Batumelebi | საჯარო ბიბლიოთეკები რეგიონებში [ინფოგრაფიკა] საჯარო ბიბლიოთეკები რეგიონებში [ინფოგრაფიკა] – Batumelebi
RU | GE  

საჯარო ბიბლიოთეკები რეგიონებში [ინფოგრაფიკა]

 

საქართველოს პარლამენტის ეროვნული ბიბლიოთეკის ბოლო, 2012 წლის მონაცემებით, საქართველოში – 643 ქალაქსა და რაიონის ცენტრებში, 650 საჯარო ბიბლიოთეკა ფუნქციონირებს. მათ შორის ყველაზე ბევრი – 120 ბიბლიოთეკა სამეგრელო-ზემო სვანეთშია, რომელიც 9 რაიონს მოიცავს. ბიბლიოთეკის თანამშრომელთა ჯამური რაოდენობა კი, ამ რაიონში 239 ადამიანს შეადგენს.

 

 

საჯარო ბიბლიოთეკები
საჯარო ბიბლიოთეკები

 

ბიბლიოთეკების სიმრავლით მეორე ადგილზე იმერეთია – 114 ბიბლიოთეკით, რომელიც 12 რაიონს აერთიანებს. აქ ბიბლიოთეკებს, ჯამურად, 365 თანამშრომელი ჰყავს. მესამე ადგილზე რაჭა-ლეჩხუმი და ქვემო სვანეთია – 99 ბიბლიოთეკით. აქ, 4 რაიონში ბიბლიოთეკების თანამშრომელთა ჯამური რაოდენობა 166 ადამიანია. 

 

საქართველოს სტატისტიკის ეროვნული დეპარტამენტის ბოლო მონაცემები ბიბლიოთეკების შესახებ 2008 წლისაა, რომლის მიხედვითაც, საქართველოს ყველა რეგიონში (აჭარის გარეშე) არსებულ საჯარო ბიბლიოთეკებში წიგნადი ფონდი ჯამში – 17,3 მილიონ წიგნს შეადგენს. საქართველოს საბიბლიოთეკო ასოციაციის ინფორმაციით კი, ბიბლიოთეკების მცირე ბიუჯეტის გამო, ბოლო რამდენიმე წლის განმავლობაში პრაქტიკულად არ შევსებულა. 

 

რეგიონებში არსებული ბიბლიოთეკების შესახებ დეტალური ინფორმაცია „ბათუმელებმა” საქართველოს განათლებისა და მეცნიერების სამინისტროსგან გამოითხოვა, თუმცა სამინისტროს ბიბლიოთეკათმცოდნეობისა და სტანდარტების განყოფილების უფროსის გურამ თაყნაშვილის პასუხის თანახმად, იმის გამო, რომ საჯარო ბიბლიოთეკები მუნიციპალიტეტების ადგილობრივი ბიუჯეტებიდან ფინანსდებიან, ეროვნული ბიბლიოთეკა რეგიონებში არსებული ბიბლიოთეკების შესახებ უფრო დაწვრილებით მონაცემებს არ ფლობს.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"