, მანამდე ვერ შევალ. არც ერთი უბანი არ დარჩება გამწვანების გარეშე და არც შემოერთებული ტერიტორიები არ დარჩება უყურადღებოდ.

 

100 ათასი ძირი ნერგის დარგვაა იმისათვის საჭირო, რომ ჩვენმა მომავალმა თაობებმა სუფთა გარემოში იცხოვრონ. მომავალში აუცილებლად გვექნება სანერგე, საიდანაც ორ-სამ წელიწადში ნერგებს მივიღებთ და ამ ნერგებს ეზოებში დავრგავთ“.

 

საგადასახადო ბიზნეს ომბუდსმენის წარმომადგენელმა, ოთარ რიკაძემ განაცხადა, რომ შეხვედრაზე ზოგად პრობლემებზე იყო საუბარი,  „მაგალითად,  სავიზო რეჟიმთან დაკავშრებულ პრობლემებზე,“- განაცხადა ოთარ რიკაძემ. 

ბათუმში თურქეთის კონსულის, იასინ თემიზქანის თქმით, რომელიც ბიზნესომბუდსმენთან შეხვედრას ესწრებოდა, მათი მიზანია  საქართველოს ეკონომიკა იყოს ძლიერი და თურქმა ბიზნესმენებმა მათი წვლილი შეიტანონ საქართველოს ეკონომიკის განვითარებაში, რადგან, მისი თქმით, ძლიერი საქართველო უფრო სასურველი მეგობარი იქნება თურქეთისათვის.

„არსებობს  ტექნიკური პრობლემები, რაზეც მე დღეს არ გავამახვილებ ყურადებას, პრობლემები ეხება ძრითადად ცენტრალურ ხელისუფლებას. რადგან ჩვენ ცენტრალურ ხელისუფლებასთნ პირდაპირ ურთიერთობები არ გვაქვს, გადავწყვიტეთ ასეთი ტიპის შეხვედრებით მივაწვდინოთ მათ იმ მცირე ტექნიკურ პრობლემებთან ანდა ინვესტიციებთან დაკავშირებული ჩვენს მიერ შეთავაზებული წინადადებები,“ – განაცხადა თურქეთის კონსულმა ჟურნალისტებთან. 

„ძალიან მნიშვნელოვანია შეზღუდული შესაძლებლობის მქონე პირთა დაცვის დღეს ამ ადამიანებს მიეცეთ მათი შესაძლებლობების, ნიჭისა და უნარის წარმოჩენის საშუალება. დღეს, ხელოვნების უნივერსიტეტში გამოფენილი მათ მიერ შესრულებული ნახატებისა და ხელნაკეთი ნივთების გამოფენა ამის დასტურია და ვფიქრობ, საზოგადოება უნდა ხედავს მათ შესაძლებლობებს,“ – აღნიშნა ორგანიზაციის – „ცვლილებები თანაბარი უფლებებისთვის“ თავმჯდომარემ, თომა კაკაბაძემ.

მისი თქმით, სახელმწიფომ ყურადღება უნდა გაამახვილოს იმ სამთავრობო სამოქმედო გეგმის შესრულებაზე, რომელიც მთავრობამ 2014  წლის 20 იანვარს მიიღო. „თუ სახელმწფო იხელმძღვანელებს ამ სამოქმედო გეგმის მიხედვით და ღონისძიებებიც დაიგეგმება ამ გეგმის მიხედვით, რომელიც მნიშვნელოვანი დოკუმენტია, ეს ძალიან მნიშვნელოვნად წაადგება შშმ პირებს,“ – აღნიშნა თომა კაკაბაძემ.

დღესვე, პრესკაფეში ორგანიზაციამ მინი საინფორმაციო ტიპის შეხვედრა/პერფორმანსი გამართა,  სახელწოდებით – “სამკუთხედი”.

შეზღუდული შესაძლებლობის მქონე პირთა დღის მიზანს წარმოადგენს შშმ პირთა უფლებების დაცვისაკენ მორიგი ნაბიჯების გადადგმა: საზოგადოებისთვის იმის შეხსენება, რომ სხვადასხვა ტიპის სოციალური ჯგუფი მას კი არ ამძიმებს, არამედ – მეტად მრავალფეროვანს ხდის; სახელმწიფოს მიმართ კონკრეტული და აქცენტირებული გზავნილების გაჟღერება, რათა მათ უკეთ შეასრულონ დაკისრებული ვალდებულება.

