ბათუმელები
ბათუმის საკრებულომ 29 სექტემბრის სხდომაზე კიდევ ერთი საკითხი ამოიღო დღის წესრიგიდან – საქმე ეხება საკრებულოსთან არსებული საზოგადოებრივი საბჭოსა და ბათუმის ტერიტორიული უბნების საზოგადობრივი დარბაზების გაუქმებას. დღეისთვის ამ რგოლებში 300-ზე მეტი პირია გაწევრიანებული. საკრებულოს თავმჯდომარის შეფასებით, ისინი „კატის და ლომის“ სიტუაციაში იმყოფებიან – თუ გააუქმებენ საზოგადოებრივ საბჭოს, „ატყდება ერთი ამბავი“, თუ არ გააუქმებენ – „კანონს დაარღვევენ“.
ბათუმის საკრებულოს თავმჯდომარის მეორე მოადგილის დანიშვნის საკითხი გადაიდო – ამის შესახებ 29 სექტემბერს ბათუმის საკრებულოს სხდომაზე იმსჯელეს. იმ შემთხვევაში, თუ კიდევ ერთი მოადგილე დაინიშნება, საკრებულოს მისთვის ყოველთვიურად მოუწევს 2 500 ლარის გადახდა ხელფასის სახით და სხვა სერვისებით უზრუნველყოფა.
2 სექტემბრიდან 17 სექტემბრამდე, 15 დღის განმავლობაში, ბათუმში ოთხი ადამიანი მოკლეს და რამდენიმეს მოკვლა სცადეს. ბოლო წლების განმავლობაში ბათუმში მსგავსი სტატისტიკა არ დაფიქსირებულა. როგორც „ბათუმელებმა“ გაარკვია, ყველა დანაშაულს ერთი საყურადღებო რამ აქვს საერთო – მკვლელობაში ბრალდებული ყველა პირი წარსულში ნასამართლევია. ვინ და როგორ უნდა იზრუნოს დანაშაულის პრევენციაზე, რა უნდა გააკეთოს სახელმწიფომ ყოფილი პატიმრების რეაბილიტაციისთვის?
აჭარაში ოთხი ლიცენზირებული სასაკლაოა, – ხელვაჩაურში, ქობულეში, ხულოსა და შუახევში. მათგან, დღეის მდგომარეობით, სამი ფუნქციონირებს. ხულოს მუნიციპალიტეტის სოფელ ღორჯომში არსებული სასაკლაო მუშაობას რამდენიმე დღეში განაახლებს, პირუტყვის დაკვლასთან ერთად ეს სასაკლაო დამკვეთს შეფუთულ ნედლ ხორცსაც მიაწვდის.
<!** Image 1 align="" alt="ირაკლი ერისთავი" sub="ირაკლი ერისთავი" width="350" height="754" >„ბათუმელების“ ინფორმაციით, აჭარაში სახელმწიფო უსაფრთხოების სამსახურის (სუს) ხელმძღვანელად ირაკლი ერისთავი დაინიშნა. ეს ინფორმაცია „ბათუმელებს“ რამდენიმე ინფორმირებულმა პირმა დაუდასტურა.
დღეს, 22 სექტემბერს, ბათუმის „დემოკრატიული ჩართულობის ცენტრში“ შეიკრიბნენ ის ადამიანები, რომლებიც მოქმედი ხელისუფლებისგან წინასაარჩევნო დაპირების – „სამართლიანობის აღდგენას“ ითხოვენ.
დარბაზში, სადაც 70-მდე მოქალაქე იყო თავმოყრილი, აჭარის მთავრობის მიმართ მკაცრი კრიტიკა ისმოდა. სპიკერი დავით ანანიძე 2012 წლის საპარლამენტო არჩევნების დროს “ქართული ოცნების” მაჟორიტარობის კანდიდატი იყო ქედის მუნიციპალიტეტში. სპიკერმა თავისი გამოსვლის დასასრულს მოუწოდა საქართველოს ხელისუფლებას, “მამა-შვილ ხაბაძეების კლანი მოაშოროს რეგიონს”. ჩამორთმეული ბიზნესის დაბრუნებაზე საუბრისას კი იმედი გამოთქვა, რომ “ბატონი ბიძინა ივანიშვილი მიიღებს გონივრულ გადაწყვეტილებას”.
