ამ დღესთან დაკავშირებით, დაავადებათა კონტროლისა და საზოგადოებრივი ჯანდაცვის ეროვნული ცენტრის წარმომადგენლები, ბათუმის პირველი საჯარო სკოლის მოსწავლეებთან შეხვედრას გეგმავენ.
„ბავშვები წარმოადგენენ პრეზენტაციებს ნარკომანიისა და შიდსის თემაზე და მათთან გვექნება საუბრები. კონფერენციაზე დასწრება სხვა სკოლის მოსწავლეებსაც შეუძლიათ“-აცხადებს ია ჩხაიძე, საზოგადოებრივი ჯანდაცვის ეროვნული ცენტრის, აჭარის სამმართველოს წარმომადგენელი.
ამავე ცენტრის ოფიციალური მონაცემებით, საქართველოში 2014 წლის 21 ნოემბრის მდგომარეობით, შიდსის 4 640 შემთხვევაა დაფიქსირებული. აქედან, 549 პაციენტი აჭარაზე მოდის. 3 409 ინფიცირებული პირი კაცია, 1232 ქალი, 45 კი ბავშვი. 966 პაციენტი კი გარდაიცვალა.
შიდსით ინფიცირებული პირების საშუალო ასაკი 29-39 წელია.
საზოგადოებრივი ჯანდაცვის ინფორმაციით, შიდსით ინფიცირებული პირები, ამ დროისთვის ანტირეტროვირუსულ მკურნალობას გადიან.