სასტუმრო „ჰილტონის“ წინ მდებარე კაფე „ფანტაზია“, რომელიც წლების მანძილზე ბათუმის ერთ-ერთ სავიზიტო ბარათად მიიჩნეოდა, შესაძლოა „ჰილტონის“ ინტერესებს შეეწიროს. აჭარის  ფინანსთა და ეკონომიკის სამინისტროს ინფორმაციით, კომპანია სამინისტროს ამ ადგილას 9 მილიონი ევროს ინვესტიციის განხორციელებას, ორი საცურაო აუზის მოწყობასა და მცენარეებით გამწვანებული ხიდის მშენებლობას სთავაზობს. კაფე „ფანტაზიას“, რომელიც ცნობილი ქართველი არქიტექტორის, გიორგი ჩახავას და მხატვარ ზურაბ კაპანაძის ნამუშევარია, ჯერჯერობით კულტურული მემკვიდრეობის ძეგლის სტატუსი არა აქვს.

 

ქართველი არქიტექტორები, ხელოვნებათმცოდნეები, საზოგადოება „ბათომი“ და კულტურული მემკვიდრეობის ძეგლთა დამცველები ხელისუფლებას კაფე „ფანტაზიას“, როგორც უნიკალური და ბათუმისათვის მნიშვნელოვანი კულტურული მემკვიდრეობის ძეგლის დაცვას და შენარჩუნებას სთხოვენ.   

 

გაიზრდება თუ არა ავტონომიური რესპუბლიკის ბიუჯეტიდან უნივერსიტეტის დაფინანსება? ამოქმედდება თუ არა სახელმწიფო სტაჟირების პროგრამა? იმ შემთხვევაში, თუ განათლების სამინისტრო კვლავაც არ გასცემს სტიპენდიას უნივერსიტეტში, თუ გამოყოფს აჭარის ბიუჯეტი ამისთვის სახსრებს? – ეს შეკითხვები სტუდენტებმა არჩილ ხაბაძეს დაუსვეს. 

სტუდენტები შეკითხვები შეეხებოდა უნივერსიტეტის ინფრასტრუქტურულ პრობლემებსაც, ლიტერატურის ნაკლებობასა და თანამედროვე მატერიალურ-ტექნიკური ბაზის შექმნას უნივერსიტეტში. 

მთავრობის თავმჯდომარემ მზადყოფნა გამოთქვა საჭიროების შემთხვევაში უნივერსიტეტის წინადადებები მიიღოს და ფინანსურად დაეხმაროს მას, იმის მიუხედავად, რომ მთავრობის თავმჯდომარემ შეხვედრაზე არაერთხელ აღნიშნა, რომ უნივერსიტეტს გააჩნია ავტონომია და ის თავად უნდა იღებდეს გადაწყვეტილებას, თუ რომელი მიმართულებით წარმართოს სახსრები.

„ბევრი საკითხი ისევ ისეთი აქტუალური და პრობლემურია, როგორც ჩემი სტუდენტობის დროს. ბევრი საკითხი, რაც სტუდენტებმა წამოჭრეს აქ, ჩავინიშნეთ, ბევრიც უკვე გაკეთდა. ვფიქრობ, ეს საკითხები უნდა მოგვარდეს სტუდენტებთან ერთად, შეიძლება ადმინისტრაციასთან კარგი ურთიერთობა გვაქვს, მათთან ვთანამშრომლობთ, მაგრამ თურმე სტუდენტებს სხვა პრობლემებიც აქვთ, რაც მოსაგვარებელია. ჩავინიშნეთ, ვიმუშავებთ, მინდა შეხვედრები იყოს პერმანენტული, შემდეგში ანგარიშით მოვალ სტუდენტებთან, იმაზე, თუ რა მოვაგვარეთ. მე ვიყავი ის სტუდენტი, რომელიც ბევრს ითხოვდა, ყოველთვის მქონდა პრეტენზიები, ამიტომაც მესმის სტუდენტების. რაც მთავარია დიალოგი შედგა“ – განაცხადა არჩილ ხაბაძემ, აჭარის მთავრობის თავმჯდომარემ.  

 თავმჯდომარეს ასევე მიმართეს კითხვით, თუ რატომ შემცირდა რესპუბლიკის ბიუჯეტიდან უნივერსიტეტის დაფინანსება, რაზეც უნივერსიტეტის რექტორმა გააკეთა განმარტება: „ადრე გვაძლევდა აჭარის ბიუჯეტი ორ მილიონახევარ ლარს, ახლა გვაძლევს მილიონ 600 ათასს, ამის გარდა ახლა ფინანსდება მიზნობრივი პროგრამები, აჭარის ბიუჯეტიდან  ჩვენი უნივერსიტეტის დაფინანსება ეს არის კეთილი ნება“ – განაცხადა ალიოშა ბაკურიძე. 

ავტონომიური რესპუბლიკის თავმჯდომარის განცხადებით,  ის უნივერსიტეტისგან წინადადებებს სიამოვნებით მიიღებს და საჭიროების შემთხვევაში სახსრებს გამოყოფს.