32 წლის ქალმა ერთი თვის წინ გოგონა გააჩინა ბათუმის სამშობიარო სახლში. მშობიარე სამშობიაროდან რესპუბლიკურ საავადმყოფოში მოხვდა თავის ტვინის ანთებით. კომაში ყოფნის დროს ახალშობილი თავშესაფარში გადაიყვანეს, თავად ქალი კი რესპუბლიკურ საავადმყოფოში გადის მკურნალობის კურსს. ქალს არავინ ჰყავს. ექიმები არასამთავრობო თუ საერთაშორისო ორგანიზაციებს მხარდაჭერას სთხოვენ.
თბილისში 13 ივნისს მომხდარი სტიქიის შედეგად დაზარალებული მოსახლეობის დასახმარებლად მოსახლეობის მიერ ბათუმის მერიის ადმინისტრაციულ ორგანოებში პირველადი მოხმარების ნივთები და ტანსაცმელი გროვდებოდა. შეგროვებული ნივთების ნაწილი, რომელიც ტერიტორიულ ორგანოებში დაგროვდა, საქველმოქმედო ორგანიზაცია „იალქანს“ გადაეცა.
სოციალურ ქსელში ადვოკატმა პაატა შავაძემ გაავრცელა, როგორც თავად წერს, ახალგაზრდა მამაკაცის, დ. ზ.-ს ფოტოსურათი, სადაც მას შუბლზე აქვს ღია ჭრილობა, ხოლო სახე სისხლით აქვს მოსვრილი. პაატა შავაძე წერს, რომ, მამაკაცის თქმით, ის „საპატრულო პოლიციის მუშაკებმა დაკავებისას სცემეს“.
სოციალურ ქსელებში გავრცელებულ ინფორმაციას,ბათუმში მყოფი გერმანიის მოქალაქის, ტირკ რეტტიკის გაუჩინარების შესახებ, შს სამინისტროში ადასტურებენ.
“ბათუმელების“ ინფორმაციით, დღეს, 17 სექტემბერს, პოლიციამ ბათუმში მცხოვრები ერთ-ერთი მოქალაქე, მერაბ ღოღობერიძე იმის გამო დააკავა, რომ დღეს დილით მან საკონსტიტუციო სასამართლოს თავმჯდომარის სახლს, სხვა პირებთან ერთად, პომიდვრები დაუშინა.
ბათუმში საბაევის სახლის რეაბილიტაციისთვის 45 000 ლარი გამოყეს. აჭარის კულტურული მემკვიდრეობის დაცვის სააგენტოს ცნობით, ამ ეტაპზე გამოცხადებულია ტენდერი სარეაბილიტაციო სამუშაოების პროექტის შესყიდვაზე.
საკონსტიტუციო სასამართლომ გიორგი უგულავას სარჩელთან დაკავშირებით დღეს გადაწყვეტილება იმის გამო ვერ გამოაცხადა, რომ მოსამართლე მერაბ ტურავა, როგორც სასამართლოს განცხადებაშია მითითებული, ავად გახდა. გიორგი უგულავას ადვოკატმა ბექა ბასილიამ სასამართლოს მიერ გავრცელებულ განცხადებას უწოდა ფარსი, რომელშიც საკონსტიტუციო სასამართლოც ჩაერთო:
ბათუმში, ახალ ბულვართან, აჭარის მთავრობის მიერ გზის ნაწილის გაყიდვას მოსახლეობა დღემდე აპროტესტებს. გრიგოლ ლორთქიფანიძის ქუჩის გაგრძელებაზე ის მონაკვეთი, რომელიც ადრე გზა იყო და დღეს ინვესტორის საკუთრებაშია, ამ დასახლებას კაჩინსკების ქუჩასთან აკავშირებს. მერიაში „ბათუმელებს“ განუცხადეს, რომ სამომავლოდ ქუჩები შეერთდება, თუმცა, როგორც სატენდერო დოკუმენტაციიდან ჩანს, ლორთქიფანიძისა და კაჩინსკების ქუჩების შეერთება ამ ეტაპზე დაგეგმილი არ არის. ბათუმის მერიამ „ქალაქის ქუჩების დაგეგმარების საპროექტო დოკუმენტაციის შედგენაზე“ გამარტივებული ტენდერი 10 სექტემბერს გამოაცხადა.
