„პროცესთან დაკავშირებით თავიდანვე მქონდა შენიშვნა და არაერთხელ დავაყენე ეს საკითხი კომისიაზე, რადგან ნამუშევრების ატვირთვასთან დაკავშირებით, ავტორებს პრობლემები ექმნებათ. რამდენიმე დიზაინერი დამიკავშირდა და მითხრა, რომ ისინი ვერ ახერხებდნენ ლოგოების ვებგვერდზე განთავსებას. მცდელობის მიუხედავად, მათ პრობლემას არავინ გამოხმაურებია მერიიდან“- აცხადებს ნათია აფხაზავა.
ნათია აფხაზავას შენიშვნები აქვს ჰონორართან დაკავშირებითაც:
„მიმაჩნია, რომ ქალაქის ლოგის შექმნისთვის, ჰონორარი – 1200 ლარი ძალიან მიზერულია, მაშინ როცა, მთლიანი პროექტის ღირებულება 32 ათასი ლარია. იყო რისკები, რომ მაღალი კვალიფიკაციის დიზაინერები არ მიიღებდნენ ამ კონკურსში მონაწილეობას.“
კომისიის წევრის თქმით, არაკვალიფიციურად ჩატარდა კვლევის კომპონენტიც. „ყველაზე მეტი რესურსი უნდა დახარჯულიყო ლოგოს დიზაინზე, რადგან დანარჩენი პროცესი ამაზე იყო დამოკიდებული. როცა ლოგოსთის ასე მცირე თანხას ითვალისწინებ და შემდეგ კიდევ პროცესი არ მიმდინარეობს ჯანსაღად, ვგულისხმობ ატვირთვას და შემდეგ ხმების მიცემის პროცესს, მიმაჩნია, რომ ფსევდო და ზედაპირულია ეს ყველაფერი. არაერთი მცდელობის მიუხედავად, არც საკრებულოსგან და არც მერიისგან უკუკავშირი არ არის.“
ნათია აფხაზავას აზრით, ქალაქის ლოგის შესარჩევ კომისიაში დიზაინერებიც უნდა შესულიყვნენ, რისი გათვალისწინებაც აქამდე არ მოხდა.
