ქედის მუნიციპალიტეტში წელს კიდევ ერთი ახალი საბავშვო ბაგა-ბაღი აშენდება. სოფელ ოქტომბერში ბაგა-ბაღის მშენებლობისთვის გამგეობამ ელექტრონული ტენდერი 15 იანვარს 347 337 ლარზე გამოაცხადა.
შესყიდვის სახელნწიფო ვებგვერდის მიხედვით, საბავშვო ბაღის მშენებლობაზე გამოცხადებულ ტენდერში წინადადების მიღება 31 დეკემბერს დაიწყება. ტენდერი 5 თებერვალს დასრულდება, შესაბამისად, ამის შემდეგ გახდება ცნობილი ვინ ააშენებს ბაგა-ბაღს სოფელ ოქტომბერში.
სატენდერო პირობების მიხედვით, ქედის გამგეობის მიერ ბაღის ასაშენებლად გამოცხადებულ ტენდერში მონაწილეობა მხოლოდ იმ კომპანიას შეეძლება, რომელსაც 2013 წლის 1 იანვრიდან 2015 წლის 31 დეკემბრამდე არანაკლებ 1000 000 ლარის ღირებულების მსგავსი სამუშაოები ჰქონდა შესრულებული.