„მუსიკა მშვიდობისათვის“ – ბათუმში საერთაშორისო მუსიკალური ფესტივალის ფარგლებში გალა-კონცერტი დღეს, 15 სექტემბერს გაიმართება. ორგანიზატორების ინფორმაციით, მოსალოდნელი წვიმის გამო ფესტივალის დახურვის გალა-კონცერტი ბათუმის მუსიკალურ ცენტრშია გადატანილი. ფესტივალი, რომლის დამფუძნებელია ცნობილი პიანისტი, UNESCO-ს მშვიდობის არტისტი ელისო ბოლქვაძე, საქართველოს კულტურისა და ძეგლთა დაცვის სამინისტროს მხარდაჭერით 10 სექტემბერს გაიხსნა.
სისხლის სამართლის კოდექსით გათვალიწინებული აღკვეთი ღონსიძიების გამოყენების ფორმა პატიმრობაში მყოფი პირისთვის – ამ მუხლის არაკონსტიტუციურად ცნობის მიზნით თბილისის ყოფილმა მერმა, ამჟამად პატიმრობაში მყოფმა გიგი უგულავამ საკონსტიტუციო სასამართლოს ცხრა თვის წინ მიმართა. საკონსტიტუციო სასამართლო დღეს, 17:00 საათზე გამოაცხადებს დააკმაყოფილებს თუ არა თბილისის ყოფილი მერის საკონსტიტუციო სარჩელს.
დღეს, 15 სექტემბერს, უმაღლეს საბჭოს ბიუროს სხდომაზე კენჭი უყარეს 17 სექტემბრის დღის წესრიგს, რომელშიც პირველ საკითხად აჭარის მთავრობის თავმჯდომარის ანგარიშის მოსმენა და შეკითხვების დასმაა შეტანილი. დღის წესრიგს მხარი ბიუროს 9 წევრმა დაუჭირა, მათ შორის მმართველი კოალიციიდან. არჩილ ხაბაძემ კი გუშინ განაცხადა, რომ უმაღლეს საბჭოში მისვლას არ აპირებს.
ცნობილი ქართველი ფეხბურთელი ლევან კობიაშვილი გუშინ, 12 სექტემბერს ბათუმში იმყოფებოდა. მან ქალაქის მერთან, გიორგი ერმაკოვთან და საკრებულოს თავმჯდომარესთან, ირაკლი ჭეიშვილთან ერთად ერთ-ერთი მორიგი სტადიონი გახსნა.
დღეს, 12 საათზე, ხელვაჩაურის მუნიციპალიტეტის გამგეობის წინ, აჭარისწყლის ხეობაში შემავალი სოფლების – მარადიდის, კირნათისა და მაჭახელას მცხოვრებლებმა საპროტესტო აქცია გამართეს.
22:38 წუთზე, ხიმშიაშვილის ქუჩის 33 ნომერში საცხოვრებელი სახლიდან ორი წლის ბავშვი მეექვსე სართულიდან გადმოვარდა. შემთხვევა გუშინ, 11 სექტემბერს მოხდა.
მოხსენება წაკითხულია დისკუსიაზე: „რელიგიური შეუწყნარებლობის საფრთხეები“, რომელიც გაიმართა პროგრამის – „კავკასიის სიმბოლური სასამართლო ადამიანის უფლებებთან დაკავშირებით და სამოქალაქო მოსმენები კავკასიის ქვეყნების დემოკრატიის სამსახურში“ – ფარგლებში.