 „ზოგად თემებზე იყო საუბარი. მე ვფიქრობ დრო არ იყო საკმარისი, ძალიან ბევრმა სტუდენტმა კითხვის დასმა ვერ მოახერხა, სულ ათამდე კითხვა დაისვა, კითხვები ძირითადად ეხებოდა საუნივერსიტეტო ცხოვრებას. ვფიქრობ, პასუხისას ის რაღაც საკითხებს თავს არიდებდა, ყველაფერზე ამომწურავი პასუხი ვერ მივიღეთ, ზოგადი პასუხებით შემოიფარგლებოდა, ეს იმ შეკითხვებს ეხება, რომლებიც ეხებოდა დარგობრივ განვითარებას და რეგიონის ეკონომიკურ მდგომარეობას“ – ამბობს გიორგი ბაგრატიონი, მესამე კურსის სტუდენტი.

შეხვედრის ინიციატორი თავად არჩილ ხაბაძე იყო. მან, როგორც ამავე ფაკულტეტის კურსდამთავრებულმა, სტუდენტებს თავის სტუდენტურ ცხოვრების შესახებაც უამბო.

 

 

ბათუმის საახალწლოდ მორთვა დაიწყო. ქალაქის საახალწლო-საშობაოდ მორთვისათვის ბიუჯეტიდან დაახლოებით 200 ათასი ლარი დაიხარჯება. სამუშაოებს ბათუმის მერიის ტენდერში გამარჯვებული კომპანია „აჭარგანათება“ შეასრულებს. „სახელშეკრულებო თანხა შეადგენს დაახლოებით 200 ათას ლარს. ამაში შედის ევროპის მოედანზე ნაძვის ხის მონტაჟი და მიმდებარე ტერიტორიების გაფორმება, წელს შესყიდული იქნება ორი ათასი ახალი ფერადი გირლიანდა და 1500 ცალი ნაძვის ხის გირჩა. გათვალისწინებულია აგრეთვე ქალაქის ცენტრალური ქუჩების გაფორმება: განათდება რუსთაველი, ხიმშიაშვილი, ბარათაშვილი, გოგებაშვილი, კონსტანტინე გამსახურდიასა და მემედ აბაშიძის ქუჩების ნაწილი, დიმიტრი თავდადებულის და გორგილაძის ქუჩების ნაწილი, ასევე, შენობების ფასადები ქალაქის ცენტრში“ – აღნიშნა „ბათუმელებთან“ მალხაზ დარჩიამ, მერიის კეთილმოწყობის სამსახურის ტექნიკური განყოფილების მთავარმა სპეციალისტმა.

 

ვინ იმღერებს საახალწლო კონცერტზე? – ბათუმის მერიის მუნიციპალური ორგანიზაციის, ბათუმის კულტურის ცენტრის ხელმძღვანელი ჯონი საბაშვილი ამბობს, რომ  საახალწლო პროგრამა ჯერ ისევ დამუშავების პროცესშია და ამჟამად განიხილავენ, თუ ვინ უნდა იმღეროს 31 დეკემბერს, მთავარ საახალწლო კონცერტზე, რომელიც ტრადიციულად, ერას მოედანზე გაიმართება: „გრანდიოზული კონცერტი იქნება, მაგრამ ძირითადად ქართველი შემსრულებლები იქნებიან და იქნება ძალიან მაგარი კონცერტი“ – ამბობს ჯონი საბაშვილი. მისი თქმით, საახალწლო მზადება წელს დაგვიანდა, რაც ბათუმის მერიაში მიმდინარე კონკურსებს უკავშირდება.  

 

 

„ცოტა გვიან დაიწყო მზადება, გვიან დაინიშნა ხალხი, ახალმოსულები უნდა გაეცნონ სიტუაციას და ამიტომ ახლა ვმუშაობთ პროგრამაზე. 2 იანვრიდან 7 იანვრამდე იქნება აქტივობები ქალაქში, საზეიმო მსვლელობები, ბავშვთა კონცერტები, კულტურის ცენტრის კონცერტები, იქნება რამდენიმე ვარსკვლავი ქართული შიუ-ბიზნესიდან… პროგრამა ახლა მუშავდება“ – განმარტავს ჯონი საბაშვილი. მისი თქმით, საახალწლო ღონისძიებებისათვის გათვალისწინებული თანხა დაახლოებით ასი ათასი ლარია, „ასევე, არის დანაზოგები, რომელიც შეიძლება გამოვიყენოთ, თუ არ დაგვჭირდება, რა თქმა უნდა არ გამოვიყენებთ“ – დასძენს ჯონი საბაშვილი.     

