Batumelebi | თურქი ბიზნესმენების შეხვედრა ბიზნეს ომბუდსმენთან დახურულ კარს მიღმა თურქი ბიზნესმენების შეხვედრა ბიზნეს ომბუდსმენთან დახურულ კარს მიღმა – Batumelebi
RU | GE  

თურქი ბიზნესმენების შეხვედრა ბიზნეს ომბუდსმენთან დახურულ კარს მიღმა

 

3 დეკემბერს, ბათუმში,  სასტუმრო „ინტურისტში“ საქართველოს ბიზნეს ომბუდსმენი გიორგი გვახარია აჭარაში მყოფ თურქ ბიზნესმენებს შეხვდა. შეხვედრის მიზანი არსებული პრობლემების გაცნობა და ბიზნესგარემოს ხელშეწყობაზე საუბარი იყო, თუმცა სხდომა მედიისთვის დახურული აღმოჩნდა, შესაბამისად, უცნობია, რა ტიპის პრობლემებზე ისაუბრეს თურქმა ბიზნესმენებმა შეხვედრაზე.  

 

საგადასახადო ბიზნეს ომბუდსმენის წარმომადგენელმა, ოთარ რიკაძემ განაცხადა, რომ შეხვედრაზე ზოგად პრობლემებზე იყო საუბარი,  „მაგალითად,  სავიზო რეჟიმთან დაკავშრებულ პრობლემებზე,“- განაცხადა ოთარ რიკაძემ. 

ბათუმში თურქეთის კონსულის, იასინ თემიზქანის თქმით, რომელიც ბიზნესომბუდსმენთან შეხვედრას ესწრებოდა, მათი მიზანია  საქართველოს ეკონომიკა იყოს ძლიერი და თურქმა ბიზნესმენებმა მათი წვლილი შეიტანონ საქართველოს ეკონომიკის განვითარებაში, რადგან, მისი თქმით, ძლიერი საქართველო უფრო სასურველი მეგობარი იქნება თურქეთისათვის.

„არსებობს  ტექნიკური პრობლემები, რაზეც მე დღეს არ გავამახვილებ ყურადებას, პრობლემები ეხება ძრითადად ცენტრალურ ხელისუფლებას. რადგან ჩვენ ცენტრალურ ხელისუფლებასთნ პირდაპირ ურთიერთობები არ გვაქვს, გადავწყვიტეთ ასეთი ტიპის შეხვედრებით მივაწვდინოთ მათ იმ მცირე ტექნიკურ პრობლემებთან ანდა ინვესტიციებთან დაკავშირებული ჩვენს მიერ შეთავაზებული წინადადებები,“ – განაცხადა თურქეთის კონსულმა ჟურნალისტებთან. 

ნეტგაზეთის მასალების სხვა გამოცემებში გადაბეჭდვის წესი
მოხალისე , თაკო ათაბაგი