საარსებო შემწეობის მიმღები ოჯახების გადამოწმება განახლებული დეკლარაციით მიმდინარეობს. კითხვარიდან, რომლითაც სარეიტინგო ქულის დათვლა ხდება, მართალია, ამოღებულია საყოფაცხოვრებო ტექნიკა [მაცივარი, ტელევიზორი, სარეცხი მანქანა, გაზქურა და ა.შ.], თუმცა, სანაცვლოდ ქულაზე გავლენას ახდენს ოჯახის უძრავ-მოძრავი ქონება [სახლ-კარი, ბინის ფართობი, ოთახების რაოდენობა, მიწის ნაკვეთი, ავტოფარეხი და სხვა]. ქედის მუნიციპალიტეტში ახალი დეკლარაციით გადამოწმებული 300 ოჯახიდან საარსებო შემწეობის მიღება 75 ოჯახს შეუჩერდა, აქედან 22 მარტოხელა პენსიონერის ოჯახია. ქედაში სულ 800 ოჯახი უნდა გადამოწმდეს.
ლანჩხუთიდან „ძუძუს კიბოს პრევენციის კვირეულზე“ დასასწრებად ბათუმში ჩამოსული 8 ქალი თავს კიბოზე გამარჯვებულს უწოდებს. მათ ორგანიზაციასაც ასე ჰქვია – „გამარჯვებულ ქალთა კლუბი“. თუმცა, დღეს, 8 სექტემბერს, კვირეულის ფარგლებში გამართულ მარათონში არც თუ ისე ბევრმა ბათუმელმა მიიღო მონაწილეობა.
ძველად აჭარაში ქალები ჩაცმას და თავის მოვლას საკმაოდ დიდ ყურადღებას უთმობდნენ. განსაკუთრებულად არჩევდნენ ტანსაცმელს და სამკაულებს. ქალის ტანსაცმლითა და სამკაულებით განისაზღვრებოდა იმ ოჯახის სიმდიდრე, რომლის წევრიც იყო ის. ეთნოგრაფიული მასალების მიხედვით, აჭარაში მცხოვრები ქალები უფრო ვერცხლის სამკაულს ეტანებოდნენ. ასევე გავრცელებული იყო ოქროსა და სპილენძის სამკაულებიც. სამკაულს ატარებდნენ როგორც დღესასწაულებზე, ასევე ყოველდღიურად. ქორწილებსა და შუამთობის დღესასწაულზე ქალები განსაკუთრებულად იკაზმებოდნენ.
„თავისუფალ ჟურნალისტთა სახლის“ ხელმძღვანელი ასლან ჭანიძე ამბობს, რომ ხულოს მუნიციპალიტეტის საკრებულოს „ქართული ოცნება-დემოკრატიული საქართველოს” ფრაქციის თავმჯდომარის, ოთარ გელაძის წინააღმდეგ, შესაძლოა სხვა მოქალაქეებთან ერთად, სახალხო დამცველთან კოლექტიური საჩივარი შეიტანოს ანტიდისკრიმინაციული კანონის დარღვევის მუხლით.
რეკლამის საერთაშორისო ფესტივალ Ad Black Sea-ს, რომელიც ბათუმში 24-27 სექტემბერს გაიმართება, განსაკუთრებული სტუმარი, თანამედროვე რეკლამის გამოჩენილი სპეციალისტი – ფარიდ ჩეჰაბი ეყოლება.
ფარიდ ჩეჰაბი, რომელიც LeoBurnett MENA-ს მმართველი საბჭოს საპატიო თავჯდომარე და მრჩეველია, Ad Black Sea–ზე დიზაინის ჟიურის თავმჯდომარე იქნება.
ხულოს მუნიციპალიტეტის სოფელ ვაშლოვანში მცხოვრები ნოდარ აბაშიძისა და ნაზი შაინიძის ოჯახები ხელისუფლებას დახმარებას სთხოვენ. მძიმე სოციალური პირობების მიუხედავად მათ საარსებო შემწეობა ერთი წლის წინ მოუხსნეს.