 

 

საახალწლო ღონისძიებებისთვის ემზადება აჭარის ტურიზმის დეპარტამენტიც. დეპარტამენტის თავმჯდომარის თანაშემწის, სოფო გუჯაბიძის თქმით, აჭარაში ზამთრის ტურიზმის სტიმულირებისათვის დეპარტამენტს მოლაპარაკებები აქვს კერძო სექტორთან, სასტუმროებთან: „25 დეკემბრიდან ვთავაზობთ  ფასდაკლებების სეზონს აჭარაში, როგორც უცხოელ, ისე ქართველ ტურისტებს. ეს იქნება 30-50-პროცენტიანი ფასდაკლება ქალაქის სასტუმროებში. დაახლოებით 30-მდე სასტუმროა ამ პროექტში ჩართული და რამდენიმე ტურისტული ობიექტი, მათ შორის ბათუმის დელფინარიუმი, მუზეუმები და ა.შ.

 

 

ასევე,  გვაქვს მოლაპარაკება სერიალ „ჩემი ცოლის დაქალებთან“, რომ ორი სერიის რამდენიმე ეპიზოდი გადაიღონ ბათუმში. გვინდა ბათუმი ზამთარშიც ასოცირებული იყოს ტურიზმთან. ფასდაკლებების სეზონი არის გრძელვადიანი პროექტი, რომელიც შიდა ტურიზმზეა გათვლილი, რომ ჩამოყალიბდეს ერთგვარი მოლოდინი, რომ ზამთარში აჭარაში არის ფასდაკლებების სეზონი“ – ამბობს სოფო გუჯაბიძე. მისი თქმით, დეპარტამენტი გეგმავს წლის ბოლოს მედიატურებს ქართველი ჟურნალისტებისთვის, ასევე რადიო და ინტერნეტრეკლამას. ამ ღონისძიებებისთვის დეპარტამენტს ბიუჯეტში დაახლოებით 59 ათასი ლარი აქვს გათვალისწინებული.

 

 

სოფო გუჯაბიძე საახალწლო ღონისძიებების მნიშვნელოვან კომპონენტად მიიჩნევს საშობაო ბაზრობას, რომელიც ბათუმში მეორედ გაიმართება:

 

„საშობაო ბაზრობა შარშანაც იყო ბათუმში და წელს კიდევ უფრო დაიხვეწება. ეს არის საახალწლო ჯიხურები, სადაც წარმოდგენილი იქნება ქართული ნაწარმი. ერას მოედანზე გაიმართება გამოფენა -გაყიდვა და იქვე აღმართულ სცენაზე იქნება უფასო კონცერტები. ეს იქნება როგორც დღის მანძილზე გათვილილი საბავშვო სეგმენტისთვის, ოჯახებისთვის, ასევე, უფასო კონცერტები იქნება საღამოობით, რომელშიც ჩართული იქნებიან ცნობილი ქართული ჯგუფები.“

 

სოფო გუჯაბიძის თქმით, დეპარტამენტის სურვილია, ბათუმში გამართული საშობაო ბაზრობა საუკეთესო იყოს საქართველოში და ერთგვარ ტურისტულ პროდუქტად იქცეს. „მაგალითად, საფრანგეთში, პარიზში იმართება საშობაო ბაზრობა, სხვა ქალაქებშიც, მაგრამ სტრასბურგია ამით გამორჩეული და იქნებ ჩვენც ვცადოთ ეს. შეიძლება ამას არ ჰქონდეს წელს დიდი შედეგი, მაგრამ თანდათან ამ კუთხით, უფრო და უფრო დავიხვეწებით და იქნებ დავიმკვიდროთ ადგილი“ – ამბობს სოფო გუჯაბიძე.    

 

 

 კონკურსში მონაწილეობისათვის განცხადების წარდგენა კანდიდატის მიერ უნდა მოხდეს ელექტრონულად, საჯარო სამსახურის ბიუროს მიერ ადმინისტრირებულ ვებგვერდზე- www. hr.gov.ge- განცხადების მიღების ბოლო ვადაა 12 დეკემბერი.

 

კონკურსში მონაწილე კანდიდატი უნდა იყოს საქართველოს  მოქალაქე 21 წლის ასაკიდან, უნდა ჰქონდეს უმაღლესი განათლება და ფლობდეს სახელმწიფო ენას. კონკურსში მონაწილე მსურველებმა სხვა მოთხოვნები იხილეთ ბმულზე:www. hr.gov.ge  

ბათუმის მესამე დაწესებულება. ფოტო ბათუმელების არქივიდან

პატიმარმა თვითდაზიანებები მიიღო ხელებზე და მუცლის არეში – ეს ინფორმაცია „ბათუმელებს“ პატიმრის მეუღლემ მიაწოდა. ოჯახის წევრების ინფომაციით მას ოცამდე ნაკერი ადევს.

მოშიმშილე პატიმარი მოინახულა სახალხო დამცველის წარმომადგენელმა აჭარაში გიორგი ჩარკვიანმა. სახალხო დამცველის პრესსამსახურის ცნობით პატიმარი შიმშილს აგრძელებს და მოითხოვს სხვა დაწესებულებაში გადაყვანას.

