Batumelebi | ლეონიდ ჩერნოვეცკი: საქართველოში მდინარეში ჩამეძირა მანქანა, რომლის გამოყვანაზეც მთელი სოფელი მეხმარებოდა ლეონიდ ჩერნოვეცკი: საქართველოში მდინარეში ჩამეძირა მანქანა, რომლის გამოყვანაზეც მთელი სოფელი მეხმარებოდა – Batumelebi
RU | GE  

ლეონიდ ჩერნოვეცკი: საქართველოში მდინარეში ჩამეძირა მანქანა, რომლის გამოყვანაზეც მთელი სოფელი მეხმარებოდა

 

კიევის ყოფილი მილიარდელი მერი ლეონიდ ჩერნოვეცკი უკრაინულ ტელეარხთან ინტევრიუში სახალისო ისტორიას ყვება, თუ როგორ ჩაეძირა ახლადშეძენილი ავტომობილი მაღალმთიან აჭარაში მდინარეში. ჟურნალისტის რეპლიკაზე რომ ლეონიდ ჩერნოვეცკი ქართველი ხალხის მიმართ განსაკუთრებულ სიყვარულს გრძნობს ის პასუხობს:

 

აქ ძალიან კეთილგანწყობილი ხალხია. ისინი დამოუკიდებლები არიან, არ ხედავენ შენში მოწინააღმდეგეს, პატივისცემით გეპყრობიან, იქიდან გამომდინარე , რასაც შენ ცხოვრებაში მიაღწიე. მაგალითად მქონდა ერთხელ ასეთი შემთხვევა, ჩემს მძღოლთან ერთად ვიმყოფებოდი გორაზე მდინარის მახლობლად, მოულოდნელად წყლის დიდი ნაკადის გამო, ჩვენი მანქანა მდინარეში აღმოჩნდა, მოგვიწია ფანჯრებიდან გადმოძრომა და ისე გამოცურვა. საქმე მაგაში არ გახლავთ, ჩვენ კი გამოვცურეთ და წყლიდან მშვიდობით ამოვედით, მაგრამ მანქანა დინებამ წაიღო და შეიძლებოდა ზღვაშიც აღმოჩენილიყო. იქვე სოფელია, უამრავი ხალხი შეიკრიბა, იქაური უბრალო მაცხოვრებლები, რომლებიც მთელი ძალით ცდილობდნენ მანქანის წყლიდან ამოყვანას და შეძლეს კიდეც. ჯიბეში რაც ფული მქონდა მადლობის ნიშნად ვცადე მიმეცა მათთვის, სოფლებში საკმაოდ გაჭირვებულად ცხოვრობს ხალხი, მაგრამ არ გამომართვეს. მათ კი ბევრი ნამდვილად არ აქვთ. დაახლოებით ოცი კაცი იქნებოდა, სრულიან უსასყიდლოდ მეხმარებოდნენ ამ საშინელი მდგომარეობიდან გამოსასვლელად, იმიტომ, რომ მე მათი სტუმარი ვარ.

შეგახსნებთ რომ კიევის ყოფილი მერი ლეონიდ ჩერნოვეცკი რომელიც ორჯერ იქნა არჩეული კიევის მერად და წარმოადგენს უკრაინის ერთ ერთ ყველაზე წარმატებულ ბიზნესმენს და არის უკრაინის მასშტაბით ერთ ერთი ყველაზე ცნობადი ადამიანი, ქობულეთში ცხოვრობს.

ჩერნოვეცკიმ საქართველოში გადმოსვლის პირველივე ეტაპზე დაარსა საქველმოქმქედო ფონდი ,,სოციალური პარნტნიორობა”, რომელიც აქტიურად ანხორციელებს სხვადასხვა სახის საქველემოქედო საქმიანობას საქართველოში. ჩერნოვეცკის ფონდმა დაარსების დღიდან ქველქმოემედებაზე საქართველოში დახარჯა 3 მილიონ ლარზე მეტი.

ჩერნოვეცკის ფონდი აწარმოებს ყველაზე დიდ შინმოვლის პროგრამას საქართველოში, რომლის ფარგლებშიც ყოველდღიურად 500 საწოლს მიჯაჭვული მოხუცი იღებს ექთნის უფასო მომსახურებას, უფასო მედიკამენტებს და საკვებს.

მისი ფონდი ფლობს თბილისში უმაღლესი სტანდარტების დონის საოჯახო ტიპის ბავშთა სახლს. ფონდი ასევე ეხმარება მრავალშვილიან ოჯახებს.

ჩერნოვეცკის ფონდმა 23 ნოემბერს ქობულეთში გახსნა გენერალ გიორგი მაზნიაშვილის სახელობის პანსიონი, სადაც ცხოვრობენ ბავშვები სოციალურად დაუცველი ოჯახებიდან. ისინი იღებენ დამატებით განათლებას და არიან სრულიად უზრუნველყოფილნი ყოველდღიური საჭიროებებით

 

 

ნეტგაზეთის მასალების სხვა გამოცემებში გადაბეჭდვის წესი
[რეკლამა]