„წიგნები ბათუმში“ მკითხველს 5 ახალ თარგმანს სთავაზობს. ესენია: ბორის და არკადი სტრუგაცკების “ძნელი ღმერთობა” , ფილიპ დიკის “კაცი მაღალ კოშკში”, რეი ბრედბერის “ტანმოხატული კაცი”, დენიელ კიზის “ყვავილები ელჯერნონისთვის” და ქეთრინ პეტერსონის “ხიდი ტერაბითიაში”. ასევე თავიდან გამოიცა მორის დრიუონის “მწვანეთითება ტისტუ”.
„საქართველოში ძალიან კარგადაა განვითარებული საგამომცემლო საქმე. მაგრამ აქამდე რატომღაც არავინ დაინტერესებულა სერიოზულად მიდგომოდა ისეთ ჟანრებს, როგორებიცაა სამეცნიერო ფანტასტიკა და ფენტეზი. აქედან გამომდინარე და კიდევ გამომდინარე იქედან, რომ ეს ჟანრები ძალიან პოპულარულია ყველგან (მათ შორის საქართველოში) და ქართულ ენაზე თარგმანი თითქმის არ არსებობდა გადავწყვიტეთ დაგვეწყო “ფანტასტიკური ბიბლიოთეკის” გამოცემა,“ – ამბობს გამომცემლობა „წიგნები ბათუმშის“ ხელმძღვანელი ირაკლი ბაკურიძე.
21 თებერვალს ახალი თარგმანების პრეზენტაცია მაღაზია „წიგნები ბათუმში“ გაიმართება. პრეზენტაციაზე მისულ მკითხველს წიგნების შეძენა 25%-იანი ფასდაკლებით შეეძლებათ.