პატიმარი ბათუმის მესამე დაწესებულებაში ერთი თვის წინ მიიყვანეს, მისი ოჯახის წევრები ამბობენ, რომ მათთვის უცნობია რა გახდა პატიმრის თბილისიდან ბათუმში გადაყვანის მიზეზი.

 

„არსებობს მოსაზრება იმის შესახებ, რომ ფემინიზმმა აქტუალობა დაკარგა, რადგან თანასწორობა დღეს უკვე მიღწეულ მიზანს წარმოადგენს. რა შესაძლებლებები ეზღუდება თანამედროვე ქალს დღეს საქართველოში და რატომ გვჭირდება ფემინიზმი დღეს? – ლექციაზე ვისაუბრებთ თანამედროვე ფემინისტურ აქტივიზმზე საქართველოში…“ – აღნიშნულია პრესრელიზში. 

 

ლექციას გენდერი კვლევების მაგისტრი და ფემინისტების დამოუკიდებელი ჯგუფის წევრი იდა ბახტურიძე წაიკითხავს. 

 

საჯარო ლექციები ბათუმის სახელმწიფო უნივერსიტეტში ჰაინრიჰ ბიოლის ფონდის სამხრეთ კავკასიის რეგიონალური ბიუროს პროექტის ფარგლებში, ლექციების ღია ციკლის – „ვის ეშინია ფემინიზმის?“ – ფარგლებში იმართება. 

 

პროექტის მხარდამჭერია აჭარის განათლების, კულტურისა და სპორტის სამინისტრო.

 

„გურული დღიურების“ ავტორი გიორგი კეკელიძეა, საქართველოს პარლამენტის ეროვნული ბიბლიოთეკის გენერალური დირექტორი, 2008 წლის „საბას“ პრემიის მფლობელი.  

 

 „გურული დღიურები“ გამომცემლობა „სიესტამ“ გამოსცა 2014 წლის ნოემბერში. გამომცემლობის ინფორმაციით, წიგნის გაყიდვებმა ყველანაირ მოლოდინს გადააჭარბა და  „სიესტა“ “გურული დღიურების” ახალ ტირაჟს ბეჭდავს.   

 

23 ნოემბერს კიევის ყოფილი მერის, ლეონიდ ჩერნოვეცკის საქველმოქმედო ფონდმა „სოციალური პარტნიორობა“ ქობულეთში პირველი საბავშვო პანსიონი გახსნა. ფონდის მიერ გავრცელებულ ოფიციალურ ინფორმაციაში ნათქვამია, რომ პანსიონი რეგიონში მცხოვრებ 50 ბავშვზეა გათვლილი და სოციალურად დაუცველი ოჯახების ბავშვებისთვისაა განკუთვნილი. ბავშვები სააღმზრდელო დაწესებულებაში უზრუნველყოფილი იქნებიან კვებით, ტანისამოსით, ტექნიკითა და  სამედიცინო მომსახურებით. საოჯახო ტიპის ბავშვთა სახლი „სოციალურ პარტნიორობას“ რამდენიმე წელია თბილისში აქვს გახსნილი.

 

გაეროს ბავშვთა ფონდმა, საქართველოს სახალხო დამცველის ბავშვის უფლებების ცენტრმა და საქართველოს კოალიცია ბავშვებისა და ახალგაზრდების კეთილდღეობისათვის, რომელიც ბავშვთა დაცვის სფეროში მომუშავე 51 ორგანიზაციას აერთიანებს, ქობულეთში პანსიონის გახსნასთან დაკავშირებით სპეციალური განცხადება გაავრცელეს.

 

„ბოლო წლების მანძილზე სამოქალაქო საზოგადოებისა და სახელმწიფოს ძალისხმევა მიმართული იყო ოჯახების გაძლიერებისკენ, რათა ბავშვები საკუთარ ოჯახებში ან ოჯახურ გარემოსთან მაქსიმალურად მიახლოებულ გარემოში გაზრდილიყვნენ. ჩვენმა გამოცდილებამ გაგვიღრმავა რწმენა, რომ ბავშვის ოჯახიდან გამოყვანა გამართლებულია მხოლოდ უკიდურეს შემთხვევაში, როდესაც მის სიცოცხლეს, ჯანმრთელობასა და განვითარებას ემუქრება საფრთხე. სიღარიბე და ოჯახის გაჭირვება არ არის ბავშვის ოჯახიდან გამოყვანის გამართლება. არანაირი პანსიონის გარემო არ შეუცვლის ბავშვს ოჯახურ სითბოს და ვერც მოახდენს მის სრულფასოვან განვითარებას“ – ნათქვამია განცხადებაში.

