Batumelebi | ბათუმში პატიმარმა თვითდაზიანებები მიიყენა და შიმშილობს ბათუმში პატიმარმა თვითდაზიანებები მიიყენა და შიმშილობს – Batumelebi
RU | GE  

ბათუმში პატიმარმა თვითდაზიანებები მიიყენა და შიმშილობს

 

ბათუმის მესამე დაწესებულებაში 32 წლის პატიმარი ლ.ქ. შიმშილობს. ის მოშიმშილეების საკანში მარტოა განთავსებული.

ბათუმის მესამე დაწესებულება. ფოტო ბათუმელების არქივიდან

პატიმარმა თვითდაზიანებები მიიღო ხელებზე და მუცლის არეში – ეს ინფორმაცია „ბათუმელებს“ პატიმრის მეუღლემ მიაწოდა. ოჯახის წევრების ინფომაციით მას ოცამდე ნაკერი ადევს.

მოშიმშილე პატიმარი მოინახულა სახალხო დამცველის წარმომადგენელმა აჭარაში გიორგი ჩარკვიანმა. სახალხო დამცველის პრესსამსახურის ცნობით პატიმარი შიმშილს აგრძელებს და მოითხოვს სხვა დაწესებულებაში გადაყვანას.

პატიმარი ბათუმის მესამე დაწესებულებაში ერთი თვის წინ მიიყვანეს, მისი ოჯახის წევრები ამბობენ, რომ მათთვის უცნობია რა გახდა პატიმრის თბილისიდან ბათუმში გადაყვანის მიზეზი.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"