დღეს ბათუმის საკრებულომ ბათუმის მერიას მისცა უფლება ბიუჯეტიდან 400 ათასი ლარი საერთაშორისო სარეკლამო ფესტივალის ფარგლებში დახარჯოს. „თავისუფალი დემოკრატების“ წევრი, კობა ჩხეიძის ინფორმაციით, ეს არის მერიის თანამშრომლების ხელფასიდან გაკეთებული ეკონომია. კობა ჩხაიძის თქმით, მერიაში წელს ხელფასის ოდენობის პრემია მხოლოდ ერთხელ მიიღეს როგითმა თანამშრომლებმა, ხოლო მაღალი თანამდებობის პირები – სულ 24 მოხელე ყოველთვიურად იღებს დანამატს.
დღეს, 1-ელ სექტემბერს, დილიდნვე დაიწყო ბათუმის საკრებულოს სხდომა და მერიის წარმომადგენლები ამ წუთებშიც ცდილობენ რეკლამის ფესტივალისთვის 400 ათასი ლარის ხარჯვის უფლება მიიღონ. საკრებულოს ჯერ გადაწყვეტილება არ მიუღია, მაგრამ იმის მიხედვით თუ ვიმსჯელებთ, რომ სხდომაზე უმრავლესობის წევრები კითხვებს თითქმის არ სვამენ, საკრებულო ალბათ დათანხმდება სარეკლამო ფესტივალისთვის ბიუჯეტიდან 400 ათასი ლარის დახარჯვას.
რ. შაჰინის სახელობის მეგობრობის სკოლა-ლიცეუმი ბათუმში 1994 წელს გაიხსნა და ოც წელზე მეტია საქართველოში ერთ-ერთ ყველაზე წარმატებულ სკოლად ითვლება. საუკეთესო მასწავლებლები, სკოლის მატერიალურ-ტექნიკური ბაზა, მოსწავლეების მაღალი აკადემური მოსწრება, დაცული სასწავლო გარემო, საუკეთესო მაჩვენებლები საქართველოს ერთიან ეროვნულ გამოცდებზე და უცხოეთის უმაღლეს სასწავლებლებში – სწორედ ეს ფაქტორები განაპირობებს შაჰინის სახელობის სკოლა-ლიცეუმის წარმატებას.
ბათუმის მერიის ბიუჯეტში დღეს ცვილიებები შედის – დაახლოებით 400 ათასი ლარი უახლეს კვირაში დაგეგმილი რეკლამის ფესტივალისთვის უნდა გამოიყოს. საკრებულოს წევრი კობა ჩხეიძე ამბობს, რომ ეს ბათუმის მერიის თანამშრომლების საპრემიო თანხაა.
კანონი, რომლითაც მაღალმთიან სოფლებში მცხოვრებ მოსახლეობას შეღავათები უნდა დაუწესდეს, 2016 წლის პირველი იანვრიდან ამოქმედდება. მთავრობის მიერ საკანონმდებლო ინიციატივით წარდგენილი კანონპროექტი „მაღალმთიანი რეგიონების განვითარების შესახებ“ საქართველოს პარლამენტმა მესამე მოსმენით მიიღო.
ძველად ქობულეთში იშვიათად შეხვდებოდით სახლს, რომელსაც ბუხარი არ ჰქონდა. ხშირად საცხოვრებელს ოსტატები ისე აგებდნენ, ერთ სახლში რამდენიმე ბუხარიც კი იყო აშენებული. ბუხარს ქობულეთელისთვის დიდი მნიშვნელობა ჰქონდა.
ბათუმში, თიბისი გალერაში, 30 აგვისტოს ცნობილი ფოტოგრაფისა და ოპერატორის, რეზო კეზელის გამოფენა გაიმართება სახელწოდებით – „კაცი აკორდეონით“.