 

ბავშვზე ზრუნვა საქართველოს კანონმდებლობით რეგულირდება და ლიცენზიის გარეშე წარმოებული მსგავსი საქმიანობა კანონდარღვევად ითვლება. ქობულეთში გახსნილ პანსიონს შესაბამისი ლიცენზია არ აქვს. საქართველოს ჯანდაცვის სამინისტროს სოციალური მომსახურების სააგენტოს მეურვეობა მზრუნველობისა და სოციალური პროგრამების დეპარტამენტის უფროსი მარი წერეთელი „ბათუმელებთან“ ამბობს, რომ თუკი ახალგახსნილი პანსიონი ბავშვებს მიიღებს, დაჯარიმდება.

 

„აღნიშნული ორგანიზაცია არ დაკავშირებია ჯანდაცვის სამინისტროს. თუმცა კი მათ აქვთ მცირე საოჯახო ტიპის სახლი და ზუსტად იციან რა პირობებია და რა ლიცენზია უნდა ჰქონდეთ. სკოლა-პანსიონი რომ გაიხსნას, სკოლის შენობა იქვე უნდა იყოს. რამდენადაც ჩემთვის ცნობილია, ეს დაწესებულება სკოლის შენობაში არ არის. რა წუთას ბავშვები ჩაირიცხებიან, რასაკვირველია გავარკვევთ თუ არის ეს სააღმზრდელო დაწესებულება, მაშინ მათ ლიცენზირების არ ქონის გამო გარკვეული პასუხისმგებლობა ექნებათ“, – აცხადებს მარი წერეთელი.

 

მისივე თქმით, საქველმოქმედო ფონდის წამოწყება შორს დგას სახელმწიფოებრივი აზროვნებისგან. „ეს არ არის პატრიოტული აზროვნება. ყველა ბავშვის ბიოლოგიური ოჯახი უნდა გაძლიერდეს იმისათვის, რომ ბავშვები არ გამოვიყვანოთ იქიდან. ფოჩიანი კანფეტების ხათრით გამოვიყვანოთ სოციალურად დაუცველი ოჯახებიდან ბავშვები, ეს არ არის არც ბავშვის ინტერესებში და არც სახელმწიფოს პოლიტიკა“, – აცხადებს მარი წერეთელი.

 

კითხვაზე, თუ რას მოიმოქმედებს სოციალური დაცვის სააგენტო პანსიონის გახსნის შემთხვევაში, მარი წერეთელი პასუხობს, რომ ფონდი დაჯარიმდება.

 

გაეროს ბავშვთა ფონდის  სოციალური კეთილდღეობის პროგრამის ხელმძღვანელი ქეთევან მელიქაძე აქცენტს ბავშვის უფლებებზე აკეთებს.

 

„ბავშვს უნდა ჰქონდეს საშუალება გაიზარდოს ოჯახში, ბედნიერი და  მხიარული იყოს, ან ოჯახთან მაქსიმალურად მიახლოებულ გარემოში. რამდენადაც ვიცი, არაკანონიერიც არის ის წამოწყება, რომელზეც ჩვენ ვსაუბრობთ, რადგან არც ბავშვთა დაცვის სტანდარტები და სააღმზრდელო დაწესებულებების ლიცენზირება არ უშვებს ათ ბავშვზე დიდი ზომის სააღმზრდელო დაწესებულების გახსნას. რაც შეეხება სკოლა-პანსიონს, რამდენადაც მე განათლების სამინისტროდან მაქვს ინფორმაცია, მათ არ გაუციათ სკოლა-პანსიონზე გახსნის უფლება. სხვა ფორმას არ იცნობს ქართული კანონმდებლობა“, – ამბობს ქეთევან მელიქაძე. 

 

მისივე თქმით, თუკი ფინანსური შესაძლებლობა არსებობს, უმჯობესია ფონდი უშუალოდ ოჯახებს დაეხმაროს.

 

„უფრო მეტ ოჯახს დაეხმარებიან იმავე ხარჯებით და უფრო ბედნიერები იქნებიან ბავშვები თავიანთ მშობლებთან ერთად. ბავშვის უფლებათა კონვენციას მოაწერა ხელი ქვეყანამ 1994 წელს, რომლითაც ყველამ ავიღეთ ვალდებულება, რომ ბავშვი სწორედ ასეთ არაძალადობრივ, ოჯახურ გარემოში უნდა იზრდებოდეს. მთელი ინფრასტრუქტურა  და ამდენი წლის განმავლობაში მთელი ძალისხმევა სწორედ ის არის, რომ ნაბიჯ-ნაბიჯ აქეთ მივდივართ. ის რაც ახლა ხდება, არის სრულიად საწინააღმდეგო ერთიანი კურსისა და არ არის ბავშვის ინტერესებში“, – აცხადებს ქეთევან მელიქაძე.

 

საქართველოში სახელმწიფოს დაქვემდებარებაში მყოფი სკოლა-პანსიონები აღარ არსებობს. არის მხოლოდ მცირე საოჯახო ტიპის ბავშვთა სახლები. თუმცა ამის პარალელურად არსებობს რელიგიური პანსიონები, რომლებიც საქართველოს საპატრიარქოსა და სხვადასხვა რელიგიურ კონფესიების პატრონაჟის ქვეშაა.

