Tag Archives: ქედა

ქედის მუნიციპალიტეტში, გამარჯვების პარკის მიმდებარედ, მდინარეების – აჭარისწყლისა და აკავრეთას შესართავთან ნაპირგამაგრების სამუშაოები მიმდინარეობს. მთლიანობაში 1195 მეტრი სიგრძისა და 5 მეტრი სიმაღლის გაბიონის მოსაწყობად მილიონ 737 000 ლარი ადგილობრივი ბიუჯეტიდან დაიხარჯება. მშენებლობით სამუშაოებს ქედის გამგეობის მიერ გამოცხადებულ ელექტრონულ ტენდერში გამარჯვებული შპს „ზიმო – 7“ ასრულებს. ქედის გამგეობის სივრცითი მოწყობის, არქიტექტურისა და მშენებლობის სამსახურის უფროსი კონსტანტინე …

Continue reading “მილიონ 737 000 ლარი ნაპირგამაგრებისთვის ქედაში”

 

დღეს, 25 ნოემბერს ქედის მუნიციპალიტეტის გამგეობის სააქტო დარბაზში 2016 წლისადგილობრივი ბიუჯეტის პროექტი საჯაროდ განიხილეს. მომავალიწლის პირველადი ბიუჯეტის პროექტი 8 მილიონ 698 500  ლარით განისაზღვრა. 2016 წლის პრიორეტეტები აუდიტორიას, ქედის მუნიციპალიტეტის გამგეობის მთავარმა ფინასისტმა ჯემალ ტაკიძემ გააცნო, ბიუჯეტთან დაკავშირებულ კითხვებს მთავარ ფინასისტთან ერთად კი მუნიციპალიტეტის გამგებელი დავით დუმბაძე პასუხობდა.

 

გასული წლის ივლისიდან გამგებლის მოადგილის პოზიცია ქედის მუნიციპალიტეტის გამგეობაში ვაკანტურია. საჯარო სამსახურის შესახებ მოქმედი კანონმდებლობით აღნიშნული პოზიცია კონკურსს არ ექვემდებარება და გამგებლის მოადგილის დანიშვნა-გათავისუფლების უფლებამოსილება ერთპიროვნულად მუნიციპალიტეტის გამგებელს აქვს.

 

 

ბათუმი-ახალციხის ცენტრალურ მაგისტრალზე წლის განმავლობაში ყოველთვის ხდება რამდენიმე ისეთი ავტოავარია, რომელიც ადამიანების მსხვერპლით სრულდება. ავარიები, ძირითადად, გადამეტებული სიჩქარით არის გამოწვეული. გასულ წელს მაგისტრალზე 36 სიჩქარის შემანელებელი, ეგრეთ წოდებული „მწოლიარე პოლიციელი“ მოაწყო სახელმწიფომ. მათი დიდი ნაწილი უკვე აყრილია. ქედის გამგეობა ცენტრალური საავტომობილო გზის ქედის მონაკვეთზე მათ ნაცვლად რადარების დამონტაჟებას გეგმავდა, თუმცა წელს ამ პროექტის განხორციელებას ვეღარ ახერხებენ.

 

ხელისუფლებას სოფლებში ნარჩენების მართვაზე კონკრეტული სამოქმედო გეგმა არ აქვს გაწერილი. ადგილობრივი მუნიციპალიტეტები კი, მწირი ბიუჯეტის გამო, პრობლემის გადაჭრას ვერ ახერხებენ. ვიდრე ხელისუფლება პრობლემის გადაჭრას დაიწყებს, მოსახლეობა ნაგავს სოფლის მდინარეებსა და ხევებში ყრის.

 

ქედის მუნიციპალიტეტში ინფრასტრუქტურულ პროექტებზე ხელახალი ტენდერის გამოცხადება ობიექტის ჩაბარების შემდეგაც ხდება საჭირო. კომისია ობიექტს იბარებს, რამდენიმე თვეში კი ტენდერი იმავე ობიექტის შესაკეთებლად ისევ ცხადდება და, შესაბამისად, თანხაც იხარჯება. საკრებულოს ოპოციზია გამგეობას აკრიტიკებს, თუმცა ქედის გამგეობაში პრობლემას ვერ ხედავენ.

