Author Archives: ბათუმელები

დღეს, 3 საათზე სასჯელაღსრულებისა და პრობაციის მინისტრი სოზარ სუბარი სამინისტროს სხვა წარმომადგენლებთან ერთად ბათუმის N3 დაწესებულებას გახსნის.

 6 მაისს, 10:00–დან 16:00 საათამდე   “მეზღვაურთა სამედიცინო ცნტრი 2010“  მსოფლიო ასთმის დღესთან დაკავშირებით ბრონქული ასთმით დაავადებული პაციენტებისათვის ჩაატარებს უფასო კონსულტაციებს. 

აჭარის ფინანსთა და ეკონომიკის სამინისტროს ინფორმაციით, ბათუმის ნაგავსაყარის მშენებლობის პროექტი არ გაჩერებულა; აჭარის გარემოს დაცვის სამმართველოს ინფორმაციით, მშენებლობა ოთხ თვეში უნდა დაიწყოს; გარემოს დაცვის სამინისტროში აცხადებენ, რომ ნაგავსაყარის მშენებლობისთან საჭირო გეზშ-ს დასამტკიცებლად მათთვის ჯერ არ მიუმართიათ. სახელმწიფო აუდიტი კი პროექტის ფარგლებში მიღებული სესხის აუთვისებლობის გამო, სასესხო ვალდებულების დაფარვისთვის გადახდილი თანხის არამიზნობრიობაზე საუბრობს.

ბათუმის მერია და არასამთავრობო ორგანიზაცია „საერთაშორისო გამჭვირვალობა – საქართველო“ ერთობლივი პროექტის განხორციელებას იწყებენ. 

ჯანდაცვის სამინისტროს ინფორმაციით, საქართველოს მასშტაბით სოფლის ექიმებისა და ექთნების ხელფასი 30 პროცენტით გაიზრდება. დღეს სოფლის ექიმის თვიური ანაზღაურება 500 ლარია, რომლის 33 პროცენტი სამედიცინო დოკუმენტაციის შეძენაზე, 10 პროცენტი კი კომუნალური ხარჯების დაფარვაზე იხარჯება.

ბათუმის მერიამ 9 მაისის დღესასწაულთან დაკავშირებით რესტორინის მომსახურების შესყიდვაზე ტენდერი გამოაცხადა.

„მოსამართლის შპარგალკა“, „მოსამართლის კონტროლის მექანიზმი“,  „ეს მოსამართლის შეზღუდვაა“ – ასე აფასებენ ადვოკატები, არასამთავრობო ორგანიზაციის  იურისტები და ყოფილი მოსამართლეები სახელმძღვანელოს, რომელიც უზენაეს სასამართლოში შექმნილმა საბჭომ შეადგინა და მოსამართლეებს რეკომენდაციის სახით დაეგზავნათ.

ხვალ, 27 აპრილს, დილის 7 საათზე, ბათუმის პორტს 2014 წლის სეზონის პირველი საკრუიზო ხომალდი ეწვევა. 

მოქალაქეები ბათუმში, ღამის საათებში  გაადგილების პრობლემას უჩივიან. საღამოს ათი საათის შემდეგ ქალაქში მუნიციპალური ტრანსპორტი არ მოძრაობს. შემოერთებულ ტერიტორიებზე კი ხშირად უფრო ადრე, ცხრა საათზე, ასრულებენ მუშაობას.  ბათუმში  მუნიციპალური ტრანსპორტის მუშაობის ხარისხსა და სამომავლო გეგმებზე „ბათუმელებს“  „ბათუმის ავტოტრანსპორტის“  დირექტორი პაატა დუმბაძე ესაუბრა. 

1 მაისს, შრომის საერთაშორისო დღესთან დაკავშირებით ბათუმელი სტუდენტები აქციას გამართავენ. აქციის ორგანიზატორი სტუდენტური მოძრაობა „ალტერნატივაა.“

„საკრებულოს მხოლოდ ნოტარიუსის ფუნქცია აქვს, ყველაფერი ცენტრში წყდება,“ – ამ პრეტენზიას ოპოზიცია „ნაციონალურ მოძრაობას“ ხშირად უყენებდა. თვითმმართველობის უფუნქციობით შეწუხებული უმცირესობა ამჯერად ხელისუფლებაშია და თავს თვითმმართველობის ახალი კოდექსით იწონებს. არის თუ არა ამ კოდექსში ის მექანიზმი ჩადებული, რომელიც საკრებულოს ცენტრის ჩარევისგან დაიცავს. „ბათუმელებს“ კოდექსის ერთ-ერთი ავტორი დავით ლოსაბერიძე ესაუბრა. 

27 აპრილს ბათუმში „კავკასიის კულტურულ ინიციატივათა ქსელის“ მოხალისეები პოლიეთილენისა და ე.წ პლასტმასის ბოთლებით გარემოს დაბინძურების წინააღმდეგ აქციას გამართავენ.

2013 წლის პირველი იანვრიდან 2014 წლის 15 აპრილამდე ბათუმის მერიამ ელექტრონული ტენდერი 262-ჯერ გამოაცხადა. აქედან 29 შემთხვევაში ტენდერი არ შედგა, 9 შემთხვევაში კი, სატენდერო კომისიამ ტენდერი სხვადასხვა მიზეზის გამო შეწყვიტა. შვიდჯერ ტენდერი უარყოფითი შედეგით დასრულდა, ანუ კომისიამ გამარჯვებული ვერ გამოავლინა. გაფორმდა 199 ხელშეკრულება – აქედან 91 შემთხვევაში ტენდერში ერთი კომპანია მონაწილეობდა. არადა, კონკურენტული გარემოს შექმნა სახელმწიფო შესყიდვების ერთ-ერთი მთავარი პირობაა.

თბილისის საქალაქო სასამართლოს გადაწყვეტილება დღეს სააპელაციო სასამართლოს მოსამართლემ, გიორგი მიროტაძემ შეცვალა და ბრალდებულ ამზომველებს ხელვაჩურიდან გირაოს სახით თანხის გადახდა დააკისრა. ადვოკატის ირაკლი შავაძის ინფორმაციით, შვიდი ბრალდებულიდან ნაწილს 3-ათასლარიანი, ნაწილს კი 2-ათასლარიანი გირაო შეუფარდეს.