 

სოციალური მომსახურების სააგენტოს მეურვეობა-მზრუნველობისა და სოციალური პროგრამების დეპარტამენტის უფროსის მარი წერეთლის თქმით, „ჯანდაცვის სამინისტრო ძალიან ფაქიზად მუშაობს რელიგიურ დაწესებულებებთან. გვაქვს საშუალება, რომ შევიდეთ, შევაფასოთ, შევისწავლოთ იქ თითოეული ბავშვისა და მათი ოჯახების მდგომარეობა. რამდენად შეგვიძლია დავეხმაროთ ოჯახს საკუთარი შვილი გაზარდოს. დედამ შვილი დააძინოს თავის ლოგინში. საპატრიარქოს და ჩვენ გვაქვს მშვენიერი ურთიერთობა. ბავშვებსაც ვიცნობთ, ვმუშაობთ ოჯახებთან. საპატრიარქო მზადაა სააღმზრდელო დაწესებულების სტანდარტებთან შესაბამისობაში მოვიყვანოთ ჩვენი ურთიერთობა და ვიმუშაოთ“.

 

განსხვავებულად ფიქრობს გაეროს ბავშვთა ფონდის  სოციალური კეთილდღეობის პროგრამის ხელმძღვანელი ქეთევან მელიქაძე:

 

„მე არ გამოვყოფდი ეს რელიგიურია, საერო თუ არასამთავრობო. ჩემთვის მიდგომა ერთი და იგივეა. ბავშვი მაქსიმალურად უნდა ცხოვრობდეს ოჯახში, სწავლობდეს საგანმანათლებლო დაწესებულებაში, თუ სკოლაზე მას ხელი არ მიუწვდება, ეს ამოცანა უნდა დადგეს განათლების სამინისტროს წინაშე. არსებობს არაფორმალური მექანიზმები, როგორიც არის თემის ხელშეწყობა, ადგილობრივი თვითმმართველობის ხელშეწყობა. მთელი ეს ხელშეწყობა ისევ და ისევ, არა აქვს ამას მნიშვნელობა რელიგიურია თუ არა, მიმართული უნდა იყოს იმისკენ, რომ ბავშვი ცხოვრობდეს ოჯახში და დადიოდეს სკოლაში“.

 

მისივე თქმით, თუკი ფინანსური შესაძლებლობა არსებობს, სასურველია ის მიიმართოს ოჯახის გაძლიერებისკენ.

 

„ოჯახის გაძლიერების სხვადასხვა მომსახურება არსებობს საქართველოში, მათ შორის დღის ცენტრები. სადაც, ვთქვათ, ბავშვები, რომლებიც შეჭირვებული ოჯახიდან არიან, დღის მეორე ნახევარს შეიძლება ატარებდნენ დღის ცენტრში, სადაც ისინი ბაზისური საჭიროებებით დაკმაყოფილდებიან და თან დაცულ გარემოში იქნებიან; განათლების მიღებაშიც მიეხმარებიან არაფორმალურად.

 

გარდა ამისა, არსებობს ასეთი ფორმა, – ფინანსური ფონდი, ინდივიდუალურად რომ განისაზღვროს ოჯახის საჭიროებები და ფული მიიმართოს ოჯახისა და ბავშვის ინდივიდუალურ საჭიროებაზე. ძალიან კარგი იქნება, თუ ეს სახელმწიფოს სოციალური სამსახურის მეშვეობით მოხდება, ანუ სოციალური მუშაკი განსაზღვრავს კონკრეტული ოჯახის საჭიროებას, ხოლო ფული გამოყოფილი იქნება ამ რაღაცა სოციალური ფონდიდან, გაცილებით უფრო ეფექტური და ბავშვისთვის უფრო კეთილსაიმედო გარემოს შესაქმნელად“.  

 

 

გამგებლის ინფორმაციით, მეწყერი სახლებთან ახლოს ჩამოწვა, ადგილზე უკვე იმყოფებოდნენ გეოლოგები და მდგომარეობა შეისწავლეს: “ფერდსამაგრი სამუშაოებია ჩასატარებელი, რასაც წინასწრაი ცნობით 33 ათასი ლარი სჭირდება, საგზაო დეპარტამენტის თანამშრომლები ხვალიდან დაიწყებენ მუშაობას”-ამბობს ქედის გამგებელი დავით დუმბაძე “ბათუმელებთან”. 

 

მისივე ცნობით ამ დროისთვის ქედის მუნციპალიტეტში მოსახლეობის 98% ელექტროენერგია მიეწოდება.  მერისის თემში წაქცეული ხეების გამო ელექტრო ენერგიის გადამცემი ხაზები დაზიანდა და მოსახლეობის ნაწილ ელექტროენერგია ამის გამო  არ მიეწოდება. 

