ქედაში ექთანი პაციენტებს არ ემსახურება – სამინისტრო ინფორმაციას გადაამოწმებს


22 მარტს, აჭარის ჯანდაცვის სამინისტროსა და ქედაში დასაქმებულ ექიმებს შორის შეხვედრაზე გაჟღერდა ინფორმაცია, რომ ქედის მუნიციპალიტეტის ერთ-ერთი სოფლის მედპუნქტის ექთანი პირადი უთანხმოების გამო პაციენტებს არ ემსახურება. ქედის გამგებელი აღნიშნულთან დაკავშირებით აცხადებს, რომ მომხდარ ფაქტს კიდევ ერთხელ გადაამოწმებენ და შესაბამის რეაგირებას მოახდენენ.

12422290_981104318651941_1918688202_o

„ექთანს მოსახლეობასთან ცუდი პირადი დამოკიდებულება აქვს, რისთვისაც მასზე დაკისრებულ მოვალეობას არაჯეროვნად ასრულებს. ჩვენ სოფლის მედპუნქტებში ექთნების მუშაობასთან დაკავშირებით მოსახლეობას გამოვიკითხავთ და აღნიშნულ ფაქტსაც კიდევ ერთხელ გადავამოწმებთ“ – აცხადებს ქედის გამგებელი დავით დუმბაძე და დასძენს, რომ პირველადი ჯანდაცვის ცენტრებში არსებული საჭიროებები შეისწავლეს და პრობლემების მოსაგვარებლად საჭირო თანხას მომავალი წლის ბიუჯეტში გაითვალისწინებენ.

აჭარის ჯანდაცვის მინისტრის მოადგილე ლევან გორგილაძემ განაცხადა, რომ თემის სამედიცინო ცენტრის მედდებთან დაკავშირებით ვერცერთ შენიშვნას ვერ მიიღებს ფაქტის გადამოწმების გარეშე და ყველა ფაქტს გამოიკვლევენ.

„ჩვენ გვინდა ექიმისა და ექთნის მუშაობით კმაყოფილი იყოს მოსახლეობა, მონიტორინგი მნიშვნელოვანია იმისთვის, რომ ვიცდეთ, როგორ მუშაობს თემის სამედიცინო პუნქტები. აჭარა ერთადერთი რეგიონია, სადაც თემის სამედიცინო პუნქტები ფუნქციონირებს, რაც შეეხება გაჟღერებულ ინფორმაციას, ჩვენ გადავამოწმებთ“ – აცხადებს ლევან გორგილაძე.

ქედის მუნიციპალიტეტში ცხრა ამბულატორია ფუნქციონირებს, სადაც 11 ექიმი მუშაობს.

12422354_981104291985277_393159199_o

შეხვედრა ქედაში ექიმებთან

ნეტგაზეთის მასალების სხვა გამოცემებში გადაბეჭდვის წესი
ავტორი