Batumelebi | გამგებელი: ქედაში 17 ოჯახი გარესამყაროსაა მოწყვეტილი გამგებელი: ქედაში 17 ოჯახი გარესამყაროსაა მოწყვეტილი – Batumelebi
RU | GE  

გამგებელი: ქედაში 17 ოჯახი გარესამყაროსაა მოწყვეტილი

 

ქედის მუნიციპალიტეტის გამგებლის, დავით დუმბაძის ინფორმაციით, ქედაში სოფელ წონიარისში, გაბაიძეების უბანში უამინდობის გამო მეწყრული კერა გააქტიურდა და ამ დროისთვის 17 ოჯახი გარესამყაროსაა მოწყვეტილი.

 

ფოტო ხულოს მუნცუპალიტეტის გამგეობის

 

გამგებლის ინფორმაციით, მეწყერი სახლებთან ახლოს ჩამოწვა, ადგილზე უკვე იმყოფებოდნენ გეოლოგები და მდგომარეობა შეისწავლეს: “ფერდსამაგრი სამუშაოებია ჩასატარებელი, რასაც წინასწრაი ცნობით 33 ათასი ლარი სჭირდება, საგზაო დეპარტამენტის თანამშრომლები ხვალიდან დაიწყებენ მუშაობას”-ამბობს ქედის გამგებელი დავით დუმბაძე “ბათუმელებთან”. 

 

მისივე ცნობით ამ დროისთვის ქედის მუნციპალიტეტში მოსახლეობის 98% ელექტროენერგია მიეწოდება.  მერისის თემში წაქცეული ხეების გამო ელექტრო ენერგიის გადამცემი ხაზები დაზიანდა და მოსახლეობის ნაწილ ელექტროენერგია ამის გამო  არ მიეწოდება. 

 

ხულოს მუნციპალიტეტის  გამგებლის ბესიკ ბაუჩაძის ინფორმაციით, დაბა ხულოში თოვლის საფარმა 40-45 სანტიმენტრს მიაღწია, ხოლო სოფელ  დანისპარაულსა და ხიხაძირში თოვლის სიმაღლე ერთი მეტრია. ხულოს გამგებელი ამბობს, რომ დღეს მთელი დღის განმავლობაში ცენტრალური მაგისტრალის ასუფთავებენ თოვლის საფარისგან, ხოლო ხვალ დილიდან სოფლების: თაგოს, პანტნარისა და კურცხლებთან მისასვლელ გზებს გაასუფთავებენ.

 

გამგებელი ამბობს, რომ ამ დროითვის  ხულოში გარესამყაროს არც ერთი სოფელი არ არის მოწყვეტილი და მაღალი გამავლობის ავტომანქანებს გადაადგილება არ უჭირთ.

 

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"