 

ხულოს მუნციპალიტეტის  გამგებლის ბესიკ ბაუჩაძის ინფორმაციით, დაბა ხულოში თოვლის საფარმა 40-45 სანტიმენტრს მიაღწია, ხოლო სოფელ  დანისპარაულსა და ხიხაძირში თოვლის სიმაღლე ერთი მეტრია. ხულოს გამგებელი ამბობს, რომ დღეს მთელი დღის განმავლობაში ცენტრალური მაგისტრალის ასუფთავებენ თოვლის საფარისგან, ხოლო ხვალ დილიდან სოფლების: თაგოს, პანტნარისა და კურცხლებთან მისასვლელ გზებს გაასუფთავებენ.

 

გამგებელი ამბობს, რომ ამ დროითვის  ხულოში გარესამყაროს არც ერთი სოფელი არ არის მოწყვეტილი და მაღალი გამავლობის ავტომანქანებს გადაადგილება არ უჭირთ.

 

 

 

 “ენერგო პრო ჯორჯიას” პრესსამსახურის ინფორმაციით ქედასა და შუახევში ელექტროენერგია დიდთოვლობის გამო გაითიშა. 

 

ინსპექტორ-გამომძიებლებს ოჯახში ძალადობის საკითხებზე შსს-ს პოლიციის აკადემიაში სპეციალური ტრენინგ-კურსი აქვთ გავლილი. უბნის ინსპექტორებმა მოქალაქეებს განუმარტეს, რომ აუცილებელია ოჯახში ძალადობის წინააღმდეგ კამპანიაში საზოგადოების აქტიურ ჩართულობა და პოლიციასთან თანამშრომლობა.

შინაგან საქმეთა სამინისტროს ცნობით, სამართალდამცველებმა მოქალაქეებს გააცნეს, რას გულისხმობს ოჯახში ძალადობა, როგორ იცავს სახელმწიფო ოჯახში ძალადობის მსხვერპლს. უბნის ინსპექტორ-გამომძიებლებმა განუმარტეს მოსახლეობას, რომ ოჯახში ძალადობის მსხვერპლს კანონი იცავს, ხოლო მოძალადეები კანონით ისჯებიან. მათ ინფორმაცია მიაწოდეს მოქალაქეებს შინაგან საქმეთა სამინისტროს ინიციატივით, 2013 წლიდან საქართველოს სისხლის სამართლის კოდექსში შესული ცვლილებების შესახებ, რომლის მიხედვითაც ოჯახში ძალადობის კრიმინალიზაცია განხორციელდა. ოჯახში ძალადობა 1 წლამდე თავისუფლების აღკვეთით ისჯება. კამპანიის საინფორმაციო ბუკლეტში ასევე მითითებულია ცხელი ხაზის ნომერი: “112”, რომელზეც ძალადობის მსხვერპლს ან ძალადობის ფაქტის მოწმე მოქალაქეს 24 საათის განმავლობაში შეუძლია დარეკოს და დახმარება ითხოვოს.

 

შინაგან საქმეთა სამინისტრომ, სხვა სახელმწიფო უწყებებთან ერთად, აშშ-ს საელჩოს მხარდაჭერით, ოჯახში ძალადობის წინააღმდეგ ბრძოლის სოციალური კამპანია „არა ძალადობას!“ 25 ნოემბერს დაიწყო. უწყების ცნობით,  კამპანიის მიზანია საზოგადოების ცნობიერების ამაღლება ოჯახში ძალადობის შესახებ. კამპანიის ფარგლებში მომზადდა სოციალური რგოლები, რომელთა მიზანია საზოგადოებისთვის ინფორმაციის მიწოდება იმის შესახებ, რომ ოჯახში ძალადობის ფაქტების შემთხვევაში უნდა დარეკონ ცხელ ხაზზე: “112” ან მიმართონ უბნის ინსპექტორს, მოძალადეებმა კი მიიღონ გაფრთხილება, რომ ოჯახში ძალადობა თავისუფლების აღკვეთით ისჯება.

 

მას შემდეგ, რაც უმაღლესი საბჭოს ფრაქცია “ქართული ოცნება – თავისუფალი დემოკრატები” ანზორ თხილაიშვილმა დატოვა, ფრაქცია დაიშალა. ფრაქციის თავმჯდომარე სულხან ღლონტი ამჟამად იურიდიულ და საპროცედურო საკითხთა კომისიის თავმჯდომარის მოადგილედ მუშაობს.

 სტაჟიორი აქტიურად იქნება ჩართული ორგანიზაციის მიმდინარე პროგრამებისა და პროექტების საორგანიზაციო საკითხების რეგულაციაში და საინფორმაციო კამპანიის განხორციელების პროცესში.

დამატებითი ინფორმაციისათვის დაგვიკავშირდით: ციალა ქათამიძე, მობ: 557 963 789