Batumelebi | ბათუმში ახალი პროექტი ,,ჩემი ქუჩა – საქართველო” ამოქმედდა ბათუმში ახალი პროექტი ,,ჩემი ქუჩა – საქართველო” ამოქმედდა – Batumelebi
RU | GE  

ბათუმში ახალი პროექტი ,,ჩემი ქუჩა – საქართველო” ამოქმედდა

 

ბათუმის მერია და არასამთავრობო ორგანიზაცია „საერთაშორისო გამჭვირვალობა – საქართველო“ ერთობლივი პროექტის განხორციელებას იწყებენ. 

 

პროექტი ,,ჩემი ქუჩა – საქართველო” მოქალაქეებს ბათუმში ინფრასტრუქტურისა და სერვისის სფეროში არსებული პრობლემების ვებგერდზე დაფიქსირების საშუალებას აძლევს. 

 

პროექტის მუშაობის პრინციპი ასეთია: მოქალაქის მიერ ვებგვერდზე განთავსებულ ინფორმაციას ავტომატურად მიიღებს ბათუმის მერიის ადმინისტრაცია. პროექტზე პასუხისმგებელი პირი – მერიის თანამშრომელი პრობლემას შეატყობინებს შესაბამის სამსახურს. პრობლემის მოგვარების შემდეგ, პასუხისმგებელი პირი ინფორმაციას განათავსებს ვებგვერდზე, სადაც წითლად მონიშნული პუნქტი მწვანე ფერით შეიცვლება.

 

თუკი პრობლემის აღმოფხვრა დროულად ვერ ხერხდება, ვებგვერდზე აიტვირთება ინფორმაცია მოგვარების ვადების შესახებ და პუნქტი ყვითელი ფერით მოინიშნება.

 

პროექტის მიზანია ხელი შეუწყოს ქალაქში არსებული პრობლემების ოპერატიულად მოგვარებასა და მოსახლეობის მაქსიმალურ ინფორმირებას.

 

 ვებგვერდის მისამართი  – www.chemikucha.ge

ნეტგაზეთის მასალების სხვა გამოცემებში გადაბეჭდვის წესი
ბათუმელები