Batumelebi | სტაჟირების პროგრამა “საერთაშორისო გამჭვირვალობა საქართველოში” სტაჟირების პროგრამა “საერთაშორისო გამჭვირვალობა საქართველოში” – Batumelebi
RU | GE  

სტაჟირების პროგრამა “საერთაშორისო გამჭვირვალობა საქართველოში”

 

„საერთაშორისო გამჭვირვალობა – საქართველო“ ეძებს მოხალისე სტაჟიორებს, ნახევარ ან სრულ განაკვეთზე, რომლებიც სტაჟირებას გაივლიან ბათუმის / ქუთაისის / ზუგდიდის რეგიონალურ წარმომადგენლობაში.

 

კანდიდატს მოეთხოვება: იყოს დეტალებზე ორიენტირებული, ორგანიზებული და კომუნიკაბელური, იყოს მოტივირებული, ინიციატივის მქონე და შეეძლოს, როგორც ინდივიდუალურად, ისე ჯგუფურად მუშაობა, კარგად ფლობდეს საბაზისო კომპიუტერულ პროგრამებს ((Microsoft Word, Excel) და ბეჭდვით უნარებს, შეეძლოს ქართულ ენაზე სტილისტური, გრამატიკული და სხვა სახის შეცდომების გარეშე წერა, კარგად ესმოდეს „საერთაშორისო გამჭვირვალობა – საქართველოს“ მისია და მანდატი.

 

ინგლისური ენის ცოდნა სასურველია, ხოლო სამუშაო გამოცდილება აუცილებელი არ არის.

 

უპირატესობა მიენიჭება სამართლმცოდნეობის ფაკულტეტის ბოლო კურსის სტუდენტებს და ახლად კურსდამთავრებულებს.

 

„აღნიშნული სტაჟირება აქტიური და საქმის ერთგული ახალგაზრდებისთვისაა, რომელთაც არ გააჩნიათ რაიმე მნიშვნელოვანი სამუშაო გამოცდილება. წარმატებულ აპლიკანტებს შესაძლებლობა მიეცემათ, უშუალოდ გაეცნონ საქართველოში ერთ-ერთი მოწინავე არასამთავრობო ორგანიზაციის მუშაობას და მენეჯმენტს, მიიღონ გამოცდილება და გაზარდონ მომავალში მათი დასაქმების შანსები,“ – ნათქვამია „საერთაშორისო გამჭვირვალობა – საქართველოს“ მიერ გამოქვეყნებულ განაცხადში.

 

სტაჟირება დაიწყება 2015 წლის იანვრის თვეში და გაგრძელდება 3 თვე. სტაჟირების ბოლოს გაიცემა შესაბამისი სერთიფიკატი. სტაჟირება არ არის ანაზღაურებადი. განაცხადის შეტანის ბოლო ვადა  19 დეკემბერია. დეტალურ ინფორმაციას შეგიძლიათ გაეცნოთ აქ.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"