 

დღეს, 30 ოქტომბერს, ქედის მუნიციპალიტეტის საკრებულომ, მორიგ სხდომაზე ქედის მუნიციპალიტეტის საჯარო მოხელეთა 2016 წლის სასწავლო გეგმა დაამტკიცა, რომლის მიხედვითაც მომავალ წელს ქედის გამგეობასა და საკრებულოს აპარატში დასაქმებული 16 საჯარო მოხელე გადამზადდება. ამისთვის 17 250 ლარი დაიხარჯება. 

 

ქედის „ზრდასრულთა განათლების ცენტრში“ სამკითხველო დარბაზი გაიხსნა. დარბაზს 200 – მდე წიგნი გუშინ, 17 ოქტომბერს საქართველოს პარლამენტის ეროვნული ბიბლიოთეკის გენერალურმა დირექტორმა გიორგი კეკელიძემ გადასცა.
ა(ა)ი.პ. ქედის ზრდასრულთა განათლების ცენტრის დირექტორი დავით ანანიძე ამბობს, რომ სამომავლოდ ბიბლიოთეკის წიგნადი ფონდი გაფართოვდება, არსებული ლიტერატურა კი თითქმის ყველა ჟანრს მოიცავს, ყველა კატეგორიის ადამიანზეა გათვლილი და ნებისმიერ ადამიანს მოემსახურება.

 

აჭარის სოფლის მეურნეობის სამინისტრო 2016 წელს მიზნობრივი პროგრამის ფარგლებში 100 ჰექტარ მიწაზე თხილის ბაღების გაშენებას დააფინანსებს. პროგრამით მოსარგებლე ბენეფიციარებს ანაკლიური ჯიშის თხილის ნერგსა და ბიოორგანულ სასუქს გაზაფხულზე გადასცემენ. ვინ ისარგებლებს სახელმწიფოს მიზნობრივი პროგრამით – ამ საკითხზე სამინისტროში იმსჯელებენ, საბოლოო გადაწყვეტილებას კი შესაბამისი კომისია მიიღებს.

 

დღეს, 2 ოქტომბერს ქედის კულტურის ცენტრში პოეტისა და საზოგადო მოღვაწის შოთა ანანიძის 80 წლისადმი მიძღვნილი საიუბილეო საღამო გაიმართა. საიუბილეო საღამოზე მწერლებმა და სკოლის მოსწავლეებმა პოეტის ლექსები წაიკითხეს, კულტურის ცენტრთან არსებულმა ანსამბლებმა კი თავიანთი ხელოვნება უჩვენეს მაყურებელს და ფოლკლორული ნომრები შეასრულეს.

 

მსხვილფეხა თუ წვრილფეხა საქონლიდან ადამიანზე გადამდები უამრავი დაავადებაა აღრიცხული.  ასეთი დაავადება ადამიანს დასნებოვნებული პირუტყვის რძისა და ხორცის მიღებით გადაეცემა. მსგავსი შემთხვევების თავიდან ასაცილებლად აუცილებელია ცხოველთა დროული ვაქცინაცია და კონტროლი.

 

ქედის მუნიციპალიტეტში მცხოვრებ იმ ოჯახებს,  რომელთა საცხოვრებელი სახლები 2012 წელს განვითარებული მიწისძვრის დროს დაზიანდა, დაპირებული კომპენსაცია ამ დრომდე არ  მიუღიათ.

 

დღეს, 31 ივლისს, ხელვაჩაურის პროკურატურისა და შსს ქედის სამმართველოს თანამშრომლები, ქედის მუნიციპალიტეტის სააქტო დარბაზში, სოფელ ორცვასა და ძენწმანში მცხოვრებ მოსახლეობას შეხვდნენ და ტრეფიკინგის თემაზე ესაუბრეს.